Murli du jour du mardi 5 décembre 2023

05-12-2023 praatahmurli om shanti "baapdaada"' madhuban

“meethe bachche - kalyaankaari baap abhi tumhaara aisa kalyaan kar dete hain jo kabhi rona na pade, rona akalyaan va deh-abhimaan ki nishaani hai''

prashn:- kis atal bhaavi ko jaante hue tumhein sada nishchint rehna hai?

uttar:- tum jaante ho ki is puraani duniya ka vinaash avashya hona hai। bhal pees ke liye prayaas karte rehte hain lekin nar chaahat kuchh aur… kitna bhi koshish karen yeh bhaavi tal nahin sakti। natural calamities aadi bhi honi hain। tumhein nasha hai ki hamne eeshvareey god li hai, jo saakshaatkaar kiye hain, woh sab practical mein hona hi hai, isliye tum sada nishchinta rehte ho।

om shanti। vishwa mein manushyon ki buddhi mein bhakti maarga ka hi gaayan hai kyonki abhi bhakti maarga chal raha hai। yahaan phir bhakti ka gaayan nahin hai। yahaan to baap ka gaayan hai। baap ki mahima karni hoti hai, jis baap se itna oonch varsa milta hai। bhakti mein sukh nahin hai। bhakti mein rehte hue bhi yaad to svarga ko karte hain na। manushya marte hain to kehte hain svargavaasi hua। to khush hona chaahiye na। jabki svarga mein janma lete to phir rone ki to darkaar nahin। vaastav mein yeh sachchi baat to hai nahin ki svargavaasi hua, isliye rote rehte hain। ab in rone vaalon ka kalyaan kaise ho? rona duhkh ki nishaani hai। manushya rote to hain na। bachche janmate hain to bhi rote hain kyonki duhkh hota hai। duhkh nahin hoga to zaroor harshit rahenge। rona tab aata hai jab koi na koi akalyaan hota hai। satayug mein kabhi akalyaan nahin hota isliye vahaan kabhi rote nahin। akalyaan ki baat hi nahin hoti। yahaan kabhi kamaai mein ghaata padta hai ya kabhi anna nahin milta to duhkhi hote hain। duhkh mein rote hain, bhagwan ko yaad karte hain ki aakar sabhi ka kalyaan karo। agar sarvavyaapi hai to kisko kehte hain - kalyaan karo? parampita paramatma ko sarvavyaapi maanna bade se badi bhool hai। baap hai sabka kalyaankaari, woh ek hi kalyaankaari hai to zaroor sabka kalyaan karenge। tum bachche jaante ho param-pita paramatma hamesha kalyaan hi karte hain। ab woh parampita paramatma kab aaye jo vishwa ka kalyaan kare? vishwa ka kalyaan karne vaala aur to koi hai nahin। baap ko phir sarvavyaapi kah dete hain। kitni bhaari bhool hai। abhi baap apna parichay dekar kehte hain manamnaabhav, ismen hi kalyaan hai। satayug-treta mein koi bhi haalat mein akalyaan hota nahin। treta mein bhi jabki raamraajya hai to vahaan sher-bakri ikatthe jal peete hain। ham raam-seeta ke raajya ki itni stuti nahin karenge kyonki do kala kam ho jaane se kuchh na kuchh sukh kam milta hai। ham to pasanda karte hain svarga, jo baap sthaapan karte hain। usmein poora varsa paayen to bahut achha hai। oonch te oonch baap se varsa le ham kalyaan karen। har ek ko apna kalyaan karna hai shreemat par।

baap ne samjhaaya hai - ek hai aasuri sampradaay, doosra hai daivi sampradaay। abhi ek taraph raavan raajya hai, doosre taraph main daivi sapradaay sthaapan kar raha hoon। aise nahin ki abhi daivi sampradaay hai। aasuri sampradaay ko main daivi bana raha hoon। kahenge daivi sampradaay to satayug mein hota hai। baap kehte hain is aasuri sampradaay ko daivi sampradaay bhavishya ke liye banaata hoon। abhi hai brahman sampradaay, daivi sampradaay ban raha hai। gurunaanak ne bhi kaha hai manushya se devta… parantu kaun se manushya hain jinko devta banaayenge? woh drama ke aadi, madhya, ant ko to jaante nahin। srishti ke aadi mein jo lakshmi-naaraayan shreshthaachaari hain, woh bhi aadi, madhya, ant ko nahin jaante। trikaaldarshi nahin hain। aage janma mein trikaaldarshi the, svadarshan chakradhaari the tab yeh raajya pad paaya hai। unhonne phir svadarshan chakra de diya hai vishnu ko। to yeh bhi samjhaana hai ki svadarshan chakradhaari brahman hain to manushya aashcharya khaayenge। woh to shreekrishna ko bhi kah dete, vishnu ko bhi kah dete। yeh to jaante nahin ki vishnu ke do roop lakshmi-naaraayan hain। ham bhi nahin jaante the। manushya to har baat mein kah dete hain bhaavi। jo hone vaala hai usko koi taal nahin sakte। yeh to drama hai। to pahle-pahle baap ka parichay den ya drama ka raaz samjhaayen? so bhi jab baba ki yaad ho, pahle-pahle baap ka parichay dena chaahiye। behad ka baba, shivbaaba to mashhoor hai। roodra baba bhi nahin kehte। shivbaaba naameegraami hai। baap ne samjhaaya hai ki jahaan-jahaan bhakta hain, unhon ko jaakar samjhaao। akhbaar mein padha tha manushya kehte hain ki himaalay ki itni malteemiliyan ej hai। ab himaalay ki koi aayu hoti hai kya? yeh to sadaiv hai hi। himaalay kabhi gum hota hai kya? yeh bhaarat bhi anaadi hai। kab racha gaya, uski ej nahin nikaal sakte। vaise himaalay ke liye bhi nahin kah sakte ki yeh kab se hai। is himaalay pahaad ki aayu gini nahin jaati। aise thode hi kahenge ki aakaash ki va samudra ki aayu itni hai। himaalay ki aayu kehte hain, to samudra ki bhi bataayen, kuchh bhi jaante nahin। yahaan to tumko baap se varsa paana hai। yeh hai eeshvareey family।

tum jaante ho baap ka banne se svarga ke maalik bante hain। ek raaja janak ki baat nahin। jeevanmukti mein athva raamraajya mein to bahut honge na। sabko jeevanmukti mili hogi। tum second mein mukti-jeevanmukti paane ke purooshaarthi ho। bachcha bane ho, mama-baba kehte ho। jeevanmukti to milegi na। samajh sakte hain praja to dher ki dher banti jaati hai। din-pratidin prabhaav to nikalna hai na। yeh dharma ki sthaapna karna badi mehnat hai। woh to oopar se aakar sthaapna karte hain, unke pichhaadi oopar se aate-jaate hain। yahaan to ek-ek ko raajya-bhaagya paane ka laayak banaana padta hai। laayak banaana baap ka kaam hai। jo mukti-jeevanmukti ke laayak the, sabko maaya ne na-laayak bana diya hai। 5 tatva bhi na-laayak bane hain, phir laayak banaane vaala baap hai। tumhaara abhi second-second jo purooshaartha chalta hai, samajhte hain kalpa pahle bhi phalaane ne aisa hi purooshaartha kiya tha। koi aashcharyavat bhaaganti ho jaate hain, phaarakti de dete hain। practical dekhte rehte hain। yeh bhi samajhte hain vinaash saamne khada hai, drama anusaar sabko act mein aana hai। nar chaahat kuchh aur… woh chaahte hain pees ho parantu bhaavi ko tum bachche jaante ho। tumne saakshaatkaar kiya hai, woh bhal kitna bhi maatha maaren ki vinaash na ho parantu yeh bhaavi tal nahin sakti। earthquake natural calamities hongi, woh kya kar sakte। kahenge yeh to god ka kaam hai। tumhaare mein bhi bahut thode hain jinko itna nasha chadhta hai aur yaad mein rehte hain। sab to paripoorna nahin bane hain। tum jaante ho yeh bhaavi talne ki nahin hai। anna nahin hai, manushyon ke rahne ke liye jagah nahin hai, 3 pair prithvi ke nahin milte।

tumhaara yeh hai eeshvareey parivaar - maat, pita aur bachche। baap kehte hain main bachchon ke aage hi pratyaksha hota hoon। bachchon ko sikhaata hoon। bachche bhi kehte hain - ham baap ki mat par chalte hain। baap bhi kehte hain main bachchon ke hi sammukh aakar mat deta hoon। bachche hi samjhenge। nahin samajhte hain to chhodo, ladne ki koi baat nahin। ham parichay dete hain baap ka। baap kehte hain mujhe yaad karo to vikarma vinaash honge aur svadarshan chakra ko yaad karo to chakravarti raaja banenge। manamnaabhav, madhyaaji bhav ka arth bhi yeh hai। baap ka parichay do jisse creator aur creation ka raaz to samajh jaayen। mukhya yeh ek hi baat hai, geeta mein mukhya yeh ek hi bhool hai। baap kehte hain mujh kalyaankaari ko hi aakar kalyaan karna hai। baaki shaastron se kalyaan ho nahin sakta। pahle to siddha karna hai ki bhagwan ek hai, unko tum yaad karte ho parantu jaante nahin ho। baap ko yaad karna hai to parichay bhi chaahiye na। woh kahaan rehte hain, aate hain va nahin? baap varsa to zaroor yahaan ke liye denge ya vahaan ke liye denge? baap to sammukh chaahiye। shivraatri bhi manaate ho। shiv to supreme father hai, sab aatmaon ka। woh rachta hai, nai knowledge dete hain। srishti chakra ke aadi, madhya, ant ko woh jaante hain। woh hai oonche se ooncha teacher, jo manushya ko devta banaate hain, raajayog sikhlaate hain। manushya kabhi raajayog sikhla na saken। hamko bhi usne sikhlaaya tab ham sikhlaate hain। geeta mein bhi shurooaat mein aur ant mein manamnaabhav aur madhyaaji bhav kaha hai। jhaad aur drama ka knowledge bhi buddhi mein rehta hai। detail mein samjhaana padta hai। result mein phir bhi ek baat aati hai - baap aur varse ko yaad karna hai। yahaan to ek hi baat hai, ham vishwa ke maalik banenge। vishwa ka kalyaankaari hi vishwa ka maalik banaate hain। svarga ka maalik banaayenge, narka ka thode hi maalik banaayenge। duniya yeh nahin jaanti ki narka ka rachayita raavan hai, svarga ka rachayita baap hai। ab baap kehte hain maut saamne khada hai, sabki vaanaprastha avastha hai, main lene aaya hoon। mujhe yaad karo to vikarma vinaash honge। aatma maili se shuddh ho jaayegi। phir tumko svarga mein bhej denge। yeh nishchaybuddhi se kisko samjhaana hai, tote muaaphik nahin। nishchaybuddhi ko phir rone ki va deh abhimaan mein aane ki baat nahin rehti। deh-abhimaan bahut ganda bana deta hai। ab tum dehi-abhimaani bano। shareer nirvaah arth karma karo। woh to karma sannyaasi ban jaate hain। yahaan to tumko grihastha vyavhaar mein rehna hai, bachchon ko sambhaalna hai। baap ko aur chakra ko jaanna to bahut sahaj hai।

baap ko kitne bachche hain। phir unmein koi sapoot hain koi kapoot hain। naam badnaam karte hain। kaala munh kar dete hain। baap kehte hain kaala munh nahin karo। bachcha ban aur phir kaala munh karte ho, kul kalankit bante ho। is kaam chita se tum saanvare bane ho। kaam chita par thode hi jal marna hai। halka nasha bhi nahin hona chaahiye। sannyaasi aadi apne followers ko aise thode hi kahenge। woh reality mein nahin hain। baap to sabko sachchi baaten samjhaate hain। baap kehte hain mujhe yaad karo। tumne guarantee ki hai - baba aapki mat par chal ham svargavaasi banenge। baap kehte hain bachche phir vishay gutter mein girne ka khyaal kyon karte ho? tum bachchiyaan jab aisi murli chalaao to kahenge aisa gyaan to hamne kabhi suna nahin। mandir ke heads ko pakadna chaahiye। chitra le jaana chaahiye। yeh trimoorti jhaad dilvaala ke hi chitra hain। oopar mein daivi jhaad khada hai, baaki daivi jhaad jo past ho gaya woh dikhaate hain। aisi service koi karke dikhaae tab baba mahima kare, isne to kamaal ki hai। jaise baba ramesh ki mahima karte hain। pradarshani vihang maarga ki service ka namoona achha nikaala hai। yahaan bhi pradarshani karenge। chitra to bahut achhe hain।

ab dekho dehli mein jo religious conference hoti hai woh bhi kehte hain oneness ho। uska to arth hi nahin। baap ek hai, baaki hain bhaai-behen। baap se varsa milne ki baat hai। aapas mein mil ksheerkhanda kaise honge, yeh baaten samajhne ki hain। pradarshani ki vriddhi liye yukti rachni hai। jo service ka saboot nahin dikhaate unko to lajja aani chaahiye। agar 10 naye aaye aur 8-10 mar gaye to isse phaayda kya hua। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shareer nirvaah arth kaam karte dehi-abhimaani rahne ka abhyaas karna hai। kisi bhi paristhiti mein rona va deh-abhimaan mein nahin aana hai।

2) shreemat par apna aur doosron ka kalyaan karna hai। sapoot ban baap ka naam baala karna hai।

vardaan:- vyartha sankalpon ko samartha mein parivartit kar sahajyogi banne vaali samartha aatma bhav

kai bachche sochte hain ki mera part to itna dikhaai nahin deta, yog to lagta nahin, ashareeri hote nahin - yeh hain vyartha sankalp। in sankalpon ko parivartit kar samartha sankalp karo ki yaad to mera svadharma hai। main hi kalpa-kalpa ka sahajyogi hoon। main yogi nahin banoonga to kaun banega। kabhi aise nahin socho ki kya karoon mera shareer to chal nahin sakta, yeh puraana shareer to bekaar hai। nahin। vaah-vaah ke sankalp karo, kamaal gaao is antim shareer ki, to samarthi aa jaayegi।

slogan:- shubh bhaavnaaon ki shakti doosron ki vyartha bhaavnaaon ko bhi parivartan kar sakti hai।