Murli du jour du mercredi 21 décembre 2022

21-12-2022 praatahmurli om shanti "baapdaada"' madhuban

“meethe bachche - tum sabhi manushya maatra ke kalyaankaari ho, tumhein bahuton ka kalyaan karna hai, ashareeri banne ke abhyaas ke saath-saath service bhi zaroor karni hai''

prashn:- kis ek baat mein baap bhi drama ki bhaavi kah chup ho jaate hain?

uttar:- bachche, jo bahut samay tak baap ki paalna le phir maaya ke vash ho jaate hain। shaadi kar kahaan ka kahaan chale jaate hain। aashcharyavat bhaaganti ho jaate hain to baap drama ki bhaavi kah chup ho jaate hain। baap jaante hain yeh bhi yagya mein vighna padte hain। baap ko ona rehta hai bachche, kahaan kisi ke naam-roop mein nahin phans jaayen। maaya bahut vighna daalti hai isliye baba raay dete hain bachche, tumhein maaya se darna nahin hai। baap ki yaad se vijayi banna hai।

om shanti। meethe-meethe bachche jaante hain ki ham baap aur daada ke saamne baithe hain। har ek baat nai hai aur yaad karna hai shreemat par ek hi baap ko। baap shreemat dete hain daada ke tan dvaara। ghadi-ghadi bachchon ko saavdhaani milti hai ki manamnaabhav arthaat baap ko yaad karo। is daada ko yaad nahin karna hai। daada ki aatma bhi baap ko yaad karti hai to tumko bhi yaad karna hai। tum aatma ashareeri ho, main bhi ashareeri hoon sirf tumko is tan dvaara padha raha hoon। yeh koi sarvashaktimaan nahin hai। sarvashaktimaan ek hi baap hai। bhal tum vishwa ke maalik bante ho parantu tumko sarvashaktimaan nahin kahenge। sarvashaktimaan dvaara tum raavan par jeet paakar phir se apna raajya pad lete ho। baap ka pharmaan hai ki mujh apne baap ko yaad karo। tum jhaad ke aadi-madhya-ant ka raaz samajh gaye ho। abhi tum kitne samajhdaar bane ho arthaat buddhi mein knowledge hai। is knowledge se tumko bahut oonch pad milta hai। nar se naaraayan bante ho। yeh raajayog ki padhaai hai। kalpa pahle bhi tumne yeh padhaai padhi hai। em object saamne khadi hai phir jo jitna purushaartha kare। purushaartha bahut karna chaahiye aur hai bhi bahut sahaj। apne ghar ko jaanna, yeh koi mushkil nahin hai। ham aatma ashareeri hain। shantidham mein rehte hain। vahaan man ki shanti aadi nahin kahenge, man ki shanti, vaastav mein yeh akshar kehna bhi wrong hai। man to ghoda hai। jab tak shareer hai aatma ke saath, to man shant ho nahin ho sakta। karma to karna hi hai। alpakaal ki shanti to raatri ko neend mein hoti hai। aatma karmendriyon se kaam karte-karte thak jaati hai to ashareeri ho jaati hai। aatma kehti hai mujhe neend aati hai। main thak gaya hoon। to aatma ashareeri ho jaati hai। abhi baap ko yaad karna hai to vikarma vinaash honge। so jaane se koi vikarma vinaash nahin honge। yeh to baap ko yaad karne ka purushaartha karna hai, jo purushaartha bahut zaroori hai। ghadi-ghadi baap kehte hain mujhe yaad karo। jitna jo service karenge, apni hi praja banaayenge। dher ki dher praja banaani hai, bahuton ka kalyaankaari banna hai। tum manushya maatra ke kalyaankaari ho। raavan raajya mein koi bhi kiska kalyaan nahin karte। manushya jab daan-punya karte hain, samajhte hain ham achha karma karte hain। jaise tum kehte ho is ladaai se vaikuntha ke dvaar khulte hain। yeh bahut achhi ladaai hai। tum brahman abhi gyaani tu aatma bane ho। jinmen 5 vikaar pravesh hain woh devta kaise ban sakenge। nar se naaraayan banne ke liye achhi mehnat chaahiye। behad ka purushaartha karna hai। aisa ooncha pad baap ke sivaae koi praapta kara nahin sakta। koi raajayog sikhla na sake। tum lakshmi-naaraayan ki biography ko bhi jaante ho। unhonne yeh raajya kaise liya? kahaan se liya? kisko jeeta? tum sabko samjhaate ho - ki abhi raajayog seekhkar ham lakshmi-naaraayan jaisa ban rahe hain। svayan bhagwan nar se naaraayan banne ki padhaai padhaate hain। to tum bachchon ko bahut nasha hona chaahiye।

baap ne samjhaaya hai - yeh brahman dharma parampita paramatma hi sthaapan karte hain। ab brahman dharma kahaan hota hai? kya satayug mein? nahin। zaroor yahaan hoga। prajaapita bhi yahaan thahra। baap ne brahman dharma sthaapan kiya aur brahma mukh vanshaavli rachi। khud kehte hain main bahut janmon ke ant ke saadhaaran manushya tan mein pravesh karta hoon। woh apne janmon ko nahin jaante। kehte hain brahma ko yahaan kyon rakha hai? are prajaapita to yahaan hona chaahiye। samajhte hain sookshmavtanvaasi devta yahaan kaise ho sakta hai! prajaapita brahma ke 84 janmon ka raaz baap baith samjhaate hain। yeh hai antim janma, ismen hi aana padega। jo aadi mein hai so ant mein hoga। yeh sab raaz baap hi samjhaate hain। yeh chitra bhi shivbaaba ne divya drishti se banvaaye hain। baba ne direction diya ki kalpa 5 hajaar varsha ka hai - yeh siddha kar bataana hai। yeh svarga-narka ke chitra baba ne banvaaye hain। geeta mein yeh thode hi likha hua hai ki parampita paramatma ne padhaaya hai। dekho samjhaane mein kitni mehnat lagti hai। din-pratidin samjhaani milti rehti hai। jo kalpa pahle jis samay samjhaaya, us samay abhi bhi samjhaate hain। mujh aatma mein jo part noondha hua hai, woh repeat hota hai। yeh to tum samajhte ho ki yeh patit duniya hai। sabka antim janma hai। abhi naatak poora hota hai। nahin to satayug se daivi dharma kaise sthaapan hoga। satayug mein hai ek advait devi-devta dharma। is samay tumhaara hai brahman dharma। viraat roop ka raaz bhi samjhaaya hai। brahman maana choti, phir brahman hi devta bante hain। manushyon ko yeh pata hi nahin hai ki shivbaaba brahman dharma rachte hain। abhi tum transfer hote ho। shoodra se brahman, neeche se aasmaan mein chale jaate ho। aatmaon ko ab ghar jaana hai।

manushya deviyon ke mandir mein jaate hain to yeh nahin jaante hain ki jagat amba kaun hai? woh bhi braahmani hai। tum bhi braahmaniyaan ho। jagat amba aur jagat pita bhi hai, jo jiska pujaari hoga unka mandir banaayega। knowledge kuchh bhi nahin hai ki jagat amba kaun hai। woh hai gyaan gyaaneshvari, jo phir raaj-raajeshvari banti hai। deviyon ki bahut pooja hoti hai। satayug mein hain lakshmi-naaraayan, treta mein hain raam-seeta। baaki sab is samay ke chitra hain। anek chitra hain, anek mandir banaaye hain। tum jaante ho brahma sarasvati brahman aur braahmaniyaan hain। lakshmi ko braahmani nahin kahenge, woh devta hai। jab braahmani hai to sab manokaamnaayen poorn karti hai - 21 janmon ke liye। jab lakshmi banti hai to grade kam ho jaata hai। abhi tum eeshvar ki santaan ho। tumhaari grade oonchi hai। in baaton ko koi manushya nahin samajh sakte। tum ho brahman kul bhooshan। abhi tum eeshvar ke bane ho phir devta kul mein jaayenge। yeh sangamayug kalyaankaari hai। baap bhaarat ko svarga banaate hain। bhaarat hi praacheen heaven tha, parantu kiski buddhi mein nahin baithta। bhaaratvaasiyon ko maaloom pade to khush ho jaayen ki ham svarga ke maalik the। koi marta hai to kehte hain svarga gaya। heavenly god father hi heaven banaate hain। mool vatan to hai hi। uske liye sthaapna akshar nahin aayega। sthaapna dharma ki hoti hai। woh aatmaon ka ghar hai jo is samay khaali hota hai, phir nambarvaar sab jaayenge। yeh bachchon ki buddhi mein bithaana hai auron ko samjhaane liye। dharma sthaapan arth jo bhi aatmaayen aati hain woh phir sato rajo tamo mein aati hain। tumko ab oopar jaana hai। tumhaari chadhti kala hai। tum roohaani brahman mukhvanshaavli ho। woh hain kukh vanshaavli, jismaani brahman। woh jismaani teertha karaate hain, katha sunaate hain। tum brahman srishti ke aadi-madhya-ant ka raaz samjhaane vaale ho। jismaani brahman bhi yahaan aate hain - unhon ko jab maaloom padta hai ki sachche brahman barobar yeh hain tab samajhte hain ham barobar jhoothi kathaayen sunaate hain। unhon ke kachchha mein hai kuram, tumhaari buddhi mein hai knowledge। woh shaastra padhkar sunaate hain aur tumhaari buddhi mein knowledge hai, jaise baba ki buddhi mein hai। baba sat, chit, aananda swaroop, beejroop hai aur hai bhi niraakaar। tumko bhi buddhi mein knowledge dhaaran karni hai। knowledge difficult nahin hai, sirf dhyaan dena hai। aise bhi nahin koi ghar-baar chhodna hai। yeh to kaaran ban jaate hain। samjho bachchi shaadi karne nahin chaahti hai, baap maarte hain। parantu chhoti hai bhaag nahin sakti। baalig hai to aakar sharan leti hai। gaate hain sharan padi main tere kyonki raavan raajya mein bahut duhkhi hain। phir baap se varsa paate hain। samjho kisko pati bahut maarta hai, samajhti hai isse jaakar baba ki sharan leven। parantu gharbaar chhodna maasi ka ghar nahin hai। mehnat lagti hai। sannyaasi bhal sannyaas karte hain parantu mitra-sambandhi koi bhoolte nahin hain। kai laut bhi aate hain, mehnat hai। brahm tatva se yog jaldi nahin lagta। yahaan tum jaante ho puraani duniya aur puraane sambandh hain। deh sahit sab kuchh chhodna hai, isliye tumko is puraani duniya se vairaagya aata hai। puraane shareer se bhi tumko vairaagya hai। yeh hai behad ka vairaagya। unhon ka hai had ka rajoguni vairaagya। yeh hai behad ka satopradhaan vairaagya। duniya ko nahin chhodte hain। tum purushaartha kar rahe ho puraani duniya se nai duniya mein jaane liye। woh thode hi aise samajhte hain ki nai duniya mein jaakar sukh bhogna hai। yeh sukh tumhaare liye hai। unhon ka hai rajopradhaan sannyaas। tumhaara hai satopradhaan sannyaas। bachchon ko satopradhaan banna hai। yog se khaad bhasma ho jaayegi isliye isko yog agni kaha jaata hai। yaad agni yeh akshar shobhta nahin hai। yog agni kaha jaata hai, jisse vikarma bhasma honge। hai bahut sahaj baat। parantu ghadi-ghadi kehte hain baba ham bhool jaate hain। baap kehte hain - bachche dehi-abhimaani bano। satayug se treta tak tum soul conscious rehte ho। tum aadha-kalpa soul conscious, aadhaakalpa body conscious bane ho। to ab soul conscious banne mein mehnat lagti hai। satayug mein samajhte hain ham ek shareer chhod doosra lete hain। sarpa ka misaal… yeh drishtaanta tumhaare liye hai। sannyaasi jyoti jyot mein samaane chaahte hain। woh yeh nahin jaante hain ki hamko phir aakar naya chola lena hai। tum jaante ho yeh boodha shareer chhod jaakar naya lenge। puraane kapde ko chhodne ka dil hota hai। kachhue ka misaal bhi tumhaare liye hai। karma karte baap ko yaad karte raho। baap hi sadgati daata hai। sadgati daata ek shivbaaba doosra na koi। tum sab aatmaayen shivbaaba ke bachche phir prajaapita brahma ki bhi santaan ho। pahle hain brahman phir jhaad vriddhi ko paata hai। yeh variety dharmon ka jhaad hai। pahle devi-devta dharma phir islaami, bauddhi phir vriddhi hoti rehti hai। taal-taaliyaan nikalti rehti hain। jab naye nikalte hain to unki mahima hoti hai। peechhe taakat kam hoti jaati hai। tum ho bahut badi taakat vaale, jo vishwa ke maalik bante ho। vahaan koi minister aadi nahin hote hain। raaja ka hukm chalta hai। dvaapar se vajeer hote hain। ab to raaja-raani hain nahin। yeh bhi drama bana banaaya hai। bhaarat svarga tha, ab narka hai। narka bhi pahle satopradhaan phir abhi narka bhi tamopradhaan hai, jisko raurav narka kaha jaata hai। baap kehte hain - mujhe kitni mehnat karni padti hai। kitna ona rehta hai, kahaan koi bachchiyaan gundon ke haath mein na aa jaayen। duniya bahut gandi hai। centre par gande log aa jaate hain। naam roop mein phans padte hain। yagya mein anek prakaar ke vighna bhi padte hain। maaya bhi vighna daalti hai। phir bahut ghutka khaate hain। phir bhi baap ko yaad karna pade। yuddha ke maidaan mein khade hokar ladna hai। darna nahin hai। phaarakti bahut de dete hain। kitne varsha rah paalna li, phir shaadi kar kahaan na kahaan chale gaye। aashcharyavat bhaaganti ho jaate phir bhi drama ki bhaavi kah chup ho jaate hain। service mein rahne vaalon ko khushi bahut jaasti rehti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ki sharan mein aane ke liye buddhi se behad ka sannyaas karna hai। puraani duniya aur deh ko bhool aatma-abhimaani rahne ki mehnat karni hai।

2) ham brahman sarva ki manokaamnaayen poorn karne vaale hain - is nashe mein rehna hai।

vardaan:- apni shreshtha drishti, vritti, kriti se seva karne vaale nirantar sevaadhaari bhav

jaise yeh shareer shvaans ke bina nahin rah sakta aise brahman jeevan ka shvaans hai seva। jaise shvaans na chalne par moorchhit ho jaate hain aise agar brahman aatma seva mein busy nahin to moorchhit ho jaati hai isliye har samay apni shreshtha drishti se, vritti se, kriti se seva karte raho। vaani se seva ka chance nahin milta to mansa seva karo। jab sab prakaar ki seva karenge tab full marks le sakenge।

slogan:- saaksheepan ki sthiti ka takhta hi yathaartha nirnay ka takhta hai।