Murli du jour du jeudi 7 décembre 2023

07-12-2023 praatahmurli om shanti "baapdaada"' madhuban

“meethe bachche - puraani duniya se mamatva chhod service karne ka umang rakho, hullaas mein raho, service mein kabhi thakna nahin hai''

prashn:- jin bachchon ko gyaan ka nasha chadha hoga, unki nishaani kya hogi?

uttar:- unhein service ka bahut-bahut shauk hoga। woh sada mansa aur vaacha seva mein tatpar rahenge। sabko baap ka parichay de saboot denge। baadshaahi sthaapan karne nimitta sahan bhi karna pade to sahan karenge। baap ke poore-poore madadgaar ban bhaarat ko svarga banaane ki seva karenge।

geet:- maata O maata tu sabki bhaagya vidhaata…

om shanti। ab nambarvaar purushaartha anusaar bachche maata ko jaante hain। maa ko jaante hain to zaroor baap ko bhi jaanenge। yeh maa-baap saubhaagya vidhaata aur bhaagya vidhaata hain। saubhaagya vidhaata unhein kahenge jo purushaartha kar apna poora saubhaagya banaate hain, sooryavanshi-chandravanshi gharaane mein varsa lete hain so bhi nambarvaar। bahut to aise bhi hain jaise bheel hote hain na। bahut saadhaaran praja mein jaakar janma lenge। woh martaba nahin pa sakte। baap to zaroor samjhaayenge - bachche, is puraani duniya se mamatva mat rakho। duniya bichaari to chillaati rehti hai। bachchon mein service karne ka shauk aur umang chaahiye। kinhon ko bhal umang aata hai, parantu service karne ka dhang nahin aata hai। direction to bahut milte hain। likhat bhi badi refine chaahiye। trimoorti aur jhaad ke chitra 30X40 ke hone chaahiye। yeh bahut use-full cheezen hain। parantu inka kadar bachchon mein kam hai। bhal sanjay ka bahut maan hai parantu woh gaayan pichhaadi ka hai। jaise kehte hain ateendriy sukh gop-gopiyon se poochho, woh bhi pichhaadi ki avastha ka gaayan hai। abhi woh sukh kisko thode hi hai। abhi to rote girte rehte hain। maaya thappad maar deti hai। bhal roz aate hain parantu woh nasha thode hi chadhta hai। tumko service ke chance bahut milte hain।

ab kehte rehte hain one religion ho। one government bhaarat mein thi। unko hi svarga kaha jaata tha। parantu koi jaante nahin। 5 hajaar varsha pahle raam ke raajya (satayug, treta) mein ek hi government thi। do thi hi nahin, jo taali baje। yahaan bhi kehte rehte hain hindu cheeni bhaai-bhaai phir dekho kya karte rehte hain! goli chalaate rehte hain। yeh duniya hi aisi hai। stri-purush bhi aapas mein lad padte hain। stri pati ko bhi thappad maarne mein der nahin karti। ghar-ghar mein bahut jhagde rehte hain। bhaaratvaasi bhi bhoole hue hain ki 5000 varsha pahlevan government thi। abhi to anek government, anek dharma hain to zaroor jhagda rahega। tum batlaate ho bhaarat mein ek government thi। usko kaha jaata hai bhagwan bhagavti ki government। bhakti maarga hota hi baad mein hai। satayug treta mein bhakti hoti nahin। manushya apna ahankaar bahut dikhaate hain parantu gyaan kaudi ka bhi nahin hai। yoon gyaan to bahut hai na। doktari ka gyaan, bairistari ka gyaan… । baap kehte hain jo doctor oph philosophy kahlaate hain unke paas yeh gyaan jara bhi nahin hai। philosophy kisko kaha jaata hai - yeh bhi samajhte nahin। to tum bachchon ko service ka shauk rakhna hai, sthaapna mein madadgaar banna hai। achhi cheez banaakar deni hai। jaise manushya vaisa nimantran diya jaata hai। jaise government mein bahut officers hain, education minister hai, chief minister hai, yahaan bhi office honi chaahiye। direction niklen woh phir amal mein laaven। ab dekho gorakhpuri geetaayen nikalti hain sab free dene ke liye taiyaar rehte hain। jo bhi sansthaayen hain unko funds bahut hai। kashmeer ka mahaaraaja mara to saari milkiyat aarya samaajiyon ko mili kyonki aarya-samaaji tha। sanyaasiyon aadi ke paas bhi bahut paise rehte hain। tumhaare paas bhi jo paisa aadi hai woh sab is seva mein laga rahe ho taaki bhaarat svarga banen। tum svarga banaane mein madad karte ho। raat-din ka farka hai। woh din pratidin narkavaasi bante jaate hain tumko ab baap svargavaasi banaate hain। hain to sab gareeb, aise nahin ki ham paise ikatthe karte hain। tum to kehte ho baba yeh paai paisa sab yagya mein, service mein laga do। is samay to sab aapas mein ladte rehte hain। one government to ho nahin sakti। to government ko bataana chaahiye ki sooryavanshi chandravanshi barobar one government thi। tum bhi chaahte ho to woh hogi zaroor। baap svarga ki sthaapna kar rahe hain। woh hai hi heavenly god father। ham one deity government sthaapan kar rahe hain। vahaan devil government hoti nahin। un sabka vinaash ho jaata hai। tumhaare paas knowledge bahut achhi hai, bahut kaam ho sakta hai। dehli head office hai। bahut seva kar sakte hain। vahaan bachche bhi bahut achhe hain। jagdeesh sanjay bhi hai। parantu sanjay to sab hain na, ek nahin। tum har ek sanjay ho। tumhaara kaam hai - sabko raasta bataana। baap to achhi reeti samjhaate rehte hain, parantu bachche apne hi dhandhedhori mein, bachchon aadi ki sambhaal mein phanse hue hain। grihastha vyavhaar mein rehte baap ke madadgaar banen, woh nahin hain। yahaan to service kar dikhaana hai। one government kaise sthaapan ho rahi hai, yeh chakra, drama dekho samay dikha raha hai। jaise raavan ka chitra banaaya hai, vaise bada chakra banaakar likhna chaahiye - ab kaanta aakar pahuncha hai। phir one government honi hai। baba direction dete hain। shivbaaba to galiyon mein jaakar dhakke nahin khaayenge। agar yeh jaae to goya shivbaaba ko dhakke khaane pade। bachchon ko regard rakhna chaahiye। yeh service karna bachchon ka kaam hai। likhna chaahiye one government, jo bhaarat mein thi, woh phir se sthaapan ho rahi hai। kitne varshon se yeh yagya racha hua hai! saari duniya ka jo kachra hai woh ismen sama jaana hai। hai bahut sahaj, parantu sabhi ko samjhaane mein samay chaahiye। raaja to koi hai nahin। kisi ek ko sabhi thode hi maanenge। pahle koi bhi nai invention nikalti thi to raajaaon dvaara uska vistaar karaate the kyonki raaja mein taakat rehti hai। king bante hain ya to raajayog se ya bahut dhan daan karne se। yahaan to hai hi praja ka raajya। ek government nahin hai। ek fakeer sipaahi bhi government hai, kiska patka utaarne mein deri nahin karte। aise bahut kaam hote rehte hain। do paisa do to bade minister ko bhi maar daalte hain।

to tum bachchon ko seva ka chance lena hai, sona nahi hai। jaise satsang mein katha sunkar phir ghar mein jaakar vaise hi ban jaate, koi hullaas nahin rehta। aise bachchon mein bhi hullaas kam hai। government ka bageecha hota hai to usmein bahut achhe first class phool hote hain, unki department hi alag hoti hai। koi bhi jaayenge to pahle first class phool laakar denge। baap ki bhi yeh phulvaadi hai, koi aayenge to ham kya sair karaayenge? naam bataayenge - yeh achhe-achhe phool hain। taangar, ak ke bhi phool baithe hain, chamakte nahin hain, service nahin karte। roz koi na koi ko baap ka parichay avashya dena chaahiye। tum to ho gupta, kitne vighna padte hain। service laayak bane nahin hain। baba baar-baar kehte hain mandiron mein jaao, shamshaan mein jaao, bhaashan jaakar karna chaahiye। bachchon ko service ka saboot dena hai। saikdon se koi niklenge। mitra-sambandhiyon aadi ko bhi samjhaana chaahiye। yahaan aane se darte hain to ghar mein jaakar samjha sakte ho। baap ka parichay milne se bahut khush ho jaayenge। baba kehte service mein thakaavat nahi honi chaahiye। 100 mein se ek niklenge। baadshaahi sthaapan karne mein sahan zaroor karna pade। jab tak gaali nahin khaai hai tab tak kalangeedhar nahin banenge। gyaan ka nasha chadha hua hai। parantu result kahaan! achha, 10-20 ko gyaan diya, unse ek-do jaage woh bhi batlaana chaahiye na। service ka shauk chaahiye tab baba inaam denge। baap ka parichay do- tumhaara baap kaun hai? tab hi phir varse ka nasha chadhe। tum bhaashan karo- world mein sivaae brahmaakumaar-brahmaakumaariyon ke world ki history-geography koi bhi nahin jaante। challenge karo। baba ne shamshaan ki baat uthaai to tumko shamshaan mein jaakar service karni chaahiye। dhandhaadhori to phir bhi 6-8 ghanta karenge, baaki samay kahaan chala jaata hai? aise phir oonch pad pa nahin sakenge। baba kahenge tum aaye ho naaraayan ko va lakshmi ko varne parantu apni shakla to dekho। baba samjhaate to theek hain na। ek hi topic uthaao world ki history-geography aakar samjho - kaise repeat hoti hai। akhbaar mein daalo। hall lene ki koshish karo। tumko teen pair prithvi nahin milti। pahchaante nahin hain।

tum ho paramdham ke foreigners। aatmaayen sab paramdham se aai hain, to yahaan sab foreigners hue na। parantu tumhaari yeh bhaasha koi samajhte nahin। yahaan saakaar mein nahin bataaya jaata ki paanv chhuo, yeh karo। jaise saadhu-mahaatmaaon ke paanv choomkar dhokar peete hain, usko tatva pooja kaha jaata hai। 5 tatvon ka shareer hai na। bhaarat ka kya haal ho gaya hai। to baap kehte hain service ka saboot do, sabhi ko sukh do। yahaan to bas yeh taat lagi rahe, yeh chinta rahe। buddhiyog baap ke saath ho।

geet - maata tu sabki bhaagya vidhaata… maata jagat amba bhaagya vidhaata hai। pad maata paati hai। woh bhi kehti shivbaaba ko yaad karo, main bhi unse dhaaran karke auron ko dhaaran karaati hoon, saubhaagya banaati hoon। tum ho bhaarat ke saubhaagya vidhaata। to kitna nasha hona chaahiye। jo mama ki mahima so baap ki mahima, so daade ki। tum bachchon ko yagya ki sthool seva bhi karni chaahiye to roohaani seva bhi zaroor karni chaahiye। manamnaabhav ka mantra sabko dena hai। manamnaabhav yeh hai mansa, madhyaaji bhav yeh hai vaacha। ismen karmana bhi aa gai। kanyaaon ko service mein lag jaana chaahiye।

gaanvon mein service achhi hoti hai। bade shahron mein bahut fashion hai। temptation bahut hai to kya karen? kya bade shahron ko chhod den? aise bhi nahin। bade shahron se, saahookaaron se aavaaz niklega। baaki duniya ko to is manamnaabhav ke chhu mantra se svarga banaana hai। baap baith samjhaate hain yeh jagdamba kaun hai, yeh hai bhaarat ki saubhaagya vidhaata, inki shiv shakti sena bhi mashhoor hai। head hai jagdamba arthaat bhaarat mein one government ki sthaapna karne vaali head। bhaarat maata shakti avtaaron ne bhaarat mein one government sthaapan ki hai, shreemat ke aadhaar par। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhiyog ek baap se rakhna hai, manamnaabhav ke chhu mantra se is duniya ko svarga banaana hai।

2) service mein kabhi thakna nahin hai। sthool seva ke saath-saath roohaani seva bhi karni hai। manamnaabhav ka mantra sabko yaad dilaana hai।

vardaan:- baap samaan har aatma par kripa va raham karne vaale master merciful bhav

jaise baap merciful hai, aise aap bachche bhi sab par kripa va raham karenge kyonki baap samaan nimitta bane hue ho। brahman aatma ko kabhi kisi aatma ke prati ghrina nahin aa sakti। chaahe koi kans ho, jaraasandhi ho ya raavan ho - koi bhi ho lekin phir bhi merciful baap ke bachche ghrina nahin karenge। parivartan ki bhaavna, kalyaan ki bhaavna rakhenge kyonki phir bhi apna parivaar hai, parvash hai, parvash ke oopar ghrina nahin aati।

slogan:- master gyaan soorya ban shaktiyon roopi kirnon se kamjori roopi kichde ko bhasma kar do।