Murli du jour du jeudi 5 mai 2022

05-05-2022 praatahmurli om shanti "baapdaada"' madhuban

“meethe bachche - tum baap ki shreemat par chalo to tumhein koi bhi duhkh de nahin sakta, duhkh takleeph dene vaala raavan hai jo tumhaare raajya mein hota nahin''

prashn:- is gyaan yagya mein tum bachche kaun si aahuti dete ho?

uttar:- is gyaan yagya mein tum koi til jaun ki aahuti nahin dete, ismen tumhein deh sahit jo kuchh bhi hai woh sab aahuti deni hai arthaat buddhi se sab bhula dena hai। is yagya ki sambhaal pavitra rahne vaale brahman hi kar sakte hain। jo pavitra brahman bante vahi phir brahman so devta bante hain।

geet:- tumhein paake hamne jahaan…

om shanti। bachche aaye hain baap ke paas। bachche zaroor aayenge hi tab, jab baap ko pahchaan kar baap kahenge। nahin to aa hi nahin sakte। bachche jaante hain ham jaate hain niraakaari behad baap ke paas, unka naam shivbaaba hai। unko apna shareer nahin hai, unka koi bhi dushman ban nahin sakta। yahaan dushman bante hain to raajaaon ko maar daalte hain। gaandhi ko maara, kyonki unka to shareer tha। baap ko to apna shareer hai nahin। maarne chaahenge woh bhi usko jismen pravesh karta hoon। aatma ko to koi maar kaat nahin sakte। to jo mujhe yathaartha reeti jaante hain, unko hi raajya-bhaagya deta hoon। unhon ke raajya-bhaagya ko koi jala nahin sakta। na paani dubo sakta, kisi bhi haalat mein।

tum bachche baap se varsa lene aaye ho avinaashi raajdhaani ka। jisko koi bhi duhkh athva takleeph de na sake। vahaan takleeph dene vaala koi hota hi nahin। takleeph dene vaala hai raavan। raavan ko 10 sheesh bhi dikhaate hain। sirf raavan dikhaate hain, madodri dikhaate nahin। sirf naam rakh diya hai ki raavan ki stri thi। to yahaan raavan raajya mein tumko takleeph ho sakti hai। vahaan to raavan hota nahin। baap to hai niraakaar, unko koi maar kaat nahin sakta। tumko bhi aisa banaate hain jo tumko shareer hote bhi koi duhkh na ho sake। to aise baap ki mat par chalna pade। baba hi gyaan ka saagar hai, aur koi yeh gyaan de nahin sakte। brahma dvaara sabhi shaastron ka saar samjhaate hain। brahma hai shivbaaba ka bachcha। aise nahin ki vishnu ki naabhi se brahma nikla। agar naabhi kahen to shivbaaba ki naabhi-kamal se nikla। tum bhi shiv ki naabhi se nikle ho। baaki chitra to sab wrong hain। ek hi baba righteous hai। raavan unrighteous bana dete hai। yeh khel hai। is khel ko tum hi jaante ho। kab se raavanraajya shuru hua, kaise manushya girte-girte gir hi gaye, oopar koi bhi chadh na sake। baap ke paas jaane ka jo raasta bataate woh aur hi jangal mein daal dete hain kyonki raasta jaante hi nahin hain - baba ke ghar aur svarga ka। jo bhi guru aadi hain, sab hain hathayogi। gharbaar chhod dete hain। baba chhudaate nahin hain। kehte hain pavitra bano। kumaar aur kumaari pavitra hain। dropdi pukaarti hai ki baba hamko bachaao। ham pavitra bankar krishnapuri mein jaane chaahte hain। kanyaayen bhi pukaarti hain, maa baap tang karte hain, maarte hain ki shaadi karni hi hogi। pahle maa baap kanya ke paanv padte hain, kyonki khud ko patit aur kanya ko paavan samajhte hain। pukaarte bhi hain - he patit-paavan aao। ab baba kehte hain kumaariyaan patit na bano। nahin to phir pukaarna padega। tumko apne ko bachaana hai। baba aaya hi hai paavan banaane। kehte hain svarga ki baadshaahi ka varsa dene aaya hoon isliye pavitra banna pade। patit banenge to patit hokar marenge। svarga ke sukh dekh nahin sakenge। svarga mein to bahut mauj hai। heere javaahron ke mahal hain। vahi raadhe krishna phir lakshmi-naaraayan bante hain। to lakshmi-naaraayan ko bhi itna pyaar karna chaahiye। achha krishna ko pyaar karte phir raadhe ko kyon gum kar diya hai? krishna janmaashtami par krishna ko jhoola jhulaate ho। maataayen krishna ko bahut pyaar karti hain, raadhe ko nahin। aur phir brahma jo krishna banne vaala hai unki itni pooja nahin hai। jagat amba ki to bahut pooja karte hain, jo sarasvati brahma ki beti hai। aadi dev brahma ka sirf ajmer mein mandir hai। ab mama hai gyaan gyaaneshvari। tum jaante ho woh braahmani hai, woh koi svarga ki aadi devi nahin hai। na koi 8 bhujaayen hain। mandir mein 8 bhujaayen dikhaai hain। baap kehte hain maaya ke raajya mein jhooth hi jhooth hai। ek baap hi satya hai jo sach bataate hain, manushya se devta banaane ke liye। us jismaani braahmanon dvaara to tum kathaayen aadi sunte-sunte is haalat mein pahunch gaye ho। ab maut saamne khada hai। baba kehte hain jab jhaad ki jadajdeebhoot avastha hoti hai tab kaliyug ke ant mein kalpa ke sangamayug par main aata hoon। main yuge-yuge nahin aata hoon। main kachchha machchha avtaar, vaaraah avtaar nahin leta hoon। main kan-kan mein nahin rehta hoon। tum aatmaayen bhi kan-kan mein nahin jaati ho to main kaise jaaoonga। manushya ke liye kehte hain, woh jaanvar bhi bante hain। woh to anek yoniyaan hain, ginti kar hi nahin sakte hain। baap kehte hain right baat ab main tumko samjhaata hoon। ab judge karo 84 laakh janma satya hain ya jhooth? is jhoothi duniya mein sach kahaan se aaya? sach to ek hi hota hai। baap hi aakar satya asatya ka nirnay karte hain। maaya ne sabko asatya bana diya hai। baap aakar sabko satya banaate hain। ab judge karo - right kaun? tumhaare itne guru gosaai right ya ek baap right? ek righteous baba hi righteous duniya ki sthaapna karte hain। vahaan bekaayde koi kaam hota hi nahin। vahaan kisko vish nahin milta।

tum jaante ho ham bhaaratvaasi barobar devi-devta the। ab patit ban gaye hain। pukaarte bhi hain he patit-paavan aao। yatha raaja raani tatha praja sab patit hain tab to lakshmi-naaraayan aadi ko poojte hain na। bhaarat mein hi pavitra raajaayen the, ab apvitra hain। pavitra ko poojte hain। ab baba aakar tumko mahaaraaja mahaaraani banaate hain। to purooshaartha karna chaahiye। baaki 8 bhuja vaala to koi hai nahin। lakshmi-naaraayan ko bhi do bhujaayen hain। chitron mein phir naaraayan ko saanvara, lakshmi ko gora dikhaate hain। ab ek pavitra, ek apvitra kaise ho sakta, to chitra jhoothe hue na। ab baap samjhaate hain raadhe krishna donon gore the phir kaam chita par baith donon saanvare ho gaye। ek gora, ek saanvara to ho na sake। krishna ko shyaam sundar kehte hain। raadhe ko shyaam sundar kyon nahin kehte hain। yeh pharka kyon rakha hai। joda to ek jaisa hona chaahiye। abhi tum gyaan chita par baithe ho, tum phir kaam chita par kyon baithte ho! bachchon ko bhi yeh purushaartha karaana hai। ham gyaan chita par baithe hain tum phir kaam chita par baithne ki cheshta kyon karte ho। agar purush gyaan uthaata, stri nahin uthaati to bhi jhagda pad jaata hai। yagya mein vighna to bahut padte hain। yeh gyaan kitna lamba chauda hai। jab se baba aaya hai to roodra yagya shuru hua hai। jab tak tum brahman na bano tab tak devta ban nahin sakte। shoodra patit se paavan devta banne ke liye brahman banna padega। brahman hi yagya ki sambhaal karte hain, ismen pavitra banna hai। baaki koi til jaun aadi ikatthe karke nahin rakhne hain, jaise aur log karte hain। aaphat ke samay yagya rachte hain। samajhte hain bhagwan ne bhi aisa yagya racha tha। baap to kehte hain yeh gyaan yagya hai jismen tum aahuti daalte ho। deh sahit jo sab kuchh hai, aahuti deni hai। paisa aadi nahin daalna hai, ismen sab kuchh svaaha karna hai। inke oopar ek kahaani hai। daksha prajaapita ne yagya racha (kahaani) ab prajaapita to ek hai। prajaapita brahma phir daksha prajaapita kahaan se aaya? baap prajaapita brahma dvaara yagya rachte hain। tum sab brahman ho। tumko milta hai daade ka varsa। tum kehte hi ho ham shivbaaba ke paas aaye hain through brahma। yeh shivbaaba ki post office hai। chitthi bhi likho to shivbaaba through brahma। baba ka nivaas ismen hai। yeh sab brahman paavan banne ke liye gyaan yog seekh rahe hain। tum aise nahin kahenge ham patit nahin hain। ham patit hain parantu patit-paavan hamko paavan bana rahe hain aur koi manushya-maatra paavan hain nahin tab to ganga snaan karne jaate hain। abhi tum jaante ho ki ek satguru baba hi humein paavan banaate hain। unki shreemat hai bachche tum mujh ek ke saath apna buddhiyog jodo। judge karo। chaahe un guruon ke paas jaao, chaahe meri mat par chalo। tumhaara to ek hi baap teacher satguru hai। behad ka baap sabhi manushya maatra ko kehte hain aatma-abhimaani bano। devtaayen aatma-abhimaani hote hain। yahaan to yeh gyaan kisi mein hai nahin। sannyaasi to kah dete hain aatma so paramatma। aatma brahm tatva mein leen ho jaati hai। aisi baaten sunte-sunte tum kitne duhkhi patit ban pade ho। bhrashtaachaari patit unko kaha jaata hai jo vikaar se paida hote hain। woh raavan raajya mein bhrashtaachaari kaam hi karte hain। phir gul-gul banaane ke liye baap ko hi aana padta hai। bhaarat mein hi aate hain। baap kehte hain tumko gyaan aur yog sikhlaata hoon। 5 hajaar varsha pahle bhi yeh tumko sikhlaakar svarga ka maalik banaaya tha phir se banaata hoon। kalpa-kalpa main aata hi rehta hoon। iski na aadi hai, na ant hai। chakra chalta hi rehta hai। pralay ki to baat hi nahin। tum bachche is samay in avinaashi gyaan ratnon se jholi bharte ho। shivbaaba ko kehte hain bam-bam mahaadev। bam-bam arthaat shankhadhvani kar hamaari jholi bhar do। knowledge buddhi mein rehti hai na। aatma mein hi sanskaar hain। aatma hi padhkar engineer, barrister aadi banti hai। abhi tum aatmaayen kya banengi? kehte ho baba se varsa lekar lakshmi-naaraayan banenge। aatma punarjanma to zaroor leti hai। yeh samajhne ki baaten hain na। koi ko sirf yeh do akshar kaan mein daalo - tum aatma ho, shivbaaba ko yaad karo to svarga ki baadshaahi milegi। kitna sahaj hai। ek hi baap satya bataate hain, sabko sadgati dete hain। baaki sab jhooth bataakar durgati hi karenge। yeh shaastra aadi bhi sab baad mein bane hain। bhaarat ka shaastra ek hi geeta hai। kehte hain parampara se yeh chale aaye hain। parantu kab se? samajhte hain srishti ko laakhon varsha hue। achha।

tum bachche baba ke liye angoor le aate ho। tum hi laate ho tum hi khaate ho, main nahin khaata hoon। main to abhokta hoon। satayug mein bhi tumhaare liye mahal banaate hain। yahaan bhi tumko naye mahal mein rakhta hoon, ham to puraane mein hi rehte hain। yeh wonderful baba hai। yeh baap bhi hai to mehmaan bhi hai। baambe mein jaaye to mehmaan kahenge na। yoon to yeh bahut bada saari duniya ka mehmaan hai। inko aane aur jaane mein der nahin lagti hai। mehmaan bhi wonderful hai। doordesh ke rahne vaale aaye desh paraaye। to mehmaan hua na। aate hain tumko gul-gul (phool) banaae varsa dene। kaudi se heere jaisa banaane। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) avinaashi gyaan ratnon ki dhaarna kar shankh-dhvani karni hai। sabko yeh gyaan ratna dene hain।

2) satya aur asatya ko samajhkar satya mat par chalna hai। koi bhi bekaayde karma nahin karna hai।

vardaan:- buddhi ko busy rakhne ki vidhi dvaara vyartha ko samaapta karne vaale sada samartha bhav

sada samartha arthaat shaktishaali vahi banta hai jo buddhi ko busy rakhne ki vidhi ko apnaata hai। vyartha ko samaapta kar samartha banne ka sahaj saadhan hi hai - sada busy rehna isliye roz savere jaise sthool dincharya banaate ho aise apni buddhi ko busy rakhne ka time-table banaao ki is samay buddhi mein is samartha sankalp se vyartha ko khatma karenge। busy rahenge to maaya door se hi vaapas chali jaayegi।

slogan:- duhkhon ki duniya ko bhoolna hai to parmaatma pyaar mein sada khoye raho।