Murli du jour du lundi 12 décembre 2022

12-12-2022 praatahmurli om shanti "baapdaada"' madhuban

“meethe bachche - baap bhal yahaan tumhaare sammukh hai lekin yaad tumhein shantidham ghar mein karna hai - tumhaara buddhi-yog sada oopar latka rahe''

prashn:- aho bhaagya kin bachchon ka kahenge aur kyon?

uttar:- jin bachchon ki buddhi mein baap ki knowledge aai, unka hai aho bhaagya kyonki gyaan milne se sadgati ho jaati hai। tum vishwa ke maalik ban jaate ho। baaki jab tak gyaan nahin hai tab tak koi shivbaaba par shareer bhi hom de lekin praapti sirf alpakaal ki hoti hai। baap ka varsa nahin milta hai। bhakti mein bhaavna ke chane mil jaate hain, sadgati nahin milti।

om shanti। bachchon ki dil mein sadaiv rehta hai ki baba aakar hamko padhaate hain। yahaan to sammukh baithe ho। buddhi mein aata hai - hamaara baba aaya hua hai। kalpa pahle muaaphik phir se hamko raajayog sikhlaakar pavitra banaae saath le jaayenge। yeh bhi tum bachche jaante ho। ham jitna purushaartha karenge utna jaakar oonch pad paayenge। yeh buddhi mein rehta hai। bachche jaante hain abhi bhakti maarga khatma hona hai। bhakti aur gyaan donon ikatthe nahin chalte hain। jo bhi manushya pooja aadi karte hain, shaastra padhte hain, woh koi gyaan nahin hai। woh bhakti hai। baap bhi kehte hain meethe bachche ved-shaastra aadi adhyayan karna, jap-tap aadi karna, yeh jo kuchh bhakti aadhaakalpa se karte aaye ho usko gyaan nahin kahenge। gyaan ka saagar ek hi baap hai। woh tumko bilkul sahi raasta bataate hain ki bachche ab mujhe yaad karo to vikarma vinaash ho jaayenge। koi bhi dehdhaari ko yaad nahin karna hai। buddhiyog oopar mein latka hua hona chaahiye। aise nahin ki baba yahaan hai to buddhi bhi yahaan rahe। bhal baba yahaan hai to bhi tumko buddhiyog vahaan shantidham mein lagaana hai। gyaan hai hi ek second ka। bhakti to aadhaakalpa chali hai aur aadhaakalpa tumko varsa milna hai। bhakti aur gyaan donon ikatthe ho na saken। din aur raat alag-alag hain। yeh hai behad ka din aur raat। brahma ka din so bi.ke. ka din। bachche jaante hain ham devta ban rahe hain। satayug ko kaha jaata hai jeevanmuktidhaam। yeh hai jeevanbandh dhaam। is samay sab raavan ke bandhan mein hain, shokvaatika mein hain। tumko ab pata pada hai - shok vaatika kisko aur ashok vaatika kisko kaha jaata hai। bhakti hai utarti kala ka maarga।

baap kehte hain - ab vaapis muktidhaam chalna hai। aise koi kah nahin sakte ki mere bachche ab sabko muktidhaam chalna hai arthaat jeevanbandh se liberate hona hai। phir pahle kaun sa dharma jeevanmukti mein aana hai? yeh bhi tum bachche jaante ho, khel saara bhaarat par hi hai। baaki beech mein by-plot hain। apna unse koi connection nahin hai। gyaan aur bhakti ki baaten manushya nahin samajh sakte। unka part hi nahin hai। part hai hi tum bhaaratvaasiyon ka। satayug aadi mein devi-devta hi the, ab kaliyug mein anek dharma hain। tumhaara yeh hai leap janma, kalyaankaari janma। yeh sangam ka suhaavna yug hai na। tum jaante ho laukik baap ke bhi ham hain phir jeete ji paarlaukik baap ke bane hain। laukik baap bhi hai aur paarlaukik baap bhi haaziraahzoor hai। tumhaari aatma kehti hai baba aap paramdham se aaye ho hamko vaapis le jaane। baap bachchon se hi baat kar sakte hain। jaise aatma ko in okhon se dekh nahin sakte hain, vaise paramatma ko bhi dekh nahin sakte। haan divya drishti se saakshaatkaar ho sakta hai। dikhaate hain ki vivekaananda ko saakshaatkaar hua ki raamkrishna ki aatma nikal mere mein sama gai। parantu aatma sama to nahin sakti। baaki aatma ka saakshaatkaar hota hai। paramatma ka bhi yathaartha roop bindi hai। parantu gaaya hua hai woh hajaaron sooryon se bhi tejomay hai। to paramatma agar woh saakshaatkaar na karaaye to koi ka vishvaas na baithe। bindi roop ke saakshaatkaar se koi samajh na sake kyonki unko koi jaante hi nahin। yeh nai baat baba hi batlaate hain। param aatma badi cheez to ho na sake। woh ati sookshm se sookshm hai। unse sookshm kuchh bhi hai nahin। yeh bhi tum bachchon ki buddhi mein hai ki aatma aur paramatma jo bindi roop hai, unmein saara part noondha hua hai। aatma mein 84 janmon ka apna-apna part noondha hua hai। kitni vichitra baat hai। baap bigar koi samjha na sake। yeh baaten tum vilaayat vaalon ko samjhaao to wonder khaayen aur tumhaare oopar kurbaan jaayen। praacheen bhaarat ka gyaan aur yog tum hi samjha sakte ho। pahle-pahle yeh samjhaana hai ki aatma paramatma kya vastu hai। aatma ke liye kehte hain star hai। paramatma ke liye nahin kahenge ki woh star hai। aatma koi chhoti badi nahin hoti hai। woh hai hi ek bindi, jo ek shareer chhod doosre mein pravesh karti hai। tum bachche samajhte ho drama mein jo kuchh chalta hai, woh noondh hai। chakra phirta rehta hai। yeh sab buddhi mein practical aana chaahiye। duniya to in sab baaton ko jaanti nahin hai। sabse teekhi daudi aatma ki hai, ek second mein kahaan ki kahaan chali jaati hai। second mein jeevanmukti milti hai। to second mein aatma bhi vahaan pahunchti hai। aatma kehti hai mere se teekha aur kuchh hai nahin। mere se chhota aur koi hai nahin। chhoti si aatma mein saari knowledge hai। unko kaha jaata hai god is knowledgeful। aage kehte the bhagwan sab kuchh jaante hain। iska matlab yeh nahin ki ek-ek ke dil ko baith jaante hain। yeh to drama mein sab kuchh noondh hai।

baap samjhaate hain main is jhaad ka beej roop hoon। jhaad ka beej agar chaitanya ho to samjhaaye ki main aise dharni mein rehta hoon। gaaya bhi hua hai brahma dvaara manushya srishti rachte hain। beej to ek hai na। tum aatma yahaan shareer dhaaran kar part bajaati ho। baap kaise aakar pravesh karte hain - yeh tum bachchon ko ab maaloom pada hai। baap aakar knowledge dete hain, sadaiv baitha nahin rehta। baap ne samjhaaya hai jab jhaad ki jadajdeebhoot avastha hoti hai, tab hi main aata hoon। abhi sahaayta ke liye bahut yagya rachenge। yeh hai roodra gyaan yagya। krishna gyaan yagya ho na sake। shreekrishna to devta the woh dvaapar mein aa na sake। devta phir kshatriy, vaishya, shoodra bante hain। shreekrishna devta dvaapar mein kaise aa sakta? raavanraajya mein devtaayen pair nahin rakhte। tum bachche jaante ho aatma avinaashi hai। aatma mein hi sanskaar rehte hain। shareer to khatma ho jaata hai। aatma mein hi achhe va bure sanskaar rehte hain। ab tum samajhte ho jo bhi manushya maatra hain woh drama plan anusaar chal rahe hain। aage yeh nahin samajhte the ki srishti kis aadhaar par chalti hai। eeshvar ke aadhaar par to hai nahin। yeh to bana banaaya khel hai jo phirta rehta hai। aise nahin eeshvar ke aadhaar par khada hai। jaise tumhaara part hai vaise paramatma ka bhi part hai। saakshaatkaar bhi main karaata hoon। bhakti maarga mein har ek ki manokaamna alpakaal ke liye poori hoti hai। daan-punya aadi jo kuchh karte hain uska alpakaal ke liye sukh milta hai। thoda sa sukh mila phir aisa karma karte hain jo unko bhogna padta hai। kehte hain bhaavi ke bhoogre (chane) bhi achhe। bhaktimaarga mein mehnat karte hain, milta kya hai? chane। shiv-baba par bhal shareer bhi hom dete hain to bhi milte bhoogre hain, varsa to mil na sake। kaashi kalvat khaane samay vikarma bhal naash honge phir shuru ho jaayenge। to bhaavna ke bhoogre hue na। gyaan maarga mein tumko dekho kitna milta hai। ekdam tum vishwa ke maalik ban jaate ho। yeh koi ki buddhi mein agar knowledge aa jaaye to aho bhaagya। gyaan se sadgati hoti hai। isko knowledge kaha jaata hai। yeh baap ke sivaae koi de na sake। shaastra kitne dher padhte hain। bahut hoshiyaar ho jaate hain phir woh sanskaar le jaate hain। achha unko milta kya hai? bhoogre, aur to kuchh nahin। neeche girte hi aate hain। samjho koi ka raaja ke ghar mein janma hota hai, khushi manaate hain bhal woh raajkumaar hai, parantu tum kahenge unko chane mile। kahaan hamko baap vishwa ka maalik banaae baadshaahi dete hain, kahaan woh bhoogre (chane)। koi bahut daan karte hain। bhal jaakar raaja ke paas janma liya to bhi tumhaari bhent mein bhoogre hain। to ab raajaai pad ka purushaartha karna chaahiye, laukik baap bhi bachchon ko dekh bahut khush hote hain। yeh hai behad ka maa baap, jisse 21 janmon ka sukh milta hai। aajkal dekho duniya mein duhkh badhta ja raha hai। abhi duhkhadhaam ki ant hai। paarlaukik baap se bachchon ko kya milta hai? laukik se kya milta hai? farka kitna hai। yahaan karmon anusaar koi gareeb banta hai - koi kaise bante hain। vahaan gareeb bhi sukhi rehte hain। naam hi hai sukhdhaam। yeh hai duhkhadhaam। sannyaasi log kehte hain hamne gharbaar chhoda hai, pavitra bane hain, bhaarat ko pavitra rakhne ke liye। government bhi unka maan rakhti hai। parantu duhkhadhaam ko sukhdhaam banaana - yeh baap ka kaam hai। sarva ko shantidham, sukhdhaam le jaana hai kyonki yeh to saari duniya ka prashn hai। bhaarat jab shreshthaachaari tha tab devtaayen the। baba essay (nibandha) dete hain, yukti se likhna chaahiye। devtaayen 84 janmon ka chakra laga-kar aaye hain phir manushya se devta bante hain। manushya se devta baap hi banaayenge aur koi ki taakat nahin। sannyaasiyon se bhaarat ko kuchh faayda hai। pavitra rehte hain, aage to rachta rachna ke liye kehte the beanta hai, ham nahin jaante hain। abhi to kah dete hain ham bhagwan hain। tatva ko yaad karne se vikarma vinaash nahin honge। baap ke mahaavaakya hain maamekam yaad karo to tumhaare vikarma vinaash honge। patit-paavan main hoon। saari duniya ko aakar paavan banaata hoon। saare bhambhor ko aag lagni hai। saari duniya agyaan nindra mein soi hui hai। drama plan anusaar saari duniya naastik hai। baap kehte hain main aakar sabko aastik banaata hoon। abhi jo bilkul tamopradhaan bane hain vo apne ko bhagwan kah dete hain। tum to is srishti chakra ke raaz ko jaanne se chakravarti raaja bante ho। mahaaveer bante ho। tumko to praalabdha mein maal milte hain। unko kya milta hai? chane। tum maaya par jeet paate ho। svadarshan chakra tum braahmanon ko hai। vishnu ke mandir ko nar naaraayan ka mandir kehte hain। vaastav mein lakshmi-naaraayan ko to do, do bhujaayen chaahiye। parantu unko bhi 4 bhujaayen de dete hain। lakshmi-naaraayan to alag thahre na। agar woh 4 bhujaaon vaale hain to unki santaan bhi 4 bhuja vaali aati। aise to hai nahin। dekho, baap kitna achhi reeti samjhaate hain। ab tum samajhdaar, master knowledgeful ban gaye ho। patiton ko paavan banaana hai। ghar vaalon ko uthaana hai। ghar ko bhi mandir banaana hai। bachche kehte hain baba phalaane ki buddhi ka taala kholo। ab main sirf yeh kaam karne ke liye baitha hoon kya? tum to braahmaniyaan ho, bhoon-bhoon tumko karni hai। braahmanon ko service karni hai। pad bhi tumko paana hai। main nishkaam sevaadhaari hoon aur koi nishkaam ho nahin sakta। main tumko svarga ka maalik banaata hoon। main nahin banta hoon। makaan bhi tum bachchon ke liye banaaye hain। main to puraani kutiya mein baitha hoon। mere liye puraana makaan, puraana shareer hai। shivbaaba puraane tan mein rehta hai to yeh phir kahaan jaayega? nishkaam seva ek baap hi kar sakta hai। tum jaante ho baba se ham vishwa ke maalikapne ka varsa lete hain to khushi se jholi bharni chaahiye। dekho, gyaan kitna ooncha hai। bhakti mein to kya-kya daan-punya, jap-tap aadi karna padta hai। sadgati daata to ek baap hai। baap ne aakar gyaan ghrit daala hai। satayug mein sabki jyoti jagi rehti hai। parantu vahaan par gyaan nahin rehta hai ki ham tamopradhaan se satopradhaan bane hain। woh hai praalabdha, nayesir chakra shuru hota hai। yeh anaadi hai। soorya nikalta hai phir jaata hai, yeh dharti ka phera hai। aise nahin eeshvar pherta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ghar-ghar ko mandir banaana hai। parivaar vaalon ki bhi seva karni hai। oonche gyaan ka simran kar khushi se jholi bharni hai।

2) kisi bhi dehdhaari ko yaad nahin karna hai। apna buddhiyog oopar latkaana hai। suhaavne sangamayug par jeete ji paarlaukik baap ka banna hai।

vardaan:- yathaartha seva dvaara seva ka pratyaksha phal khaane vaale man-buddhi se sada tandaroosta bhav

yadi seva yogayukta aur yathaartha hai to seva ka phal khushi, ateendriy sukh, double light ki anubhooti athva baap ke koi na koi gunon ki anubhooti pratyakshaphal ke roop mein zaroor hoti hai। aur jo pratyakshaphal khaate hain woh man-buddhi se sada tandaroosta rehte hain। agar kamjor rehte hain to samjho taaja pratyakshaphal nahin khaate। pratyakshaphal sada healthy banaata hai isliye aapka slogan hai - ever healthy, ever wealthy aur ever happy।

slogan:- apne har karma dvaara brahma baap ke karma ko pratyaksha karne vaale hi karmayogi hain।