Murli du jour du samedi 6 août 2022

06-08-2022 praatahmurli om shanti "baapdaada"' madhuban

“meethe bachche - gyaan saagar baap aur brahm-putra nadi ka yeh sangam heere samaan hai, yahaan tum bachche aate ho - kaudi se heere jaisa banne''

prashn:- satayugi raajdhaani ki sthaapna kab aur kaise hogi?

uttar:- jab saari patit srishti ki saphaai ho arthaat puraani srishti ka vinaash ho tab satayugi raajdhaani ki sthaapna hogi। uske pahle tumhein taiyaar hona hai, paavan banna hai। nai raajdhaani ka sanvat tab shuru hoga jab ek bhi patit nahin rahega। yahaan se sanvat shuru nahin hoga। bhal raadhe-krishna ka janma ho jaayega lekin us samay se satayug nahin kahenge। jab woh lakshmi-naaraayan ke roop mein raaj-gaddi par baithenge tab sanvat praarambha hoga, tab tak aatmaayen aati jaati rahengi। yeh sab vichaar saagar manthan karne ki baaten hain।

geet:- yahi bahaar hai…

om shanti। yeh bachche kahaan aaye hue hain? gyaan saagar ke kanthe par। vaise rehte hain gyaan gangaaon ke kanthe par aur abhi aaye hain gyaan saagar ke kanthe par। kaun aaye hain? gyaan gangaayen। kya banne liye? kaudi se heere athva kangaal se sirtaaj banne liye। brahma hai brahm-putra aur shiv hai gyaan saagar। yeh hai brahmaputra nadi। bachcha to hai na। brahma valda shiv। tum ho potre aur potriyaan। kalkatta mein saagar aur nadi ka bada bhaari mela lagta hai। vahaan ganga, brahmaputra aur saagar milte hain। brahmaputra mein aur bhi nadiyaan milti hain। mukhya hai brahm putra aur saagar ka sangam। unko hi kehte hain diamond haarbar। yeh naam angrejon ne rakha hai। arth kuchh bhi nahin samajhte, naam sirf aise hi rakh diya hai। baap arth samjhaate hain। tum aaye ho is samay brahm putra aur gyaan saagar ke paas sammukh। vahaan bhi saagar ke sammukh jaate ho heera banne ke liye। parantu heeron ke badle patthar ban jaate ho kyonki woh hai bhakti maarga। yeh sangam hai aatmaon aur paramatma ka। donon ikatthe hain, woh jad yeh chaitanya। yeh to kahaan bhi ja sakte hain। to bachchon ko hamesha yeh samajhna chaahiye ki brahmaputra aur saagar donon ikatthe hain chaitanya mein। yeh jaise ki heere banne ka sangam ho gaya। tum heere jaisa bano। yeh hai brahmaputra aur adopted gyaan gangaayen। yeh nadiyaan to anginat hain। un nadiyon ka to sabko maaloom hai ki bhaarat mein itni nadiyaan hain। yeh to anginat hain। in gyaan nadiyon ka to ant nahin paaya ja sakta hai। saagar se nadiyaan is samay hi nikalti hain। pahle to brahmaputra nikalti hai phir unse chhoti-chhoti nadiyaan nikalti hain। tum jaante ho nambarvaar purooshaartha anusaar। koi bade hain koi chhote hain, yeh sab manushyon ko heere jaisa banaate hain। aise bhi nahin kahenge ki sooryavanshi hi mahaaraaja mahaaraani bante hain। nahin। yatha raaja raani tatha praja। tum sabka jeevan heere jaisa banta hai, jo svarga ke liye thoda bhi purooshaartha karte hain woh heere jaisa bante hain। yeh brahm putra nadi aur saagar donon ikatthe rehte hain। tum bachche jab aate ho to andar mein jaante ho ki ham jaate hain - baapdaada ke paas। baap gyaan ka saagar hai phir pravesh karte hain is brahmaputra arthaat brahma mein। in dvaara hamko heere jaisa banaate hain। ab jo jitna purooshaartha kar shreemat par chale। yeh bhi jaante ho jahaan tak jeena hai vahaan tak purooshaartha karna hai। shiksha to milti rehti hai। imtahaan ki result to vinaash ke samay hi nikalti hai। ek taraph result niklegi doosre taraph vinaash shuru hoga, phir to haahaakaar ho jaata hai। baat mat poochho isliye vinaash hone ke pahle, ladaai hone ke pahle taiyaar hona hai। samajhna chaahiye baaki aur kya samay hoga aur yeh bhi jaante ho ki jab hamaari raajdhaani sthaapan hoti hai to yeh saari saphaai bhi honi hai। tum paavan bante rehte ho। woh hain patit। sab patit khalaas ho jaaen, hisaab-kitaab chuktu kar sab vaapis chale jaayen। ek bhi patit na rahe tab kahenge paavan duniya। tum is samay ho paavan parantu saari duniya to paavan nahin hai na। paavan banengi zaroor। jab vinaash hoga tab saari duniya paavan hogi, usko nai duniya kahenge। nai duniya ka sanvat koi poochhe to samjhaana chaahiye jab mahaaraaja mahaaraani takhta par baithte hain tab naya sanvat shuru hota hai। jab tak naya sanvat shuru ho tab tak puraana zaroor kaayam rahega। yahaan se sanvat shuru nahin hoga। ham brahman bhal naye hain। parantu duniya athva saari prithvi thode hi nai hai। abhi hai sangam। kaliyug ke baad satayug aana hai। ham kehte hi hain first prince princess raadhe krishna, phir bhi ham us samay satayug nahin kahenge। jab tak lakshmi-naaraayan takhta par nahin baithe hain tab tak kuchh na kuchh khitpit hoti rahegi, bhal raadhe krishna aa jaate hain। dekho yeh hain vichaar saagar manthan karne ki baaten। satayug jab shuru hoga tab sanvat shuru hoga। sooryavanshi dynasty ka sanvat phalaana। parantu prince princess ke naam par sanvat kabhi nahin hota। baaki beech ke samay mein aana jaana hota rehta hai। chhi-chhi manushyon ko bhi jaana hai। kuchh na kuchh bache hue to rehte hi hain na। jo bhi bache hue honge woh bhi vaapis jaayen, time lagta hai। yeh kaun samjhaate hain? gyaan saagar bhi samjhaate hain to brahmaputra gyaan nadi bhi hai, donon ikatthe samjhaate hain। woh kumbha ka mela to varsha-varsha lagta hai। yeh kumbha ka mela, saagar aur gyaan nadiyon ka mela to sangamayug par hi hota hai। tum bachche kahenge ham jaate hain maat-pita va gyaan saagar aur badi nadi ke paas। baba hamko is badi nadi aur in nadiyon dvaara varsa de rahe hain arthaat heere jaisa banaate hain। kumbha ke mele mein kitna khushi se badi shuddhi se jaate hain aur vahaan mansa-vaacha-karmana pavitra rehte hain। woh hai jad yaatra। yaatri apna kalyaan karna chaahte hain। pandon ka itna kalyaan nahin hota hai jitna yaatriyon ka। pande log to paisa ikattha karne jaate hain। unhon ki itni bhaavna nahin hoti jitni yaatriyon ki rehti hai। yaatri badi shuddh bhaavna se jaate hain, to kaeeyon ko saakshaatkaar ho jaata hai। amarnaath par barpha ka ling bana rehta hai। saamne jaane se barpha hi barpha jaise dekhne mein aati hai। bhaavna vaale jaise dekhte to khush ho jaate hain, yeh to kudrat hai। barpha mein ling ban jaata hai, manushyon ki aisi bhaavna baith jaati hai। hai kuchh bhi nahin। sachchi yaatra to abhi tumhaari ho rahi hai। manushya samajhte hain bhagwan ke pichhaadi bahut dhakka khaaya hai, bhagwan se milne, parantu bhagwan milta hi nahin।

baba ne samjhaaya hai bhagwan ka to chitra nahin nikaal sakte hain। bindi ka photo kya hoga! woh to samjhaane ke liye kaha jaata hai ki star hai। bhrakuti ke beech chamakta hai...kai bachchiyaan bhrakuti mein teeka lagaati hai। yeh suna hua hai na ki aatma ka nivaas bhrakuti mein hai to star lagaati hain, sachcha tilak agar kahen to woh hai। raajaai ka tilak phir bada hota hai। woh sthool raajtilak milta hai। tum bachchon ko gyaan aa jaata hai ki ham aatmaon ko ab raajtilak milta hai। aatma samajhti hai ki abhi hamko parampita paramatma se raajtilak milta hai। bhrakuti ke beech bahut achha star lagaate hain। sone ka bhi lagaate hain। abhi tumko saara gyaan mila hua hai, ham star ab heere jaisa bante hain। ham aatma star hain। parampita paramatma bhi star itna hi chhota hai, parantu unmein saari knowledge hai, yeh baaten badi guhya hain। tumko gyaan arthaat sojhra mila hai। parampita paramatma ke roop ko bhi dekha, samjha hai। jaise aatma ka saakshaatkaar hota hai vaise paramatma ka bhi hota hai। kahenge jaise tum ho vaise main hoon। baaki bachche ko baap ka kya saakshaatkaar chaahiye। aatma chhoti badi nahin hoti। jaise tum vaise baap hai। sirf mahima aur part alag-alag hai aur sabse bhinna-bhinna hai, ek na mile doosre se। actors ka part ek jaisa thode hi ho sakta hai। isko eeshvar ki kudrat kaha jaata hai। vaastav mein drama ki kudrat kahen kyonki baba aise nahin kehte ki mainne drama banaaya hai। phir prashn uthega ki kab banaaya? inko kaha hi jaata hai kudrat। yeh chakra kaise phirta hai so abhi tum jaan gaye ho। aatma star hai usmein kitna bada part hai। parampita paramatma sarvashaktimaan, world almighty authority hai। gyaan ka saagar kaha jaata hai। yahaan kisko gyaan ka saagar nahin kaha jaata। ved shaastra padhne vaale shaastron ka hi gyaan sunaate hain। baaki baap mein jo gyaan hai woh to koi mein nahin hai। bhagwan hi aakar sahaj raajayog ka gyaan sikhlaate hain। unko hi gyaan ka saagar kahenge। to yeh nadiyon ka mela lagta hai। yeh bhi samajhte ho ki saagar se hi nadiyaan nikalti hain। kai bachchon ko yeh bhi maaloom nahin rehta hai। vaise hi tumhaari baaton ko bhi koi nahin jaante। gyaan saagar kaise aata hoga, unse gyaan gangaayen kaise gyaan paati hongi। yeh hain gyaan ki baaten। manushyon dvaara buddhi mein jo baaten baithi hain to sachchi baaton ka kisko pata nahin hai। tum ab us saagar aur is gyaan saagar ko jaan gaye ho। abhi woh saagar aur nadiyaan to duhkh deti rehti hain। saagar bhi uchhal pade to kitna nuksaan kar dete hain। abhi gyaan saagar patit-paavan ko sab yaad karte hain, us saagar va nadiyon ko koi yaad nahin karte। patit-paavan, gyaan saagar ko yaad karte hain। us saagar se hi yeh nadiyaan nikli hain। unke naam roop desh kaal ko koi jaante nahin hain। bhal shiv naam kehte bhi hain sirf ling ka naam rakh diya hai। baba ka naam avinaashi hai na। shivbaaba rachayita ek hai, unki rachna bhi ek hai aur anaadi hai। kaise anaadi hai, woh baap baith samjhaate hain। satayug mein yeh tyohaar aadi kuchh bhi hote nahin। sab gaayab ho jaate hain। phir bhaktimaarga mein shuru honge।

manushya samajhte hain - svarga tha phir svarga aayega parantu is samay to narka hai। inki aayu ka kisko pata nahin hai, ghor andhiyaara hai। kalpa ki aayu ka bhi kisko pata nahin hai। kehte bhi hain yeh jo drama hai yeh phirta rehta hai। parantu aayu ka pata na hone ke kaaran kuchh bhi samajhte nahin hain। brahma ke mukh dvaara baap baith sabhi vedon shaastron ka saar samjhaate hain to unhonne phir brahma ke haath mein shaastra de diye hain। woh bhi sab shaastra haath mein thode hi pakad sakte hain va brahma dvaara koi sab shaastra thode hi sunaate hain। jaante hain yeh sab bhakti maarga ke hain। yeh to padhte aaye hain। kab se padhte aaye hain, jaante kuchh bhi nahin। sirf kah dete yeh anaadi hain। ved vyaas ne rache hain। vedon ko ooncha maante hain। parantu likha hua hai - ved shaastra aadi sab geeta ki rachna hain। tum bachche jaante ho yeh ved shaastra aadi vahi phir banenge। phir woh naam rakhenge। abhi tum jaante ho ham phir poojya ban rahe hain phir pujaari banenge to mandir aadi banaayenge। raaja raani mandir banaayenge to praja bhi banaayegi। bhaktimaarga shuru hone se phir sab mandir banaane lagte hain। ghar-ghar mein bhi banaayenge। lakshmi-naaraayan ki raajdhaani mein to raadhe krishna ka mandir ban nahin sakta। mandir to bhaktimaarga mein bante hain। jaise jaise girte jaate hain, mandir banaate jaate hain। sooryavanshi aur chandravanshiyon ki jo property hai woh vaishya vanshi, shoodra vanshi bhogte hain। nahin to yeh raajaai kahaan se aaye। property chalti aati hai। badi-badi jo property hai woh chhoti-chhoti hote phir aakhreen kuchh bhi nahin rehta hai। aapas mein baantate jaate hain। to bachchon ko ab samajh mein aa gaya hai ki kaise ham poojya bante hain। kitna samay bante hain phir kaise pujaari bante hain। abhi samajh gaye na ki parampita paramatma ka naam roop desh kaal aur unka part kya hai। bhakti maarga mein bhi bhakton ki shuddh bhaavna baap hi poori karte hain। ashuddha bhaavna raavan poori karte hain। abhi tumko gyaan saagar ne saara gyaan buddhi mein bithaaya hai। sab to nahin samjhenge। jo kalpa pahle vaale hain vahi nikalte rahenge। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saarah

1) jab tak jeena hai purooshaartha karte rehna hai। baap ki shikshaaon ko amal mein laana hai। baap samaan master gyaan saagar banna hai।

2) roohaani panda ban sabko sachchi yaatra karaani hai। heere jaisa banna aur banaana hai।

vardaan:- shreshtha aur shubh vritti dvaara vaani aur karma ko shreshtha banaane vaale vishwa parivartak bhav

jo bachche apni kamjor vrittiyon ko mitaakar shubh aur shreshtha vritti dhaaran karne ka vrat lete hain, unhein yeh srishti bhi shreshtha nazar aati hai। vritti se drishti aur kritti ka bhi connection hai। koi bhi achhi va buri baat pahle vritti mein dhaaran hoti hai phir vaani aur karma mein aati hai। vritti shreshtha hona maana vaani aur karma svatah shreshtha hona। vritti se hi vibration, vaayumandal banta hai। shreshtha vritti ka vrat dhaaran karne vaale vishwa parivartak svatah ban jaate hain।

slogan:- videhi va ashareeri banne ka abhyaas karo to kisi ke bhi man ke bhaav ko jaan lenge।