Murli du jour du samedi 10 septembre 2022

10-09-2022 praatahmurli om shanti "baapdaada"' madhuban

‘meethe bachche - aapas mein milkar is kaliyugi duniya se duhkh ke chhappar ko uthaana hai, baap ko yaad karne ka punya karna hai'

prashn:- gyaan ki avinaashi praalabdha hote hue bhi kai bachchon ke punya ka khaata jama hone ke bajaae khatma kyon ho jaata hai?

uttar:- kyonki punya karte-karte beech mein paap kar lete। gyaani tu aatma kahlaate hue sangadosh mein aakar koi paap kiya to us paap ke kaaran kiye hue punya khatma ho jaate hain। 2- baap ka bankar kaam vikaar ki chot khaai, baap ka haath chhoda to woh pahle se bhi adhik paap aatma ban jaate। use kul-kalankit kaha jaata hai। woh bahut kadi saza ke bhaagi ban jaate hain। satguru ki ninda karaane ke kaaran unhein thaur mil nahin sakta।

om shanti। roohaani baap roohaani bachchon ke saath rooh-rihaan kar rahe hain। yeh to aatma jaanti hai ki ek hi hamaara behad ka baap hai, woh to bachche samajh gaye hain। manzil hai - mukti jeevanmukti ki। mukti ke liye yaad ki yaatra zaroori hai aur jeevanmukti ke liye rachna ke aadi-madhya-ant ko jaanna zaroori hai। ab hai donon hi sahaj। srishti ka, 84 janmon ka chakra phirta rehta hai। yeh tum bachchon ki buddhi mein rehna chaahiye। ab hamaara 84 janmon ka chakra poora hota hai। ab humein jaana hai vaapis ghar। ab vaapis to koi ja nahin sakte kyonki paap aatma hain। paap aatmaayen mukti-jeevanmukti mein ja nahin sakti। aise-aise vichaar karne hote hain। jo karega so paayega aur khushi mein rahega tatha doosron ko bhi khushi mein laayega। tum bachchon ko kripa va mehar karni hai - sabko raasta bataane ki। samjhaana hai - tumhaari aatma satopradhaan se ab tamopradhaan ban gai hai - isliye vaapis ja nahin sakti। pukaarte bhi hain he patit-paavan, bachche jaante hain ki abhi purooshottam sangamayug hai। yeh bhi kisko achhi reeti yaad rehta hai, kisko yaad nahin rehta hai। ghadi-ghadi bhool jaata hai। parantu tumko agar sangamayug yaad rahe to bhi khushi ka paara chadha rahe। baap teacher yaad rahe to bhi khushi ka paara chadha rahe। kisko bada rola (vighna) beech mein padta, kisko thoda padta। padta to zaroor hai। kai oopar jaakar phir neeche aa jaate hain। koi ki avastha achhi hoti hai to dil par chadh jaate hain, phir neeche girte hain to ki kamaai chat ho jaati hai। jaise duniya mein kitna daan-punya karte hain isliye ki punya aatma banen। phir agar punya karte-karte paap karma karne lag padte to paap aatma ban padte hain। tumhaara punya hai hi baap ko yaad karne mein। yaad se hi tumhaari aatma punya aatma banti hai। to agar baap ko hi bhool jaayen, doosre ka sang lag jaae to bahut paap karne se jo kuchh punya kiya woh bhi khatma ho jaata hai। samjho aaj daan punya karte hain, centre kholte hain kal phir bemukh ho jaate hain to pahle se bhi jaasti gir jaate hain kyonki paap karte hain na। to woh khaata jama ke badle na ho jaata hai। pahle bahut achhi service karte the, baat mat poochho phir ekdam gir jaate hain। shaadi kar lete hain। pahle se bhi jaasti kharaab ho jaate hain। paap karne se phir woh paap ka bojha chadhta jaata hai। jama aur na ki jaise muraadi (kamaai) sambhaali jaati hai na। parantu in baaton ko bhi koi samajhne vaala hi samjhe। paap bhi koi halka, koi bada hota hai। kaam ka sabse kada, krodh second, lobh unse kam, moh unse kam। nambarvaar hote hain। kaam ki chot khaane se phaayde ke badle nuksaan ho jaata hai kyonki satguru ki ninda karaai to thaur pa na saken। woh dil se utar jaayenge। baap ka bankar baap ko chhod dete hain phir uske karma par bhi hota hai। kaaran kya? chal na saka। aksar karke kaam ki chot jaasti lagti hai। yahi mukhya dushman hai। kab suna - krodh ki effigy jalaai। nahin। kaami ki banaate hain। raavan thahra na। baap kehte hain kaam par jeet paane se jagat-jeet banenge। bilkul hara baithe hain, to jeet ke badle haar ho jaati hai। baap ko bulaate hain he patit-paavan aao, kaam se bahut peedit hote hain। phir kehte hain baba kaala munh kar diya। baba kahenge tum to kul kalankit ho। krodh va moh ke liye aise nahin kahenge। saara madaar hai kaam par। bulaate hain he patit-paavan aao। baap aaya hai phir bhi patit bante rahe to baap kya kahenge। saadhu santa aadi sab koi pukaarte hain he patit-paavan aao। arth koi nahin samajhte hain। koi maante hain ki haan aane vaala hai jo nai duniya sthaapan karenge। parantu time bahut lamba de dene se ghor andhiyaare mein gir pade hain। gyaan aur agyaan hai na।

baap samjhaate hain bhakti mein tum jiski pooja karte ho use jaante nahin to woh bhakti kis kaam ki। na jaanne ke kaaran jo kuchh karte woh nishphal ho jaata hai। manushya samajhte hain daan-punya karne se phal milta hai। parantu woh hai alpakaal ke liye, kaag vishta ke samaan sukh। sannyaasi bhi kehte hain yeh duniya mein jo sukh milta hai woh kaag vishta samaan hai, baaki sab duhkh hi duhkh hai। baap kehte hain maamekam yaad karo to tumhaare sab duhkh door ho jaayenge। vichaar karo ki ham kitna yaad karte hain। jo puraana hisaab khatma bhi ho aur naya jama bhi ho। kitna koi jama karte hain, ismen dhan aadi ki baat nahin hai। yeh to hai ki paap kaise mite? mool baat hai hi pavitra banne ki। aise bhi nahin samjho ki baba ko likhkar dene se koi janma-janmaantar ka khatma ho jaayega। paapon ka bojha janma-janmaantar ka bahut hai। woh sab nahin katte hain। is janma mein jo kiye hain, uski halkaai ho jaati hai। baaki to mehnat bahut karni pade। jitna yaad mein rahenge utna paapon ka bojha halka hota jaayega। koi bachche bahut mehnat karte hain, laakhon ko raasta bataate hain। 84 janma ka chakra samjhaate hain। janmon ke hisaab ko tum jaante ho। vichaar karo kitna yogbal hai, hamaara janma kab hoga? satayug aadi mein ho sakega? jo bahut purooshaartha karenge vahi satayug aadi mein janma le sakenge। woh koi chhipa thode hi rahega। aise mat samjho ki sabhi koi satayug mein aayenge। koi to pichhaadi mein aakar thoda bahut le lete hain। jo jaasti kamaai karte hain woh jaldi aate hain। kam kamaai karte to deri se aate hain isliye baap ko to bahut yaad karna chaahiye aur hai bhi bahut sahaj। jo achhi reeti yaad karenge unko khushi rahegi। ham jaldi nai duniya mein aayenge। raaja banna hai to praja bhi to banaani hai na। praja hi nahin banaayenge to raaja kaise banenge। koi centre kholte hain। unki kamaai bhi bahut hoti hai। phaayda hota hai to 2-3 centre bhi kholte hain। centre to baba bhi kholte rehte hain। jo karte hain unka hisaab usmein aa jaata hai। milkar tum sab duhkh ka chhappar uthaate ho na! sabka kandha milta hai na। to hisaab sabko milta hai। jitna mehnat karte hain, utna oonch pad milega। unko khushi bhi bahut hogi। dekha jaata hai - kitnon ka uddhaar kiya। service bahut achhi karte rehte। jaise misaal dete hain mama ka। mama ne bahut achhi service ki to unka kitna kalyaan ho gaya। mool baat hai service karne ki। yog ki bhi service hai na। direction milte rehte hain। kaise yaad karna hai। yeh bindi ka raaz bhi baba ne ab samjhaaya hai। ab aage chal aur bhi sunaate rahenge। din-pratidin unnati hoti jaayegi। points nikalti rehti hain, bahut difficult bhi nahin hai। sahaj bhi nahin hai। jo service mein tatpar hain, woh jhat point ko pakad lete hain। jo service mein nahin rehte unki buddhi mein kuchh bhi nahin baithta। bindi-bindi kehte rehte parantu kaise bindi ko yaad karen, kaise bindi ko dekhen, hai bahut sahaj baat। koi bindi ko saamne rakh thode hi yaad karna hai। yeh to samajhne ki baat hai। aatma kitni chhoti bindi hai। aatma ka naam, roop, desh, kaal koi bata nahin sakega। paramatma ke liye poochhte hain - unka naam roop desh kaal kya hai? besmajh manushya na aatma ko jaante, na paramatma ko jaante hain। yahaan bhi hain jo poori reeti nahin jaante hain sirf baba-baba kehte rehte। knowledge kahaan seekhte hain। kuchh bhi service karte nahin। khaate rehte hain। jaise sannyaasiyon ke paas bhi avdhoot hote hain, jo karte kuchh bhi nahin, khaate rehte hain। baaki sannyaas dhaaran kiya hai, vikaar se chhoot gaye woh bhi kam baat nahin।

baba samjhaate hain tum pavitra the, abhi apvitra ban gaye ho। tumne hi 84 janmon ka chakra lagaaya hai। in baaton ko bhi manushya samajh nahin sakte। bhakti bilkul alag hai, gyaan bilkul hi alag baat hai। raat-din ka pharka hai। tum jaante ho hamko purooshaartha se lakshmi-naaraayan jaisa banna hai to shreemat par poora chalna hai। mehnat to hai। baaki yeh beemaari aadi to chalti rahegi। yeh nishaani ant tak dikhaai degi। phir gum ho jaati hai, phir koi duhkh nahin rahega। baap ko kehte hi hain duhkh harta, sukh karta, he liberator raham karo to phir sab duhkh se chhoot jaate hain। duhkh mein hi manushya bahut simran karte hain। he prabhu, he raam, duhkh ke time sab kahenge - bhagwan ko yaad karo। parantu bhagwan kaun hai - yeh koi nahin jaante। sirf kahenge god father ko yaad karo। khuda ko yaad karo। tum to achhi reeti jaante ho woh hamaara baap hai। baap hi sikhlaate hain apne ko aatma samajh mujhe yaad karo। bhakti maarga mein aise kahenge kya ki apne ko aatma samajh baap ko yaad karo। nahin। kitne prakaar ki athaah bhakti hai। gyaan ek hi hai। samajhte hain bhakti se bhagwan milega। bhakti kab se shuru hoti hai, kaun jaasti bhakti karta hai? yeh kisko pata nahin hai। kya ajun 40 hajaar varsha bhakti hi karte rahenge? kahaan tak bhakti karenge? abhi tum jaante ho itna samay bhakti chalti hai, itna samay gyaan chalta hai। bhakton ko pata nahin chalta hai, unhon ko samjhaane ke liye hi itni pradarshani aadi karte hain। pradarshani mein bhi koton mein koi nikalte hain। aage chal karke aur niklenge। yahaan bhi kitne dher aate hain। tum kitne thode ho jo sachche brahman pavitra rehte ho, jo regular ho woh aave। parantu yeh bhi hisaab nikaal na saken ki sachche brahman kitne hain? bahut jhoothe bhi hain। braahmanon ka kaam hi hai katha sunaana। baba bhi katha sunaate rehte hain na। tumko bhi katha sunaani hai। yatha baap tatha bachche। bachchon ka kaam hi hai geeta sunaana। parantu sab kahaan sunaate hain। tum jaante ho gyaan ki pustak ek hi geeta hai। woh hai sarvashaastramai shiromni, usmein sab aa gaya। maai baap hai geeta। baap hi aakar sabki sadgati karte hain। yeh bhi likh sakte ho ki shivbaaba ki jayanti hi heere-tulya hai। baaki sabki jayantiyaan kaudi tulya hain। baap ko to sab yaad karte hain। kaliyugi manushya satayugi devtaaon ki pooja karte hain। unhon ko aisa banaane vaala kaun hai? ek baap। parantu yeh bhi samjha woh sakenge jo achhi reeti samajhte hain। kaaydemuzeeb koi samjhaate nahin।

baba kehte hain hamaare kai bachche construction ke saath destruction bhi karne vaale hain। mahaarthi, ghodesvaar, pyaade sab hain na। to pyaade kya karenge? padhe likhe ke aage bhari dhoyenge। baaki jo na bhari dhoyenge, na padhenge, padhaayenge unko kya kahenge? oont pakshi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap bindi hai, is baat ko yathaartha samajhkar baap ko yaad karna hai। bindi-bindi kahkar moonjhana nahin hai। service par tatpar rehna hai।

2) sachchi geeta sunni aur sunaani hai। sachcha brahman banne ke liye pavitra rehna hai। regular padhaai zaroor karni hai।

vardaan:- sada khushi ki khuraak khaane vaale aur khushi baantane vaale, khushanseeb bephikra bhav

brahman jeevan ki khuraak khushi hai। jo sada khushi ki khuraak khaane vaale aur khushi baantane vaale hain vahi khushanseeb hain। unke dil se yahi nikalta ki mere jaisa khushanseeb aur koi nahin। bhale saagar ki lahren bhi dubone aa jaaen to bhi phikra nahin kyonki jo yogayukta hain woh sada hi safe hain isliye saare kalpa mein is samay hi aap bephikra jeevan ka anubhav karte ho। satayug mein bhi bephikra honge lekin gyaan nahin hoga।

slogan:- sahaj purooshaarthi banna hai to sarva ki duaaon se svayan ko bharpoor karo।