Murli du jour du vendredi 23 juin 2023

23-06-2023 praatahmurli om shanti "baapdaada"' madhuban

“meethe bachche - tum sabka praan aadhaar aaya hai tumhein jamaghton ke duhkhon ki peeda se chhudaane, woh tumhein svarga ka varsa deta, woh sarvavyaapi nahin hai''

prashn:- is raajayog mein kaun-sa yog sada combined hai?

uttar:- is raajayog mein prajaayog sada hi combined hai kyonki raaja-raani ke saath-saath praja bhi chaahiye। agar sab raaja ban jaayen to kis par raajya karenge? sab kehte hain ham mahaaraaja-mahaaraani banenge, ham raajayog seekhne aaye hain। parantu raaja-raani banne ke liye to bahut himmat chaahiye। poora bal hona chaahiye। baap par poora-poora bali chadhe tab raajaai mein ja saken।

geet:- preetam on milo…

om shanti। preetam ko kaun bulaate hain? preetma ko sajni va bhakti kaha jaata hai। bulaate hain saajan ko, bhagwan ko athva baap ko। ismen sarvavyaapi ka gyaan to thaharta nahin। preetam ko bulaate hain ki on milo। jeev-aatmaayen apne parampita paramatma ko bulaati hain - O parampita paramatma aao, raham karo। svarga mein to aise nahin bulaayenge। barobar yeh duhkhadhaam hai to preetam ko bulaate hain। preetam bhagwan ek hai। creator ek hai। vishwa athva srishti ka chakra bhi ek hai। bachche jaante hain ki kaliyug se phir satayug hoga। satayug mein phir se ek aadi sanaatan devi-devtaaon ka raajya hoga। yeh knowledge hai na। tum bachche jaante ho preetam kaise aaye hain। shiv to hai niraakaar। tum sab niraakaari aatmaayen ho। yahaan aaye ho part bajaane। ab niraakaar baap kaise aaya? raajayog kisne sikhlaaya? shreekrishna to satayug sthaapan karne vaala nahin hai, unko rachayita nahin kahenge। sabhi jeev aatmaon ka preetam ek parampita paramatma creator, niraakaar ko kahenge। kehte hain - mera janma shiv jayanti manaate hain। mera janma koi shreekrishna sadrishya nahin hota। shreekrishna maa ke garbha se kaise janma lete hain - woh bhi bachchon ko saakshaatkaar karaaya hua hai। baap kehte hain mera naam rudra bhi hai। geeta mein bhi hai - yeh hai rudra gyaan yagya arthaat shiv ka racha hua yagya। to zaroor niraakaar shiv ko saakaar mein aana pade। baap baith samjhaate hain - is geet ke do akshar se hi sarvavyaapi ka gyaan nikal jaata hai। preetam ko shreekrishna nahin kahenge। kehte hi hain - O god father। O praan aadhaar kyonki yeh sabka praan aadhaar hai। sabhi ko jamaghton ke duhkh ki peeda se chhudaate hain, to zaroor unko aana pade। baap kehte hain main kalpa-kalpa kalpa ke sangamayuge aata hoon। yahi kalyaankaari sangamayug hai। satayug ke baad to phir do kala kam ho jaati hain। yahi sangamayug chadhti kala ka yug hai, ismen buddhi se kaam lena chaahiye। naye ke liye to bahut sahaj samjhaate hain। tumhaara baap niraakaar parampita paramatma shiv hai। unko yaad karo, bas। aur guru gosaai aadi ke mantra sab hain bhakti maarga ke। bhakti aadha-kalpa chalti hai phir gyaan ka varsa aadha-kalpa chalta hai। gyaan vahaan nahin rahega। gyaan diya jaata hai durgati se sadgati mein le jaane ke liye। guru ka kaam hai shishya athva followers ki gati-sadgati karna। parantu woh jaante nahin ki gati-sadgati kya hoti hai। gaate bhi hain sarva ka sadgati daata raam। patit-paavan sarva seetaaon ka raam। bachche jaante hain ki satayug mein ek hi dharma rehta hai। sooryavanshi raajya chalta hai। phir raam raajya treta mein do kala kam ho jaati hain। vahaan raavan aadi hote nahin। koi upadrav ki baat nahin। yeh saari duniya lanka hai, raavan ka raajya hai। is samay sab manushya bandar se badtar hain kyonki sabhi mein 5 vikaar pravesh hain। kitna manushyon mein krodh hai। ek do ko kaise maarte hain। marne-maarne ki taiyaari karte hain। tum sab vikaari the। ab baba aakar raavan par jeet pahnaate hain। shaastron mein kya-kya baaten likh di hain। aise thode hi poonchh ko aag lagi aur saari lanka jal gai। vaastav mein lanka yeh saari duniya hai। tum brahman kul bhooshan bachche bhi pahle patit the। abhi tum maaya raavan par jeet paate ho। baap ne aakar buddhi ka taala khola hai। buddhivaanon ki buddhi baap hai na। manushya to kya-kya baaten sunaakar maatha hi kharaab kar dete hain। baap kehte hain yeh phir bhi hona hi hai। sarvavyaapi ka gyaan pahle nahin tha। kehte the paramatma beanta hai। beanta kah phir unko sarvavyaapi kehna kitni badi bhool hai। shivoham tatatvam kah dete hain। kabhi shivoham, kabhi phir brahmoham bhi kah dete। yeh phir wrong ho jaata hai। brahm to rahne ka sthaan hai। shiv baba brahm tatva mein rehte hain isliye unka naam brahmaanda hai। ham aatmaayen bhi vahaan ki rahne vaali hain। ve log phir shiv ko naam-roop se nyaara kah dete hain, yeh sab samjhaane ki baaten hain na। so bhi jab ek haphta regular samjhen tab gyaan se choli rang jaaye। samjhaana hai tumhaara behad ka baap bhi hai, jisse bhaarat ko jeevanmukti ka varsa milta hai। baaki sabko mukti ka varsa milta hai।

baap kehte hain - bachche, abhi naatak poora hua। tumhaare 84 janma poore hue hain। itna samay part bajaaya hai, ab phir vaapas jaana hai। baap aakar hamaare liye raajdhaani sthaapan karte hain to zaroor sangam par sthaapan ho, tab to satayug mein tum varsa lo। tumko kitna achha karma sikhlaate hain। lakshmi-naaraayan ne kya kiya jo aise oonch banen? abhi tum jaante ho baba raajayog sikhlaate hain। satayug mein thode hi sikhlaayenge। vahaan to hai hi lakshmi-naaraayan ka raajya। yeh hai kalyaankaari sangamayug, ismen achhi reeti purushaartha karna hai। baap kehte hain yeh deh ka bhaan chhod apne ko aatma nishchay kar mujh baap ko yaad karo। tum dhakke khaakar thak gaye ho। brahma mukh vanshaavli brahman-braahmaniyaan hi trikaaldarshi bante hain। banaane vaala hai baap।

svadarshan-chakra bhi tum phiraate ho। vishnu koi trikaaldarshi nahin hai। unhonne phir vishnu ko alankaar de diye hain। vaastav mein trikaaldarshi tum brahman bante ho। varnon ka bhi samjhaaya hai। choti hai brahman varna। bhaaratvaasi chitra banaate hain। choti dete nahin। brahman varna gum kar diya hai। prajaapita brahma hai na। to pahle braahmanon ki choti honi chaahiye। abhi tum mukh vanshaavli brahman bane ho।

geet mein bhi suna - preetam on milo... sarvavyaapi ki baat nahin। abhi tum preetmaayen preetam ke sammukh baithi hui ho। preetam apna svarga ka varsa de rahe hain। kitna achha preetam hai! kehte hain shreekrishna ne bhagaaya patraani banaane। parantu samajhte nahin - patraani kya cheez hoti hai। abhi tum jaante ho aur svarga ka mahaaraaja-mahaaraani banne liye purushaartha karte ho। yeh raajayog hai, ismen prajaayog combined hai। sirf raaja-raani thode hi banenge। sab kehte hain mahaaraaja-mahaaraani banenge। ham aaye hain raajayog seekhne, parantu sab thode hi mahaaraaja-mahaaraani banenge। himmat chaahiye। poora bal hona chaahiye। bhakti maarga mein jab naudha bhakti karte hain tab saakshaatkaar hota hai। shiv par bali chadhte hain। vaastav mein bali chadhna bhi yahaan ki baat hai। yeh bhi samjhaaya hai - geeta, bhaagvat, raamaayan, ved aadi satayug-treta mein hote nahin। aise nahin parampara se yeh koi chale aate hain। yeh to dvaapar se chale hain। phir dvaapar mein hi banenge। musalmaanon ne aakar raajya liya, muhammad gajanvi ne loota - yeh sab baaten tum jaan gaye ho। hamne hi poojya se pujaari ban apna mandir banaaya। to kitni hamko milkiyat hogi! paanch hajaar varsha ki baat hai। so bhi shuruaat mein। phir bhakti maarga mein bhi tumko kitna dhan rehta hai! jisne heeron-javaahron ka mandir banaaya, unka apna mahal kya hoga। naam kitna oonch hai। lakshmi-naaraayan kitne shrringaare hue dekhte ho। abhi to bichaaron ke paas paisa nahin hai। aage to lakshmi-naaraayan ke liye heeron ka sab kuchh banaate the। baad mein sab loot phoot le gaye। vahaan to sone ki eeten hoti hain, tum unse mahal banaate ho। akla bhi achha rehta hai। abhi to beakla hain, tab to kangaal hue hain na। shivbaaba par va devtaaon par kitne kalank lagaaye hain isliye baba kehte hain yada yadaahi.... jab ismen pravesh karoon tab to braahmanon ko rachoon। brahma mukh se bhaarat mein hi aakar brahman rachte hain। vilaayat jaaoonga kya। jo number one paavan poojya tha, ab pujaari bana hai, unke hi patit shareer mein aata hoon। trimoorti kehte hain, shiv ko nikaal diya hai। trimoorti brahma ka to arth hi nahin nikalta। baba kehte hain kalpa-kalpa sangam par is tan mein aakar tum braahmanon ko rachta hoon। tum brahman-braahmaniyon ka yeh sarvottam yug hai। abhi tum eeshvareey god mein ho। eeshvar baba se behad ka varsa lete ho। jaante ho unko hi yaad karte-karte ham unke paas pahunch jaayenge। kehte hain na ant kaal jo stri sumire.... jaisa sumiran vaisa janma milta hai। yeh hai antakaal ka samay। tumko baap baith samjhaate hain। is samay mujh baap ko hi yaad karna hai। dehi-abhimaani bhav, ashareeri bhav। apne ko aatma nishchay kar mujh parampita paramatma ko yaad karo। ek jagah neshtha mein nahin baithna hai। bachche to chalte-phirte, uthte-baithte baap ko yaad karte hain na।

behad ka baap kehte hain - aur sabhi se buddhi nikaal maamekam yaad karo। isi mein mehnat hai। 84 janma liye, ab yeh antim janma hai। tum baap ke bane ho to usne hi kitne meethe naam diye hain। baba ne sandeshi dvaara naam bheje। vahaan bahut achhe-achhe naam hote hain। phir bhi vahi naam padenge jo kalpa pahle pade honge। sarvavyaapi ka arth bhi samjhaana chaahiye na। sab bhakta bhagwan hain to phir unko milega kya। kuchh bhi nahin। abhi tum eeshvareey god mein ho। eeshvareey god se tum brahman bante ho। shoodra varna khatma hua। yeh varna hai hi tum bhaaratvaasiyon ke liye। tum jaante ho ham shoodra varna se transfer ho brahman dharma mein aaye hain। brahman-braahmaniyaan vahi banenge jo kalpa pahle bane the। jhaad vriddhi ko paata jaata hai। kitni achhi-achhi baaten bachchon ko sunaate hain। parantu maaya ka toofaan lagne se achhe-achhe bachche bhi gir padte hain। yuddha to hai na। tum sarvashaktimaan ke bachche ho to maaya bhi kam nahin hai। aadha-kalpa raavan ka raajya hai। is samay maaya bhi jor se pachhaadegi, isko toofaan kaha jaata hai। hanoomaan ka misaal hai na। tumko maaya ke kitne bhi toofaan aayen parantu hilna nahin hai। sadaiv harshit rehna hai। jitna rustam banenge utna maaya jor se vaar karegi। dekhegi - laayak hai va nahin? kehte hain - baba, hamne to kaala munh kar diya। kaala munh hua, bas, buddhi ko taala lag jaayega। dhaarna hogi nahin kyonki baba ko kalank lagaaya na। laukik baap bhi kehte hain na tum kul-kalankit ho। baba samjhaate hain - tum kabhi bhi kul kalankit nahin banna। baap paramdham se aaye hain tumko padhaane। bhagvaanuvaach - main raajaaon ka raaja banaane aaya hoon। raajaai zaroor sthaapan hogi। is samay tum jitne brahman bane ho utne hi bane the aur bante rahenge।

bachchon ko yaad rakhna hai ki us paarlaukik baba ka koi baap nahin hai। woh hai hi supreme knowledgeful, manushya srishti ka beejroop chaitanya, patit-paavan, merciful, knowledgeful, blissful। un par koi bliss karne vaala nahin hai। woh khud hi baap, teacher, satguru hai। behad baap ke ghar mein tum sammukh baithe ho। yeh hai eeshvareey kutumba। vriddhi ko paate jaayenge। 84 ka chakra bhi buddhi mein yaad hai। ham so devta itne janma, ham so kshatriy itne janma.... phir ham so devta banenge। maaya duhkhadhaam banaati hai। baap aakar sukhdhaam banaate hain। kitna sahaj hai। khoob purushaartha karna chaahiye। ab ka purushaartha kalpa-kalpa ke liye tumhaara purushaartha ban jaayega। kahenge kalpa kalpaantar ham aisa purushaartha karte aaye hain। mama-baba bhi purushaartha karte hain। yahi phir poojya so devi-devta lakshmi-naaraayan banenge। shreemat par ham shreshtha te shreshtha bante hain। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is antakaal ke samay mein ek baap ko hi yaad karne ka abhyaas karna hai। ashareeri banna hai।

2) kabhi bhi kul kalankit nahin banna hai, maaya ke toofaanon mein hilna nahin hai। sada harshit rehna hai।

vardaan:- apne chehre roopi darpan dvaara man ki shaktiyon ka saakshaatkaar karaane vaale yogi tu aatma bhav

jo man mein hota hai uski jhalak mastak par zaroor aati hai। aise nahin samajhna ki man mein to hamaare bahut kuchh hai। lekin man ki shakti ka darpan chehra arthaat mukhda hai। kitna bhi aap kaho hamaara yog to bahut achha hai, ham sada khushi mein naachte hain lekin chehra udaas dekh koi nahin maanega। “pa liya'' is khushi ki chamak chehre se dikhaai de। khushka chehra nahin dikhaai de, khushi ka chehra dikhaai de, tab kahenge yogi tu aatma।

slogan:- jab saral svabhaav, saral bol, saralta sampanna karma hon tab baap ka naam baala kar sakenge।