Murli du jour du mardi 21 février 2023

21-02-2023 praatahmurli om shanti "baapdaada"' madhuban

“meethe bachche - kisi bhi cheez mein aasakti nahin rakhni hai, deh sahit sabse poora beggar banna hai, shivpuri aur vishnupuri ko yaad karte rehna hai।''

prashn:- gareeb nivaaz baap gareeb bachchon ko bhi kis baat mein aap samaan bana dete hain?

uttar:- baba kehte jaise main phraakh dil hoon, kakhpan le tumhein baadshaahi deta hoon, aise tum bachche bhal gareeb ho lekin phraakh dil bano। thode paise se bhi yeh godly university khol do, ismen kharcha koi nahin। 3-4 ne bhi is university se achha phal pa liya to kholne vaale ka aho saubhaagya। sirf sapoot bankar rehna। kabhi kaam, krodh ke vash satguru ki ninda nahin karaana।

om shanti। baapdaada aur mama। mama do hoti hain - daadi aur maata। yeh tumhaari badi maa hai। parantu bachchon ko sambhaalne ke liye jagat amba nimitta bani hui hai। shivbaaba hai bahuroopi, woh bahut khelpaal bhi karte hain। svahez hote hain na। jab sagaai hoti hai to bhi svahez karte hain aur jab shaadi ka samay hota hai to donon phate hue kapde pahante hain, tel lagaate hain। yeh rasam bhi yahaan ki hai। tum bachchon ko bhi baap samjhaate hain ki poora beggar banna hai। kuchh bhi nahin hoga to sab kuchh mil jaayega। deh sahit kuchh bhi na rahe। shivpuri, vishnupuri taraph hi buddhiyog lagaana hai, aur koi bhi cheez mein aasakti na ho। pavitra bhi zaroor banna hai। dekho meera ka kitna gaayan hai! loklaaj khoi। sirf is pavitrata ke kaaran kitna naam nikla hai। unko to gyaan amrit bhi nahin mila। sirf shreekrishna se preet thi। krishnapuri mein jaane ke liye vish ko chhoda। jaise stri pati ke pichhaadi sati banti hai na। ab aise to nahin meera yaad karte-karte koi krishnapuri mein gai। us samay krishnapuri to hai nahin। meera ko 5-7 sau varsha hue honge। bhaktin bahut achhi thi, isliye koi achhe bhakta ke ghar janma liya hoga। unka naamaachaar kitna chala aata hai। woh to meera bhaktin thi। tum sabhi gyaan meeraayen banti ho। tum aaye ho sooryavanshi, chandravanshi mahaaraani banne ke liye। bhal pahle anapdhe, padhe ke aage bhari dhote hain parantu mahaaraani to banenge na। agar bachpan ko bhool haath chhod diya phir to kabhi nahin mahaaraani banengi aur hi praja mein bhi kam pad paayengi। vaikuntha mein to aayenge parantu kam pad। baba ne samjhaaya hai - bhakti karne vaalon se poochhna chaahiye ki tum kya chaahte ho? krishna ki bhakti kyon karte ho? zaroor dil hogi ki inki raajdhaani mein jaayen। parantu vahaan jaayenge kaise? bahut manushya kehte hain hamko shanti chaahiye। parantu ashaanti to saari duniya mein hai na। tum ek ko shanti milne se kya hoga, ham tumko 21 janmon ke liye sadaiv sukhi bana sakte hain। devtaayen is bhaarat mein hi sada sukhi the। ab woh raajdhaani sthaapan ho rahi hai। yahaan to hai hi maaya ka raajya, shanti mil nahin sakti। shanti ke liye alag jagah hai, sukh ke liye alag jagah hai। sukhdhaam mein sab sukhi hote hain। koi ek bhi duhkhi nahin rehta aur duhkhadhaam mein phir ek bhi sukhi nahin rehta। yatha raaja raani tatha praja sab duhkhi hi duhkhi hain। sukhdhaam mein kabhi jaanvar bhi duhkh nahin paate। shanti ki duniya hi alag hai, jisko nirvaandhaam kehte hain। kehte hain phalaana nirvaandhaam gaya। parantu gaya koi bhi nahin hai। agar khud chala gaya to phir kya karke gaya? sab duhkhi hi duhkhi hain, kitne ladaai-jhagde hain। woh kehte hamaare desh se hindu nikal jaaen, woh kehte phalaane nikal jaayen। ek do ko sahan nahin kar sakte। ab baap bhi dekhte hain anek dharma ho gaye hain to ladte rehte hain, isliye sabhi deh ke dharmon ko nikaal dete hain। baap kehte hain jo bhi dharma vaale hain, sabko ham deh ke dharmon se nikaal denge। satayug mein sirf ek devta dharma rehta hai। yeh sab gyaan tum bachchon ki buddhi mein hai। haath mein chitra uthaae jaakar vaanaprasthiyon ko samjhaana chaahiye। mandiron mein jaana chaahiye। unse poochhna chaahiye shankar ke aage shiv dikhaate hain to zaroor woh shankar se bada hua na। agar shankar bhagwan ka roop hai to phir unke saamne shivling rakhne ki kya darkaar hai। sannyaasi apne ko brahm gyaani, tatva gyaani kahlaate hain। shiv ka unko pata bhi nahin hai। tatva to rahne ka sthaan hai। woh phir brahm aur tatva ko bhi ek nahin maante। achha brahm gyaani, tatva gyaani hain phir apne ko shiv kyon kahlaate? woh to samajhte hain shiv bhi ek hi hai, brahm bhi ek hi hai। ab brahm to hai hi rahne ka sthaan। manushya to bahut moonjhe hue hain। tum bachchon ko ab hoshiyaar hona hai। tum sannyaasiyon ko bhi samjha sakte ho। unse bhi koi niklenge jo asul devta dharma ke honge, woh jhat gyaan ko samajh lenge। koi 3-4 janmon se convert hue honge to itna jaldi nahin niklenge, taaje gaye honge to jhat niklenge। baba mein kashish hai na। baap hai chumbak। aatmaayen hain sueeyaan। ab sueeyon par kat (junk) chadhi hui hai। kat vaali sui oopar kaise jaaye। pankh toote hue hain। kat vaali cheez mitti ke tel mein daali jaati hai। baba bhi is gyaan amrit se sabki kat nikaalte hain। phir ham sachcha sona ban jaayenge। tum abhi pattharnaath se paarasnaath bante ho। bhaarat paaraspuri tha। ab dekho sone ka daam kitna chadh gaya hai। phir vahaan bahut sasta ho jaayega। to bhaarat jo ab pattharpuri bana hai woh phir paaraspuri banega। hamaari buddhi mein yeh chakra phirta rehta hai। saara din chakra buddhi mein phirega tab hi chakravarti raaja raani banenge। duniya mein in baaton ko koi bhi nahin jaante hain। tum jaante ho satayug mein jo raajya karte hain, unhon ke 84 janma hote hain। phir treta vaalon ke zaroor kam honge। kahaan 84 janma, kahaan phir 84 laakh kah dete hain। phir to kalpa bhi itna lamba hona chaahiye, jo itne janma hon। yeh hain sab gapode। hamesha pahle to chitra saamne de dena chaahiye। paisa to tum kabhi nahin maangana। tumhaara kaam hai unko dena। kuchh bhi unko dena hoga to aapehi denge। koi daam poochhe to bolo baba to gareeb-nivaaz hai। gareebon ke liye free baanta jaata hai। baaki saahookaar jitna denge utna ham aur bhi chhapaayenge। paisa koi ham apne kaam mein thode hi lagaate hain। jo milta hai janta ki seva ke kaam mein lagaaya jaata hai। saahookaar hi to dharmashaala aadi banaayenge। yahaan gareeb bhi centre bana sakte hain, ismen kharcha kuchh bhi nahin hai। samjho kehte hain ki ham centre kholoon athva yeh godly university kholoon। aisi godly university se 3-4 ne bhi achha phal pa liya to aho saubhaagya, un kholne vaalon ka। ismen phraakh dil hona chaahiye। baba dekho kitna phraakh dil hai। kakhpan le aur baadshaahi de dete hain। sapoot bachche hi baba ki service kar sakte hain। kapoot kya karenge। kapoot ko thode hi baap varsa denge। tumko satguru ka show karna hai। kaam athva krodh mein aaye to goya satguru ki ninda karaai, phir pad pa nahin sakenge। bahut sambhaal karni chaahiye। baap kehte hain vish ka varsa to baap se, pati se lete aaye ho। ab yeh paarlaukik baap, pati amrit ka varsa tumko dete hain।

tum sabhi dharma vaalon ko rachayita aur rachna ki knowledge bata sakte ho। woh (rachayita) to rehte hi hain shantidham mein। unko yaad karne se tum shanti ka varsa le sakte ho। varsa lete-lete vikarma vinaash ho jaayenge aur tum unke paas chale jaayenge। yeh gyaan sabhi dharma vaalon ke liye hai। yeh hai bilkul nai baat। shaastra to hain bhakti maarga ke। dar-dar dhakka khaana, brahman khilaana, teerthon par jaana। yahaan to ek hi gyaan se beda paar ho jaata hai aur kahin jaane ki darkaar hi nahin। to meethe-meethe bachche ab tum svarga mein chalte ho। jo vish peene vaale hain woh vighna to zaroor daalenge kyonki saari duniya dhundhakaari hai। dekho bhaarat mein pavitrata nahin hai to dhakke khaate rehte hain। hangaamen hain, strike karte rehte hain। government ka naak mein dam chadha dete hain। government saaph kah deti hai ki itna kharcha ham laaven kahaan se? to woh kehte hain tum log mauj udaate ho। dhan ikattha karte rehte ho, hamne kya gunaah kiya hai। hamko tanakhvaah chaahiye। strike kar lete hain to dhandha thahar jaata hai। yeh sab hona hi hai। kahaan sabji nahin milegi, kahaan doodh nahin milega, jahaan tahaan khitpit hai। yeh sab hangaama ho phir shanti hogi। vinaash ka aur phir vishnupuri ka saakshaatkaar to arjun ko bhi karaaya tha na। tumko bhi abhi ho raha hai। dekho, kahaan barsaat nahin padti hai to bhi yagya rachte hain। kahaan bahut ashaanti hoti hai to pees ke liye yagya rachte hain। parantu peaceful to ek hi bhagwan hai। woh jab aaye to shanti ka daan deve। dene vaala to woh ek hi hai na। dekho tum kitne laadle bachche ho। bahut janmon ke baad ant mein aakar mile ho। to ab poora saubhaagya lo। bachchon ko tolput (meethe bachche) kaha jaata hai, mithaai khilaai jaati hai। woh hoti hai jismaani mithaai, yeh hai roohaani mithaai, jo roohaani baap dete hain। dehi-abhimaani ho rehna - badi bhaari manzil hai। ismen mehnat hai। baba kehte hain 8 ghanta to dehi-abhimaani bano phir bhal shareer nirvaah arth kaam bhi karo। raat ko jaago to bahut achhi lagan rahegi। kamaai hai na। he neend ko jeetne vaale bachche, mujh baap ko shvaanso shvaans yaad karo। vichaar saagar manthan karo। raat-din jitna yog mein rahenge utna vikarma vinaash honge aur jitna gyaan simran karenge utni kamaai hogi। baaki to service bahut hai। baba se poochhenge to baba kahenge baithe raho, aaraam karo, ismen poochhne ki darkaar nahin hai। baba ne lok-laaz ka kuchh khyaal kiya kya? are baadshaahi milti hai to inko maaro thokar। baaki haan, har ek ka apna-apna part hai। har ek ka karmabandhan alag-alag hai। paise hain to alaukik service mein paise ko saphal karo। yeh to bachche samajhte ho is gyaan maarga mein zaroor vighna padte hain kyonki pavitrata ka savaal hai। jo bhi dharma sthaapan karne aate hain unhon ko pavitra zaroor banaana pade। is samay to manushya bahut gande hain। vighna bhi bahut daalenge, jhooth kalank bhi lagaayenge। in baaton se darna nahin hai। kuchh bhi ho ghabraana nahin chaahiye। 5 hajaar varsha pahle bhi yeh kalank lage the। ab bhi lagenge। jhoothi-jhoothi banaavti baaten bhi karenge। kisko respond theek na milne se bhi hangaama karte hain। aahiste-aahiste sannyaasi udaasi aadi sab dharma vaale aayenge। sabko baap ki knowledge zaroor leni hai। yeh chitra bhi saari duniya mein jaane hain। kabhi krodh mein aakar vaad-vivaad nahin karna hai। bhal jaae koi ninda kare, gusse mein kabhi nahin aana chaahiye। bachchon ko refresh ho phir service karni hai। din pratidin kaayde kaanoon bhi sudharte jaayenge। duniya ke kaayde kaanoon to bigadte jaayenge kyonki woh to tamopradhaan banti jaati hai। ham to satopradhaan ban rahe hain। achha।

tum bachche ho raajarishi। tum kahenge ham abhi tapasya kar rahe hain - vaanaprastha mein jaane ke liye। aisa javaab dene ka koi manushya ko akla nahin hai। woh to vaanaprastha ko samajhte hi nahin। tum kahenge ham raajayogi hain। jeevanmukti ke liye tapasya kar rahe hain। sikhlaane vaala hai paarlaukik parampita paramatma, gyaan ka saagar। aise-aise maataaen baith samjhaayen to sab wonder khaayenge। bolo, hamko paarlaukik parampita paramatma padha rahe hain। bhavishya oonch pad praapta karaane ke liye। achha!

meethe-meethe sikaldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bhal koi ninda kare, humein gusse mein nahin aana hai। kisi se bhi vaad vivaad nahin karna hai। refresh ho phir service karni hai।

2) neend ko jeetne vaala banna hai। raat ko jaagkar bhi baap ko yaad karna hai aur gyaan ka simran karna hai। dehi-abhimaani rahne ki practice karni hai।

vardaan:- intajaar ko chhod intajaam karne vaale viyogi ke bajaae sahayogi so sahajyogi bhav

kai bachche intajaar karte hain ki yeh chhoden to chhootoon, yeh takraav chhoden to chhootoon - lekin aisa nahin hota। yeh to maaya ke vighna va padhaai mein paper samay prati samay bhinna-bhinna roopon se aane hi hain। to yeh intajaar nahin karo ki phalaana vyakti paas kare, phalaani paristhiti paas kare… nahin, mujhe paas karna hai। aisa intajaam karo। sada shreemat ki anguli ke aadhaar par chalte, sahayogi so sahajyogi bano। kabhi sahayogi kabhi viyogi nahin।

slogan:- apne umang-utsaah dvaara anek aatmaon ka utsaah badhaana - yeh sachchi seva hai।