Murli du jour du lundi 2 janvier 2023

02-01-2023 praatahmurli om shanti "baapdaada"' madhuban

“ meethe bachche - tum raajarishi ho , tumhein behad ka baap saari puraani duniya ka sannyaas sikhlaate hain jisse tum raajaai pad pa sako ''

prashn:- is samay kisi bhi manushya ke karma akarma nahin ho sakte hain, kyon?

uttar:- kyonki saari duniya mein maaya ka raajya hai। sabmen 5 vikaar pravesh hain isliye manushya jo bhi karma karte hain, woh vikarma hi banta hai। satayug mein hi karma akarma hote hain kyonki vahaan maaya hoti nahin।

prashn:- kin bachchon ko bahut achhi prize milti hai?

uttar:- jo shreemat par pavitra ban andhon ki laathi bante hain। kabhi 5 vikaaron ke vash ho kul kalankit nahin bante, unhein bahut achhi prize mil jaati hai। agar koi baar-baar maaya se haar khaate hain to unka passport hi cancel ho jaata hai।

geet:- om namo shivaae…

om shanti। sabse oonch hai parampita paramatma arthaat param aatma। woh hai rachayita। pahle brahma, vishnu, shankar ko rachte hain phir aao neeche amarlok mein, vahaan hai lakshmi-naaraayan ka raajya। sooryavanshi ka raajya, chandravanshi ka nahin hai। yeh kaun samjha rahe hain? gyaan ka saagar। manushya, manushya ko kab samjha na sake। baap sabse oonch hai, jisko bhaarat-vaasi maat-pita kehte hain। to zaroor practical mein maat-pita chaahiye। gaate hain to zaroor koi samay hue honge। to pahle-pahle oonch te oonch hai woh niraakaar parampita paramatma, baaki to harek mein aatma hai। aatma jab shareer mein hai to duhkhi va sukhi banti hai। yeh badi samajhne ki baaten hain। yeh koi danta kathaayen nahin hain। baaki jo bhi guru gusaai aadi sunaate hain, woh sab danta kathaayen hain। ab bhaarat narka hai। satayug mein inko svarga kaha jaata hai। lakshmi-naaraayan raajya karte the, vahaan sab saubhaagyashaali rehte the। koi durbhaagyashaali the hi nahin। koi bhi duhkh rog tha hi nahin। yeh hai paap aatmaon ki duniya। bhaaratvaasi svargavaasi the, lakshmi-naaraayan ka raajya tha। shreekrishna ko to sabhi maante hain। dekho, inko do gole diye hain। shreekrishna ki aatma kehti hai ab main narka ko laat maar raha hoon। svarga haath mein le aaya hoon। pahle krishnapuri thi, ab kansapuri hai। ismen yeh shreekrishna bhi hai। inke 84 janmon ke ant ka yeh janma hai। parantu ab woh shreekrishna ka roop nahin hai। yeh baap baith samjhaate hain। baap hi aakar bhaarat ko svarga banaate hain। ab narka hai phir svarga banaane baap aaye hain। yeh puraani duniya hai। jo nai duniya thi, ab woh puraani hai। makaan bhi naye se puraana hota hai। aakhreen todne laayak ho jaata hai। ab baap kehte hain main bachchon ko svargavaasi banaane raajayog sikhaata hoon। tum ho raajarishi। raajaai praapta karne ke liye tum sannyaas karte ho vikaaron ka। woh had ke sannyaasi gharbaar chhod jangal mein chale jaate hain। parantu hain phir bhi puraani duniya mein। behad ka baap tumko narka ka sannyaas karaate hain aur svarga ka saakshaatkaar karaate hain। baap kehte hain main aaya hoon tumko le jaane। baap sabhi ko kehte hain tum apne janmon ko nahin jaante ho। yeh to zaroor hai jo jaisa kaarya karega achha va bura, us sanskaar anusaar jaakar janma lenge। koi saahookaar, koi gareeb, koi rogi koi tandaroosta bante hain। yeh hai agle janmon ke karmo ka hisaab। koi tandaroosta hai zaroor aage janma mein hospital aadi banaaye honge। daan punya jaasti karte hain to saahookaar bante hain। narka mein manushya jo bhi karma karte hain woh zaroor vikarma hi banenge kyonki sabmen 5 vikaar hain। ab sannyaasi pavitra bante hain, paap karna chhod dete hain, jangal mein jaakar rehte hain। parantu aise nahin unke karma akarma hote hain। baap samjhaate hain is samay hai hi maaya ka raajya isliye manushya jo bhi karma karenge woh paap hi honge। satayug treta mein maaya hoti nahin, isliye kabhi vikarma nahin bante। na duhkh hoga। is samay ek to hain raavan ki janjeeren, phir bhaktimaarga ki janjeeren। janma-janmaantar dhakke khaate aaye hain। baap kehte hain hamne aage bhi kaha tha ki in jap tap aadi se main nahin milta hoon। main aata hi tab hoon jab bhakti ka ant hota hai। bhakti shuru hoti hai dvaapar se। manushya duhkhi hote hain tab yaad karte hain। satayug treta mein hain saubhaagyashaali aur yahaan hain durbhaagyashaali। rote peette rehte hain। akaale mrityu hota rehta hai। baap kehte hain main aaoonga tab jab narka ko svarga banna hai। bhaarat praacheen desh hai, jo pahle the, unko hi ant tak rehna hai। 84 ka chakra gaaya jaata hai। government jo trimoorti banaati hai unmein hona chaahiye brahma, vishnu, shankar, parantu jaanvar laga dete hain। baap rachayita ka chitra hai nahin aur neeche chakra bhi lagaaya hai। woh samajhte hain charkha hai parantu hai drama srishti ka chakra। ab chakra ka naam rakha hai ashok chakra। ab tum is chakra ko jaanne se hi ashok ban jaate ho। baat to theek hai, sirf ulat pulat kar diya hai। tum is 84 janmon ke chakra ko yaad karne se hi chakravarti raaja bante ho - 21 janmon ke liye। is daada ne bhi 84 janma poore kiye hain। yeh shreekrishna ka antim janma hai। inko baap baith samjhaate hain। vaastav mein tum sabka antim janma hai, jo bhaaratvaasi devi-devta dharma ke the unhon ne hi poore 84 janma bhoge hain। abhi to sabka chakra poora hota hai। ab yeh tumhaara tan chhi-chhi ho gaya hai। yeh duniya hi chhi-chhi hai, isliye tumko is duniya se sannyaas karaate hain। is kabristaan se dil nahin lagaani hai। ab baap aur varse se dil lagaao। tum aatma avinaashi ho, yeh shareer vinaashi hai। ab mujhe yaad karo to ant mati so gati ho jaayegi। gaayan bhi hai antakaal jo stri simre... ab baap kehte hain antakaal jo shivbaaba simre woh naaraayan pad praapta kar sakta hai। naaraayan pad milta hi hai satayug mein। baap ke sivaae yeh pad koi dila na sake। yeh paathshaala hai hi manushya se devta banne ki। padhaane vaala hai baap। jiski mahima suni - om namo shivaae। tum jaante ho ham unke bachche ban gaye hain। ab varsa le rahe hain।

ab tum manushya mat par nahin chalte। manushya mat par chalne se to sab narkavaasi ban gaye hain। shaastra bhi manushyon ke hi gaaye hue hain athva banaaye hue hain। saara bhaarat is samay dharma bhrashta, karma bhrashta ban pada hai। devtaayen to pavitra the। ab baap kehte hain agar saubhaagyashaali banne chaahte ho to pavitra bano, pratigya karo - baba ham pavitra ban aapse poora varsa zaroor lenge। yeh to puraani patit duniya khatma hone vaali hai। ladaai jhagda kya kya laga pada hai। krodh kitna hai। bombs kitne bade-bade banaaye hain। kitne krodhi, lobhi hain। vahaan shreekrishna kaise garbha mahal se nikalte hain so to bachchon ne saakshaatkaar kiya hai। yahaan hai garbha jel, baahar nikalne se maaya paap karaane lag padti hai। vahaan to garbha mahal se bachcha nikalta hai, roshni ho jaati hai। bade aaraam se rehte hain। garbha se nikla aur daasiyaan utha leti, baaje bajne lag padte। yahaan vahaan mein kitna farka hai।

ab tum bachchon ko teen dhaam samjhaaye hain। shantidham se hi aatmaayen aati hain। aatma to star ke misal hai, jo bhrakuti ke beech mein rehti hai। aatma mein 84 janmon ka avinaashi record bhara hua hai। na drama kabhi vinaash hota, na act badli ho sakti। yeh bhi wonder hai - kitni chhoti aatma mein 84 janmon ka part bilkul accurate bhara hua hai। yeh kabhi puraana nahin hota। nitya naya hai। hoobhu aatma phir se apna vahi part shuru karti hai। ab tum bachche aatma so paramatma nahin kah sakte। ham so ka arth baap hi yathaartha reeti samjhaate hain। ve to ulta arth bana dete hain ya to kehte aham brahmasmi, ham paramatma hain maaya ko rachne vaale। ab vaastav mein maaya ko racha nahin jaata। maaya hai 5 vikaar। woh baap maaya ko nahin rachte। baap to nai srishti rachte hain। main srishti rachta hoon, yeh aur koi nahin kah sakte। behad ka baap ek hi hai। om ka arth bhi bachchon ko samjhaaya gaya hai। aatma hai hi shant swaroop। shantidham mein rehti hai। parantu baap hai gyaan ka saagar, aananda ka saagar। aatma ki yeh mahima nahin gaayenge। haan aatma mein knowledge aati hai। baap kehte hain main ek hi baar aata hoon। mujhe varsa bhi zaroor dena pade। mere varse se bhaarat ekdam svarga ban jaata hai। vahaan pavitrata, sukh-shanti sab kuchh tha। yeh hai behad ke baap ka sada sukh ka varsa। pavitrata thi to sukh shanti bhi thi। abhi apvitrata hai to duhkh ashaanti hai। baap baith samjhaate hain tum aatma pahle pahle mool vatan mein thi। phir devi-devta dharma mein aai, phir kshatriy dharma mein aai, 8 janma satopradhaan mein phir 12 janma sato mein, phir 21 janma dvaapar mein, phir 42 janma kaliyug mein। yahaan shoodra ban pade, ab phir brahman varna mein aana hai phir devta varna mein jaayenge। ab tum eeshvareey god mein ho। baap kitna achhi reeti samjhaate hain। 84 janmon ko jaanne se phir usmein sab kuchh aa jaata hai। saare chakra ka gyaan buddhi mein hai। yeh bhi tum jaante ho satayug mein hai ek dharma। world almighty authority raajya। ab tum lakshmi-naaraayan pad pa rahe ho। satayug hai paavan duniya, vahaan bahut thode hote hain। baaki sab aatmaayen muktidhaam mein rehti hain। sabka sadgati daata ek hi baap hai। unko koi jaanta hi nahin aur hi kah dete hain ki paramatma sarvavyaapi hai। baap kehte hain tumko kisne kaha? kehte hain geeta mein likha hua hai। geeta kisne banaai? bhagvaanuvaach, main to is saadhaaran brahma tan ka aadhaar leta hoon। ladaai ke maidaan mein ek arjun ko kaise baith gyaan sunaayenge। tumko koi ladaai va jua aadi thode hi sikhaai jaati hai। bhagwan to hai hi manushya se devta banaane vaala। woh kaise kahenge ki jua khelo, ladaai karo। phir kehte dropdi ko 5 pati the। yeh kaise ho sakta। kalpa pahle baba ne svarga banaaya tha। ab phir se bana rahe hain। shreekrishna ke 84 janma poore hue, yatha raaja raani tatha praja, sabke 84 janma poore hue। ab tum shoodra se badal brahman bane ho। jo brahman dharma mein aayenge, vahi mama baba kahenge। phir bhal koi maane va na maane। samajhte hain hamaare liye manzil oonchi hai। phir bhi kuchh na kuchh sunte hain to svarga mein zaroor aayenge। parantu kam pad paayenge। vahaan yatha raaja raani tatha praja sab sukhi rehte hain। naam hi hai heaven। heavenly god father heaven sthaapan karte hain, yeh hai hell। sab seetaaon ko raavan ne jel mein baandh rakha hai। sabhi shok mein baith bhagwan ko yaad kar rahe hain ki is raavan se chhudaao। satayug hai ashok vaatika। jab tak sooryavanshi raajdhaani tumhaari sthaapan nahin hui hai tab tak vinaash nahin ho sakta। raajdhaani sthaapan ho, bachchon ki karmaateet avastha ho tab final ladaai hogi, tab tak rehearsal hoti rehti hai। is ladaai ke baad svarga ke get khulne vaale hain। tum bachchon ko svarga mein chalne laayak banna hai। baba passport nikaalte hain। jitna-jitna pavitra banenge, andhon ki laathi banenge to prize bhi achhi milegi। baba se pratigya karni hai meethe baba ham aapki yaad mein zaroor rahenge। mukhya baat hai pavitrata ki। paanch vikaaron ka daan zaroor dena pade। koi haar khaakar khade bhi ho jaate hain। agar do chaar baari maaya ka ghoonsa khaakar phir gira to naapaas ho jaayega। passport cancel ho jaata hai। baap kehte hain bachche kul kalankit mat bano। tum vikaaron ko chhodo। main tumko svarga ka maalik avashya hi banaaoonga। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) saubhaagyashaali banne ke liye baap se pavitrata ki pratigya karni hai। is chhi-chhi patit duniya se dil nahin lagaani hai।

2) maaya ka ghoonsa kabhi nahin khaana hai। kul kalankit nahin banna hai। laayak ban svarga ka passport baap se lena hai।

vardaan:- man ko busy rakhne ki kala dvaara vyartha se mukta rahne vaale sada samartha swaroop bhav

jaise aajkal ki duniya mein badi position vaale apne kaarya ki dincharya ko samay pramaan set karte hain aise aap jo vishwa ke nav nirmaan ke aadhaarmoorta ho, behad drama ke andar hero actor ho, heere tulya jeevan vaale ho, aap bhi apne man aur buddhi ko samartha sthiti mein sthit karne ka programme set karo। man ko busy rakhne ki kala sampoorn reeti se use karo to vyartha se mukta ho jaayenge। kabhi bhi upset nahin honge।

slogan:- drama ke har drishya ko dekh harshit raho to kabhi achhe bure ki aakarshan mein nahin aayenge।