Murli du jour du jeudi 22 juin 2023

22-06-2023 praatahmurli om shanti "baapdaada"' madhuban

“meethe bachche - dil se baba-baba kehte raho to apaar khushi rahegi, yeh mukh se kahne ki baat nahin, andar mein simran chalta rahe to sab kalah-klesh mit jaayenge''

prashn:- kai bachche kehte - baba, mera man moonjhata hai, uljhan rehti hai, to baba unhein kaunsi shiksha dete hue khushi mein rahne ki yukti bataate hain?

uttar:- baba kehte - bachche, tum yeh shabd hi wrong bolte ho। ‘man moonjhata hai'- yeh kehna hi galat hai। baap se buddhiyog tootta hai tab buddhi bhatak jaati hai। udaasi aa jaati hai isliye baba yukti bataate - apna chart rakho, andar mein baba-baba simran karte raho। har kadam par shreemat lo to uljhan samaapta ho jaayegi।

geet:- banvaari re, jeene ka sahaara…

om shanti। niraakaar bhagvaanuvaach, niraakaar bachchon prati। niraakaar bhagvaanuvaach kis dvaara? is loan liye hue tan dvaara। samjhaaya gaya hai - niraakaar parampita paramatma ka koi shaareerik naam nahin hai। baaki jo bhi manushyamaatra hain unka shaareerik naam padta hai। us naam se bulaaya jaata hai। yahaan phir niraakaar baap niraakaar bachchon ko kehte hain ki is shareer ko bhool jaao। tum aatmaon ko yeh shareer chhod mere paas aana hai। abhi tumko is mrityulok mein janma nahin lena hai। woh laukik maa-baap shaareerik sambandh mein laate hain - yeh tumhaara phalaana hai... aur paarlaukik baap kehte hain - ham niraakaar hain, jisko parampita paramatma kaha jaata hai। tum bhi niraakaar aatma ho। is shareer ka aadhaar liya hai। tumhaara apna shareer hai। hamaara yeh shareer udhaar liya hua hai। abhi tum mujh baap ko yaad karo। main tum aatmaon ka niraakaar baap hoon। ‘baba-baba' akshar bolo। kabhi-kabhi koi bachche kehte hain - hamaara man moonjhata hai, man ko khushi nahin hai। are, man akshar kyon kehte ho? bolo - baba, hamko kyon bhool jaata hai! baba jo hamko svarga ke liye laayak banaate hain, unko ham kyon bhoolte hain! shareer ka bhaan chhod dehi-abhimaani bano। baba kehte hain - ab tumko vaapis aana hai, mujhe yaad karo। niraakaar baba niraakaar aatmaon ko kehte hain - ‘baba-baba' karte raho। yeh baap hai aur maata phir hai gupta। father ke saath maata to zaroor chaahiye na। duniya mein koi ko pata nahin - baap inke dvaara mukh vanshaavli banaate hain, tab unko father kehte hain। phir mother kahaan? jagat amba ko nahin kahenge। jagat amba to nimitta hai sambhaalne liye kyonki yeh mel hone ke kaaran sambhaal na sake isliye jagat amba hai। unki bhi maa yeh hai। brahma badi maa hai। yeh sab hain - brahmaakumaar-kumaariyaan। woh kehte hain maat-pita। to yeh baap baith samjhaate hain। yeh koi saadhu-santa ka kaam nahin।

baap svarga ki sthaapna karte hain। maaya raavan narka banaane lag padti hai। baap sukh dete hain, maaya duhkh deti hai। yeh hai hi sukh-duhkh ka khel aur hai bhaarat ke liye। bhaarat heere jaisa tha। ab kaudi jaisa ban pada hai। bhaarat mein pavitra grihastha dharma tha, jinhon ke chitra hain। lakshmi-naaraayan ka raajya tha parantu woh kab sthaapan hua - yeh koi jaante nahin। kalpa ki aayu laakhon varsha kah dete hain। tum bachchon ko samjhaaya jaata hai - 5 hajaar varsha pahle in lakshmi-naaraayan ka raajya tha। phir lakshmi-naaraayan di first, second, third chalte hain। aath gaddiyaan chalti hain। phir chandravanshi mein 12 chalti hain। dynasty hoti hai na। muglon ki dynasty, sikkhon ki dynasty....। bachchon ko samjhaaya jaata hai - 5000 varsha pahle bhaarat mein ek hi lakshmi-naaraayan ka raajya tha। world almighty authority government thi। woh baap hi banaate hain। bhaaratvaasi maangate bhi yeh hain। abhi to raajaai hai nahin, na king-queen hain। yeh hai hi praja ka praja par raajya, kshan-bhangur ka, inmen koi sukh nahin। jitna samay paas hota jaata, duhkh jaasti hota jaayega, inko mrigtrishna samaan sukh kaha jaata hai। shaastron mein dropdi aur duryodhan ka ek misaal bhi hai। vaastav mein aise hai nahin। yeh sab baaten baith banaai hain। hai yeh roonya (marusthal) ke paani misal raajya। raajya mila hai to aur hi duhkhi hote jaate hain। British government ke samay itna duhkh nahin tha। bahut sastaai thi। abhi to har cheez ki kitni mahangaai ho gai hai! famine (akaal), mooslaadhaar barsaat, arth-quake aadi yeh sab saamne aayenge। manushya paani ke liye hairaan honge। abhi tum bachche apna tan-man-dhan bhaarat ko svarga banaane ki seva mein svaaha karte ho। baap ko madad karte ho। baap phir world almighty authority, one government, one raajya sthaapan karte hain। haahaakaar ke baad phir jayjaykaar hona hai। jo vinaash ka saakshaatkaar kiya hai, woh practical in aankhon se dekhna hai। to baap baith samjhaate hain - tum apne ko aatma samjho। baba ke bachche hain, baba-baba karte raho। man moonjhata hai, man mein khushi nahin hai, yeh ‘man' akshar nikaal do। baba ko yaad nahin karenge to phir khushi kaise hogi? apne aapko na jaanne ke kaaran hi duhkhi hote hain। tum ‘man' akshar kyon kehte ho? are, tumko baap yaad nahin padta! baap ko bhool jaate ho kya! laukik baap ke liye kabhi kehte ho kya - hamko yaad nahin padta hai? chhote bachche ko bhi sikhlaaya jaata hai - yeh maa-baap hai। yeh behad ka baap kehte hain - mujhe yaad karo to main tumko svarga mein le jaaoonga। sirf baba ka banna hai। baap kehte hain meri mat par chalte raho। baap ko to potaamel bhi bataana pade na। baap ko apne bachchon ka pata rehta hai na - yeh kitni kamaai karta hai? to baap ko jab bataayenge tab to pata pade। baap to jhat bataate hain - tumko vaikuntha ka maalik banaata hoon।

baba kehte hain - main to daata hoon, tumko dene liye aaya hoon। tum bhi apna sab kuchh saphal karne vaale ho isliye bhavishya ke liye ab banaana hai। jo jitna saphal karenge unhein utni badi vaikuntha ki baadshaahi bhi milegi। len-den ka hisaab hai। exchange karte hain। puraane ke badle sab naya dete hain। yeh to first class graahak hai। ek haath do, doosre haath lo। ek kahaavat hai na - subah ka saani.... baap to ekdam vishwa ka maalik banaane aate hain। baap kehte hain - yeh sab kuchh dhan maal aadi dhool mein mil jaana hai। inko chhodo। deh sahit deh ke sabhi sambandhon ko bhoolo, apne ko trustee samjho। yeh sab eeshvar ka diya hua hai। unka hi hai। baaki shareer nirvaah arth karma to karna hi hai। baba ko maaloom hoga to raay dete rahenge। kehte hain - baba motor loon? achha, paisa hai to bhal motor lo। makaan banaana hai? achha, bhal banaao। raay dete rahenge। paisa hai to khoob makaan banaao, aeroplane mein ghoomo, bhal sukh lo। bachchon ko hi mat denge na। kanya ki shaadi ke liye poochhte hain। agar gyaan mein nahin chal sakti to bhal kara do। baap (brahma) hamesha right direction denge। agar wrong diya to responsible baba (shivbaaba) hai। woh to phir dharmaraaj bhi hai na। yeh koi common satsang nahin hai। god fatherly university hai। baap raay dete hain - bachche svarga ke maalik bano, shreemat par chalo, dehi-abhimaani bano। vahaan ke naam bhi kitne sundar hote hain! basarmal aadi naam vahaan hote nahin। vahaan raamchandra, krishnachandra aadi naam hote hain। shri ka title bhi milta hai kyonki shreshtha hain na! yahaan to kutte-billi sabko shri-shri ka title dete rehte hain। to baap samjhaate hain - yeh puraani chhi-chhi duniya hai। yeh sab khatma ho jaana hai। abhi tum meri shreemat par chalo। shreemat bhagvat geeta hai mukhya। baaki ved-shaastra aadi to anek hain।

baap brahman, devta, kshatriy - teenon dharma sthaapan karte hai। phir ibraahim apna dharma sthaapan karte hain। unka shaastra phalaana। achha, ved kis dharma ka shaastra hai? kuchh bhi pata nahin! sannyaas dharma ka shaastra koi ved nahin hai। agar ved shaastra hai to vahi padhen। phir geeta kyon uthaate? Christian log sayaane hain। doosre dharma ka shaastra kabhi nahin lenge। bhaaratvaasi to sabko guru karte rahenge। baba ne samjhaaya tha - jab koi 4-5 ikatthe aayen to harek ko alag-alag samjhaana chaahiye। jaise pahle tum alag-alag baithkar samjhaate the, aise abhi bhi samjhaayenge to unki nabja ka pata padega। form bharaana hai kyonki harek ki beemaari alag-alag hai। vaidya log ek-ek ko bulaakar nabja dekhkar dava dete hain।

nishchay karna hai ham aatma hain। aatma hi sunti hai। aatma hi patit banti hai। aatma ko nirlep kehna - yeh to jhooth baat hai। aatma jaisa karma karti hai, vaisa phal milta hai। kehte hain na - inke karma aise kiye hue hain। abhi baba hamko karma aisa achha sikhlaate hain jo 21 janma ham sukhi rahenge। karmon ki gati hai na। satayug mein to karma akarma ho jaata hai। vikarma koi hota nahin। vikarma karaane vaali maaya hi nahin hoti। raajdhaani sthaapan hoti hai to zaroor tum varsa to paayenge। karmaateet avastha ko paana hai। janma-janmaantar ke paap sir par hain। ganga snaan va jap-tap aadi karne se vikarma vinaash nahin ho sakte। vikarma vinaash yog agni se hi hote hain। ant mein sabka hisaab-kitaab chuktu hoga, nambarvaar। chuktu nahin hoga to saja khaani padegi। chuktu karna hai baap ki yaad se। yaad nahin karte hain, tab aatma murjhaati hai। baap kehte hain - mere ko yaad nahin karenge to maaya vaar karegi। jitna ho sake yaad karo। kam se kam 8 ghante tak yaad rahegi to tum paas ho jaayenge। chart rakho। toofaan tab aate hain jab apne ko aatma samajh baap ko yaad nahin karte ho। gaate bhi hain - simar-simar sukh paao। andar simarna hai। chup rehna hai। raam-raam va shiv-shiv kehna nahin hai। yaad se tumhaare kalah-klesh mit jaayenge। tum nirogi ban jaayenge। seedhi baat hai। baap ko bhoolne se hi maaya ka thappad lagta hai। baap kehte hain - raho bhi bhal grihastha vyavhaar mein। kadam-kadam par baba se raay poochhte raho। kahaan paap ka kaam na ho jaaye। kanya gyaan mein nahin aati hai to unko dena hi pade। bachcha agar pavitra nahin rah sakta to apna kama sakte hain। vo jaakar shaadi karen। kai phir baap ki milkiyat par bada jhagda karte hain। poora samaachaar nahin dete hain। woh hue sautele। maatele zaroor bataayenge। baap ko samaachaar nahin denge to baap kaise jaanen?

yahaan tumhaara chehra harshitmukh hoga tab vahaan bhi tum sada harshitmukh rahenge। birla mandir mein lakshmi-naaraayan ka kitna first-class chitra hai! parantu jaante nahin ki yeh kab aaye the? abhi woh bhaarat ka raajya kahaan gaya? tum jaakar samjha sakte ho। pahle thi satopradhaan avyabhichaari bhakti। phir baad mein vyabhichaari rajo, tamopradhaan bhakti hoti hai। aage to paramatma ko beanta kehte the। abhi kehte hain sab eeshvar hi eeshvar hain, isko tamo buddhi kaha jaata hai।

to aise nahin kehna chaahiye ki hamaara man nahin lagta। yeh tum kya kehte ho! baap ko bhoolne se hi yeh haal hota hai। baap ko yaad karo to khushi ka paara chadha rahega। baap ko yaad karne se badi bhaari kamaai hai। saari raat baap ko yaad karo। neend ko jeetne vaale bano। gaate aaye ho - balihaar jaaoon। ab kehte hain - main aaya hoon, to maamekam yaad karo na। mujh aatma ka baap woh hai, unko yaad karna hai। inse mamatva mit jaana chaahiye। nashtomoha ban ek ke saath buddhi lagaani hai to pakke ho jaayenge। mujhe ab naye ghar jaana hai। puraane ghar se kya mamatva rakhen। naya makaan banaaya jaata hai to phir puraane se dil hat jaati hai na। baap kehte hain - deh sahit sab kuchh yeh puraana hai। ab baap aur varse ko yaad karo। is padhaai se ham prince-princess jaakar banenge satayug mein। second mein baba pratyakshaphal dete hain। yeh hai prince princess banne ka college। prince-princess ka college nahin। yahaan banna hai। phir prince ke baad raaja to zaroor banenge। achha!

baapdaada, meethi-meethi mama ka sikeeldhe bachchon ko yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bhaarat ko svarga banaane ki seva mein apna tan-man-dhan svaaha karna hai। baap ka poora poora madadgaar banna hai।

2) yahaan harshitmukh rehna hai। kisi bhi baat mein murjhaana nahin hai, baap ki yaad se sab kalah-klesh mita dene hain।

vardaan:- authority ke aasan par sthit rah sahajyogi jeevan ka anubhav karne vaale mahaan aatma bhav

jaise speaker ki seat sahaj hi le lete ho aise abhi sarva anubhvon ke authority ka aasan lo। authority ke aasan par sada sthit raho to sahajyogi, sada ke yogi, svatah yogi ban jaayenge। aise authority vaalon ke aage maaya jhukegi na ki jhukaayegi। jaise had ki authority vaale vishesh vyaktiyon ke aage sab jhukte hain। authority ki mahaanta sabko jhukaati hai। aise aap mahaan aatmaayen anubhvon ki authority mein raho to sab aapehi jhukenge।

slogan:- sada khush rehna, khushi ka khajaana baantana aur sabmen khushi ki lahar phailaana yahi shreshtha seva hai।