Murli du jour du mercredi 16 novembre 2022

16-11-2022 praatahmurli om shanti "baapdaada"' madhuban

meethe bachche - koi bhi dehdhaari ko yaad karne se mukti-jeevanmukti nahin mil sakti, baap hi tumhein direct yeh varsa dete hain

prashn:- baap ka banne ke baad bhi maaya kin bachchon ko apni or ghaseet leti hai?

uttar:- jinka buddhiyog puraane sambandhiyon mein bhatakta hai, poora gyaan nahin hai ya koi puraani aadat hai, aise bachchon ko maaya apni or ghaseet leti hai। baahar ka sang bhi bahut kharaab hai, jo khatma kar deta hai। sang ka asar bahut jaldi lagta hai, isliye baba kehte bachche ek baap ke saath buddhiyog rakho। baap ko hi follow karo। koi bhi dehdhaari mein pyaar nahin rakho।

geet:- tumhein paake hamne…

om shanti। meethe-meethe bachche jaante hain ki abhi behad ke baap se humein varsa mil raha hai। yeh bahut samajhne ki baat hai। kahaavat hai parampita paramatma sabhi dharma sthaapkon ko bhej dete hain - apna-apna dharma sthaapan karne ke liye। to woh aakar dharma sthaapan karte hain। aise nahin ki woh koi ko varsa dete hain। nahin। varse ki baat hi nahin nikalti। varsa dene vaala ek baap hai। Christ ki aatma koi sabhi ka baap thode hi hai, jo varsa degi। woh to Christian ka bhi baap nahin jo varsa deve। bhala woh kaunsa varsa denge? prashn uthta hai। aur varsa kisko denge? woh to dharma sthaapan karne aate hain। unke peechhe doosre Christian dharma ki aatmaayen aati jaati hain। varse ki baat hi nahin। baap se varsa lena hota hai। samjho ibraaham, buddha, Christ aadi aaye। unhonne kya kiya? kisko varsa diya? nahin। varsa dena baap ka hi kaam hai। woh to khud aate hain। aatmaayen aati jaati, vriddhi ko paati rehti hain। varsa hamesha creator se milta hai। creator ek hai laukik baap, doosra hai paarlaukik baap। yeh dhaaran karne ki baaten hain। dhaarna bhi unhon ko hogi jo auron ko daan karte honge। abhi behad ka baap sab bachchon ko varsa dene aaye hain। behad ka baap hi bachchon ko behad ka varsa dete hain। Christian, islaami, bauddhi aadi sabka baap ek hai। sab god father kehte hain। Christ ne bhi kaha hai god father। father ko kabhi bhoolte nahin hain। god father ek hi niraakaar ko kaha jaata hai। sab niraakaar aatmaon ka baap ek hi hai। dharma sthaapkon ka bhi woh niraakaar ek baap hai, unse hi varsa milta hai। sab god father kahkar pukaarte hain। ek bhaarat hi hai jismen kehte hain- eeshvar sarvavyaapi hai। bhaarat se hi aur sabhi sarvavyaapi kehna seekhe hain। agar eeshvar sarvavyaapi hai phir eeshvar ko yaad kyon karte ho? saadhu log saadhna va praarthana kiski karte hain? baap to poochhenge na। creator sabka ek hai, vahi patit-paavan hai। satayug mein sabhi paavan hi hote hain, phir patit kaise bante hain? likha hua hai - devtaayen hi vaam maarga mein jaate hain। ab phir paavan duniya ban rahi hai। dvaapar aadi se patit duniya shuru hoti hai। eeshvareey raajya aur aasuri raajya aadha-aadha hai। bhaarat ki hi baat hai। raavan ko bhaarat mein hi jalaate hain। to baba ne samjhaaya hai aur dharma sthaapak kisko bhi varsa nahin dete hain। baaki dharma sthaapan karte hain, isliye unko yaad karte hain। baaki Christ ko, brahma ko, vishnu ko va shankar ko yaad karne athva unki praarthana karne se woh kuchh bhi nahin de sakte। dene vaala baap hi hai। unko sammukh aana padta hai। shreekrishna mein paramatma aate hain - aisa koi bhi maante nahin hain।

baap kehte hain main tum aatmaon ko varsa dene ek hi time par aata hoon। varsa baap bachchon ko dete hain। baba do ko hi kaha jaata hai - ek shareer ka baba, doosra aatmaon ka baba, aur koi baba ho nahin sakta। tumko is baba arthaat prajaapita brahma se varsa mil nahin sakta। varsa ek shivbaaba se milta hai, brahma bhi varsa unse lete hain। woh sarva ke sadgati daata hain। sarva ke mukti-jeevanmukti daata hain isliye pahle-pahle koi ko bhi baap ka parichay dena pade। bhal koi bujurga ko bhi baba va pita ji kah dete hain। parantu baap hai nahin। baap ek laukik, doosra paarlaukik hi hota hai। yeh brahma bhi jismaani baap hai। tum bachchon ko adopt karte hain। bhal tum brahma ko baba kehte ho parantu varsa to unse milta hai na। kaun sa varsa? sadgati ka। durgati va jeevanbandh se to sab chhootte hain। is samay bhaarat khaas, saari duniya aam raavan ke bandhan mein hai। aatmaayen jo pahle-pahle aati hain to pahle jeevanmukta phir jeevanbandh banti hain। pahle sukh phir duhkh bhogna hai। yeh buddhi mein bithaana chaahiye। koi bhi dehdhaari ko yaad karne se mukti-jeevan-mukti mil nahin sakti। messenger log bhi kisko varsa dete nahin hain। mukti-jeevanmukti ka varsa baap hi aakar dete hain। parantu kinko direct, kinko indirect। tum bachchon ke sammukh hi baap hota hai। din-pratidin tum dekhenge - baba madhuban se baahar kahaan jaayenge nahin। is puraani duniya mein rakha hi kya hai। shivbaaba kehte hain hamko svarga mein jaane athva svarga ko dekhne ki bhi khushi nahin hai to baaki is duniya mein kahaan jaayenge। mera part hi aisa hai, patit duniya mein aata hoon। 7 wonders oph world kehte hain, parantu unmein koi svarga bataate nahin। svarga to peechhe aata hai। mujhe patit duniya, patit shareer mein paraaye raajya mein aana padta hai। gaate bhi hain doordesh ke rahne vaala... iska arth tum bachche hi samajh sakte ho। abhi ham purooshaartha karte hain phir apne desh mein aayenge। achha dvaapar ke baad jo aatmaayen aayengi, woh to paraaye raajya arthaat raavan raajya mein aayengi। paavan raajya mein to nahin aayengi। unhon ka thoda sukh, thoda duhkh ka part hai। tum satayug se lekar full sukh dekhte ho। har ek ko apna-apna part mila hua hai। baap tum bachchon ko baith raaz samjhaate hain ki main kaise devi-devta dharma sthaapan karta hoon, ismen sukh hi sukh hai aur uske liye tumko laayak banaata hoon। tum samajhte ho ham svarga ke maalik the phir maaya ne poora na laayak banaaya hai। baap kehte hain abhi tum kitne besmajh ban pade ho, naarad ki kahaani hai na। tum samajh sakte ho - bhagat jhaanjh bajaane vaala lakshmi ko kaise varega? jab tak raajayog seekh pavitra na bane। bhal shareer to sabke bhrashtaachaari hain kyonki bhrashtaachaar se paida hote hain। tum to mukh vanshaavli ho। yeh badi samajhne ki baaten hain। yeh rachta aur rachna ki knowledge baap khud hi aakar dete hain। sab points koi samajh bhi nahin sakenge। yahaan se baahar gaye - koi ka sang mila aur khatma। kaha bhi jaata hai sang taare kusang bore... bhal yahaan bhi baithe hain parantu poora buddhiyog nahin hai। gyaan nahin hai to sangadosh mein gir padte hain। koi bhi kisi mein aadat hai to unka sang karne se woh asar jhat pad jaata hai। yahaan hai baba ka sang। phir jo baap ko follow kar auron ka bhi uddhaar karte hain, vahi oonch pad paate hain। kai naye-naye bachche kehte hain baba ham naukri aadi chhod is service mein lag jaayen? baba kehte hain - aage chal maaya naak se aise pakdegi jo baat mat poochho। anubhav kehta hai - aise bahuton ne chhoda phir chale gaye। eeshvareey janma to liya phir maaya ne ghaseet liya। bade achhe-achhe bachchon ko maaya ek ghoosa lagaae behosh kar deti hai, jinka buddhiyog baahar bhatakta rehta hai, puraane sambandhiyon aadi mein isliye baba kehte hain dehdhaariyon se buddhiyog jaasti mat rakho। is baba se bhi bhal tumhaara kitna bhi pyaar hai to bhi inse buddhiyog mat lagaao। baap ko yaad nahin karenge to vikarma vinaash nahin honge। koi bhi shareerdhaari mein pyaar mat rakho। satsangon mein sab shareerdhaari hi sunaate hain। koi mahaatma ka naam lete hain। aise thode hi kehte hain ki parampita paramatma shiv hamko padhaate hain। baap baith bachchon ko samjhaate hain - is rachna ka chaitanya beej main hoon। mujhe saare jhaad ki knowledge hai। woh to jad beej hai। chaitanya hota to sunaata। mujh beej mein zaroor jhaad ke aadi-madhya-ant ki knowledge hogi। yeh hai behad ki baat। is samay tamopradhaan raajya hai, to uska bhabhka zaroor hoga। kitne bade-bade naam rakhaate hain - gyaaneshvar, gangeshvaraanand... lekin aanand to koi ko mil nahin sakta। sannyaasi khud kehte hain sukh kaag vishta samaan hai। lekin svarga ka naam bhoolte nahin hain। kehte hain phalaana svarga padhaara phir pitron ko bulaate hain। aatma koi mein pravesh kar bolti hai। parantu aatma kaise aati hai, koi nahin jaante। shareer doosre ka hai, khaayegi bhi unki aatma। unke pet mein padega। haan baaki vaasna woh leti hai। shivbaaba to hai hi abhokta। kuchh khaate nahin। mama ki aatma aati hai to khaati hai। pitra bhi aate hain to khaate hain, yeh baaten samajhne ki hain। to sivaae ek ke kisko baba nahin kaha jaata, inse kya varsa mil sakta? kuchh nahin mil sakega। Christ ne varsa diya hai kya? unhonne to ladaai kar raajaai sthaapan ki hai। Christian logon ne ladaai ki। jab dhan ki vriddhi ho, dhan ikattha ho tab raajaai chal sake। aise thode hi hai ki Christian ne raajaai di। raajaai apne purooshaartha se drama plan anusaar milti hai aise kahenge, baaki manushya kisko kuchh de nahin sakte। agar dete hain to alpakaal ka sukh। abhi to tamopradhaan hain। maaya ka bahut zor hai, ab maaya se yuddha karna hai। maaya jeete jagatjeet, manushya shanti mein rahne ke liye kitna maatha maarte hain। man aise thode hi shant ho sakta hai। yeh to kuchh seekhte hain jo hypnotise aadi kar unconscious kar dete hain। mehnat lagti hai, kiski to brain hi kharaab ho jaati hai। baap kehte hain agar koi karmabandhan mein athva mitra sambandhi aadi mein buddhi jaati rahegi to vikarma vinaash nahin honge। dehdhaari se buddhi ko hataana hai। sabko bhool jaao, aap muye mar gai duniya। duniya ko yaad karte ho to tumko danda padta hai। tum kehte ho ki baba ham mar chuke hain। ham aapke hain to phir mitra sambandhi aadi taraph buddhi kyon jaati hai? goya tum mare nahin ho! baap ke bane nahin ho! bahut hain jinko raat-din karmabandhan ka hi chintan rehta hai। yaad mein baithte bhi vahi sankalp aate rehte hain। yahaan baba ki god mein rehte to mar chuke na। to buddhiyog kahaan jaana nahin chaahiye। sannyaasi to gharbaar chhodte hain, goya mar gaye। agar yaad padta rahega to yog mein kaise rahenge। koi phir ghar mein laut bhi aate hain। koi pakke hote hain, bilkul yaad bhi nahin karte। tum bachchon ki bhi buddhi agar baahar jaati rehti hai to oonch pad pa na saken। bachche bane ho to follow father poora karna chaahiye। kuchh bhi moh nahin jaana chaahiye। parantu takdeer mein nahin hai to markar bhi us taraph chale jaate hain। 5 pratishat buddhi yahaan hai, 95 pratishat buddhi baahar hai, bhatakti rehti hai na। na idhar ke, na udhar ke। baap ke bane phir buddhi hi khatma। mar gaye। is behad ke sannyaas mein virla hi koi aa sakta hai। maala ka daana bhi vahi ban sakta hai। yeh to takdeer hai। yahaan jo aakar rehte hain - unhon ko mehnat nahin lagni chaahiye। parantu dekha jaata hai ki yahaan vaalon ko jaasti mehnat lagti hai। baahar mein rahne vaale bade teekhe chale jaate hain। kisi mein moh nahin jaata। samajhte hain kahaan yeh bandhan chhoote to service mein lag jaayen। woh bhi dekhna padta hai - gyaan mein pakke hain? agar kachche honge aur pati mar gaya to jaise jakhma par namak pad jaata hai। jab tak achhi reeti nahin mare hain to jaise jakhma par namak padta rehta hai। yahaan to baba kaha, bas। baba ke ban gaye। puraana sambandh chhoota। woh jaanen uske karma jaanen। ham kya jaanen। itni uchhal honi chaahiye। aise bahut thode hain। baap mila bas aur kiski parvaah nahin, itni himmat chaahiye। sachchi dil ho, shreemat par chalta rahe to koi bhi rok nahin sakte hain। pavitra banne mein koi vighna daal nahin sakte। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) karmabandhanon ke chintan mein nahin rehna hai। buddhi ko deh-dhaariyon se hataana hai। behad ka sannyaas karna hai।

2) bandhanon se chhootne ke liye poora-poora nashtomoha banna hai। sachchi dil rakhni hai। gyaan mein majboot (pakka) aur himmatvaan banna hai।

vardaan:- baap ke saath ka anubhav kar mehnat ko mohabbat mein badalne vaale parmaatma snehi bhav

baapdaada bachchon ko apne sneh aur sahayog ki godi mein bithaakar manzil par le ja rahe hain। aap bachche sirf parmaatma snehi ban god mein samaaye raho to mehnat, mohabbat mein badal jaayegi। lavleen ho har kaarya karo। baapdaada har samay sarva sambandhon se aapke saath hain। seva mein saathi hai aur sthiti mein saath hain। sarva sambandhon se saath nibhaane ki offer karte hain, aap sirf parmaatma snehi bano aur jaisa samay vaise sambandh se saath raho to akelaapan feel nahin hoga।

slogan:- sva-unnati aur seva ka balance hi saphalta ka saadhan hai।