Murli du jour du samedi 7 mai 2022

07-05-2022 praatahmurli om shanti "baapdaada"' madhuban

“meethe bachche - ab baap samaan dehi-abhimaani bano, baap ki yahi chaahna hai ki bachche mere samaan ban mere saath ghar mein chalen''

prashn:- tum bachche kis baat ka wonder dekhte baap ki shukriya gaate ho?

uttar:- tum wonder dekhte baba kaise apni farja-adaai nibha rahe hain। apne bachchon ko raajayog sikhlaae laayak bana rahe hain। tum bachche andar hi andar aise meethe baba ki shukriya gaate ho। baba kehte yeh shukriya shabd bhi bhakti maarga ka hai। bachchon ka to adhikaar hota hai, ismen shukriya ki bhi kya baat। drama anusaar baap ko varsa dena hi hai।

geet:- jiska saathi hai bhagwan…

om shanti। yeh geet hai bachchon ke liye। jiska saathi sarva shaktimaan parampita paramatma hai, unko maaya ki odhi va toofaan kya kar sakta hai। woh odhi nahin, maaya ke toofaan aatma ki jyoti ko bujha dete hain। ab jagaane vaala saathi mila hai, to maaya kya kar sakti hai। naam hi rakha jaata hai mahaaveer, maaya raavan par vijay paane vaale। kaise vijay paani hai? so to bachche saamne baithe hain। baapdaada baithe hain। daade aur baap ko pita aur pitaamah kehte hain। to ho gaye baapdaada। bachche jaante hain ki roohaani baap hamaare saamne baithe hain। roohaani baap roohon se hi baat karenge। aatma hi organs dvaara sunti hai, bolti hai। tum bachchon ko deh-abhimaani hone ki aadat pad gai hai। aadha kalpa deh-abhimaan mein rehte ho। ek shareer chhod doosra shareer liya। shareer par naam padta hai, koi kahega main parmaanand hoon, koi ka naam kya, koi ka kya.....baba kehte hain main sadaiv dehi-abhimaani hoon। mujhe kabhi deh nahin milti to mujhe kabhi deh-abhimaan nahin ho sakta। yeh deh to is daada ki hai। main sadaiv dehi-abhimaani hoon। tum bachchon ko bhi aap samaan banaane chaahta hoon kyonki ab tumko mere paas aana hai। deh-abhimaan chhodna hai। time lagta hai। bahut samay se deh-abhimaan mein rahne ka abhyaas pada hua hai। abhi baap kehte hain is deh ko bhi chhodo, mere samaan bano kyonki tumko mera guest banna hai। mere paas vaapis aana hai, isliye kehta hoon ki pahle apne ko aatma nishchay karo। yeh main aatmaon se hi bolta hoon। tum baap ko yaad karo to woh drishti khatma ho jaaye। mehnat hain ismen। ham aatmaon ki service kar rahe hain। aatma sunti hai organs dvaara, main aatma tumko baba ka sandesh de raha hoon। aatma to na apne ko mel, na female kahegi। mel female shareer se naam padta hai। woh to hai hi param aatma। baap kehte hain he aatmaayen sunti ho? aatma kehti hai haan sunti hoon। tum apne baap ko jaante ho, woh sabhi aatmaon ka baap hai। jaise tum aatma ho vaise hi main tumhaara baap hoon, jisko parampita paramatma kaha jaata hai, unko apna shareer nahin hai। brahma, vishnu, shankar ko apna aakaar hai। aatma ko aatma hi kahenge। mera naam to shiv hai। shareer par to bahut naam padte hain। main shareer nahin leta hoon, isliye mera koi shaareerik naam nahin hai। tum saaligraam ho। tum aatmaon ko kehte hain ki he aatmaayen sunti ho? yeh tumko ab practice karni pade, dehi-abhimaani ho rahne ki। aatmaayen sunti aur bolti hain in organs dvaara, baap baith aatmaon ko samjhaate hain। aatma besmajh ho gai hai kyonki baap ko bhool gai hai। aise nahin ki shiv bhi paramatma hai, krishna bhi paramatma hai। woh to kehte patthar-thikkar sab paramatma hain। saari srishti mein ulta gyaan phaila hua hai। bahut to samajhte bhi hain ki ham bhagwan baap ke bachche hain। lekin majority sarvavyaapi kahne vaale niklenge। is duban se sabko nikaalna hai। saari duniya hai ek taraph, baap hai doosre taraph। baap ki mahima gaai hui hai। aho prabhu teri leela... aho meri mat jisse gati athva sadgati milti hai। sadgati daata to ek hi hai। manushya gati sadgati ke liye kitna maatha maarte hain। yeh ek hi satguru hai jo mukti, jeevan mukti donon hi dete hain।

baap kehte hain in saadhu santa aadi sabki sadgati karne ke liye mujhe aana padta hai। sabki sadgati karne vaala main ek hi hoon। aatmaon se baat karta hoon। main tumhaara baap hoon aur koi yeh kah na sake ki tum sabhi aatmaayen meri santaan ho। woh to kah dete ki eeshvar sarvavyaapi hai। to phir aise kabhi kah na saken। yeh to khud baap kehte hain ki main aaya hoon - bhakton ko bhakti ka phal dene। gaayan bhi hai - bhakton ka rakhvaala bhagwan ek hai। sabhi bhakta hain, to zaroor bhagwan alag cheez hai। bhagat hi agar bhagwan hon to unhein bhagwan ko yaad karne ki darkaar nahin। apni-apni bhaasha mein paramatma ko koi kya kehte, koi kya। lekin yathaartha naam hai hi shiv। koi kiski glaani karte hain va defame karte hain to un par case karte hain। parantu yeh hai drama, ismen koi ki baat nahin chal sakti। baap jaante hain ki tum duhkhi hue ho phir bhi yeh hoga। geeta shaastra aadi phir bhi vahi niklenge। parantu sirf geeta aadi padhne se to koi samajh na sake। yahaan to samartha chaahiye। shaastra sunaane vaale kiske liye kahen ki mere saath yog lagaane se he bachche tumhaare vikarma vinaash ho jaayenge, yeh kah na saken। ve to sirf geeta pustak padhkar sunaate hain।

abhi tum anubhvi ho, jaante ho ki ham 84 ke chakra mein kaise aate hain। drama mein har ek baat apne samay par hoti hai। yeh baap bachchon se, aatmaon se baat karte hain ki tum bhi aise seekho ki ham aatma se baat karte hain, hamaari aatma is mukh se bolti hai। tumhaari aatma in kaanon se sunti hai। main baap ka paigaam deta hoon, main aatma hoon। yeh samjhaana kitna sahaj hai। tumhaari aatma ek shareer chhod doosra leti hai। aatma ne 84 janma poore kiye hain। ab baap kehte hain agar paramatma sarvavyaapi hota to jeev paramatma kaho na। jeev aatma kyon kehte ho? yeh aatma se baat karte hain। mere bhaai, aatmaayen samajhti ho ki main baap ka sandesh sunaata hoon - 5 hajaar varsha pahle vaala। baap kehte hain mujhe yaad karo। yeh duhkhadhaam hai। satayug hai sukh-dhaam। he aatmaayen tum sukhdhaam mein thi na। tumne 84 ka chakra lagaaya hai। satopradhaan se sato, rajo tamo mein zaroor aana hai। ab phir chalo vaapis shreekrishnapuri mein। chalkar kya banne chaahte ho? mahaaraaja mahaaraani banenge va daas-daasi? aise-aise aatmaon se baat karni chaahiye। umang hona chaahiye। aise nahin ki main paramatma hoon। paramatma to hai hi gyaan ka saagar। woh kabhi agyaan ka saagar banta nahin। gyaan aur agyaan ke saagar ham bante hain। baap se gyaan lekar master saagar bante hain, vaastav mein saagar ek hi baap hai। baaki sab nadiyaan hain। pharka hai na। aatma ko samjhaaya tab jaata hai, jabki aatma besmajh hai। svarga mein thode hi kisko samjhaate hain। yahaan sab besmajh patit aur duhkhi hain। gareeb log hi yeh gyaan aaraam se baith sunenge। saahookaaron ko to apna nasha rehta hai। unhon mein to koi birla niklega। janak raaja ne sab de diya na। yahaan sab janak hain। jeevan-mukti ke liye gyaan le rahe hain। to yeh pakka karna pade ki ham aatma hain। baba ham aapki kitni shukriya maanen। drama anusaar aapko varsa to dena hi hai। hamko aapka bachcha banna hi hai, ismen shukriya kya karen। hamko aapka vaaris to banna hi hai, ismen shukriya ki kya baat hai। baap khud aakar samjhaae laayak banaate hain, bhakti maarga mein mahima karte hain shukriya shabd nikal padta hai। baap ko to apni farja-adaai karni hi hai। aakar phir se svarga mein chalne ka raasta bataate hain। drama anusaar baba ko aakar raajayog sikhlaana hai, varsa dena hai। phir jo jitna purushaartha karenge, us anusaar svarga mein jaayenge। aise nahin ki baba bhej denge। automatically jitna purooshaartha karenge us anusaar svarga mein aa jaayenge। baaki ismen shukriya ki koi baat hai nahin। ab ham wonder khaate hain ki baba ne kya khel dikhaaya hai। aage to ham jaante nahin the, ab jaana hai। kya baba ham phir ye gyaan bhool jaayenge? haan bachche, hamaari aur tumhaari buddhi se gyaan praayahlop ho jaayega। phir samay par emerge hoga, jab gyaan dene ka samay hoga। abhi to ham nirvaandhaam chale jaayenge। phir bhakti maarga mein main part bajaata hoon। aatma mein automatically woh sanskaar aa jaate hain। main kalpa ke baad bhi is hi shareer mein aaoonga, yeh buddhi mein rehta hai। parantu phir bhi tumko to dehi-abhimaani rehna hai। nahin to deh-abhimaani ban padte hain। mukhya baat to yeh hai। baap aur varse ko yaad karo। kalpa-kalpa tum varsa paate ho, purooshaartha anusaar। kitna sahaj kar samjhaate hain। baaki is manzil par chalne mein gupta mehnat hai।

aatma pahle-pahle aati hai to punya aatma satopradhaan hai phir usko paap aatma, tamopradhaan zaroor banna hai। ab phir tumko tamopradhaan se satopradhaan zaroor banna hai। baap ne paigaam diya hai ki mujhe yaad karo। saari rachna ko baap se varsa mil raha hai। sabka sadgati daata hai na। sab par daya karne vaala hai arthaat sarva par raham karne vaala hai। satayug mein koi duhkh nahin hoga। baaki sab aatmaayen shantidham mein jaakar rehti hain। tum bachche jaan gaye ho ki abhi kayaamat ka samay hua hai। duhkh ka hisaab-kitaab chuktu karna hai - yogbal se। phir gyaan aur yogbal se hamko bhavishya sukh ke liye khaata bhi jama karna hai। jitna jama karenge utna sukh paayenge aur duhkh ka khaata chuktu hota jaayega। abhi ham kalpa ke sangam par aakar duhkh ka chaupda chuktu karte hain aur doosri taraph jama karte hain। yeh vyaapaar hai na। baba gyaan ratna de gunvaan bana dete hain। phir jitna jo dhaaran kar sake। ek-ek ratna laakhon ki milkiyat hai, jisse tum bhavishya mein sada sukhi rahenge। yeh hai duhkhadhaam, woh hai sukhdhaam। sannyaasi yeh nahin jaante ki svarga mein sada sukh hi sukh hai। ek hi baap hai jo geeta dvaara bhaarat ko itna oonch banaate hain। woh log kitna shaastra aadi sunaate hain। lekin duniya ko to puraana banna hi hai। devtaayen pahle nai srishti mein raamraajya mein the। abhi devtaayen hain nahin। kahaan gaye? tab 84 janma kisne bhoge? aur kiske bhi 84 janma ka hisaab nikal na sake। 84 janma zaroor devta dharma vaale hi lete hain। manushya to samajhte ki lakshmi-naaraayan aadi bhagwan the। jidhar dekho tu hi tu hai। achha bhala sarvavyaapi ke gyaan se bhi sukhi ho jaate hain kya? yeh sarvavyaapi ka gyaan to chalta aaya hai, phir bhi bhaarat to kangaal, narka ban gaya hai। bhakti ka phal to dena hi hai bhagwan ko। sannyaasi jo khud hi saadhna karte rehte woh phal kya denge? manushya sadgati daata to hain nahin। jo jo is dharma ke honge woh nikal aayenge। aise to bahut sannyaasi dharma mein bhi convert hue hain, woh bhi aayenge। yeh sab samajhne ki baaten hain।

baba samjhaate hain - yeh practice rakhni hai ki main aatma hoon। aatma ke aadhaar par hi shareer khada hai। shareer to vinaashi hai, aatma avinaashi hai। part saara is chhoti aatma mein hai। kitna wonder hai। science vaale bhi samajh na saken। yeh immortal, imperishable part itni chhoti aatma mein hai। aatma bhi avinaashi hai, to part bhi avinaashi hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kalpa ke sangam par yog bal se duhkh ka chaupda (hisaab-kitaab) chuktu karna hai। naya jama karna hai। gyaan ratnon ko dhaaran kar gunvaan banna hai।

2) main aatma hoon, aatma bhaai se baat karta hoon, shareer vinaashi hai। main apne bhaai aatma ko sandesh suna raha hoon, aisi practice karni hai।

vardaan:- shubh bhaavna aur shreshtha bhaav dvaara sarva ke priy ban vijay maala mein pirone vaale vijayi bhav

koi kisi bhi bhaav se bole va chale lekin aap sada har ek ke prati shubh bhaav, shreshtha bhaav dhaaran karo, ismen vijayi bano to maala mein pirone ke adhikaari ban jaayenge, kyonki sarva ke priy banne ka saadhan hi hai sambandh-samparka mein har ek ke prati shreshtha bhaav dhaaran karna। aise shreshtha bhaav vaala sada sabhi ko sukh dega, sukh lega। yeh bhi seva hai tatha shubh bhaavna mansa seva ka shreshtha saadhan hai। to aisi seva karne vaale vijayi maala ke manke ban jaate hain।

slogan:- karma mein yog ka anubhav karna hi karmayogi banna hai।