Murli du jour du mardi 6 décembre 2022

06-12-2022 praatahmurli om shanti "baapdaada"' madhuban

“meethe bachche - 3 baap ka raaz sabko kahaani misal sunaao, jab tak behad baap ko pahchaankar paavan nahin bane hain tab tak varsa mil nahi sakta''

prashn:- baba bilkul hi naya hai, usne tumko apna kaun sa naya parichay diya hai?

uttar:- baba ko manushyon ne hajaaron soorya se tejomay kaha lekin baba kehta main to bindi hoon। to naya baba hua na। pahle agar bindi ka saakshaatkaar hota to koi maanta hi nahin isliye jaisi jiski bhaavna hoti hai unhein vaisa hi saakshaatkaar ho jaata hai।

geet:- om namo shivaae…

om shanti। niraakaar bhagvaanuvaach, sirf bhagvaanuvaach kahne se krishna ka naam yaad aa jaata hai kyonki aajkal bhagwan sab ho pade hain isliye niraakaar shiv bhagvaanuvaach kehte hain। god father kaha jaata hai। niraakaar bhagvaanuvaach, kiske prati? niraakaar bachchon, roohon prati। roohaani bhagvaanuvaach va eeshvar vaach yeh akshar shobhta nahin hai। niraakaar bhagvaanuvaach shobhta hai। ab ghadi-ghadi to nahin kahenge। yeh hai bahut gupta। inka chitra nikal na sake। bindi banaakar bhagvaanuvaach likhen to koi maanenge nahin। bhagwan ke yathaartha naam, roop, desh, kaal ko koi jaante hi nahin। agar baap ko jaan jaayen to rachna ko bhi jaan jaayen। parantu na jaanna hi unhon ka drama mein noondha hua hai, tab to phir baap aakar apni pahchaan de। baap kehte hain jab mera part hota hai patiton ko paavan banaane ka, tab hi aakar main apni pahchaan deta hoon। puraani duniya ko naya banaata hoon। puraani duniya mein rahne vaale manushya nai duniya mein rahne vaale manushyon ko poojte hain। tum bachchon ko samjhaana hai। jabki rishi-muni aadi sab kehte hain ham rachta aur rachna ko nahin jaante phir tumne kahaan se jaana। agar tum baap ko, rachna ko jaante ho to hamko knowledge do। kabhi koi ko de nahin sakte। varsa de na saken। tum bachchon ko baap se varsa mil raha hai। tum jaante ho behad ka baap aaya hua hai, nai duniya ka varsa athva sukh dene। to zaroor duhkh khatma ho jaayega। woh hai sukhdhaam, yeh hai duhkhadhaam। ab is duhkhadhaam ka vinaash hona hai। nai duniya hi ab puraani hui hai, phir nai ban jaayegi। nai duniya ko satayug, puraani duniya ko kaliyug kaha jaata hai। nai duniya mein zaroor manushya thode hone chaahiye। satayug mein ek hi dharma tha। is samay to anek dharma hain, duhkh bhi hai। sukh se duhkh, duhkh se phir sukh hota hai। yeh khel bana hua hai। duhkh kaun dete hain, yeh kisko pata hi nahin hai। raavan ko maaya kaha jaata hai। dhan ko maaya nahin kaha jaata hai। vikaari manushya jaante hain ki devtaayen nirvikaari hain। parantu unhon ko vikaaron ka nasha chadha hua hai। devtaaon ko hai nirvikaareepne ka nasha। vahaan apvitra koi hote nahin hain। sangam par hi tum bachchon ko pavitrata ka raaz samjhaaya jaata hai। tumko phir auron ko samjhaana hai। baap to saari duniya ko baith samjhaayega nahin। bachchon ko hi samjhaana hai parantu samjhaane ki badi yukti chaahiye। sabko bataao, bhaarat jo svarga nai duniya thi, woh ab puraani ho gai hai। rachayita to baap hi hai। woh khud kehte hain main brahma dvaara nai duniya ki sthaapna karta hoon। bachchon ko adopt karta hoon। brahma ka naam hi prajaapita hai। to zaroor itne bachchon ko adopt hi karenge। jaise sannyaasi followers ko adopt karte hain। purush, stri ko adopt karte hain ki tum meri ho। yahaan bhi tum kehte ho shivbaaba main aapka hoon। ghar baithe bhi bahuton ko touch ho jaata hai phir kya kehte hain? ki bhal baba hamne aapko dekha nahin hain kyonki bandhan mein hoon - aa nahin sakti parantu main hoon aapki। pavitra to zaroor banna pade। patit mukti-jeevanmukti mein ja nahin sakte। patit pukaarte hain ki aao aakar paavan banaao।

tum bachchon ko samjhaana chaahiye ki bhaarat svarga tha। yeh lakshmi-naaraayan svarga ke maalik the, zaroor dynasty chali hogi। nai duniya mein naya raajya tha, ab woh nahin hai। aur anek dharma hain, devta dharma hai nahin। yeh puraani duniya kab tak chalegi? woh satayug ko laakhon varsha kah dete hain। mahaabhaari ladaai ka bhi gaayan hai। beech mein thodi khitpit hui thi to kehte the mahaabhaarat ladaai ka samay hai। yaadvon ki ladaai bhi dikhaate hain ki mooslon dvaara apna vinaash kiya। kabhi likhte hain paandavon aur kaurvon ki yuddha, kabhi likhte hain asur aur devtaaon ki। aasuri duniya ke baad phauran daivi duniya hai। woh patit, yeh paavan। paavan devta kaise ladenge? woh hain satayug mein, yeh kaliyug mein donon ki ladaai kaise ho sakti hai। devtaayen ahinsak, asur hinsak। devtaayen narka mein kaise aayenge। abhi tum sangam par ho, nai duniya sthaapan hoti hai। uske liye tum purushaartha kar rahe ho। do baap ka raaz bhi kahaani misal samjhaana chaahiye। satayug mein hai ek baap। behad ke baap ko yaad karte hi nahin kyonki sukhdhaam hai। dvaaprayug mein hain do baap। laukik baap hote bhi paarlaukik baap ko yaad karte hain। aatma hi apne baap ko yaad karti hai kyonki aatma hi duhkh sahan karti hai। punya aatma, paap aatma। aatma hi sunti hai। sanskaar aatma mein hain। jinmen daivi sanskaar nahin hain, woh daivi sanskaar vaalon ka gaayan karte hain। gaaya bhi jaata hai aapehi poojya aapehi pujaari। pujaari bante hain to gaate hain mujh nirgun haare mein... unmein gun hain hamaare mein nahin hain। poojya so pujaari। tum hi poojya so devta the, phir tum hi pujaari bane ho। 84 janma liye hain। aadhaakalpa poojya aadhaakalpa pujaari। hisaab samjhaana pade। devta, kshatriy, vaishya, shoodra.... is samay ham brahman hain। bi.ke. hain। is samay hamko 3 baap ho jaate hain। laukik baap, niraakaar paarlaukik baap, teesra phir prajaapita brahma। jis dvaara ham braahmanon ko padhaate hain। prajaapita naam to suna hai na। brahma dvaara rachte hain। tum bhi brahman ho। tum bhi baap ko yaad karo। baap kehte hain main aaya hoon - tumko vaapis le jaane। niraakaar baap aatmaon se baat karte hain। tum kehte bhi ho ham ek shareer chhod doosra lete hain। shareer ka naam roop badal jaata hai। aatma to ek hi hai। baap ka naam bhi ek hi shiv hai। unko shareer to hai nahin। yeh point bhi note karni chaahiye। phir jaisa aadmi vaisa hi samjhaana hai। ham bi.ke. daade se varsa le rahe hain। vahi raajayog aur gyaan ki knowledge dete hain। manushya se devta banna, yeh bhi knowledge hai। knowledge milti hai sangam par। jisse phir nai duniya mein varsa paate hain। patit duniya mein aakar paavan duniya sthaapan karte hain। abhi baap aaya hai ghar le jaane। drama anusaar sabko ghar jaana hai phir pahle sooryavanshi, phir chandravanshi, phir vaishya, shoodra vanshi ban jaate hain। woh hai niraakaar aatmaon ka jhaad, yeh hai saakaari manushyon ka jhaad। brahman, devta, kshatriy, vaishya, shoodra... ismen saara viraat roop aa jaata hai। brahman vriddhi ko paate rehte hain। roodra maala aur vishnu ki maala banegi। brahma ki maala nahin kah sakte kyonki badalte rehte hain isliye roodra maala pooji jaati hai। yeh hain nai-nai baaten। yeh baaten koi ki buddhi mein jara bhi nahin hain। kalpa ki aayu laakhon varsha kah dete hain, isliye tumhaari baaten sabko nai lagti hain। nai duniya ke liye nai cheez milti hai। baba bhi vaastav mein naya hai। woh to kehte hain naam-roop se nyaara hai ya to kah dete hain hajaaron soorya se tejomay hai। so to zaroor jaisi bhaavna hogi vaisa saakshaatkaar hoga। bindi ka saakshaatkaar ho to koi maane hi nahin। yeh sab baaten nai hone kaaran moonjhate hain। jo yahaan ke honge, unki hi sapling lagegi। tum bachchon ne ab achhi tarah samjha hai to paarlaukik baap ke liye bhi samjhaana hai। tum aadhaakalpa se unko yaad karte aaye ho। sukh dene vaale ko hi yaad kiya jaata hai। raavan sabka dushman hai, tab to unko jalaate hain। poochho - raavan ko jalaate kitna samay hua? bolenge anaadi। unhon ko yeh maaloom hi nahin raavan kab se aata hai। satayug mein to raavan hota nahin। bhaarat ka sabse puraana dushman raavan hai। rooh ko patit banaane vaala hai। aatma ka dushman kaun? raavan। aatma ke saath shareer bhi hai। to donon ka dushman kaun ho gaya? (raavan) raavan mein aatma hai? raavan kya cheez hai? bas vikaar hain। aise nahin ki raavan mein bhi aatma hai। raavan 5 vikaaron ko kaha jaata hai। aatma mein hi 5 vikaar hain, jiska putla banaate hain। tum jaante ho abhi hai duhkh phir sukh mein jaana hai to zaroor baap aakar le jaayenge। vahi patit-paavan hai। jaise doosri aatma aati hai vaise yeh bhi aate hain। shraadh khilaate hain to aatma ko bulaate hain। brahman ko hi apne baap ki aatma samajh sab kuchh karte hain। samajhte hain woh aatma aati hai। aatma bolti hai। haan inka aana nyaara hai। yeh hai bhagwan ka rath। bhaageerath kehte hain। paani ki baat nahin, yeh hai saari gyaan ki baat। baap samjhaate hain main saadhaaran tan mein pravesh karta hoon, inka naam brahma rakha hai। inko adopt nahin karta hoon। inmen pravesh karta hoon phir tumko adopt karta hoon। tum kehte ho shivbaaba main aapka hoon। tumhaara buddhiyog oopar chala jaata hai kyonki baba khud kehte hain mujhe yaad karo to tumhaare vikarma vinaash honge। is yaatra par raho। samjho, yeh baba kahaan jaata hai to yaad shiv-baba ko karna hai। shivbaaba is rath mein dehli gaya, kaanpur gaya... buddhi mein shivbaaba ki yaad rahe। neeche nahin rehna hai, buddhi oopar rahe। aatma, paramatma baap ko yaad kare। baap kehte mera rahne ka sthaan to vahaan oopar hai। hamaare pichhaadi yahaan nahin bhatakna hai। tum mujhe bhi vahaan yaad karo। tum aatmaayen bhi baap ke saath rahne vaali ho। aise nahin baba ka sthaan alag, tumhaara alag hai, nahin। yeh baaten buddhi mein bithaani hai। ek-ek ko alag jaise tum karaachi mein samjhaate the vaise achha rehta hai। ikatthe ek do ke vibration thaharne nahin dete hain। bhakti bhi ekaanta mein karte hain। yeh padhaai bhi ekaanta mein karni hai। pahle baap ka parichay dena hai। baap patit-paavan hai, un dvaara ham paavan ban rahe hain।

baap kehte hain - bachche yeh antim janma paavan banenge to vishwa ke maalik banenge। kitni badi kamaai hai। baap kehte hain - dhandha aadi bhal karo sirf mujhe yaad karo, paavan bano to yogbal se tumhaari khaad nikal jaayegi। tum satopradhaan ban jaayenge, ekras karmaateet avastha ban jaayegi। buddhi mein gyaan ka simran karte raho। mitra-sambandhiyon ko bhi yeh samjhaate raho। kalpa pahle bhi tumko aise samjhaaya tha। koi nai baat nahin hai। kalpa-kalpa baba aakar hamko samjhaate hain ham phir duniya vaalon ko samjhaate hain। bhaarat barobar svarga tha phir banega। yeh chakra phirta rehta hai। satayug ko laakhon varsha kaise ho sakte hain। itni aadamshumaari kahaan hai phir to anginat ho jaayen। 4 yug hain, har ek yug ki aayu 1250 varsha hai। jaise tumne samjha hai vaise samjhaate rahenge। jhaad ki vriddhi hoti rahegi। kabhi grahchaari baithti hai phir utarti jaati hai। baap kehte hain - samjhaana bahut sahaj hai। alpha be। mool baat hai yaad ki yaatra। mehnat bhi hai। kalpa ke baad yeh yaad ka dhandha milta hai, parantu hai gupta। yeh mushkil subject hai। alpha ko yaad karna, alpha ko hi bhoole ho। bhagwan ko koi jaante nahin। gaaya bhi jaata hai satguru bigar ghor andhiyaara। sojhre mein ek hi satguru le jaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yogbal se aatma ko satopradhaan banaakar ekras karmaateet avastha tak pahunchna hai। yaad ki gupta mehnat karni hai, ekaanta mein padhaai karni hai।

2) baap se mukti-jeevanmukti ka varsa lene ke liye is antim janma mein pavitra zaroor banna hai।

vardaan:- ek “point'' shabd ki smriti se man-buddhi ko negative ke prabhaav se bachaane vaale number one vijayi bhav

vartamaan samay vishesh maaya ka prabhaav man mein negative bhaav aur bhaavna paida karne va yathaartha mahsoosta ko samaapta karne ka chal raha hai isliye pahle se hi safety ka saadhan apnaao। iska vishesh saadhan hai sirf ek “point'' shabd। koi bhi sankalp, bol va karma vyartha hai to use point laga do tab number one vijayi ban sakenge। maaya ke svaroopon ko pahchaano, season ko pahchaano aur svayan ko safe kar lo।

slogan:- sangam par jinhen seva ka shreshtha bhaagya praapta hai vahi padmaapdam bhaagyavaan hain।