Murli du jour du samedi 12 novembre 2022

12-11-2022 praatahmurli om shanti "baapdaada"' madhuban

meethe bachche - ek do ko du h kh dena ghost ka kaam hai , tumhein kisi ko bhi du h kh nahin dena hai। raamraajya mein yeh ghost ( raavan ) hota nahin

prashn:- tum bachchon ko kis baat mein moorchhit nahin hona hai, khushi mein rehna hai?

uttar:- koi beemaari aadi hoti hai to moorchhit nahin hona hai। agar deh-abhimaan mein latke hue hain। apne ko aatma nahin samajhte, saara din deh mein dhyaan hai to jaise mare pade hain। baba kehte bachche tum yog mein raho to darda bhi kam ho jaayega। yogbal se duhkh door hote hain। bahut khushi rehti hai। kaha jaata hai apni ghot to nasha chadhe। karmabhog ko yog se hataana hai।

geet:- toone raat ganvaai…

om shanti। yeh baaten shaastron mein bhi hain। ek do ko samjhaate bhi hain। phir bhi time ganvaana chhodte nahin hain। anek prakaar ke guru log mat dete hain। achhe-achhe bhagat kothri mein baith gaoomukh kapda hota hai, usmein andar haath daal maala pherte hain। yeh bhi fashion hai। ab baap kehte hain - yeh sab chhodo। aatma ko simran karna hai baap ka। ismen maala pherne ki baat nahin। sabse achha geet hai shivaae namah ka। ismen hi aata hai ki tum maat-pita ho। bhagwan ko hi rachta kaha jaata hai। ab rachte kya hain? woh samajhte hain nai duniya rachte hain। gaate hain tum maat-pita, parantu sirf gaate hain। samajhte kuchh nahin। ab eeshvar to father thahra, phir mother bhi chaahiye। mother ke sivaae create na kar saken। sirf yeh nahin jaante ki kaise create karte hain। maat-pita kehte hain to aapas mein bhaai behen thahre। phir vikaar ki drishti ho na sake, jab aatma roop mein hai to phir pavitra rahne ki baat bhi nahin। bhaai behen ka savaal hi nahin। bhaai-bhaai ho gaye। point bahut achhi samjhaai jaati hai। parantu maaya aisi hai jo phat se gira deti hai। jaise toophaan lagte hain to jhaad ke jhaad gir padte hain, sirf ek bad ka jhaad hota hai woh toofaan mein kabhi nahin girta। to yeh samjhaana sahaj hai। sab gaate hain tum maat-pita, past ka gaayan karte hain, bhakti maarga ka। maat-pita srishti rachte hain। unke baalak bante hain to zaroor sukh ghanere dete honge। yeh koi nahin jaante ki woh maat-pita bhi hai, teacher bhi hai to guru bhi hai। mahima to karte hain na - tum maat-pita। to bhaai behen ho gaye। phir tum vikaar mein kyon jaate ho? ham phir se unke baalak bante hain aur jaante hain bhal ghar mein rehte hain parantu yaad unko hi karte hain। ham brahma ki aulaad aapas mein bhaai behen hain। kahlaate bhi hain brahmaakumaar kumaariyaan। brahma ko bhi rachne vaala woh hai। maat-pita aakar sukh dete hain। ab sukh ghanere paane ke liye maat-pita se ham raajayog seekh rahe hain। sukh ghanere to satayug mein hote hain। baap jo svarga ki sthaapna karte hain, unse sukh ghanere milte hain, jab ham duhkh mein hain tab shiksha milti hai - sukh mein jaane ki। vahi maat-pita aakar sukh dete hain। Adam Eve to mashhoor hain। zaroor god ki santaan thahre। to god phir kaun? yeh raajya hi raavan ghost ka hai। parantu raavan kya cheez hai, yeh nahin jaante। ab ghost (vikaar) to sabmen hain। unka hi raajya chal raha hai। sirf krodh ka bhoot nahin। sab vikaaron ka bhoot hai। jaise vo log kuchh chhapaate hain to baba attention dete hain ki yeh raajya hi aasuri ghost ka hai। aise tum bachchon ko bhi attention de samjhaane ki yuktiyaan nikaalni chaahiye।

tum jaante ho baba yeh jo knowledge dete hain - yeh sab dharma vaalon ke liye hai। baaki sabka buddhiyog us baap se toota hua hai। ghost buddhiyog lagaane nahin dete hain aur hi buddhiyog tod dete hain। baba aakar ghost par jeet pahnaate hain। aajkal duniya mein riddhi siddhi vaale bahut hain। ek do ko duhkh dete hain। yeh hai hi ghost ki duniya। kaam roopi vikaar hai to ek do ko aadi-madhya-ant duhkh dete hain। ek do ko duhkh dena ghost ka kaam hai। satayug mein ghost hota nahin। ghost naam Bible mein chala aata hai। raavan maana ghost। raamraajya mein ghost hota hi nahin। jayjaykaar ho jaati hai। vahaan sukh ghanere hote hain। to shivaae namah vaala geet bahut achha hai। shiv hai maat-pita। brahma, vishnu, shankar ko maat-pita nahin kahenge। shiv ko hi father kahenge। Adam Eve brahma sarasvati to yahaan hi hue hain। vahaan sirf god father ko praarthana karte hain - O god father। bhaarat to maat-pita ka gaanv hai। unka janma yahaan hai। to samjhaana hai tum maat pita gaate ho to aapas mein bhaai behen thahre। prajaapita brahma ne adopt kiya hai। yeh jo itne brahmaakumaar kumaariyaan bane hain। shivbaaba adopt karaate jaate hain। nai srishti brahma dvaara hi rachi jaati hai। samjhaane ki bahut yuktiyaan hain। parantu poora samjhaate nahin hain। baba ne bahut baar samjhaaya hai yeh shivaae namah ka geet bajaakar jahaan tahaan samjhaao। ham maat-pita ke baalak kaise hain। woh baith samjhaate hain। brahma dvaara nai duniya ki sthaapna ki thi। ab kaliyug ka ant hai phir se sthaapna kar rahe hain। buddhi mein dhaaran karna hai, yeh knowledge badi sahaj hai। maaya ke toofaan yog mein thaharne nahin dete hain। buddhi chakrit ho jaati hai। nahin to samjhaana bahut achha hai। pahle samjhaana chaahiye rachayita ek hai, unko sab father kehte hain। woh niraakaar janma maran rahit hai। brahma vishnu shankar ko sookshm chola hai। 84 janma manushya bhogte hain। sookshm-vatan mein to nahin bhogenge। tum jaante ho ham maat pita ke naye bachche hain। baba ne hamko adopt kiya hai। brahma ko to bhujaayen bahut hain। arth to kuchh bhi nahin samajhte। jo bhi chitra aadi nikle hain, shaastra nikle hain। yeh sabhi drama ke oopar aadhaar rakhna padta hai। brahma ka din tha phir bhakti maarga shuru hua hai। woh chala aa raha hai। yeh raajayog baba hi aakar sikhlaate hain। yeh smriti mein rehna chaahiye। kehte hain na apni ghot to nasha chadhe। parantu buddhi ka yog chaahiye - baba ke saath। yahaan to bahuton ka buddhiyog latka hua hai, puraani duniya ke mitra sambandhi aadi ki taraph ya deh-abhimaan mein phanse rehte hain। thoda beemaari hoti hai to mar padte hain। are yog mein rahenge to darda bhi kam ho jaayega। yog nahin to beemaari kaise chhoote, khyaal karna chaahiye maat-pita jo paavan bante hain, vahi phir sabse pahle patit bhi bante hain, unko bahut bhogna bhogni padti hai। parantu yog mein rahne kaaran beemaari hat jaati hai। nahin to unki bhogna sabse jaasti hai। parantu yogbal se duhkh door hote hain aur bahut khushi mein rehte hain। baba se ham svarga ke sukh ghanere lete hain। bahut bachche hain jo beemaari mein ekdam moorchhit ho jaate hain। surjeet nahin hote, to samajhte hain yeh deh-abhimaan mein latakte rehte hain। apne ko aatma samajhte nahin, saara din deh mein dhyaan hai। jaise mare pade hain। baba aakar kabra se uthaae gyaan ki tiklu-tiklu sikhaate hain। tumhein gyaan ki bulbul banna hai। chhoti bachchiyon ko khada kiya hai। baahar mein chhote bachche maat-pita ka show karte hain। lok, parlok suhaila hota hai na। yeh bhi tum dekhenge chhoti-chhoti bachchiyaan maa baap ko gyaan dengi। kumaari ka maan hota hai। kumaari ko sab naman karte hain। shiv shakti sena mein sab kumaariyaan hain। bhal maataayen bhi hain parantu woh bhi kahlaati to kumaari hain na। chhoti bachchiyaan badon ka show karti hain। koi bahut achhi bachchiyaan hain parantu moh hai, woh satyaanaash kar deta hai। moh bada kharaab hai। jaise bandar bandari bana deta hai। tum jaante ho bandari mein kitna moh hota hai। yeh moh ka bhi bhoot hai। baap se bemukh kar dete hain। inse hi akshar milte hain maat-pita। vaastav mein mandir mein raadhe-krishna dikhaate hain, shreekrishna ke saath raadhe ka naam geeta mein to hai nahin। shreekrishna ki mahima alag hai, sarvagun sampanna 16 kala sampoorn.. paramatma ki mahima alag hai। shiv ki aarti mein bahut mahima karte hain। parantu arth kuchh nahin samajhte। pooja karte-karte thak gaye hain।

tum jaante ho mama baba aur ham brahman sabse jaasti pujaari bane hain। abhi phir aakar brahman bane hain, unmein bhi nambarvaar hain। karma ka bhog hota hai, unko yog se hataana hai। deh-abhimaan ko todna hai। baba ko yaad kar bahut khushi mein rehna hai। maat-pita se hamko sukh ghanere milte hain। baba se varsa milta hai। baba ne hamaara rath loan par liya hai। baba to is rath ki khaatiri karenge। pahle to samajhta tha main aatma is rath ko khilaata hoon। ab kahenge inko khilaane vaala woh hai। baba bhi hamko khilaate hain। ham bhi unko khilaate hain। baba khud kehte hain main bahut janmon ke ant ke janma mein pravesh karta hoon। yeh apne janmon ko nahi jaante hain, main jaanta hoon। tum kehte ho baba phir hamko gyaan de rahe hain। in dvaara varsa de rahe hain। varsa lena hai satayug mein। satayug mein to raaja praja aadi sab hain। purushaartha karna hai baap se poora varsa lene ka। agar ab nahin lenge to kalpa-kalpa miss karte rahenge। itna oonch pad pa nahin sakenge। janma janmaantar ki baaji hai। to kitna shreemat par chalna chaahiye। kalpa-kalpa ke liye padhaai hai। ismen bahut dhyaan rakhna pade। 7 roz lakshya le phir murli ghar mein bhi padh sakte ho। bhal America aadi ki taraph chale jaao to bhi baap se varsa le sakte ho। sirf ek haphta dhaarna karke jaao। khaan-paan ki dikkat hoti hai। parantu aisi bahut cheezen banti hain, double roti se jam murabba aadi kha sakte ho। aadat pad jaayegi। phir aur koi cheez achhi nahin lagegi। tum sab bhagwan ke bachche ho, aapas mein bhaai behen ho। brahma ke bachche bhi bhaai behen ho। grihastha mein rehte bhaai behen hokar rahenge tab to pavitra rahenge। hai bahut sahaj। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ki bulbul ban gyaan ki tiklu-tiklu kar sabko kabra se nikaalna hai। maat-pita ka show karna hai।

2) apne andar koi bhi bhoot pravesh hone nahin dena hai। moh ka bhoot bhi satyaanaash kar deta hai isliye bhooton se bachna hai। ek baap se buddhiyog lagaana hai।

vardaan:- behad ke adhikaar ki smriti dvaara apaar khushi mein rahne vaale sada nishchint bhav

aajkal duniya mein kisi ko rivaaji adhikaar bhi milta hai to kitni mehnat karke adhikaar lete hain aapko to bina mehnat ke adhikaar mil gaya। bachcha banna arthaat adhikaar lena। mera maana aur adhikaar mila। to vaah main shreshtha adhikaari aatma! isi behad ke adhikaar ki khushi mein raho। yeh avinaashi adhikaar nishchit hi hai aur jahaan nishchit hota hai vahaan nishchinta rehte hain।

slogan:- sarva ki duaaon se teevragti ki udaan bharo to samasyaaon ke pahaad ko sahaj hi cross kar lenge।