Murli du jour du jeudi 20 octobre 2022

20-10-2022 praatahmurli om shanti "baapdaada"' madhuban

“meethe bachche - bhaarat jo saahookaar tha vahi ab gareeb bana hai, baap hi is gareeb bhaarat ko phir se saahookaar banaate hain''

prashn:- tum gop-gopiyon mein sabse khushanseeb kaun aur kaise?

uttar:- sabse khushanseeb woh hain jo godly gyaan dance karte hain, vahi phir satayug mein jaakar prince-princess ke saath dance karenge। aise khushanseeb bachche abhi baap par poora-poora bali chadhte hain, kehte hain baba main tera, mera kuchh bhi nahin। aap hamko svarga ka maalik banaate ho to main kyon nahin balihaar jaaoon।

om shanti। baap bachchon ko dheeraj de rahe hain ki he bhaaratvaasi bachche, kaun se bachche? jo devtaaon ke pujaari hain। woh maante hain hamaare eeshta dev bade devtaayen the। Christian Christ ki pooja karenge। bauddhi buddha ki pooja karenge। jain mahaaveer ki pooja karenge। har ek apne-apne dharma ke bade ki pooja karenge athva yaad karenge। devi devtaaon ke mandir hain। unmein shiv ka mandir bhi aa jaata hai। woh hai niraakaar। brahma, vishnu, shankar aakaari hain aur lakshmi-naaraayan, seeta-raam, jagat amba, jagat pita hai saakaar। in baaton ko duniya vaale nahin jaante hain। to jo devtaaon ke pujaari hain unke liye baba kehte hain ki dheeraj dharo, abhi svarga ki sthaapna ho rahi hai। bhaarat svarga tha, lakshmi-naaraayan ke raajya ko svarga kaha jaata hai। lakshmi-naaraayan ke raajya ko 5 hajaar varsha hue। seetaaraam ke liye kahenge 3750 varsha hue। yeh tum brahma mukh vanshi brahman kul bhooshan hi jaante ho। duniya mein sab andhakaar mein hone ke kaaran buddhiheen hain। unko samjhaana hai ki tumhaara ek hai laukik baap, doosra hai paarlaukik baap। woh hai nai duniya ka rachayita। baap naya ghar banaate hain na। behad ka baap nai srishti banaate hain। abhi woh bhaaratvaasi dharma bhrashta ban pade hain। devtaaon ki mahima gaate hain - sarvagun sampanna… yeh mahima aur koi dharma vaale ki nahin hai। koi bhi dharma vaale apne eeshta dev ki aisi mahima nahin gaate hain। unko devtaaon ke bhakta milenge bhi lakshmi-naaraayan ke mandir mein। shreekrishna ke bhagat krishna ke mandir mein milenge। tum jaante ho lakshmi-naaraayan satayug mein bhaarat ke maalik the। goya bhaaratvaasi satayug ke maalik the। bhaarat bahut saahookaar maalaamaal tha। jab aadi sanaatan devi-devta dharma tha। yeh hai bhaarat ka praacheen sahaj raajayog aur sahaj gyaan। devi-devta dharma hai puraana। parantu manushya bhool gaye hain ki devi-devta dharma ki sthaapna kisne ki। baba ne samjhaaya hai tum ho sangamayugi brahman। woh kaliyugi brahman bhi kehte hain ki ham prajaapita brahma vanshi hain। parantu woh yeh nahin jaante ki brahma kab aaye the। tum ab practical mein ho। tum jaante ho lakshmi-naaraayan is bhaarat mein hi raajya karke gaye hain। unse oonch manushya koi hai nahin। manushyon ko yeh maaloom hi nahin ki satayug ko kitne varsha hue! woh to satayug ki aayu kitne arab kah dete hain। shaastra banaane vaalon ne apni mat daal di hai। ab baap tum bachchon ko samjhaate hain jo bhaarat ke asul devi-devta dharma ke the, unhein bahut janmon ke ant ke janma mein yahaan aana hai zaroor। yeh varna hain hi bhaaratvaasi devi-devta dharma vaalon ke। pichhaadi vaale aur dharmon ke nahin hain। tum abhi brahma vanshi brahman bane ho। tum pujaari se poojya ban rahe ho। tum maataaon ko bhaarat maata shakti avtaar kaha jaata hai। jagat amba ka bhi reincarnation kahenge। shivbaaba ne is sangamayug mein avtaar liya hai। tumko apna bachcha banaaya hai।

tum bachche jaante ho parampita paramatma jo sabhi aatmaon ka baap hai woh hai brahmaanda ka maalik। unko srishti ka maalik nahin kah sakte। bhal pita hai parantu maalik nahin banta hai। yeh bhi guhya baat hai। woh creator hai to creation ka maalik hona chaahiye। parantu baba kehta hai main jo svarga sthaapan karta hoon, unka maalik nahin banta hoon। maalik tum bachchon ko banaata hoon। duniya mein sab kahenge ki bhagwan srishti ka maalik hai, parantu woh maalik hai rachne ke liye। baaki svarga ka maalik to tumko hi banaate hain। baap ka kaam hai bachchon ko sir par chadhaana। baap sevaadhaari hai na। bachchon ko sab kuchh dekar chala jaata hoon। baap bhi kehte hain tumko laayak banaae nai srishti rachvaakar unka maalik banaae main retired ho jaata hoon। tum brahmaanda ke bhi maalik kahlaayenge kyonki tum brahmaanda ke maalik ke bachche ho। tum bhi brahm mahtatva mein jaayenge to brahmaanda ke maalik kahlaayenge। vahaan bhal tum aatmaayen chaitanya ho parantu organs nahin hain। jab paramdham mein ho to brahmaanda ke maalik ho phir tum srishti ke maalik banenge। phir tumko raajya bhaagya ganvaana padega। yeh gyaan na devtaaon ko, na shoodron ko ho sakta hai। yeh gyaan sirf tum braahmanon ko hai। baba kitni guhya baaten samjhaate hain। kehte hain tumhaara hi hero part hai। jagat amba gyaan gyaaneshvari hai। phir raaj-raajeshvari banti hai, tatatvam। aise nahin sirf 2-4 ka part hai। srishti ka raajya lena aur ganvaana yeh bhaaratvaasiyon ka khel hai। bhaaratvaasi hi srishti ke maalik the, aaj kangaal bane hain। apvitra raajaaon ka bhi raajya nahin hai, panchaayti raajya hai। kaha jaata hai religion is might, sarvashaktimaan baap baith devi-devta dharma ki sthaapna kar rahe hain। kitni might dete hain, jo ham srishti ke maalik ban jaate hain। bhaarat mein to anek dharma hain। gujraat mein rahne vaale kehte hain ham gujraati hain। satayug mein ek hi dharma tha। baap kehte hain tumko phir se geeta ka gyaan sunaata hoon। jab tak jiyenge tab tak gyaan amrit piyenge। anek janmon ka bojha hai, woh utarne ka hai। unhonne to yuddha ka maidaan dikhlaae krishna ka naam daal diya hai। bhagwan kehte hain tumhaare rath mein pravesh kar maaya par jeet pahnaane ke liye yuddha ke maidaan mein khada karta hoon। saath-saath bachchon ko bhi khada karta hoon। tum jaante ho maaya jeet ban svarga ke maalik banenge। woh log phir sipaahiyon ko kehte hain, kitna raat-din ka farka hai। tumko mandiron mein jaakar service karni chaahiye। unko bataao yeh lakshmi-naaraayan hi bhaarat ke maalik the। phir aise slogan banaao ki bhaaratvaasi svarga ke maalik the। ab milkiyat ganva di hai। shaastron mein krishna aur mahaabhaarat ladaai dikha di hai। bhakti mein bhagwan se milne ke liye saadhna karte hain। pukaarte hain ki aakar maaya raavan se liberate karo। kitna haahaakaar macha hua hai। ladaai lagegi to anna, kapda, kuchh bhi nahin milega। baambe ko queen aaph india kehte hain kyonki unhein svarga ke sukhon ka pata nahin hai। hamko maaloom hain to ham andar dance karte rehte hain। gyaan ko sadgati kaha jaata hai। gyaan kaun sa? srishti ke aadi-madhya-ant ka। tum ab buddhi se kaam lo ki ham kaise sabko samjhaayen। devtaayen jo paavan the vahi ab patit ban gaye hain, unhon ko dhoondhana pade। woh mandiron mein jaldi milenge aur woh bhi khush honge। jagat amba ka mandir neeche hai vaastav mein donon ka ikattha hona chaahiye। tum jaante ho brahma ki beti number one princess banegi। tum jagat amba ke 84 janmon ki biography bata sakte ho। tum shivbaaba ki biography ko jaante ho। aise nahin woh patthar-bhittar mein hai। aage ham bhi aise samajhte the। yeh bhi abhi kehte hain। aage to apne ko bahut ooncha samajhte the। sabse ooncha javaahraat ka dhandha hai, unse ooncha yeh avinaashi gyaan ratnon ka dhandha hai। tum 9 ratna ki angoothi bhi pahante ho। woh bhi inse bhent hai। aage to kuchh pata nahin tha।

aaj mukhya baat samjhaai ki brahmaanda ka maalik srishti ka rachayita paramatma hai। woh raajya nahin karte। raajya ham bachchon ko dete hain। hamko hi raajya lena aur ganvaana hai। yeh bhi to maaloom hona chaahiye na। ganvaaye hue raajya mein kitna janma lete hain? phir apne raajya mein kitne janma lete hain? aur baaki kya chaahiye। manushya to deh abhimaani hone kaaran ulte latke hue hain। tum abhi sulte hue ho। manushya jab marte hain to phir unka munh pher dete hain। ab hamaara munh hai paramdham taraph। ham yeh shareer chhod seedhe chale jaayenge। achha, baap kehte hain manamnaabhav। mere ko yaad karne se tum mere paas aa jaayenge। yahaan behad mein class achha hai। andar kamre mein baba ko jaise garbhajel bhaasta hai। behad ke baap ko behad chaahiye। itna bada behad ka maalik is had (shareer) mein aakar baithte hain, tumhaari service karne। inko aana hi hai patit shareer, patit duniya mein। kehte hain tum bachchon ko patit se paavan banaae, svarga ka maalik banaae phir main chala jaata hoon। abhi uthal-paathal hogi। to kai jo kachche hain unke to dekhkar hi praan nikal jaayenge। kisko marta hua dekhkar bhi kaeeyon ko bada shock aa jaata hai aur mar jaate hain। tumko to bahut majboot hona chaahiye। gaaya bhi jaata hai ki mirooa maut malooka shikaar। svarga ke laayak to ab ham ban rahe hain। baap kehte hain is ladaai dvaara hi get khulte hain। ab chalo vaapis, khel poora hua। baba hai roohaani guide, roohaani dhaam mein le jaate hain isliye ab baap ko yaad karo to ant mati so gati ho jaayegi। koi-koi ka to yahaan bahut chhota janma hota hai। garbha mein bahut sajaayen khaate hain। baahar aaya aur bachcha mar gaya phir doosra hisaab-kitaab bhogne jaata hai। baap kehte hain meethe-meethe bachche in gyaan ratnon ko buddhi mein dhaaran karo। mandiron mein jaakar service karo, isko mehnat kaha jaata hai। daro mat। jo apne dharma ke honge unko teer lagega। sannyaasiyon ke paas jaakar dekhna chaahiye। (bichchhu ke dank ka misaal) dekho patthar hai to dank nahin lagaao। try karni chaahiye। koshish karte-karte successful ho hi jaayenge। abhi ajun woh gyaan aur yog ki taakat aai nahin hai isliye abhi sannyaasiyon, raajaaon aadi ko kahaan samjhaaya hai। janak, parikshit, sannyaasi aadi sab pichhaadi mein hi aate hain। unko gyaan denge to phir prabhaav nikal jaayega। phir us samay tum kahenge tu let। baba aaya tha jholi bharne, parantu tum aaye hi nahin। hamesha vichaar karo ki kaise service karni chaahiye। nimantran chhapaao। idea nikaalo। service bhi drama anusaar hi hoti hai। ham saakshi ho dekhte hain। bhagvaanuvaach bachchon prati, gop gopiyon prati। gopi ballabh bhagwan hai। woh hai baap। gop gopiyaan sab to yahaan hi hain। satayug mein thode hi honge। yeh hai godly gyaan ka dance। phir vahaan jaakar prince princess ke saath dance karenge। tum bachche bade hi khushanseeb ho, sirf bali chadh jaao। baba main teri hoon, kyon nahi balihaar jaaoongi। aap hamko svarga ka maalik banaate ho। badi jabardasta kamaai hai। baaki sab to kabradaakhil hone hain। kabristaan phir paristaan hoga। dehli paristaan thi, pariyon ka sthaan tha। devi-devtaaon ko paristaan ki pariyaan kaha jaata hai। ab kabristaan hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada is nashe mein rehna hai ki ham brahmaanda aur vishwa ke maalik ban rahe hain। ham brahman hi phir devta banenge।

2) apni avastha majboot banaani hai। maut se bhi darna nahin hai। baap ki yaad mein rehna hai। dhaarna kar auron ki service karni hai।

vardaan:- bahaanebaazi ke khel ko samaapta karne vaale master daataapan ke svamaandhaari bhav

jin bachchon ko bahaanebaaji ka khel aata hai woh kahenge - aise nahin hota to vaisa nahin hota। isne aise kiya, circumstance va baat hi aisi thi....ab is bahaanebaaji ki bhaasha ko samaapta kar dridh pratigya karo ki aisa ho ya vaisa lekin mujhe to baap jaisa banna hai। doosra sahayog de to main sampanna banoon, nahin। is lene ke bajaae master daata ban sahayog, sneh, sahaanubhooti dena hi lena hai। is bhaavna se master daataapan ke svamaandhaari ban jaayenge।

slogan:- jab main aur merepan ke bhaavon se vairaagya ho tab kahenge behad ke vairaagi।