Murli du jour du mercredi 11 mai 2022

11-05-2022 praatahmurli om shanti "baapdaada"' madhuban

“meethe bachche - tum hi bahutkaal se bichhude hue ho, tumne hi poore 84 janmon ka part bajaaya, ab tumhein duhkh ke bandhan se sukh ke sambandh mein jaana hai, to apaar khushi mein raho''

prashn:- apaar khushi kin bachchon ko sada rah sakti hai?

uttar:- jinhen nishchay hai ki 1- baba humein vishwa ka maalik banaane aaya hai। 2- hamaara sachcha baba vahi geeta ka sachcha-sachcha gyaan sunaane aaya hai। 3- ham aatma ab eeshvar ki god mein baithe hain। ham aatma is shareer sahit baap ki bani hoon। 4- baba humein bhakti ka phal (sadgati) dene aaya hai। 5- baba ne humein trikaaldarshi banaaya hai। 6- bhagwan ne humein maa bankar adopt kiya hai। ham godly student hain। jo is smriti va nishchay mein rehte unhein apaar khushi rehti hai।

om shanti। bachchon ko nishchay hai ki ham aatma hain। baba bhagwan hamko padha raha hai। to bachchon ko bahut khushi honi chaahiye। sammukh aane se aatma samajhti hai ki baba aaya hua hai - sabki sadgati karne। sarva ke sadgati daata jeevan-mukti daata vahi hain। bachche jaante hain - maaya ghadi-ghadi bhula deti hai। parantu yeh to samajhte hain na - ham baba ke sammukh baithe hain। niraakaar baba is rath par savaar hain। jaise musalmaan log patka ghode par rakhte hain। kahenge is ghode par muhammad ki savaari thi। nishaani rakh dete hain। yahaan to hai niraakaar baba ki praveshta। bachchon ko bahut khushi honi chaahiye। svarga ka maalik banaane vaala baba va vishwa ka maalik banaane vaala baba aa gaya hai। baba hai geeta ka sachcha-sachcha bhagwan। aatma ki buddhi baap ki taraph chali jaati hai। yeh hai aatmaon ka lav baap ke saath। yeh khushi kinhon ko chadhti hai? jo bahutkaal se alag hue hain। baba khud bhi kehte hain mainne tumko sukh ke sambandh mein bheja tha, ab duhkh ke bandhan mein ho। tum abhi samajhte ho sab to 84 janma nahin lete। 84 laakh ka chakra to koi ki buddhi mein baith na sake। baba ne 84 ka chakra bilkul theek bataaya hai। baba ke bachche 84 janma lete rehte hain। abhi to tum jaante ho ham aatma in organs dvaara sunte hain। baba is mukh dvaara suna rahe hain। khud kehte hain mujhe in organs ka aadhaar lena padta hai, inka naam brahma rakhna pade। prajaapita brahma to manushya chaahiye na। sookshm vatan mein thode hi kahenge prajaapita brahma। sthool vatan mein aakar kehte hain main is brahma tan mein pravesh kar tumko adopt karta hoon। tum jaante ho ham aatmaayen eeshvar ki god mein jaati hain। shareer bigar to god ho na sake। aatma kehti hai main shareer dvaara unki banti hoon। yeh shareer usne loan liya hai। yeh jeev (shareer) unka nahin hai। paramatma ne inmen pravesh kiya hai। tum aatma bhi shareer mein pravesh hui ho na! yeh baba bhi kehte hain - main bhi ismen hoon, kabhi bachcha ban jaata hoon, kabhi maa bhi ban jaata hoon। jaadoogar hai na। kai phir is khelpaal ko jaadoogri samajhte hain। duniya mein jhoothi riddhi siddhi ka kaam bahut chalta hai। krishna bhi ban jaate hain, jinka bhaav krishna mein hoga to unko jhat krishna dikhaai padega। unko maan lenge phir unke followers bhi ban jaayenge। yahaan to saari gyaan ki baat hai। pahle yeh pakka nishchay chaahiye ki main aatma hoon aur baba to kehte hain main tumhaara baap hoon, tum bachchon ko trikaaldarshi banaata hoon। aisi knowledge koi de na sake। bhakti maarga ka jab ant hota hai tab baap ko aana padta hai। bhal bahuton ko shiv ke ling ka, akhanda jyoti swaroop ka saakshaatkaar hota hai। jaisi jiski bhaavna hoti hai to woh main poori karta hoon। parantu mere se koi milta hi nahin। mere ko to pahchaante hi nahin hain। abhi to tum samajhte ho baba bhi bindi hai, ham bhi bindi hain। hamaari aatma mein yeh knowledge hai, tumhaari aatma mein bhi knowledge hai। yeh kisko maaloom nahin hai ki ham aatma paramdham mein rahne vaali hain। jab tum baba ke saamne aakar baith jaate ho to romaanch khade ho jaate hain। oho! shivbaaba jo gyaan ka saagar hai woh ismen baith hamko padhaate hain। baaki krishna va gopiyon ki to baat hi nahin hai। na yahaan, na satayug mein honge। vahaan to har ek prince apne mahlon mein rehte hain। in sab baaton ko vahi samjhenge jo aakar baap se varsa lenge। to yeh khushi bhi andar rahni chaahiye। kehte bhi hain tum maat pita… parantu iska bhi arth nahin samajhte hain। pita to theek hai phir maata kisko kaha jaata hai। maata to zaroor chaahiye। is maata ki koi maata ho na sake। yeh raaz bada samajhne ka hai aur baap ko yaad karna hai। baap kehte hain tumhaare mein bhi koi avgun nahin hona chaahiye। gaate bhi hain mujh nirgun haare mein koi gun naahi। ab bachchon ko gunvaan banna pade। koi kaam nahin, koi krodh nahin। deh ka ahankaar bhi nahin chaahiye।

is samay tum yahaan baithe ho, jaante ho ham yahaan hain phir murjhaais aadi kyon aani chaahiye। parantu yeh paripakva avastha ant mein hi hogi। gaaya bhi hua hai ateendriy sukh poochhna ho to gop gopiyon se poochho। yeh ant mein hoga, aise koi kah nahin sakta ki ham 75 pratishat ateendriy sukh mein rehte hain। is samay paapon ka bojha bahut hai। guru kripa se va ganga snaan se paap nahin kat sakte hain। baap ant mein hi aakar knowledge dete hain। dikhaate hain kanya dvaara baan marvaaye aur mar gaye। phir marne ke samay ganga jal pilaaya। tum yahaan jab behosh ho jaate ho to tumko baba ki yaad dilaai jaati hai। maamekam, yeh bachchon ko aadat pad jaani chaahiye। aise nahi koi yaad karaaye। shareer chhodne ke samay aapehi yaad aave, bigar kiski madad ke baap ko yaad karna hai। ve log to mantra dete hain। woh to common baat hai। us samay bahut maaraamaari aadi hoti hai। tum bhinna-bhinna sthaan par rehte ho। us samay aise nahin kahenge shiv-shiv kaho। us samay poori yaad chaahiye, lav chaahiye, tab hi number one pad praapta kar sakenge। tum bachche jaante ho main tumhaara baap hoon, kalpa pahle bhi tum bachchon ko gul-gul banaaya tha। satayug mein yogbal se phool bachche paida honge। duhkh dene vaali cheez koi vahaan hoti nahin। naam hi hai svarga। parantu vahaan kaun nivaas karte hain - yeh bhaarat-vaasi jaante hi nahin। shaastron mein aisi bahut baaten likh di hain ki vahaan bhi hiranyakashyap aadi the - yeh sab hai bhakti ki saamagri। bhakti bhi pahle satopradhaan hoti hai, peechhe dheere-dheere tamopradhaan hoti jaati hai।

baap kehte hain main tumko aasmaan par chadhaata hoon। tum dheere-dheere neeche aa jaate ho। manushya koi ki mahima hai hi nahin। sarva ka sadgati daata ek hi baap hai। baaki guru log anek prakaar ki teertha yaatra aadi sikhlaate hain, phir bhi neeche girte rehte hain। bhakti maarga mein meera ko bhal saakshaatkaar hua। parantu woh koi vishwa ki maalik thode hi bani। tumko to baba kehte hain jinna bano। tumko kaam deta hoon sirf alpha, be ko yaad karte raho। agar thak jaayenge, yaad nahin karenge to maaya kachcha kha jaayegi। ek kahaani bhi hai jinna kha gaya। baba bhi kehte hain tum yaad nahin karenge to maaya kachcha kha jaayegi। yaad mein baithne se khushi chadhti hai। baba hamko vishwa ka maalik banaate hain। baba saamne baithe hain। tum aatmaayen sunti ho। meethe laadle bachche main tumko muktidhaam mein le chalne aaya hoon। bhal vaapis jaane ki koshish bahut karte hain, parantu koi ja nahin sakte। kaliyug ke baad satayug, raat ke baad din aana hi hai। tum jaante ho satayug mein ham hi honge। baba phir se hamko raajya bhaagya dete hain। khushi ka paara chadhega ant mein। jab final honge, vinaash ho jaayega। tum saakshi hokar dekhte rahenge। khoone naahek khel hai na। kya gunaah kiya hai, jo maarne liye bombs aadi banaaye hain। marenge to sahi। woh bhi samajhte hain hamko koi prer rahe hain। jo nahin chaahte bhi ham yeh bombs aadi banaate hain। kharcha to bahut hota hai। drama mein noondh hai, inse vinaash hona hi hai। anek dharma beech ek dharma raajya kar na sake। ab anek dharmon ka vinaash ho ek dharma ki sthaapna honi hai।

tum jaante ho ham baba ki shreemat par raajya sthaapan kar rahe hain। woh phir chale jaate hain maidaan par drill aadi seekhne ke liye। samajhte hain marna aur maarna hai। yahaan to woh baat nahin। bahut khushi rahni chaahiye ki baba aaya hai। praacheen bhaarat ka raajayog niraakaar bhagwan ne hi sikhaaya tha। naam badalkar krishna rakh diya hai। sannyaasi log samajhte hain hamaara hi praacheen yog hai। tumko kitna achhi reeti samjhaate hain। bachche mujhe pahchaante ho - main tumhaara baap hoon। mujhe hi patit-paavan, gyaan ka saagar kehte ho। krishna to patit duniya mein aa na sake। krishna ko phir dvaapar mein le gaye hain। kitni galat-phahmi hai, bilkul tamopradhaan ban gaye hain। main aata hi tab hoon - jab sabko muktidhaam mein le jaana hai।

tum jaante ho ham padh rahe hain। ham godly student hain। yeh simran karte raho to romaanch khade ho jaayenge। baba tum bachchon ko gyaan ka garbha dhaaran kara rahe hain। phir tum yeh bhool kyon jaate ho। bachcha paida hua aur baba kahne lag pada। samajh jaate hain ham vaaris hain। to nirantar daade ko yaad karo। baba mat dete hain bachche kaam mahaashatru hai, isne tumko aadi-madhya-ant bahut duhkh diya hai। yeh hai mrityulok, vaishyaalay। raam shivaalay banaate hain, jismen devi-devta dharma ka raajya hota hai। parantu unhonne kaise raajya liya, kab liya, yeh tum ab jaan gaye ho। woh samajhte god goddess kabhi punarjanma nahin lete hain। kis ek bade ko samajh mein aa jaaye to aavaaj phail jaayega। gareeb ki to koi baat nahin sunte। tumhaare mein bhi nambarvaar dhaarna vaale hain। school ek hi hai। teacher ek hi hai। baaki padhne vaale sab nambarvaar hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maaya ke vaar se bachne ke liye jinna ban alpha aur be ko yaad karte rehna hai। sir par jo paapon ka bojha hai use yogbal se utaarna hai। ateendriy sukh mein rehna hai।

2) mukh se sirf shiv-shiv nahin karna hai। baap se sachcha lav rakhna hai। kaanton se phool banaane ki seva mein tatpar rehna hai।

vardaan:- nishchint sthiti dvaara yathaartha judgement dene vaale nishchaybuddhi vijayi-ratna bhav

sada vijayi banne ka sahaj saadhan hai - ek bal, ek bharosa। ek mein bharosa hai to bal milta hai। nishchay sada nishchint banaata hai aur jiski sthiti nishchint hai, woh har kaarya mein saphal hota hai kyonki nishchint rahne se buddhi judgement yathaartha karti hai। to yathaartha nirnay ka aadhaar hai-nishchaybuddhi, nishchint। sochne ki bhi aavashyakta nahin kyonki follow father karna hai, kadam par kadam rakhna hai, jo shreemat milti hai usi pramaan chalna hai। sirf shreemat ke kadam par kadam rakhte chalo to vijayi ratna ban jaayenge।

slogan:- man mein sarva ke prati kalyaan ki bhaavna rakhna hi vishwa kalyaankaari banna hai।

maateshvari ji ke anmol mahaavaakya

is sangam samay par eeshvareey knowledge jo humein mil rahi hai kya yahi knowledge phir se satayug mein milegi? ab is par samjhaaya jaata hai ki satayug mein to ham svayan gyaan swaroop hain। devtaai praalabdha bhog rahe hain, vahaan gyaan ki len den nahin chalti, gyaan ki jarurat hai agyaaniyon ko। satayug mein to sab gyaan swaroop hain, vahaan koi agyaani rehta hi nahin hai, jo gyaan dene ki jarurat rahe। is samay ham saare viraat drama ke aadi madhya ant ko jaante hain। aadi mein ham kaun the, kahaan se aaye aur madhya mein karmabandhan mein phanse phir kaise gire, ant mein hamko karmabandhan se ateet ho karmaateet devta banna hai। abhi jo purushaartha chal raha hai, isse ham bhavishya praalabdha satayugi devta bante hain। agar vahaan hamko yeh maaloom hota ki ham devtaayen girenge to yeh khyaal aane se khushi gaayab ho jaati, to vahaan girne ki knowledge nahin hai। yeh khyaalaat vahaan nahin rehti, hamko is knowledge dvaara ab maaloom pada hai ki hamko chadhna hai aur sukh ki jeevan banaani hai। aadhaakalpa apni praalabdha bhog phir apne aapko vismrit kar maaya ke vash hokar gir jaate hain। yeh chadhna aur girna anaadi bana banaaya khel hai। yeh saari knowledge abhi buddhi mein hai, yeh satayug mein nahin rehti। achha - om shanti।