Murli du jour du jeudi 27 avril 2023

27-04-2023 praatahmurli om shanti "baapdaada"' madhuban

“meethe bachche - yog se hi taakat aayegi, anek janmon ki puraani aadten mitengi, sarvagun dhaaran honge isliye jitna ho sake baap ko yaad karo''

prashn:- tum bachche abhi kaun si race kar rahe ho? us race mein thakaavat kab aati hai?

uttar:- tum bachche abhi vijay maala ka daana banne ki race kar rahe ho। is race mein koi koi bahut achha daudte hain, koi koi thak jaate hain। thakne ka kaaran hai padhaai par poora dhyaan nahin। manners sudharte nahin। aise bachchon par shak padta ki yeh kal nahin rah sakenge। kaam ya krodh ke vasheebhoot hone ke kaaran hi thakaavat aati hai phir kehte ab chadh nahin sakenge, jo hona hoga vo dekha jaayega। yeh bhi to wonder hai na।

geet:- kisi ne apna banaake mujhko…

om shanti। bhagvaanuvaach, yeh bachchon ko samjhaaya gaya hai ki manushya ko athva devta ko kabhi bhi bhagwan nahin kaha ja sakta। paramatma hai hi ek, jiske mandir bhi bante rehte hain, jisko shiv, somnaath kehte hain, woh aakar bachchon ko kehte hain - meethe-meethe bachche, mujhe apne us ghar mein yaad karo, main paramdham ka nivaasi hoon। main yahaan is shareer mein aakar kehta hoon ki tumko yaad vahaan karna hai jahaan ab jaana hai। aise nahin yahaan yaad karna hain। main yahaan aaya hoon tum bachchon ka buddhiyog vahaan lagaane ke liye। he bachche, mujhe apne paramdham ghar mein yaad karo। yeh to samajhte ho ki is tamoguni duniya mein koi ke sanskaar kaise hain, koi ke kaise hain! jo achhi reeti dhaarna karte hain unko zaroor achha kahenge। koi to aise hain jo kitna bhi maatha maarte hain, sudharte nahin। shreemat par chalte nahin। unke liye samjha jaata hai ki yeh bahut ajaamil hain, nahin padhte hain to jaakar adhmagti ya kanishta pad paayenge। uttam, madhyam, kanishta - teen prakaar ke pad hote hain। to jo shreemat par nahin chalte unke liye samajhna chaahiye yeh to ajaamil se bhi ajaamil hain। janma-janmaantar kuchh aise paap karte aaye hain। bhal kiska yeh achha janma hai, kiska achha nahin hai to bhi padhaai se oonch chadh sakta hai। ab tum bachche jaante ho hamne 84 janma kaise paas kiye hain! ham bhavishya oonch pad paane ke liye padh rahe hain। baap kehte hain apne dil darpan mein apni chaal ko bhi dekho। baba baar-baar bachchon ko samjhaate hain apni chaal ko sudhaaro। jo samajhte hain ham svarga ke laayak ban rahe hain woh phir auron ko bhi banaate hain। unki chalan mein bahut farka hai। yahaan devtaapna dikhaana hai, asurapna dikhaane se pad bhrashta ho jaayega। vaastav mein ham sab kabradaakhil the। raavan ne kabra-daakhil bana diya hai। baap aakar kabra se nikaalte hain। duniya is samay kabristaan hai। usmein bhi number one hai bhaarat। pahle-pahle number one paristaan tha, ab kabristaan hai।

baap samjhaate hain apni shakla to dekho tum daivi chalan chalne ke laayak ho? samajhte ho ham shreemat par chal rahe hain? mama baba va ananya bachchon misal gun aate jaate hain? kaam ko to chhoda, achha krodh ka bhoot to mere mein nahin hai? yeh donon bhoot bahut kharaab hain। krodh se to ek do ko jalaayenge। yeh bada bhaari dushman hai, inko bhi bhagaana chaahiye। dekhna hai mere mein koi avgun to nahin hai? agar main shreemat par nahin chalta hoon to bilkul satyaanaash ho jaayegi। shreemat milti hi isliye hai ki aatma achhi ho jaae। avinaashi ban jaae, jab tak yog nahin tab tak kuchh sudhar nahin sakte। jitna baba ko yaad karenge utni taakat aayegi aur gun dhaaran nahin karenge to maaya kadam-kadam par thappad maaregi। pratigya karenge ham krodh nahin karenge aur 5 minute baad krodh kar lenge। asli aadten janma-janmaantar ki padi hui hain to unko mitaane mein time lagta hai। in bhooton ko poora vash karna hai। lobh moh yeh phir hain unke chhote-chhote bachche। vikaaron ke bhoot bhi nambarvaar hain। pahle hai ashuddha ahankaar phir kaam krodh.... yeh shiksha aur koi de na sake। to bachche dehi-abhimaani bano। dehi ko yaad karo। sannyaasi log to apne ko paramatma samajhte hain, kehte hain aatma hi paramatma hai। baap kehte hain tum dehi aatma ho, na ki dehi paramatma ho। paramatma phir itne sab kaise honge! paramatma to janma-maran rahit hai। unko kaha jaata hai parampita paramatma। woh baith tum bachchon ko samjhaate hain। ab jaldi purushaartha karo maut to koi bhi samay aa jaayega phir kuchh nahin kar sakenge। anek prakaar ke accident hote rahenge। aapdaayen aai ki aai। aajkal, aajkal karte mar jaayenge phir pad pa nahin sakenge। sapoot bachche to shivbaaba ke aagyaakaari vaphaadaar hote hain। baap sab bachchon ko jaante hain। raavan ne sabko bilkul ganda bana diya hai। iska naam hi hai devil world, aasuri duniya। ab tumko devta bana rahe hain। shreemat par chalenge to banenge। school mein padhaate bhi hain, manners bhi sikhlaate hain। yahaan bhi manners seekhte hain। mukhya hai daivi chalan। ashuddha ahankaar bahut ganda hai। yeh sabko giraate hain। ghadi-ghadi deh-abhimaan aa jaata hai। baap kehte hain apne ko aatma samjho aur mujhe yaad karo to tum mere paas aa jaayenge। maaya ne to sabke pankh kaat diye hain। koi bhi vaapas ja nahin sakte। nahin to aatma udne mein kitni teekhi hai! parantu paramdham mein koi ja nahin sakte। patit-paavan baap ke sivaae to koi paavan niraakaari duniya mein le ja nahin sakte, na paavan saakaari duniya mein aa sakte hain। manushya aane jaane ko bhi samajh nahin sakte hain, jabki vinaash hona hai - machchharon sadrishya sabko baap le jaayega, phir kya hoga! kuchh bhi samajhte nahin। baap aaye hi hain nai duniya aadi sanaatan devi-devta dharma sthaapan karne। yeh koi thode hi samajhte hain ki geeta ke bhagwan ne lakshmi-naaraayan ka raajya sthaapan kiya। jab mahaabhaarat ladaai lagi thi to barobar rudra ne gyaan yagya racha tha jisse vinaash jvaala prajvalit hui aur duniya vinaash hui, jinko raajayog sikhaaya woh raajaaon ke raaja lakshmi-naaraayan banen। tum jaante ho ham bhagwan se padhte hain। padhkar svarga ke maalik ban rahe hain। aage to Christian ka raajya tha। ab phir yeh bhaaratvaasi samajhte hain ham maalik hain। parantu tum jaante ho ham saare vishwa ke maalik bante hain। baap hi aakar manushya ko devta banaate hain। manushya se devta kaise banaaya, kab banaaya - yeh koi ki buddhi mein nahin hai। bhal granth padhte hain parantu kuchh bhi samajhte nahin hain। ab tum bata sakte ho। to tum bachchon ko daiveegun dhaaran karne hain। shreemat par chalna hai, nahin to pankh toot jaayenge। gyaan ki poori dhaarna hogi to daivi manners bhi aayenge। manushya to sab deh-abhimaani hain, koi na koi avgun hai।

baap bahut achhi reeti samjhaate hain। geeta mein bhi hai bhagvaanuvaach। kehte hain - he bachchon, main tumko padhaane aaya hoon। judge, barrister aadi to ban rahe hain। main tumko svarga ka maalik phir se banaane aaya hai। main hoon svarga ka rachayita। main kalpa-kalpa aakar tum bachchon ko svarga ka maalik banaata hoon। tum is samay mahaan bhaagyashaali ban rahe ho। yeh khel hi aisa hai। maaya durbhaagyashaali banaati hai। number to hain koi 100 percent, koi 90 percent, koi 80 percent, jo jitna padhenge utna show karenge। khyaal rakhna chaahiye - hamko rudra maala mein number one pirona hai। jaise woh student class mein transfer hote hain to ek class se doosre class mein baithte hain। marks niklengi usi anusaar number milenge। phir aise hi nambarvaar transfer ho jaayenge। yahaan bhi padhkar tum aatmaayen rudra maala mein nambarvaar piroyengi। unka to sijra bada hai na। phir vahaan se vishnu ki vijay maala mein nambarvaar aakar gaddi par baithenge।

tum ho brahmaakumaar-kumaariyaan parantu is samay tumhaari maala nahin hai kyonki race chal rahi hai। aaj bahut achhe daud rahe hain, kal phir thahar jaate। aaj jisko baap kehte hain, kal phir unko phaarakti de dete। bahuton mein shak padta hai, nahin padhte hain, nahin manners dhaaran karte hain to phir tang ho bhaagne ki koshish karte hain। divorce de dete hain। bahut centres par bachche hain jo dil andar samajhte hain ham to thak gaye hain। ab chadh nahin sakenge। jo hona hoga so dekha jaayega। number one kaam shatru to bahut hairaan karta hai। krodh vaala bhi tang ho phaarakti de deta hai। wonder hai na। saajan athva bhakton ka bhagwan aakar gul-gul banaane ke liye padhaate hain, unko phaarakti de dete hain। baap athva saajan kisko kabhi divorce nahin dete hain। sajniyaan divorce de bhaag jaati hain phir baap kya karen। traitor ban jaate hain। baap to kehte hain main tumhaara saajan tumko svarga ki mahaaraani banaane aaya hoon, is raavan ki jel se nikaal ashok-vaatika mein le chalne aaya hoon। phir bhi shreemat par na chal raavan ki taraph chale jaate hain। jaise teertho se bahut laut aate hain, sachchi dil se to jaate nahin। ab tumko le chalte hain roohaani yaatra par।

tum jaante ho yeh shareer chhod aatmaayen paramdham chali jaayengi phir purushaartha anusaar aakar pad paayengi। tum samajh sakte ho ki ham kya pad paayenge chalan anusaar? agyaan kaal mein bhi koi bachche aagyaakaari, pharmaanbardaar hote hain, koi to dhundhakaari nikal padte hain। yahaan bhi aise hain। kitna bhi samjhaao to bhi apne hath se utarte nahin। aise bhi kapoot rehte hain। samajhte nahin ki is haalat mein hamaara kya pad hoga? baba baar-baar samjhaate hain parantu phir bhool jaate hain। jaise garbhajel mein anjaam karte hain ham kuchh nahin karenge phir baahar nikalne se jaise ke vaise ban jaate hain। yahaan bachche bhi aise hain, bilkul buddhi mein thaharta nahin hai। nambarvaar hain, pata lag jaata hai yeh godly bulbul hai va nahin। hamesha sapoot bachche hi dil par chadhte hain, jo service par tatpar rehte hain। jaante hain hamne shareer ko svaaha kiya hai, isko kya rakhna hai। maa baap aise to nahin kehte din-raat service karo। bhal 8 ghante aaraam karo, 8 ghante service karo, baaki 8 ghante baap ko yaad karo। koi ko bhi chitron par samjhaane mein deri thode hi lagti hai। yeh shiv-baba tumhaara baap hai ham niraakaari aatmaayen unke bachche hain। parampita paramatma ka naam kabhi suna hai? barobar prajaapita brahma dvaara parampita paramatma baith nai manushya srishti sthaapan karte hain। puraani ko nai banaate hain। us grand father se tumko property milti hai। kehte hain sirf mujhko yaad karo। us baap ko hi sab bhakta yaad karte hain ki hamko is duhkh se chhudaao। brahma mein pravesh kar bachchon ko varsa dene aate hain। kehte hain main in dvaara aatmaon ko pavitra banaae raajaai ke liye gyaan aur yog sikhlaae saath le jaaoonga। phir vahaan se tumko svarga mein bhej doonga। jo karenge, so paayenge। kitna baap samjhaate hain! baap ki gat mat hi nyaari hai। sabki sadgati kaise karte hain, kaise raajdhaani sthaapan karte hain tab to unki mahima karte hain। duniya bilkul nahin jaanti। baap kaise shreemat dete hain, kya se kya banaate hain! to aise baap ko yaad karna chaahiye। unki mat par chalne se hi tum aise lakshmi-naaraayan banenge। kaha hua hai na brahma bhi utar aaye... yahaan bhi aise hai। koi to shivbaaba ko jaante hi nahin hain। sirf mama baba kahne se thode hi dil par chadh sakte hain। mama baba jaante hain kaun hamaare hain, kya-kya banenge? padhte nahin to kya banenge? har ek ki chalan se pata padta hai। aur koi padhaai aisi nahin jisse maaloom pade - ham 84 janma kaise bhogte hain? bhavishya prince princess banne ke liye tumko raajayog sikhla raha hoon। yeh baap bhi kehte hain to purushaartha karna chaahiye। yeh saari raajdhaani ab banni hai। aise nahin ki ek baar fail hua phir padhega। yahaan to raajdhaani sthaapan ho rahi hai, sab pad ka saakshaatkaar karaate hain isliye shreemat par chalna hai। brahma ki mat bhi mashhoor hai na। shri shiv ki mat, krishna ki mat to milni nahin hai। vahaan to praalabdha bhogte hain। vahaan sabko achhi mat hi hai। sirf oonch pad aur neench pad rehta hai। raaja phir bhi raaja hai। praja, praja hai। sapoot bachcha woh, jo shreemat par chal poora purushaartha kare aur baap ka naam baala kar dikhaaye। achha!

baapdaada ka meethe-meethe sikeeldhe bachchon prati yaadapyaar aur good morning। yaadapyaar baad brahman kul bhooshan svadarshan chakradhaari bachchon se poochh rahe hain ki bataao shivbaaba ko aasmaan jitna pyaar karte ho va brahm tatva jitna pyaar karte ho? bataao kitna har ek bachcha pyaar karta hai? achha! roohaani bachchon ko roohaani baap ki namaste।

dhaarna ke liye mukhya saar:-

1) godly bulbul ban baap ka naam baala karna hai। gyaan ki dhaarna kar apne manners bahut achhe banaane hain।

2) vijay maala mein pirone ki race karni hai। kabhi bhi tang ho brahman jeevan se thakna nahin hai। shreemat par sada chalna hai।

vardaan:- shubh sankalp ke yantra dvaara silence ki shakti ka prayog karne vaale siddhi swaroop bhav

silence ki shakti ka vishesh yantra hai “shubh sankalp''। is sankalp ke yantra dvaara jo chaaho woh siddhi swaroop mein dekh sakte ho, iska prayog pahle sva ke prati karo। tan ki vyaadhi ke oopar prayog karke dekho to shanti ki shakti dvaara karmabandhan ka roop, meethe sambandh ke roop mein badal jaayega। karmabhog - karma ka kada bandhan silence ki shakti se paani ki lakeer misal anubhav hoga। to tan par, man par, sanskaaron par silence ki shakti ka prayog karo aur siddhi swaroop bano।

slogan:- kul deepak ban apne smriti ki jyoti se brahman kul ka naam roshan karo।