Murli du jour du lundi 21 novembre 2022

21-11-2022 praatahmurli om shanti "baapdaada"' madhuban

“meethe bachche - tumhaara dhandha hai sabka bhala karna, pahle apna bhala karo phir doosron ka bhala karne ke liye seva karo''

prashn:- brahman banne ke baad bhi valuable jeevan banne ka aadhaar kya hai?

uttar:- vaacha aur karmana seva। jo vaacha ya karmana seva nahin karte hain - unke jeevan ki koi value nahin। seva se sabki aasheervaad milti hai। jo eeshvareey seva nahin karte woh apna time, energy sab vesta karte hain, unka pad kam ho jaata hai।

geet:- tumheen ho maata…

om shanti। bachche jaante hain ki yeh mahima kiski hai? bhaaratvaasi manushya nahin jaante। ho tum bhi manushya parantu tum ab jaan gaye ho - yeh kiski mahima hai। us maat-pita dvaara tum vishnupuri ki raajaai le rahe ho। oopar mein hai maat-pita। shivling ki vidvaan aadi pooja nahin karne dete hain kyonki woh ulti baat samajhte hain। vaastav mein shivling ki pooja jab karte hain to unko maat-pita nahin samajhte hain। lakshmi-naaraayan ki pooja karenge to unko maat-pita kahenge kyonki donon hain। pattharbuddhi manushya kuchh bhi samajhte nahin ki ham kiski pooja karte hain। tvamev maataashcha pita kaun hai? jahaan do dekhte hain to unke aage mahima gaate hain। parantu lakshmi-naaraayan to na maat-pita hain, na khivaiya hain। na gyaan saagar, patit-paavan hain। tum bachche achhi tarah jaante ho - patit-paavan niraakaar parampita paramatma ko hi kaha jaata hai। tvamev maataashcha pita... yeh mahima saakaar ki ho nahin sakti। na laukik maat-pita ke liye yeh gaate hain। us laukik maa baap se to alpakaal ka kaag vishta ke samaan sukh milta hai। dvaapar kaliyug mein hai duhkh, abhi tum baap dvaara samajhdaar bane ho। kisko bhi samjhaana bahut sahaj hai। trimoorti chitra le jaao, oopar mein hai shiv। yeh hai tvamev maataashcha pita... jo brahma dvaara hamko vishnupuri ka raajya dete hain। brahma dvaara hamko sahaj raajayog sikhla rahe hain, jisse ham raajaaon ka raaja bante hain। vishnupuri kaise aur kisne sthaapan ki, yeh koi jaante nahin। koi ne to sthaapan ki hogi? baap ka parichay milta hai to baap se birth right eeshvareey janma siddha adhikaar zaroor chaahiye। baap ka janma siddha adhikaar hai vishnupuri, nar se naaraayan, naari se lakshmi pad praapta karaate hain। raajayog sikhlaate hain। samjhaane ka tareeka bahut achha chaahiye, jo kiski buddhi mein baithe। lakshmi-naaraayan ke chitra par tum bahut achha gyaan de sakte ho। lakshmi-naaraayan ko zaroor 84 janma lene padte hain। yeh nai duniya ke number one manushya hain। gaayan bhi hai parampita paramatma se 21 peedhi raajya-bhaagya milta hai। woh bhi clear kar dikhaaya hua hai। kahaan bhi shaadi par va kiske nimantran par jaana hota hai to vahaan tum bahut service kar sakte ho। parantu baba ko yaad hi nahin karte hain, to madad hi kya milegi? kai hain jinmen gyaan-yog kuchh bhi nahi hai, phir bhi centre sambhaalte hain to baba aakar madad karte hain। baaki jo apna kalyaan nahin karte to doosron ka kya karenge? jaise guru log khud hi mukti nahin pa sakte to doosron ko kaise de sakte। baap samjhaate bahut sahaj hain। ek trimoorti ka raaz aur nai duniya, puraani duniya ke chakra ka raaz likha hua hai। service karne vaalon ki buddhi mein yeh sab raaz rehte hain। kahaan shaadi aadi par jaao to koshish karo teer lagaane ki। bichchhu ka misaal.. tumhaara dhandha hai sabka bhala karna, parantu jisne apna bhala nahin kiya to doosron ka kaise karenge। service to bahut hai। karmana service bhi bahuton ko sukh deti hai। sabki aasheervaad milti hai। jo na vaacha, na karmana service karte unka kya pad hoga, vesta oph time aur vesta oph energy karte hain। jaise bhaktimaarga mein tumhaara vesta oph time aur vesta oph energy hua na। eeshvareey service aadha ghanta bhi nahin karte, aise bhi bahut hain। pad paana nahin hai to chaal hi aisi chalte rehte hain। bahut chalte-chalte phir gir bhi padte hain। likhte hain baba ham gutter mein gir pade, chot lag gai। unko sharma aana chaahiye। koi mallayuddha mein haar jaate hain to unka munh kaala ho jaata hai। pichhaadi mein jab transfer hone ka samay aayega to tum sabko saakshaatkaar hoga ki hamaara kya pad hai। phir pachhtaane se kya hoga। samjhenge kalpa-kalpa yahi gati hogi। kehte hain shal tumko eeshvar mat de, parantu yahaan to eeshvar ki mat par bhi nahin chalte jaise ki pran kiya hai ki ham kabhi shreemat par nahin chalenge। padhte hi nahin hain। nahin to samjhaana bahut sahaj hai। chhote bachche bhi chitra lekar baith samjhaayen, yeh prajaapita brahma hai, zaroor bi.ke. ko gyaan dete honge। yeh varsa milta hai 21 janmon ke liye। bachche itna bhi samjhaayen to bhi kurbaan jaayen। neeche likha hua hai yeh tumhaara eeshvareey janma siddha adhikaar hai। yeh jagat pita, jagat amba hai। yahi jagat amba phir lakshmi banti hai। abhi paramatma aakar 21 janmon ka raajya-bhaagya dete hain। yeh hai gyaan maarga। phir bhaktimaarga mein deepmaala par lakshmi se bheekh maangate hain।

baba kehte hain tum bachche kahaan bhi jaao jaakar samjhaao - ham yeh padhe hain। hamaara farja hai, ghar-ghar mein paigaam dena। yeh trimoorti kya hai, aao to ham aapko samjhaayen। baba ne inko baith 84 janmon ka raaz samjhaaya hua hai। jaise brahma ka din aur raat vaise vishnu ka bhi din aur raat। bahut sahaj hai samjhaana। koi ka bhi kalyaan karna hai। yahi dhandha tumko karna hai। sabko raasta bataane ka, bas do roti mile woh bhi bahut hain। manushya ka pet jaasti nahin khaata। agar sensible hai to thode roopaye mein bhi kaam chal sakta hai। yahaan to kai aise hain jo thoda hi theek na mile to bhaag jaayen। raajaai ko bhi thokar maar den। beech mein beggary part chala, yeh bhi pareeksha hui thi। bahut chale gaye। yeh sab shivbaaba ka kya raaz tha woh bhi gud jaane, gud ki gothri jaane। kitne darkar bhaag gaye। nahin to do roti khaane par kharcha bahut kam lagta hai। do roti khaana, prabhu ke gun gaana arthaat baap aur varse ko yaad karna। baap ko bahut pyaar se yaad karna hai। baap kehte hain main second mein tumko jeevanmukti ka raaz samjhaata hoon। kaliyug mein hai jeevanbandh, zaroor mukti-jeevanmukti doosre janma mein mili hogi। baap ne sangam par hi gyaan diya hai। hai bhi barobar second ki baat। achhi tarah koi sirf samjhaaye। chitra bahut fine bane hue hain। trimoorti to common hai, sirf arth nahin samajhte। yeh bhi samajhte hain brahma dvaara sthaapna, vishnu dvaara paalna, shankar dvaara vinaash। parantu kab aakar yeh kaarya karte hain, yeh nahin jaante। brahma ke bachche zaroor brahmaakumaar kumaariyaan honge। jaante hain baap se hamko varsa milta hai। parantu phir bhi service nahin kar sakte to samajhte hain in par grahan hai। shreemat par chalne ke liye na kar dete hain। jaise yahaan koi padhne nahin aaye hain। aise to pichhaadi mein ekdam chale jaayenge।

baba to bahut yuktiyaan bataate hain। baba se poochhte hain baba main shaadi par jaaoon? phalaani jagah jaaoon... are tumko jahaan tahaan yeh service hi jaakar karni hai। trimooti ka chitra lekar is par hi samjhaao। trimoorti maarga bhi hai, koi bhi arth ko nahin jaante। yahaan kai bachche hain jo centre par aate rehte hain, baahar se kehte hain ham pavitra rehte hain, parantu andar gand karte rehte hain। shivbaaba kehte hain main antaryaami hoon, bahut vikaar mein girte rehte hain। kuchh batlaate nahin, unko yeh pata hi nahin padta ki kitni saza milegi। baba kehte hain unhon ko bahut saza milegi। mahsoos karenge barobar hamne chhipaaya tha, itna jhooth bola tha isliye yeh saza mil rahi hai। baba kehte hain samay aayega sabko apni chalan ka saakshaatkaar karaaoonga ki kitne paap, jhooth kiye hain। bahut vikaar mein jaate rehte hain, centre par bhi aate rehte hain। shaastron mein bhi indrasbha ki baat hai। yeh ek ki baat nahin। bahut aise hote hain। phir jaakar dushman bante hain, ablaaon par vighna daalte rehte hain। baaten sab yahaan ki hain। tum service bahut kar sakte ho। yeh jhaad ka first class chitra hai। bolo, sirf knowledge suno। ham aapko yeh bhi nahin kehte hain nirvikaari bano। sirf yahaan aao to ham aapko achhi baaten sunaayenge। tum shaadi ki khushi mein ho, ham aapko unse bhi jaasti khushi ka paara chadha sakte hain, hamesha ke liye। baat karne ki taakat chaahiye। gole ka chitra bhi achha hai। koi kitaabon mein bhi yeh gola dikhaaya hai। sirf aayu lambi kar di hai। dil mein aana chaahiye ham apne mitra sambandhiyon ka uddhaar karte hain। ek din aayega jo tum chitra lekar jaae sabko samjhaayenge ki shivbaaba is brahma dvaara vishnupuri ka raajya de rahe hain। shankar dvaara puraani duniya ka vinaash ho raha hai। baaki devtaaon, asuron ki ladaai nahin lagi। yeh to yavan aur kaurvon ki hai। unka bomb chhootega aur inki ladaai shuru hogi। vinaash ke baad phir svarga ki sthaapna, kitna sahaj hai। bolo, sirf baap aur varse ko yaad karna hai। manamna bhav, bas। hamko kuchh bhi nahin chaahiye। ham paise ke bhookhe nahin hain। paise to apne paas rakho। yuktiyukta bolna chaahiye। aage chalkar bahut niklenge। thodi tumhaari bhi vriddhi ho jaae। kai hain jo baahar se bade achhe hain, bade meethe hain। parantu andar kichda bhara hua hai। yahaan andar baahar bada saaph chaahiye। sabke andar ko jaanne vaala shivbaaba hai। khud kehte hain jo jis bhaavna se bhakti karte hain, unko uska phal milta hai। yeh drama mein noondh hai। to jab baap ko paaya hai to varsa bhi poora paana chaahiye। varsa service se milta hai। baap to phir bhi purushaartha karaayega। thanda thode hi chhodega। projector par bhi achhi tarah samjha sakte hain। chakra mein kitna bada gyaan samaaya hua hai। bade mandap mein bade-bade chitra rakhne chaahiye, jitna bada hoga utna achhi tarah padh sakenge। bahut sahaj hai samjhaana। yeh narka hai, yeh svarga hai। yeh 84 ka chakra phirta hai। baap se behad ka varsa sangam par hi milta hai। naam hi hai ati sahaj raajayog, ati sahaj gyaan। drama aanusaar jhaad ko jaanna hai। chitra to baba ne banva diye hain। svarga mein in devtaaon ka raajya tha। aarya aur anaaarya। aarya arthaat paarasbuddhi, anaaarya arthaat pattharbuddhi। sach bataane vaale tum ho, bahut raham-dil banna hai। kahaan bhi jaakar tum service kar dikhaao। koi na koi nikal padenge jo apna jeevan banaayenge। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) andar baahar saaph rehna hai। baap se kuchh bhi chhipaana nahin hai। sachchi dil se seva karni hai।

2) apna time saphal karna hai। sarva ki aasheervaaden lene ke liye vaacha va karmana seva zaroor karni hai। merciful banna hai। sabka kalyaan karne ka dhandha karte rehna hai।

vardaan:- nirmaanta ki mahaanta dvaara sarva ki duaayen praapta karne vaale master sukhdaata bhav

mahaanta ki nishaani nirmaanta hai, jitna nirmaan banenge utna sabke dil mein mahaan svatah banenge। nirmaanta niranhakaari sahaj banaati hai। nirmaanta ka beej mahaanta ka phal svatah praapta karaata hai। nirmaanta hi sabki duaayen praapta karne ka sahaj saadhan hai। nirmaanta mahima yogya bana deti hai। nirmaanta sabke man mein pyaar ka sthaan bana deti hai, woh baap samaan master sukhdaata ban jaate hain।

slogan:- shreshtha jeevan ka anubhav karne ke liye nishchay ka foundation majboot ho।