Murli du jour du mercredi 6 juillet 2022

06-07-2022 praatahmurli om shanti "baapdaada"' madhuban

“meethe bachche - baap ka banne se tum bigar kaudi kharche second mein jeevanmukti ka adhikaar pa lete ho, nishchay hua aur varsa mila।

prashn:- shrewd buddhi (samajhdaar) bachchon ka kartavya kaun sa hai?

uttar:- sachchi yaatra karna aur karaana yahi shrewd buddhi bachchon ka kartavya hai। sachchi yaatra hai manamnaabhav। is yaatra se aur dhakkon se bach jaayenge। jaise baap kalyaankaari hai vaise shrewd buddhi bachche baap samaan kalyaankaari honge।

prashn:- baap tum bachchon ko kaun si baat kehte hain jo tum sabke kaan mein sunaate raho?

uttar:- baba kahe bachche tum mujhe yaad karo, kisi dehdhaari ko yaad nahin karna hai। dehdhaari ko yaad karenge to deh-abhimaani ban padenge isliye sadaiv samjho dehdhaari sab mare pade hain, humein baap ko yaad karna hai। yahi baat sabke kaan mein sunaate raho।

geet:- takdeer jagaakar aai hoon…

om shanti। bachchon ki takdeer banaane mein koi kharcha lagta hai? maa baap ke paas bachcha aaya, bachchon ko kuchh kharcha laga varsa paane mein? paida hone se hi baap ki milkiyat ka varsa mil jaata hai। akhbaar mein bhi likhte hain na ki phalaane vaaris ka janma hua। bachche ko koi kharcha laga? nahin। janma liya unko koi kharcha nahin। koi bahut dhanvaan hain, bachche nahin hain। adopt karte hain। bachche ka koi kharcha laga? kuchh bhi nahin। yahaan bhi gaaya jaata hai second mein jeevanmukti। duniya vaale bhal jeevanmukti ka arth nahin jaante hain। ab yeh to jaante ho vishwa ke maalik jeevanmukta devtaayen the। bhaarat mein hi jeevanmukti hoti hai। ab baap poochhte hain baap ka banne mein koi kharcha lagta hai? bas baba main aapka hoon। gaaya bhi jaata hai janak ko second mein jeevanmukti mili। sirf baap ki pahchaan mili, jinke liye baap yuktiyaan batlaate rehte hain। bataao paarlaukik parampita paramatma se aapka kya sambandh hai? parampita … woh to baap hai। baba kehte hain mera banne liye kharcha lagta hai? kuchh bhi nahin। sirf mera bano, kharcha kuchh bhi nahin। ek second mein jeevanmukti। kharche ki baat hi nahin uthti। bachcha aaya kya kharcha hua? tum baap ke bante ho kya kharcha hua। sirf buddhi se hi nishchay kiya ki main aapka hoon। samajhte hain baap se svarga ki baadshaahi milti hai। baap svarga ka rachayita hai। varsa milta hai heaven ki baadshaahi। nishchay ki baat hai na। paai bhi kharcha nahin karo। yaad se hi tum heere jaisa ban jaayenge। ham likhte bhi hain tum jeevanmukti pa sakte ho। kaudi bhi kharcha karne bina tumko baadshaahi mil jaayegi। tum kitne dhakke khaate ho। bhakti maarga mein yaatraaon par manushya bahut dhakke khaate hain। unmein pande bhi rehte hain ya koi dharmaau purush dhakke khilaate hain। paise bhi bahut kharcha karte hain, milta to kuchh bhi nahin hai। yeh baap to samjhaate bahut hain parantu kiski takdeer mein nahin hai to buddhi mein baithta nahin। koi yukti nikaal dhakke khaane vaalon ko bachaayen। sirf baba ki murli suna phir jaakar sunaaya - yeh koi badi baat nahin hai। kisko kya bolna chaahiye, kya karna chaahiye। train mein yaatra karne jaate hain। kya yukti nikaalen, baba jaisi yukti batlaate hain woh koi ajun amal mein nahin laaya hai। koi ko bhi pyaar se samjhaana chaahiye, patit-paavan gyaan ke saagar se aapka kya sambandh hai? is samay tak baba ko samaachaar nahin likha hai ki baba is dhandhe mein main lag gaya hoon। phalaane-phalaane se poochha hai woh kya kehte hain। kuchh bhi baba ko samaachaar nahin dete hain। baba se tum ek second mein janak misal jeevanmukti pa sakte ho, agar yeh paheli hal ki to। baba first class baat sunaate hain - plastic par chhote card chhapva lo। achhe post card hon jo kahaan bhi bhej saken। teerthon par to dhakke hi khaate rehte hain। tum likh bhi sakte ho ki janma-janmaantar ke dhakkon se chhootna chaahte ho to yeh paheli hal karo। ise hal karne se ek second mein jeevanmukti pa sakte ho। baba akshar to dete hain। koi buddhivaan bachcha ho jo theek reeti likhkar aave aur achha chhapaakar bheje। bade shahron mein kaam jhat ho sakta hai। bahut sundar plastic ke card ho, usmein trimoorti ka thappa lagaaven, na lagaaven। baba yuktiyaan bahut achhi bataate hain। janak ko second mein jeevanmukti mili। yeh sirf gaate rehte hain, koi ko pata nahin। bhal ashtaapa geeta mein hai, parantu usse koi samajh nahin sakte। danta kathaayen hain। tum practical mein samjhaane baithe ho aur kisi ke samajh hai nahin। samajhdaar hai to ek god father। baaki sabko raavan ne non sensible bana diya hai। paavan ko sensible, patit ko nonsensible kaha jaata hai। is behad ki baat ko koi jaante nahin hain, yeh to bilkul simple hai। sirf bole haan barobar hamaara pita hai। pita se to zaroor bigar koi kharcha bachche ko varsa milna chaahiye। bachcha paida hota hai aur varsa mil jaata hai। laukik baap se bachche ko varsa milta hi hai jeevanbandha ka। yeh ek hi baap hai jisko patit-paavan kaha jaata hai। yahaan to hai hi raavan ka aasuri raajya। ab to yeh eeshvar baap hai, kehte bhi hain na heavenly god father। to usse hi heaven ka varsa milna chaahiye। heaven kaha hi jaata hai nai duniya ko। puraani duniya ka to mahaavinaash saamne khada hai। jitna deri hoti jaayegi, manushyon ko vinaash ka nishchay aata jaayega। manushyon ko dil mein aata bhi ja raha hai। samajhte hain kal bhi ladaai chhid sakti hai। yeh bhi samajhte hain maut saamne khada hai। tum bhi batlaate ho ham prajaapita brahmaakumaar kumaariyaan hain। shivbaaba ke bachche to hain hi, varse ke hakdaar ban jaate hain। bas sirf baap aur varse ko yaad karo। card mein bhi yeh akshar daalne hain। yeh ek hi paheli hal karo to ek second mein bigar kaudi kharcha jeevanmukti mil sakti hai। sirf baap aur varse ko yaad karne ka hai। bas svarga ka maalik ban jaayenge na। svarga mein bhi nambarvaar pad to hain na। gyaan se phir aapehi samajh jaayenge ki hamko kya karna hai। yahaan paise aadi ki koi baat nahin। baba hamesha bachchon ko kehte hain - maangane se marna bhala। baap se varsa pa liya phir maangate kyon ho? maa baap donon chaahte hain ek ladka vaaris ho। tum abhi baba ke bachche ho na। sab father kehte ho na। baap aatmaon se baat karte hain। are ladke to tum hamaare ho na, phir mujhe aur varse ko kyon nahin yaad karte ho। in ladkon (aatmaon) se baat karta hoon brahma tan dvaara। brahma ke bhi tum bachche thahre। nahin to brahma ke ghar aa kaise sakte। brahmaakumaar kumaariyon ko varsa milta hai daade ka। svarga ka rachayita koi brahma nahin hai। tumhaara guru to koi brahma nahin hai। satguru to hai hi ek। yeh brahma bhi usse seekhte hain, aise nahin ki seekhkar woh chala jaayega to ham gaddi par baith jaayenge। nahin, aisa hota nahin hai, satguru ek hi hai। ham sab unse seekhkar sadgati ko paate hain। bachche service bahut kar sakte hain। bahut chance hai। mandiron aadi mein bhi yeh card le jaakar samjha sakte ho। koi kaam karke dikhaave। baba jo yukti bataate hain, bada hi easy hai। baba jaanch karte rehte hain। dekhen kahaan se samaachaar aata hai ki baba train mein hamne 10-20 se yeh prashn poochha। ek se prashn poochhenge to 10 sunenge। ghar mein baith kisi ko samjhaaya, yeh koi badi baat thode hi hai।

baap kehte hain sirf baap aur varse ko yaad karo। chhote bachche ko to buddhi mein nahin rehta hai। jab baalig hota hai tab buddhi mein rehta hai। tumhaare to organs bade hain। second mein jeevanmukti milti hai। jaante ho baba humein svarga ka varsa dete hain। bichaare manushya baahar bahut dhakke khaate rehte hain। unhon ko chhudaayen kaise। ismen yuktiyaan bahut chaahiye। kitni bachchiyaan ghar baithe likhti hain ki baba ham to aapke ho gaye। kabhi dekha bhi nahin, mili bhi nahin। likhti hain baba ham aapke hain। aapse varsa ham lekar hi rahoongi। maar bhi khaati rehti hain। aisi bachchiyaan bahuton se aage ja sakti hain। tum to maar bhi nahin khaate ho to bhi yeh service nahin karte ho। baba ki bhi suni ansuni kar dete hain। tum koi bhi bhaasha mein card chhapva sakte ho। kaam karne vaalon ki buddhi chalni chaahiye। baba koi jaasti kaam thode hi dete hain। us duniya ki government ki kitni badi panchaayten hain - vinaash ke liye। tumhaare paas avinaashi pad paane ke liye kitni achhi yuktiyaan hain। bhakti maarga mein bahut kharcha karte hain aur tum dekho kya kar rahe ho। koi kharcha nahin। bhakti maarga mein bahut kharcha hota hai - tum ek second mein jeevanmukti paate ho। sensible jo bachche hain woh baba ko card chhapaakar dikhaaven। ham kitna sahaj baba se varsa le rahe hain। manushya to kitne duhkhi hote hain। kitne to yaatra mein beech se hi laut aate hain। gareeb bichaare bahut bhatakte hain। un bichaaron par taras padta hai। tum god father ke bachche ho to tumko to svarga mein aana chaahiye। yahaan tum narka mein kyon pade ho। yeh koi bataane vaala chaahiye। tum kisko bhi samjha sakte ho ki allaah ko yaad karo, allaah ke ghar jaane ke liye। vahaan se hi tum aaye ho। ab baap ko yaad karo। none vat one। nuns ko hi samjhaana pade। tumko yaad karna hai - god ko। Christ ne bhi unko yaad kiya hai। samjho brahma chala jaata hai to bhi tumko yaad to shivbaaba ko karna hai। shareer to chhootega hi। tumko yaad unko karna hai। shivbaaba kehte hain sirf mujhe hi yaad karo। kisi dehdhaari ko yaad nahin karna hai। dehi-abhimaani banna hai। dehdhaari to sab mare pade hain। baap kehte hain maamekam yaad karo। duniya mein to ek do ko duhkhi karte rehte hain। yahaan ham ek baat kaan mein sunaate hain। hai bahut easy। alpha aur be, baap aur baadshaahi ko yaad karo। manamnaabhav ka arth hi yeh hai। baaki to sab hai detail। baap kalyaankaari hai। bachchon ko bhi kalyaankaari banna hai। bachchon ko bhi saboot dena hai। aaj hamne kitnon ka kalyaan kiya। kalyaan karne liye ghoomna padta hai। dharma sthaapna arth bhi dhakka khaana padta hai। ham aisi yaatra sikhlaate hain jo kab doosri yaatra karni na pade, manamnaabhav। yaatriyon ke pichhaadi lag jaana chaahiye। badi shrewd (samajhdaar) buddhi chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) heere jaisa banne ka saadhan baap ki yaad hai। baap ki yaad se bigar kaudi kharcha vishwa ki baadshaahi mil jaayegi isliye nirantar ek baap ki yaad mein rehna hai।

2) maangane se marna bhala - baap se sab kuchh mil gaya isliye maangana nahin hai। kalyaankaari ban sabko sachcha raasta bataana hai।

vardaan:- sarva khajaanon ko kaarya mein lagaakar badhaane vaale yogi so prayogi aatma bhav

baapdaada ne bachchon ko sarva khajaane prayog ke liye diye hain। jo jitna prayogi bante hain, prayogi ki nishaani hai pragti। agar pragti nahin hoti hai to prayogi nahin। yog ka arth hi hai prayog mein laana। to tan-man-dhan ya vastu jo bhi baap dvaara mili hui amaanat hai, use albelepan ke kaaran vyartha nahin ganvaana, blaki use kaarya mein lagaakar ek se das guna badhaana, kam kharcha baala nasheen banna - yahi yogi so prayogi aatma ki nishaani hai।

slogan:- vikarmo aur vikaaron ka tyaag karna hi sachcha tyaag hai।