Murli du jour du jeudi 6 octobre 2022

06-10-2022 praatahmurli om shanti "baapdaada"' madhuban

“meethe bachche - zara bhi gaphlat ki to maaya aisa hap kar legi jo eeshvareey sang se bhi door chale jaayenge, isliye apni sambhaal karo, khabardaar raho''

prashn:- is eeshvareey class mein baithne ka kaayda kaun sa hai?

uttar:- is class mein vahi baith sakta hai jisne baap ko yathaartha pahchaana hai। yahaan baithne vaalon ki avyabhichaari yaad chaahiye। agar yahaan baithe auron ko yaad karte rahe to woh vaayumandal ko kharaab karte hain। yeh bhi bahut badi disservice hai। yahaan ke kaayde kade hone ke kaaran tumhaari vriddhi kam hoti hai।

prashn:- kis ek baat se bachchon ki avastha ka pata padta hai?

uttar:- is rogi bhogi duniya mein kabhi koi paper aata aur rone lagte to avastha ka pata pad jaata। tumhein rone ki mana hai।

geet:- mukhda dekh le praani…

om shanti। yeh kisne kaha praani athva aatma, kehte hain na inke praan nikal gaye। to aatma nikal gai na। to praan aatma ko kahenge, na ki shareer ko। baap aatmaon se poochhte hain - paap aatma ho va punya aatma ho? sabhi apne ko patit to maante hain। to baap kehte hain ki apni aatma se poochho ki hamne kaun-kaun se paap kiye hain? kab kiye hain? paap aatma to sabhi hain na। parantu nambarvaar to hote hi hain। to nambarvaar punya aatma kaun hain? number one paap aatma kaun hai? bhaarat paavan tha, ab patit hai। aaj sabhi manushya maatra maaya ke gulaam ban gaye hain। aadhaakalpa maaya ke gulaam bante hain, phir maaya ko gulaam banaate hain, tab unhon ko punya aatma kaha jaata hai। lakshmi-naaraayan ko bhagwan-bhagavti kaha jaata hai। woh ab kahaan gaye? satayug mein sirf lakshmi-naaraayan to nahin the, parantu unki poori dynasty thi। us samay ke bhaarat ko paavan kaha jaata tha। vahaan daivi gun vaale manushya the। kehte hain sarvagun sampanna, 16 kala sampoorn... to punya aatma thahre na। phir kehte hain ahinsa parmodharmah। to woh ahinsak bhi the। hinsa ke do arth hain - hinsa maana kiska ghaat karna, maarna। ghaat bhi do prakaar ka hota hai। ek kaam kataari se maarna, doosra kisko krodh se maarna। yeh bhi hinsa hai। is samay sab paap aatma hain। kehte hain na mujh nirgun haare mein koi gun naahi। to nambarvaar hote hain na। parantu hain paap aatma, to jab baap aata hai to baap ko pahchaanna chaahiye। kehte hain - parampita, to unko koi pita nahin, woh sabka pita hai, woh sabka teacher hai। parampita jo paramdham mein rehte hain, unko koi baap nahin hai। baaki sabka baap hota hai। brahma, vishnu, shankar ka bhi baap hai। kehte hain shivaae namah to baap hua na। baap punarjanma mein nahin aate hain। parantu woh kalpa mein ek baar janma lete hain। kehte hain shiv jayanti, to janma hua na। shaastravaadi to nahin jaante hain shiv kaise janma lete hain? kehte hain shivraatri, raatri kaun si? raatri mein manushya andhakaar vash dhakka khaate hain phir bhakti maarga mein bhi kehte hain ganga snaan karo। chaar dhaam ki yaatra karo, yeh karo। to dhakke hue na। yeh ho gai raat। satayug treta hai din। satayug mein hai sukh। vahaan paramatma ko yaad karne ki darkaar nahin। kehte hain duhkh mein simran sab karen, to bhakta baap ka simran karte hain, saadhna karte hain to patit thahre na। to patit bhaarat ko hi kahenge kyonki bhaarat hi paavan tha। jab devi-devta dharma tha, pavitra aatmaayen the। satayug mein aur dharma hote nahin। baaki aur dharma ki jo patit aatmaayen hain woh sajaayen khaakar paramdham mein rehti hain। satayug mein aati nahin। satayug mein sukh-shanti-sampatti sab thi। vahaan hai hi praalabdha।

yahaan tum bachchon ki abhi hai ek mat। vahaan ek ghar mein hain anek mat। baap ganesh ko yaad karega to bachcha hanoomaan ko, to anek mat hui na। yahaan baap se bachchon ko varsa milta hai। aise to kisko bhi baba kah dete hain। gaandhi bhi baapu tha na - parantu sabka baap nahin tha। yeh hai behad ka baap। baap aakar janjeeron se chhudaate hain। bhakti ki bhi janjeeren hain। yeh samajhte thode hi hai ki ham patit hain। patiton ko paavan banaane vaala ek baap hai। tum ek satya baap ko maante ho। aur satsang mein jaao to koi mana nahin karenge। yahaan to bilkul mana ki jaati hai। jab tak baap ko nahin jaana hai tab tak class mein nahin baith sakte kyonki jab tak yaad nahin tab tak laayak nahin। maaya naalaayak bana deti hai। kehte hain mujh nirgun haare mein koi gun naahi। yeh sab gaate hain। goya sab patit hain। brahma vishnu shankar ko bhi gaali dete hain। unhon ki jaisi drishti vaisi srishti dikhaai padti hai। agar yahaan koi baithkar bhi auron ko yaad karta rahe to woh vyabhichaari yaad ho gai na। bhal yaad poori reeti thaharti nahin hai kyonki maaya buddhiyog tod deti hai। phir bhi baap tumhein buddhiyog lagaana sikhlaate hain। ant mein tumhaari yaad thahar jaayegi। tab ant ke liye gaayan hai ki ateendriy sukh poochhna ho to gop-gopiyon se poochho। yeh sanstha isliye vriddhi ko nahin paati kyonki yahaan ke kaayde kade hain। jab tak baap ko nahin jaana hai tab tak class mein baith nahin sakte kyonki yahaan avyabhichaari yaad chaahiye। koi sachkhanda ka maalik nahin bana sakta hai। tum sachkhanda ke maalik baap dvaara bante ho। ab to jhooth khanda hai, kehte hain na - jhoothi kaaya, jhoothi maaya... aadhaakalpa aise hi chalta hai। samjho baap gyaan mein aata hai to rachna ko bhi paavan banaana pade। agar bachche pavitra nahin banen to kapoot thahre। ghar mein agar ek pavitra bane, doosra na banen to jhagda ho padta hai isliye manushyon ka hriday videeran hota hai। yahaan sunte to achha-achha kehte hain parantu phir baahar gaya to phir vaise hi ban padte। samajhte hain - sannyaasi to kehte hain grihastha vyavhaar mein rehte pavitra ho nahin sakte। to ham kaise rah sakenge। parantu yahaan to pratigya karni padti hai। bachche bhi kehte hain ham pavitra banenge। aadhaakalpa to hamne pukaara hai ki sadgati daata aao। to ab woh aaye hain। to ab unki maanenge ya bhala kisi doosre ki maanenge! baap kehte hain agar nahin maanenge to satayug mein kaise chal sakenge। agar baap ka bachcha nahin to kapoot thahre na, phir thahar nahin sakenge। unka rehna mushkil ho padega। hans aur bagule ho gaye, ikatthe kaise rah sakenge। achha kahaan stri pavitra banti। pati pavitra nahin banta to stri pukaarti hai। baap kehte hain bachche, tumko sahan karna padega। achha jaakar kaam karo, bartan maanjo। roti tukda hi to chaahiye na। vikaar mein jaane se to bartan maanjana achha hai na। bachchi ko laukik baap bhi asylum nahin dete hain। woh bhi kahenge hamne tera haath isliye baandha hai, vikaar mein jaana pade। parantu paarlaukik baap kehte hain de daan to chhoote grahan। 5 vikaaron ka daan do to grahan utre। chandrama muaaphik 16 kala sampoorn ban jaayenge। shreekrishna 16 kala sampoorn hai na। abhi no kala। abhi to sab patit hain। kehte hain na - ham patit hain phir kaho ki tum narkavaasi ho, to bigadte hain। is samay yatha raaja tatha praja sab patit hain। satayug hai shreshthaachaari। satayug mein koi rota nahin। to tumko yahaan bhi rone ka hukm nahin। rote ho goya avastha ki kami hai। jab baap 21 janmon ki baadshaahi dete hain। phir rone ki kya darkaar hai, parantu yeh bhool jaate ho। yeh rogi duniya hai, bhogi duniya hai। satayug nirogi, yogi duniya hai। yahaan to baap ko yaad karna hai। yaad nahin karte to disservice karte ho kyonki vaayumandal kharaab karenge। yahaan to sab hain hi patit। to patit ko daan karne se to paavan ban na saken। patit ko diya to woh kaam hi patit karenge। yahaan to patiton ka patiton ke saath vyavhaar hai। vahaan to paavan ka paavan ke saath vyavhaar hoga। vyabhichaari akshar to bura hai na। pahle bhakti bhi avyabhichaari thi। shiv ki hi pooja karte the। peechhe devtaaon ki bhakti shuru ki, peechhe rajoguni bhakti kaha jaata hai। abhi to manushyon ki pooja karne lag pade hain। sannyaasiyon ke charan dhokar peete hain। manushyon ki pooja ko bhoot pooja kaha jaata hai arthaat 5 tatvon ke bane hue shareer ki pooja। samajhte kuchh bhi nahin। tab kaha jaata hai andhe ki aulaad andhe। tum ho sajje ki aulaad sajje। to woh andhere mein dhakke khaate rehte hain। kehte hain guru brahma, guru vishnu, guru shankar... yeh bhi kehna wrong hai। vishnu to hai satayug mein rahne vaala। woh to apni praalabdha bhogte hain। baaki hai brahma guru, woh bhi tab jab is tan mein baap aaye। jab tak baap nahin aate hain tab tak yeh bhi kis kaam ke।

behad ka baap kehte hain jo meri shreemat par chalta hai vahi mera sapoot bachcha hai। jaise government ordinance nikaalti hai, aise yeh paandav government bhi ordinance nikaalti hai ki pavitra banenge to pavitra duniya ke maalik banenge। to baap kehte hain ki deh sahit deh ke sab sambandh bhool maamekam yaad karo, is shareer se buddhiyog tudvaate hain aur aatma ki paramatma se sagaai karaate hain। to baap ko yaad karna chaahiye aur shareer se bhi mamatva nikaalna hai। mohjeet ki ek kahaani hai na, to tumko bhi mohjeet banna hai। yeh hai yuddha ka maidaan, is yuddha mein jara bhi gaphlat ki to maaya hap kar leti hai। kehte hain ki gaj ko graah (magarmachchha) ne pakda। koi aisi baat nahin ki gaj arthaat haathi koi paani mein gaya, graah ne pakad liya। nahin, yeh yahaan ki baat hai। achhe-achhe mahaarthi hain, bahuton ko samjhaate bhi hain, centres bhi sambhaalte hain। agar unhonne bhi jara gaphlat ki to maaya hap kar leti hai। aisa hap karti hai jo baap ke sang se hi bhaga le jaati hai। puraani duniya mein chale jaate hain isliye badi sambhaal rakhni padti hai kyonki maaya se boxing hai। aur yeh bilkul samajhne ki baaten hain। sirf sat-sat karne ki baat nahin hai। sat-sat to bhakti maarga mein karte hain ki phalaana naak se paida hua, yeh bhi sat, hanoomaan pavan se paida hua, haan ji satya। woh to sab hain bhakti maarga ki baaten। yahaan to gyaan ki baaten hain jo dhaaran karna hai। maaya se yuddha karni hai। agar baap ka bankar koi paap karma kiya to aur hi sau guna danda milega। to baba bahut khabardaar karte hain। dekho, ab to baapdaada sammukh baith padha rahe hain। ab yeh thodehi kahenge he bhagwan। nahin। shivbaaba ka bachcha ek brahma hai phir brahma so vishnu bante hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) chandrama samaan 16 kala sampanna banne ke liye 5 vikaaron ka poora daan de grahan se mukta ho jaana hai।

2) baap ka bankar koi paap karma nahin karna hai। shareer se bhi mamatva nikaal mohjeet ban jaana hai।

vardaan:- apni shreshtha drishti, vritti dvaara srishti ka parivartan karne vaale vishwa ke aadhaarmoorta bhav

aap bachche vishwa ki sarva aatmaon ke aadhaarmoorta ho। aapki shreshtha vritti se vishwa ka vaataavran parivartan ho raha hai, aapki pavitra drishti se vishwa ki aatmaayen aur prakriti donon pavitra ban rahi hain। aapki drishti se srishti badal rahi hai। aapke shreshtha karmo se shreshthaachaari duniya ban rahi hai, aisi jimmevaari ka taaj pahanne vaale aap bachche hi bhavishya ke taajdhaari bante ho।

slogan:- nyaare aur adhikaari bankar karma karo to koi bhi bandhan apne bandhan mein baandh nahin sakta।