Murli du jour du vendredi 17 mars 2023

17-03-2023 praatahmurli om shanti "baapdaada"' madhuban

“meethe bachche - baap samaan merciful ban har ek ko jeeydaan dena hai, aisa prabandha karna hai jo bahut manushyon ka saubhaagya bane''

prashn:- is samay duniya mein har ek manushya gareeb hai isliye unhein kaun si sahuliyat tumhein deni hai?

uttar:- tumhaare paas jo bhi avinaashi gyaan ratnon roopi roti lene ke liye aate hain unki jholi bahut pyaar se tumhein bharni hai, sabhi ko sukh dena hai। har ek ko pyaar se chalaana hai, koi bhi rooth na jaaye। tumhaare paas bahut manushya aate hain apna jeeydaan lene isliye bhandaare kholte jaao। unhein khushanseeb banaane ke liye tumhaara darvaaja sada khula rehna chaahiye। agar jeeydaan dene ke bajaae laat maarte to yeh bahut bada paap hai।

geet:- bachpan ke din bhula na dena…

om shanti। bachchon ne geet suna। behad ka baap paramatma shiv brahma tan se baith samjhaate hain ki bachche tum maat-pita ke bane ho, yeh bachpan bhula nahin dena। woh laukik bachpan to kabhi bhulaaya nahin jaata hai। ghar mein mo baap ke saath bachche rehte hain। maata-pita ko jaante bade hote jaate hain। mo baap ke occupation aadi ka unko maaloom hota jaata hai। ab yahaan tum bane ho niraakaar baap ke bachche। baap hai bhandaari, avinaashi gyaan ratnon ka daan dete rehte hain। tum avinaashi gyaan ratnon se apni jholi bharte ho, bhavishya 21 janmon ke liye। agar maat-pita ko bhool gaye to jholi phir khaali ho jaayegi। tum bachche yahaan apna jeevan oonch bana rahe ho। bada bhaari varsa le rahe ho। yahaan tum baap ke paas aate ho bahut maalaamaal banne। gareeb se saahookaar banne, gareeb to sab hain। gareeb aate hain, apni aajeevika banaane athva 21 janmon ke liye apna adhikaar arthaat varsa lene liye। to unhon ko avinaashi gyaan khajaana lene liye tum bachchon ko har prakaar ki sahooliyat deni hai kyonki yeh khajaana aur kahaan se to mil nahin sakta। sabhi ko sukh dena hai। har ek ko pyaar se chalaana hai, jo koi rooth na jaaye aur avinaashi gyaan ratnon roopi roti lene aate hain to unhon ki jholi bharni hai। laat nahin lagaani hai। baap ke paas bachche aate hi hain bhandaara bharpoor karne। gareebon ko daan milta hai to kitne khush hote hain। koi manhoos hote hain woh to gareebon ko laat maar dete। jo dharmaatma, merciful hote hain, woh bulaakar bhi kuchh na kuchh de dete hain। tum bachche jaante ho is samay duniya mein sab gareeb hain। bhal sthool dhan hai parantu woh bhi sab kangaal ban jaane vaale hain। paisa sabka mitti mein mil jaana hai। us dhan ka nasha hone kaaran yeh gyaan ratnon ka khajaana lena unhon ke liye bada kathin hai। baap to hai hi gareeb-nivaaz, jo bhi bachche bante hain phir sage va lage aate hain - baap se apna oonch jeevan banaane, 21 janmon ke liye gareeb se saahookaar banne। satayug mein to bahut saahookaar rehte hain। bhal nambarvaar gareeb bhi hote hain parantu aise gareeb nahin hote jo jhopdiyon mein rehna pade। yahaan to kitna ganda mein rehte hain। vahaan aisi baat nahin।

to jahaan tumhaare centres hain, brahmaakumaar kumaariyaan hain। unhon ke paas bahut manushya aate hain - apna jeeydaan lene liye। tum bachche bhandaare kholte jaao, jeeydaan dene liye। yeh kitna punya hota hai। agar bhandaara kholkar phir banda kar de to bataao itne sabka haal kya hoga! duhkhi honge। ham jaante hain bichaare bahut duhkhi kangaal hain। yahaan aakar khushanseeb bante hain। unke liye sadaiv darvaaja khula rehna chaahiye। bhavishya 21 janmon ka varsa milta hai। sada sukhi bante hain to kitna daan dena chaahiye। shivbaaba jo tumko avinaashi gyaan ratna dete hain woh phir auron ko dena hai। raajdhaani sthaapan ho rahi hai na। lakshmi-naaraayan ka raajya tha, ab nahin hai phir history repeat hogi। to baap raajayog sikhlaate hain। tumko phir auron ko sikhaana hai। aisa prabandha karna chaahiye - jahaan bahut manushya aakar apna saubhaagya banaayen। sabko jeeydaan dena hai। agar jeeydaan dene se laat maarenge to bahut paap chadh jaayega। bahut-bahut pyaar se samjhaana hai। maaya aisi hai jo ekdam behosh kar deti hai। traitor bante hain to pahle se bhi badtar ho jaate hain। har ek sena mein traitor bante hain। kitni jaasoosi karte hain। apni to ladaai hai hi maaya ke saath। jo bachche bankar phir maaya taraph chale jaate hain to traitor ban jaate hain। bahuton ko duhkhi karte hain। kitni ablaayen, kanyaayen bichaari kaid ho jaati hain। apna gyaan hai jabardasta। mo baap ka varsa vish peena pilaana banda ho jaata hai। yeh bahut bura dhandha hai, isliye beeti so beeti। aadhaakalpa to sab patit bante aaye hain, ab baap kehte hain bachche inse tumhaari bahut buri gati hui hai। ab is dhandhe ko banda karo, yeh patit duniya hai ise koi 16 kala sampoorn, sampoorn nirvikaari duniya to nahin kahenge। sampoorn nirvikaari the sooryavanshi। raam seeta ko bhi chandravanshi, kshatriy kahenge। manushya to unhon ko bhi bhagwan samajh lete hain। tum bachche jaante ho sooryavanshi aur chandravanshi mein raat din ka farka hai। woh 16 kala sampoorn nai duniya ke maalik woh 14 kala sampoorn, do kala kam ho jaati hain। duniya kuchh puraani ho jaati hai। sooryavanshi ka naam baala hai। bachche kehte bhi hain baba ham to sooryavanshi banenge। do kala kam bhi kyon ho। school mein agar koi naapaas hote hain to maa baap ka bhi naam badnaam karte hain। paas hote hain to khush hote hain। naapaas hote to dil ghabraati hai। koi-koi to doob marte hain। jo full paas hote hain woh sooryavanshi lakshmi-naaraayan ke gharaane mein jaate hain। kalpa pahle bhi aise hua tha। barobar is samay baap aakar pahle brahman kul sthaapan kar unko baith padhaate hain, jo phir sooryavanshi, chandravanshi bante hain, ismen padhna aur padhaana hai। nahin to padhe hue ke aage phir bhari dhoyenge। yahaan tumhaare saamne em object hai। yahaan andhashradha ho nahin sakti। samjhaaya jaata hai ham paathshaala mein padhte hain manushya se devta banne। saakshaatkaar bhi kiya hai tab to kehte hain ham lakshmi-naaraayan banenge। so aise thode hi banenge। sivaae baap ke koi bana na sake। woh geeta sunaane vaale bhi koi aise nahin kahenge ki ham raajaaon ka raaja banaate hain। manamnaabhav, mere bachche bano। woh to prajaapita brahma aur jagdamba hi kah sakte hain। apne ko koi prajaapita brahma bhi kah na sake। kitna bhi jhootha vesh banaave parantu yeh baaten samjha na sake। yeh to shivbaaba hi samjhaate hain। manushya thode hi kahenge manamnaabhav, vo chakra ka raaz thode hi samjhaayenge ki kalpa kitne varsha ka hota hai। chakra kaise phirta hai। koi nahin jaante। tum bachchon ko bahut knowledge milti hai। moti buddhi itna padh nahin sakenge। imtahaan hai bahut kada। aai.si.S. imtahaan mein bhi bahut thode saahas rakhte hain। government bhi samajhti hai imtahaan kada rakhen to kam paas honge। yahaan bhi limit hai। 8 number one mein jaate hain phir 108 hain। is samay karodon bhaaratvaasi honge। unmein bhi jo devi-devta dharma ke honge woh niklenge। 33 karod devtaayen gaaye jaate hain। unmein 8 number one sooryavanshi bante hain। prince princess bhi bahut honge na। imtahaan bahut bada bhaari hai। 8 vijay maala ke daane bante hain। ismen bhi ek to hai mama kumaari aur yeh phir hai boodha। mama javaan hai। achha padhkar pad paati hai। yeh bhi boodhe pan mein padhkar imtahaan to paas karte hain na। baap se varsa lene mein mehnat ki baat hai। tum bachchon ko bhagwan padhaate hain, yeh to bade hi bhaagya ki baat hai, jo bhagwan ka bankar phir unki service mein lag jaaen। sindha mein tum sab aaye phir unse kitne to toot gaye। baaki jo teekhe nikle unki to kamaal hai। kitne ko aap samaan bana rahe hain। to aaphreen deni pade na। bhatthi se 300 nikle nambarvaar। ab to hajaaron mein ho gaye hain। naye-naye centres khulte jaate hain। kitne manushya aakar apni jeevan heere jaisi banaate hain। bankar phir auron ko banaana chaahiye। murjhaaye hue ko surjeet karna hai। bade pyaar se ek-ek ko haath karna hota hai। kahaan bichaare ke pair khisak na jaayen। jitna jaasti centres honge utna jaasti aakar jeeydaan paayenge। paavan heere jaisa jeevan banaayenge। abhi to patit kaudi jaisa hai। to baap kehte hain purushaartha kar sooryavanshi mein aa jaao। baap ko yaad karo। aise nahin kehte ki brahma-vishnu-shankar ko yaad karo। bahut manushya poochhte hain shankar ka kya part hai? prerna se kaise vinaash karaate hain? bolo, yeh to gaaya hua hai, chitra bhi hain। is par samjhaaya jaata hai vaastav mein tumhaara koi in baaton se connection hai nahin। pahle to samjho hamko baap se varsa lena hai। manamnaabhav ho jaao। shankar kya karta, phalaana kya karta, ismen jaane ki darkaar kya hai। tum sirf do akshar pakad lo baap aur varse ko yaad karo to raajdhaani mil jaayegi। baaki shankar ko gale mein saamp kyon diya hai, yog mein aise kyon baithta.... in baaton se kuchh connection nahin। mukhya baat hai hi baap ko yaad karna। baaki aise-aise to dher prashn uthaayenge, isse tumhaara kya faayda। tum sab baaten bhool jaao।

baap kehte hain mujhe yaad karo to vikarma vinaash honge। ham baap ka sandesh dete hain। yaad nahin karenge to vikarmaajeet nahin banenge, phir gyaan ki dhaarna kaise hogi। ulte sulte prashn koi poochhe to bolo pahle knowledge to samjho। apne ko aatma samajh baap ko yaad karo। baaki sab baaten chhod do। aage chal samajhte jaayenge। varsa lene ki himmat dikhaao। ham baap ka sandesh dete hain phir karo na karo tumhaari marji। baap ke paas pavitra ban jaayenge to phir nai paavan duniya mein oonch pad dilaayenge। svadarshan chakra phiraao। 84 janmon ke chakra ko yaad karo bas। jitna jo yaad karenge vahi vijay maala mein piroye jaayenge aur kuchh jap tap aadi nahin karna hai, in sabse chhuda dete hain। dvaapar se lekar to had ka varsa lete aaye। abhi behad ke baap se behad ka varsa lena hai। abhi tum jo varsa lete ho woh 21 janmon ke liye avinaashi ban jaata hai। vahaan tumko koi yeh pata nahin padta hai ki hamne yeh varsa kaise paaya hai va yeh avinaashi varsa hai। yeh tum abhi jaante ho ki ham 21 janma raajya-bhaagya karenge। vahaan to sukh ki hi mauj hai। manushya samjhenge varsa har ek ko baap se hi lena hai। parantu vahaan hai tumhaare abhi ke purushaartha ki praalabdha, jo 21 janma chalti hai। aise nahin ki usi samay koi achhe karma karte ho। yahaan to aise achhe karma seekhte ho, janma by janma phir tum raajaai mein aayenge। baap pharmaan karte hain ek to pavitra bano aur mujhe yaad karo। parantu maaya bhula deti hai। srishti ka chakra kaise phirta hai woh yaad karne se ham chakravarti raaja raani bante hain। kitni sahaj baat hai। kanyaaon ke liye to sabse sahaj hai। adhar kumaariyon ko phir seedhi utarne mein mehnat lagti hai। jahaan tahaan se kumaariyaan jaasti nikalti hain। is samay shaadi karna to poori barbaadi hai। yahaan shiv saajan ke saath sagaai karne se poori aabaadi ho jaayegi, svarga mein। tum abhi god fatherly service par ho, isse ujoora kya milega? tum vishwa ka maalik banenge। yeh hai sachchi kamaai। tum brahman haath bhartu kar jaayenge। yeh tumhaari sachchi kamaai hai। baaki sabki hai jhoothi kamaai, to haath khaali hi jaayenge। achha!

meethe-meethe sikeeldhe .. dekho sikeeldhe akshar ka arth kitna achha hai। aise aur koi kah na sake। bahut sik-sik se milte hain। aatma paramatma alag rahe bahukaal.. tum 5 hajaar varsha baad phir aakar mile ho, inko kehte hain behad ke sikeeldhe bachche। barobar ab kalpa ke sangam par baap se aakar mile ho। phir bhinna naam roop mein milenge। jinhonne kalpa pahle yeh padha tha unhon ko hi baba padhaayenge phir kalpa-kalpa padhte rahenge। achha!

meethe-meethe sikeeldhe svadarshan chakradhaari bachchon prati baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) murjhaaye hue ko surjeet banaana hai। pyaar se ek-ek ko sambhaalna hai। kisi bhi kaaran se kisi ke pair khisakne na paayen - yeh dhyaan rakhna hai।

2) paavan duniya mein oonch pad ke liye doosre sab prashnon ko chhod baap aur varse ko yaad karna hai। svadarshan chakra phiraana hai। bahuton ko jeeydaan dene ki seva karni hai।

vardaan:- bindu ki maatra ke mahatva ko jaan beeti ko bindi lagaane vaale sahajyogi bhav

sabse saral maatra bindi hai। baapdaada sirf bindi ka hisaab bataate hain। svayan bhi bindu roop bano, yaad bhi bindu ko karo aur drama ke har drishya ko jaanne karne ke baad bindu ki maatra laga do। is bindu ki maatra ke mahatva ko jaan beeti ko bindi laga do, bindu ban jaao to sahajyogi ban jaayenge। vaise bhi ab bindi ban ghar jaana hai। ghar mein sab bindu roop mein rehte jahaan sankalp, karma, sanskaar sab merge hain।

slogan:- karmayogi ban karma karte bhi upraam sthiti mein rehna arthaat udta panchhi banna।