Murli du jour du mardi 3 janvier 2023

03-01-2023 praatahmurli om shanti "baapdaada"' madhuban

“meethe bachche - yeh srishti va jamaana duhkh ka hai isse nashtomoha bano, naye jamaane ko yaad karo, buddhiyog is duniya se nikaal nai duniya se lagaao''

prashn:- krishnapuri mein chalne ke liye tum bachche kaun si taiyaari karte aur karaate ho?

uttar:- krishnapuri mein chalne ke liye sirf is antim janma mein sab vikaaron ko chhod paavan banna aur doosron ko banaana hai। paavan banna hi duhkhadhaam se sukhdhaam mein jaane ki taiyaari hai। tum sabko yahi sandesh do ki yeh dirty duniya hai, isse buddhiyog nikaalo to nai satayugi duniya mein chale jaayenge।

geet:- mujhko sahaara dene vaale…

om shanti। is geet mein bachche kehte hain ki baba। bachchon ki buddhi chali jaati hai behad ke baap taraph। jin bachchon ko ab sukh mil raha hai athva sukhdhaam ka raasta mil raha hai। samajhte hain barobar baap svarga ke 21 janmon ka sukh dene aaya hai। is sukh ki praapti ke liye svayan baap aakar shiksha de rahe hain। samjha rahe hain ki yeh jo jamaana hai arthaat itne jo manushya hain ve kuchh bhi de nahin sakte hain। yeh to sab rachna hai na। aapas mein bhaai-behen hain। to rachna ek do ko sukh ka varsa de kaise sakte! sukh ka varsa dene vaala zaroor ek rachayita baap hi hoga। is jamaane mein aisa koi manushya nahin jo kisko sukh de sake। sukhdaata sadgati daata hai hi ek satguru। ab sukh kaun sa maangate hain? yeh to sabhi bhool gaye hain ki svarga mein bahut sukh the aur abhi narka mein duhkh hai। to zaroor sabhi bachchon par maalik ko hi taras padega। bahut hain jo srishti ke maalik ko maante hain। parantu woh kaun hain, unse kya milta hai woh kuchh pata nahin hai। aise to nahin maalik se hamko duhkh mila hai। yaad karte hi hain unko sukh shanti ke liye। bhakta bhagwan ko yaad karte hain zaroor praapti ke liye। duhkhi hain tab sukh-shanti ke liye yaad karte hain। behad ka sukh dene vaala ek hai, baaki had ka alpakaal sukh to ek do ko dete hi rehte hain। woh koi badi baat nahin। bhakta sabhi pukaarte hain ek bhagwan ko, zaroor bhagwan sabse bada hai, unki mahima bahut badi hai। to zaroor bahut sukh dene vaala hoga। baap kabhi bachchon ko va jamaane ko duhkh nahin de sakte। baap samjhaate hain tum vichaar karo - main jo srishti athva jamaana rachta hoon to kya duhkh dene ke liye? main to rachta hoon sukh dene ke liye। parantu yeh drama sukh duhkh ka bana hua hai। manushya kitne duhkhi hain। baap samjhaate hain ki jab naya jamaana, nai srishti hoti hai, to usmein sukh hota hai। duhkh puraani srishti mein hota hai। sab kuchh puraana jadajdeebhoot ho jaata hai। pahle jo main srishti rachta hoon usko satopradhaan kaha jaata hai। us samay sabhi manushya kitne sukhi rehte hain। woh dharma ab praayahlop hone ke kaaran koi ki buddhi mein nahin hai।

tum bachche jaante ho naya jamaana satayug tha। ab puraana hai to aasha rakhte hain ki baap zaroor nai duniya banaayega। pahle nai srishti naye jamaane mein bahut thode the aur bahut sukhi the, jin sukhon ka paaraavaar nahin tha। naam hi kehte hain svarga, vaikuntha, nai duniya। to zaroor usmein naye manushya honge। zaroor woh devi-devtaaon ki raajdhaani mainne sthaapan ki hogi na। nahin to jab kaliyug mein ek bhi raaja nahin, sab kangaal hain। phir ekdam satayug mein devi-devtaaon ki raajaai kahaan se aai? yeh duniya badli kaise? parantu sabhi ki buddhi itni maari hui hai jo kuchh bhi samajhte nahin hain। baap aakar bachchon ko samjhaate hain। manushya maalik par dosh dharte hain ki vahi sukh duhkh dete hain, parantu eeshvar ko to yaad hi karte hain ki aakar hamko sukh-shanti do। sweet hom mein le chalo। phir part mein to zaroor bhejenge na! kaliyug ke baad phir satayug zaroor aana hai। manushya to raavan ki mat par hain। shreshtha mat to hai hi shreemat। baap kehte hain main sahaj raajayog sikhaata hoon। main koi geeta ka shlok aadi nahin gaata hoon jo tum gaate ho। kya baap baith geeta sikhaayenge? main to sahaj raajayog sikhaata hoon। school mein geet kavitaaen sunaai jaati hain kya? school mein to padhaaya jaata hai। baap bhi kehte hain tum bachchon ko main padha raha hoon, raajayog sikhla raha hoon। mere saath aur koi ka bhi yog nahin hai। sab mere ko bhool gaye hain। yeh bhoolna bhi drama mein noondh hai। main aakar phir yaad dilaata hoon। main to tumhaara baap hoon। maante bhi ho incorporeal god hai to unke tum bhi incorporeal bachche ho। niraakaar aatmaayen, tum phir yahaan aate ho part bajaane। sabhi niraakaar aatmaon ka nivaas sthaan niraakaari duniya hai, jo oonch te oonch hai। yeh saakaari duniya phir aakaari duniya aur woh niraakaari duniya sabse oopar teesre tabke par hai। baap sammukh baith bachchon ko samjhaate hain, ham bhi vahaan ke rahne vaale hain। jab nai duniya thi to vahaan ek dharma tha, jisko heaven kaha jaata hai। baap ko kaha hi jaata hai heavenly god father। kaliyug hai kansapuri। satayug hai krishnapuri। to poochhna chaahiye ab tum krishnapuri chalenge? agar tum krishnupri chalne chaahte ho to pavitra bano। jaise ham taiyaari kar rahe hain duhkhadhaam se sukhdhaam mein chalne ki, aise tum bhi karo। uske liye vikaar zaroor chhodne padenge। yeh sabka antim janma hai। sabhi ko vaapas jaana hai। kya tum bhool gaye ho - 5 hajaar varsha pahle yeh mahaabhaari ladaai nahin lagi thi? jismen sabhi dharma vinaash hue the aur ek dharma ki sthaapna hui thi। satayug mein devi devtaayen the na। kaliyug mein nahin hain। ab to raavan raajya hai। aasuri manushya hain। unhon ko phir devta banaana pade। to uske liye aasuri duniya mein aana pade va daivi duniya mein aayenge? va donon ke sangam par aayenge? gaaya bhi hua hai kalpa-kalpa, kalpa ke sangamayuge-yuge aata hoon। baap hamko aise samjhaate hain, ham unki shreemat par hain। kehte hain main guide ban tum bachchon ko vaapis le jaane ke liye aaya hoon, isliye mujhe kaalon ka kaal bhi kehte hain। kalpa pahle bhi mahaabhaari ladaai lagi thi, jisse svarga ke dvaar khule the। parantu sabhi to vahaan nahin gaye, sivaae devi-devtaaon ke। baaki sab shantidham mein the। to main nirvaandhaam ka maalik aaya hoon, sabhi ko nirvaandhaam le jaane। tum raavan ki janjeeron mein phanse hue vikaari moot paleeti aasuri gunon vaale ho। kaam hai number one dirty। phir krodh, lobh nambarvaar dirty hain। to saari duniya se nashtomoha bhi hona hai tab to svarga chalenge। jaise baap had ka makaan banaate hain to buddhi usmein lag jaati hai। bachche kehte hain baba ismen yeh banaana, achha makaan banaana। vaise behad ka baap kehte hain main tumhaare liye nai duniya svarga kaisa achha banaata hoon। to tumhaara buddhiyog puraani duniya se toot jaana chaahiye। yahaan rakha hi kya hai? deh bhi puraani, aatma mein bhi khaad padi hui hai। woh niklegi tab jab tum yog mein rahenge। gyaan bhi dhaaran hoga। yeh baba bhaashan kar rahe hain na। he bachche, tum sabhi aatmaayen meri rachna ho। aatma ke swaroop mein bhaai-bhaai ho। ab tum sabhi ko mere paas vaapis aana hai। abhi sab tamopradhaan ban chuke ho। raavan raajya hai na। tum pahle nahin jaante the ki raavan raajya kab se aarambha hota hai। satayug mein 16 kala hain, phir 14 kala hoti hain। to aise nahin ekdam do kala kam ho jaati hain। dheere-dheere utarte hain। abhi to koi kala nahin hai। poora grahan laga hua hai। ab baap kehte hain ki de daan to chhoote grahan। 5 vikaaron ka daan de do aur koi paap nahin karo। bhaaratvaasi raavan ko jalaate hain, zaroor raavan ka raajya hai। parantu raavan raajya kisko kehte hain, raam raajya kisko kehte hain, yeh bhi nahin jaante। kehte hain raamraajya ho, naya bhaarat ho parantu ek bhi nahin jaante ki nai duniya naya bhaarat kab hota hai। sabhi kabra mein soye pade hain।

ab tum bachchon ko to satayugi jhaad dekhne mein aa rahe hain। yahaan to koi devta hai nahin। to yeh baap aakar sab samjhaate hain। maat-pita tumhaara vahi hai, sthool mein phir yeh maat-pita hain। tum maat-pita unko gaate ho। satayug mein to aise nahin gaayenge। vahaan na kripa ki baat hai, yahaan maat-pita ka bankar phir laayak bhi banna padta hai। baap smriti dilaate hain he bhaaratvaasi tum bhool gaye ho, tum devtaayen kitne dhanvaan the, kitne samajhdaar the। ab besmajh ban devaala maar diya hai। aisa besmajh maaya raavan ne tumko banaaya hai, tab to raavan ko jalaate ho। dushman ka effigy banaae unko jalaate hain na। tum bachchon ko kitni knowledge milti hai। parantu vichaar saagar manthan nahin karte, buddhi bhatakti rehti hai to aisi-aisi points bhaashan mein sunaane bhool jaate hain। poora samjhaate nahin hain। tumko to baap ka paigaam dena hai ki baba aaya hua hai। yeh mahaabhaari ladaai saamne khadi hai। sabhi ko vaapis jaana hai। svarga sthaapan ho raha hai। baap kehte hain deh sahit deh ke sabhi sambandhon ko bhool mujhe yaad karo। baaki sirf aise nahin kehna hai ki islaami, bauddhi aadi sab bhaai-bhaai hain। yeh to sabhi deh ke dharma hain na। sabhi ki jo aatmaayen hain woh baap ki santaan hain। baap kehte hain yeh sab deh ke dharma chhod maamekam yaad karo। yeh baap ka message dene ke liye ham shiv jayanti mana rahe hain। ham brahmaakumaar kumaariyaan shiv ke potre hain। hamko unse svarga ki raajdhaani ka varsa mil raha hai। baap hamko paigaam dete hain ki manamnaabhav। is yog agni se tumhaare vikarma vinaash honge। ashareeri bano। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

raatri class

abhi tum bachche sthoolavtan, sookshm vatan aur mool vatan ko achhi tarah samajh gaye ho। sirf tum brahman hi yeh knowledge paate ho। devtaaon ko to yeh darkaar hi nahin hai। tumko saare vishwa ki ab knowledge hai। tum pahle shoodra varna ke the। phir brahmaakumaar bane to yeh knowledge dete hain jisse tumhaari deity dynasty sthaapan ho rahi hai। baap aakar brahman kul, sooryavanshi, chandravanshi dynasty sthaapan karte hain। woh bhi is sangam par sthaapna karte hain। aur dharma vaale phat se dynasty nahin sthaapan karte hain। unko guru nahin kaha jaata। baap hi aakar dharma ki sthaapna karte hain। baap kehte hain abhi sir par phurna hai baap ki yaad ka, jise ghadi-ghadi bhool jaate hain। purushaartha kar dhandha aadi bhi karte rahe aur yaad bhi karte rahe healthy banne ke liye। baap kamaai badi jor se karaate hain, ismen sabhi kuchh bhulaana padta hai। ham aatma ja rahi hain, practice karaai jaati hai। khaate ho to kya baap ko yaad nahin kar sakte ho? kapda silaai karte hain buddhiyog baap ki yaad mein rahe। kichda to nikaalna hai। baba kehte hain shareer nirvaah liye bhal koi kaam karo। hai bahut sahaj। samajh gaye ho 84 ka chakra poora hua। ab baap raajayog sikhaane aaye hain। yeh world ki history-jaagraaphi is samay repeat hoti hai। kalpa pahle jaise hi repeat ho rahi hai। repetition ka raaz bhi baap hi samjhaate hain। one god, one religion bhi kehte hain na। vahaan hi shanti hogi। woh hai advait raajya, dvait maana aasuri raavan raajya। woh hai devta, yeh hai daitya। aasuri raajya aur daivi raajya ka bhaarat par hi khel bana hua hai। bhaarat ka aadi sanaatan dharma tha, pavitra pravritti maarga tha। phir baap aakar pavitra pravritti maarga banaate hain। ham so devta the, phir kala kam hoti gai। ham so shoodra dynasty mein aaye। baap padhaate aise hain jaise teacher log padhaate hain, student sunte hain। achhe student poora dhyaan dete hain, miss nahin karte hain। yeh padhaai regular chaahiye। aisi godly university mein absent honi nahin chaahiye। baba guhya-guhya baaten sunaate rehte hain। achha, goodnight। roohaani bachchon ko namaste।

dhaarna ke liye mukhya saar:-

1) deh ke sab dharmon ko chhod, ashareeri aatma samajh ek baap ko yaad karna hai। yog aur gyaan ki dhaarna se aatma ko paavan banaana hai।

2) baap jo knowledge dete hain, us par vichaar saagar manthan kar sabko baap ka paigaam dena hai। buddhi ko bhatkaana nahin hai।

vardaan:- baap ke kadam par kadam rakhte hue parmaatma duaayen praapta karne vaale aagyaakaari bhav

aagyaakaari arthaat baapdaada ke aagya roopi kadam par kadam rakhne vaale। aise aagyaakaari ko hi sarva sambandhon se parmaatma duaayen milti hain। yeh bhi niyam hai। saadhaaran reeti bhi koi kisi ke direction pramaan haan ji kahkar kaarya karte hain to jiska kaarya karte uski duaayen unko zaroor milti hain। yeh to parmaatma duaayen hain jo aagyaakaari aatmaon ko sada double light bana deti hain।

slogan:- divyata aur alaukikta ko apne jeevan ka shrangaar bana lo to saadhaaranta samaapta ho jaayegi।