Murli du jour du mardi 17 mai 2022

17-05-2022 praatahmurli om shanti "baapdaada"' madhuban

meethe bachche - aadhaakalpa tumne jismaani yaatraayen ki, ab roohaani yaatra karo, ghar baithe baap ki yaad mein rehna, yeh hai wonderful yaatra

prashn:- baap ko bachchon ki kis ek baat par bahut wonder lagta hai?

uttar:- jis jaageer ke liye bachchon ne aadhaakalpa dhakka khaaya, pukaarte rahe…, woh jaageer dene vaala jab aaya hai tab unka bankar bhi phaarakti de dete hain to baap ko wonder lagta hai, bachche chalte-chalte oonch chadhne ke bajaae bilkul neeche gir padte hain, yeh bhi kaisa wonder hai।

prashn:- kin bachchon ko baap dvaara bahut achhi dakshina milti hai?

uttar:- jo baap ke rache hue roodra yagya ki achhi sambhaal karte hain aur sada shreemat par chalte hain, unhein baap dvaara bahut achhi dakshina milti hai।

geet:- hamaare teertha nyaare hain...

om shanti। roohaani yaatriyon ne yeh geet suna। tum bachche ho roohaani yaatri। woh jo yaatra par jaate hain unko kaha jaata hai jismaani yaatri। woh jismaani yaatra bhi aadhaakalpa chalti hai। janma by janma tum yaatraayen karte rahe ho। woh jismaani yaatraayen karke phir bhi lautkar ghar mein aa jaate hain। tumhaari yeh hai roohaani yaatra। woh hote hain jismaani pande। tum ho roohaani pande। tum pandon ka ustaad kaun hai? niraakaar parampita paramatma। unko kaha jaata hai paandav sena ka aadi pita। tum jaante ho ham deh-abhimaani the, abhi baap aakar dehi-abhimaani banaate hain, aatmaon ko vaapis ghar le jaane ke liye। ab tum roohaani yaatra par ho, ismen karmendriyon ki baat nahin rehti। yaatra par hamesha pavitra rehte hain phir laut kar aate hain to vikaari ban jaate hain। yaatra par jaana bhi grihasthiyon ko hai। nivritti maarga vaastav mein grihastha dharma se nyaara hai। yaatra par le jaane vaale hamesha brahman hote hain। geet bhi hai - 4 dhaam mein phera kiya, parantu phir bhi baap se door rahe। ab baap yaatra par le jaane ke liye tumko pavitra banaate hain। muktidhaam, jeevan muktidhaam mein le jaayenge, phir is patit duniya mein aana hi nahin hai। woh jismaani teertha karke phir laut aate, aakar gande dhandhe karte hain। yaatra par krodh ki bhi mana karte hain। khaas woh time patit nahin bante hain। chaar dhaam ki yaatra karne mein 3-4 maas lag jaate hain। abhi tum jaante ho ham aatmaayen ja rahi hain। baap ka pharmaan hai jitna ho sake meri yaad mein raho। yeh hai muktidhaam ki yaatra। tum vahaan ja rahe ho। vahaan ke rahvaasi ho। baap roz-roz kehte hain mujhe yaad karo to vikarma vinaash honge aur tum aage jaate rahenge, ghar baithe tum yeh yaatra karte ho to wonderful yaatra hui na। yog agni se sab paap katte hain। aadhaakalpa tumne jismaani yaatra ki hai। pahle avyabhichaari yaatra thi phir vyabhichaari yaatra hui hai। pooja bhi pahle ek shiv ki karte ho phir brahma vishnu shankar ki, phir lakshmi-naaraayan aadi ki। abhi to dekho kutte billi thikkar bhittar aadi sabko poojte rehte hain। baap samjhaate hain-bachche yeh sab hai gudiyon ki pooja। shivbaaba ke aur devi devtaaon ke occupation ko jaante nahin hain। gudiyon ka occupation nahin hota hai। shivbaaba ke occupation ko na jaanna woh jaise patthar pooja ho gai। phir bhi kuchh na kuchh manokaamna poori hoti hai। satayug mein jismaani yaatra hoti nahin। vahaan mandir aadi kahaan se aaye। yeh to hai bhrashtaachaari duniya। apne ko patit samajhte hain tab to paavan hone liye ganga snaan karte hain। kumbha ke mele ka bhi raaz samjhaaya hai। yeh hai sachcha-sachcha sangam। gaaya bhi jaata hai aatma paramatma alag rahe bahukaal, sundar mela kar diya... satguru patit-paavan dalaal ke roop mein aakar milte hain। unko apna shareer to hai nahin। is dalaal dvaara tum aatmaon ki apne saath sagaai karaate hain athva bachchon ko apna parichay dete hain। bachche main aaya hoon tumko shanti-dhaam ki yaatra par le jaane, paavan duniya mein le jaane। bachche jaante hain bhaarat paavan tha। ek hi aadi sanaatan devi-devta dharma tha। aarya dharma nahin tha। aarya aur an-aarya। agar devtaaon ko aarya kahen to aarya dharma mein raajya kaun karte the? aarya kaha jaata hai padhe hue ko। is samay sab an-aarya, anapdhe hain। baapdaada ko jaante hi nahin। oonch te oonch hai hi shivbaaba phir brahma vishnu shankar phir prajaapita brahma to jagat amba bhi praja maata thahri। in dvaara braahmanon ki rachna hoti hai। yeh hain adopted children। kaun adopt karte hain? parampita paramatma। tum jaante ho ham unki santaan hain। parantu baap ko bhool orphan ban pade hain। god father ka koi bhi occupation nahin jaante। baap aakar phir aise ko paavan banaate hain। baap hi tum bachchon ko pavitrata ki shiksha dete hain। ab jahaan jaana hai, usko yaad karna hai। maaya ghadi-ghadi bhula deti hai। yuddha ka maidaan hai na। tum baap ke bante ho, maaya phir apna banaati hai। prabhu aur maaya ka naatak hai। baba ka bankar phir aashcharyavat, sunanti... bhaaganti ho jaate hain। maaya bhi badi pahalvaan hai। yeh buddhiyog bal ki yuddha baap ke sivaae koi sikhla na sake। sarva shaktimaan baap se yog lagaane se hi taakat milti hai। tum jaante ho ab pavitra ban phir vaapis ghar jaana hai। yahaan part bajaane ke liye yeh shareer liya hai। hamne 84 janma poore kiye hain। yeh hai pichhaadi ka chhota sa mahaan kalyaankaari yug। tum sab gyaan gangaayen gyaan saagar se nikli ho।

baap kehte hain baap ko yaad karte raho to tumhaari aayu bhi badhegi aur bhavishya 21 janmon ke liye bhi tum amar banenge। akaale mrityu kabhi nahin hoga। samay par aapehi ek shareer chhod doosra lete ho। chalte-phirte baap ki yaad mein rehna hai। is yaad se tum srishti ko pavitra banaate ho। baap aaye hi hain paavan banaane। sapling bhi unka lagega jo devta the। ab shoodra bane hain, aur-aur dharmon mein bhi convert ho gaye hain woh sab nikalte aayenge। sabke apne-apne section hain। yahaan bhi sabki apni rasam hai। yeh aadi sanaatan devi-devta dharma ka sapling lag raha hai। jo pahle brahman bane the vahi aayenge। brahman banne bigar devta ban nahin sakte। brahma ka na banen to shivbaaba se varsa pa nahin sakte। jo devta dharma ke hain woh brahman dharma mein zaroor aayenge। abhi tum kaante se phool bane ho। koi ko duhkh nahin dete। sabse bada dushman hai raavan। 5 vikaaron roopi dushman gupta hai। aadha-kalpa se sabko ladaakar giraae patit bana diya hai। abhi baap ne yagya racha hai। behad ke baap ne roodra gyaan yagya racha hai - jismen sab svaaha karna hai। jis ghode par aatma viraajmaan hai। naam hi hai - raajasva, raajaai ke liye roodra gyaan yagya। kitna bada yagya racha hai - svarga ki sthaapna ke liye। jaante ho ab yeh duniya transfer honi hai। dil mein nasha rehta hai। baba ne yagya racha hai - inko achhi reeti sambhaalna hai। jo shreemat par chalenge unko bahut achhi dakshina milegi। yagya ki achhi sambhaal karte ho to tum vishwa ke maalik bante ho। jis jaageer ke liye tumne aadhaakalpa dhakka khaaya hai, baap aate hain dene to aise baap ko phir phaarakti de dete, baap wonder khaate hain। sajniyaan gaati thi aap par balihaar jaaoon। ab aaya hoon to tum mere bankar phir phaarakti de dete। woh phir oonch chadhne ke badle neeche gir padte। chadhe to chaakhe vaikuntha ras... farka to hai na। kahaan prime minister aadi aur kahaan gareeb bheel log। to ab purooshaartha kar baap se raajaai leni chaahiye। yeh hai roodra gyaan yagya। ismen naam krishna ka daal diya hai। bhakti maarga ke liye yeh sab cheejen shaastra aadi bane hue hain। bhagwan to ek hi hai jinko patit-paavan kaha jaata hai। shantidham aur sukhdhaam mein koi bhi pukaarte nahin। to bachchon ko poora nasha chadhna chaahiye। yeh hai roodra gyaan yagya। inke baad koi yagya nahin racha jaata। woh jismaani yagya rachte hain aaphton ko mitaane ke liye। baap kitni badi aadhaakalpa ke liye aaphten mitaate hain। yeh koi saadhu santa nahin jaante। mukhya geeta maata jo bhagwan ne gaai usmein naam krishna ka daal diya hai। to ab manushyon ko saavdhaan karna hai kyonki unhon ka buddhi yog krishna se jut gaya hai। krishna to aise nahin kehte manamnaabhav mujhe yaad karo to saath le jaaoonga। yeh baap baith yahaan laayak banaate hain। saanvare se gora banaate hain। tum shyaam ban gaye the, baba phir sundar svarga ka laayak banaate hain। chalte phirte buddhi mein baba ko yaad karna hai। bas yeh avastha jam jaae to tumhaara kitna beda paar ho jaae। health wealth happiness। baba se tum itna varsa lete ho to aise baap ko kitna yaad kar unki shiksha par chalna chaahiye। kaanton ko phool banaana hai। abhi tum phool ban rahe ho, yeh bageecha hai। abhi hai forest oph thorns। akaasur, bakaasur yeh sangam ke naam hain। uddhaar to sabka hona hai। jo jitna padhenge, padhaayenge shreemat par chalte rahenge, baap se 21 peedhi ka varsa paayenge। tum sada sukhi ban jaayenge। abhi tumhaari 100 percent chadhti kala hai। phir kalaayen kam hoti jaati hain। is samay kalaayen bilkul khatma ho gai hain। gaate bhi hain main nirgun haare mein koi gun naahi। baap ko merciful kehte hain na। kalpa-kalpa sangam par aate hain। bhaarat svarga hoga to sab sukhi ho jaayenge। abhi bachchon ko shreemat par chalna hai, aasuri mat par nahin। baap kehte hain meri sabse jaasti glaani karte hain ya to kehte hain naam roop se nyaara ya to phir kan-kan mein kah dete hain। yeh sab drama mein noondh hai। tum ab trikaaldarshi bane ho aur baap ko jaan baap se varsa le rahe ho। abhi to khoone naahek khel hona hai। naahek sab aaphten aayengi, kitne marenge। bhakti maarga mein to kitne deviyon ke chitra banaate hain। kharcha karte hain। deviyaan banaakar pooja kar phir dubo dete hain। to gudiyon ki pooja hui na। kaali ka kaisa chitra banaate hain, aise koi manushya thode hi hote hain। tum yahaan baithe ho to yaatra par ho। train par baithe bhi roohaani yaatra par ho। buddhi yaatra par lagi hui hai। agar buddhiyog laga hua nahin hai to woh time vesta ho jaata hai। baap kehte hain time vesta nahin karna। tumhaara time bahut valuable hai। second bhi kamaai bigar chhodo nahin। baap to full purooshaartha karaate hain। baba ne vishwa ko svarga banaane ke liye yeh yagya racha hai। baba-baba karte rehna hai to beda paar hoga। ham brahman hain, hamaare oopar bahut badi responsibility hai। baap kehte hain bachche aatma-abhimaani bano। mansa-vaacha-karmana kisko duhkh nahin dena hai, bahut meetha bano। krodh se badi disservice kar lete ho। sampoorn to koi bane nahin hai। bhoot bade kharaab hain। achha!

meethe-meethe sikeeldhe bachchon prati maat-pita baapdaada ka yaad pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yeh time bahut valuable hai isliye ek second bhi ise kamaai bigar nahin chhodna hai। aatma-abhimaani rahne ka poora purooshaartha karna hai।

2) chalte-phirte baap ko yaad kar apni avastha jamaani hai। bahut meetha banna hai। kisi ko bhi duhkh nahin dena hai।

vardaan:- yathaartha vidhi dvaara vyartha ko samaapta kar number one lene vaale parmaatma siddhi swaroop bhav

jaise roshni se andhakaar svatah khatma ho jaata hai। aise samay, sankalp, shvaans ko saphal karne se vyartha svatah samaapta ho jaata hai, kyonki saphal karne ka arth hai shreshtha taraph lagaana। to shreshtha taraph lagaane vaale vyartha par win kar number one le lete hain। unhein vyartha ko stop karne ki siddhi praapta ho jaati hai। yahi parmaatma siddhi hai। woh riddhi siddhi vaale alpakaal ka chamatkaar dikhaate hain aur aap yathaartha vidhi dvaara parmaatma siddhi ko praapta karte ho।

slogan:- apkaari par bhi upkaar karne vaala hi gyaani tu aatma hai।