Murli du jour du mardi 23 janvier 2024

23-01-2024 praatahmurli om shanti "baapdaada"' madhuban

“meethe bachche - jaise baba sweet ka pahaad hai, aise tum bachchon ko bhi sweet baap aur varse ko yaad kar most sweet banna hai''

prashn:- tum abhi kis vidhi se svayan ko safe kar apna sab kuchh safe kar lete ho?

uttar:- tum kehte ho baba deh sahit yeh jo kuchh kakhpan hai ham apna sab kuchh aapko dete hain aur aap se phir vahaan (bhavishya mein) sab kuchh lenge। to tum jaise safe ho gaye। sabhi kuchh baba ki tijori mein safe kar dete ho। yeh shiv-baba ki safety bank hai। tum baba ki safe mein rahkar amar bante ho। tum kaal par bhi vijay paate ho। shivbaaba ke bane to safe ho gaye। baaki oonch pad paane liye purushaartha karna hai।

om shanti। baap bachchon se poochhte hain meethe bachche apna bhavishya ka purushottam mukh dekhte ho? purushottam chola dekhte ho? samajh mein aata hai ki ham bhavishya nai satayugi duniya mein in (lakshmi-naaraayan) ke vanshaavli mein jaayenge arthaat sukhdhaam mein jaayenge athva purushottam banenge! student jab padhte hain to buddhi mein rehta hai na ki main phalaana banoonga। tum bhi jaante ho ham vishnu ki dynasty mein jaayenge kyonki vishnu ke do roop hain lakshmi-naaraayan। abhi tumhaari buddhi alaukik hai, aur koi ki buddhi mein yeh baaten raman nahin karengi। yahaan tum jaante ho ham sat baba, shivbaaba ke sang mein baithe hain। oonch te oonch baap hamko padha rahe hain। woh hai most sweetest। us sweetest baap ko bahut lav se yaad karna hai kyonki baap kehte hain bachchon mujhe yaad karne se to tum aisa purushottam banenge aur gyaan ratnon ko dhaaran karne se tum bhavishya 21 janmon ke liye padma padmapti banenge। baap jaise var dete hain। var milega meethi-meethi sajni ko athva meethe-meethe sapoot bachchon ko।

meethe-meethe bachchon ko dekh baap khush hote hain। bachche jaante hain is naatak mein sabhi apna-apna part baja rahe hain। behad ka baap bhi is behad ke drama mein sammukh ka part baja rahe hain। sweet baap ke tum sweet bachchon ko sweetest baap sammukh nazar aata hai। aatma hi is shareer ke organs se ek do ko dekhti hai। to tum ho sweet children। baap jaante hain main bachchon ko bahut sweet banaane aaya hoon। yeh lakshmi-naaraayan most sweet hain na। jaise inki raajdhaani sweet hai, vaise inki praja bhi sweet hai। jab mandir mein jaate hain to inhon ko kitna sweet dekhte hain। kahaan mandir khule to ham sweet devtaaon ka darshan karen। darshan karne vaale samajhte hain yeh sweet svarga ke maalik the। shiv ke mandir mein bhi kitne dher manushya jaate hain kyonki woh bahut sweetest te sweetest hain। us sweetest shivbaaba ki bahut mahima karte hain। tum bachchon ko bhi most sweet banna hai। most sweetest baap tum bachchon ke sammukh baithe hain kyonki incognito hai। in jaisa sweet aur koi ho nahin sakta। baap jaise sweet ka pahaad hai। sweet baap hi aakar kadui duniya ko badal sweet banaate hain। bachche jaante hain sweetest baba hamko most sweetest bana rahe hain। hoobhu aap samaan banaate hain। jo jaisa hoga vaisa banaayega na। to aisa sweetest banne ke liye sweet baap ko aur sweet varse ko yaad karna hai।

baba baar-baar bachchon ko kehte hain meethe bachche apne ko ashareeri samajh mujhe yaad karo to main pratigya karta hoon yaad se hi tumhaare sab kal kalesh mit jaayenge। tum ever healthy, ever wealthy ban jaayenge। tum most sweet ban jaayenge। aatma sweet banegi to shareer bhi sweet milega। bachchon ko yeh nasha rehna chaahiye most beloved baap ke ham bachche hain to hamko baba ki shreemat par chalna hai। bahut meetha-meetha baba hamko bahut sweet banaate hain। most beloved baap kehte hain tumhaare mukh se sadaiv ratna nikalne chaahiye। koi bhi kaduva patthar nahin nikalna chaahiye। jitna sweet banenge utna baap ka naam baala karenge। tum bachche baap ko follow karo to tumko phir aur sabhi follow karenge।

baba tumhaara teacher bhi hai na। to teacher zaroor bachchon ko shiksha denge bachche, yaad ka roz apna chart rakho। jaise vyaapaari log raat ko muraadi sambhaalte hain na। to tum vyaapaari ho, baap se kitna bada vyaapaar karte ho। jitna baap ko jaasti yaad karenge utna baap se athaah sukh paayenge, satopradhaan banenge। roz apne andar jaanch karni hai। jaise naarad ko kaha na aaine mein apna munh dekho ki lakshmi ko varne ke laayak hoon! tumko bhi dekhna hai ham aisa banne laayak hain! nahin to hamaare mein kya-kya khaamiyaan hain, kyonki tum bachchon ko perfect banna hai। baap aaye hi hain perfect banaane liye। to eemaandaari se apni jaanch karni hai - hamaare mein kya-kya khaami hai? jis kaaran samajhta hoon ki oonch pad nahin pa sakoonga। in bhooton ko bhagaane ki yukti baap bataate rehte hain। baap baith sabhi aatmaon ko dekhte hain, kiski khaami dekhte hain to phir unko current dete hain ki inka yeh vighna nikal jaaye। jitna baap ki madad kar baap ki mahima karte rahenge to yeh bhoot bhaagte rahenge aur tumko bahut khushi hogi, isliye apni poori jaanch karni hai - saare din mein mansa, vaacha, karmana kisi ko duhkh to nahin diya? saakshi ho apni chalan ko dekhna hai, auron ki chalan ko bhi dekh sakte ho parantu pahle apne ko dekhna hai। sirf doosre ko dekhne se apna bhool jaayenge। harek ko apni service karni hai। doosron ki service karna maana apni service karna। tum shivbaaba ki service nahin karte ho। shivbaaba to service par aaye hain na।

tum brahman bachche bahut-bahut valuable ho, jo shivbaaba ki bank mein safety mein baithe ho। tum baba ki safe mein rahkar amar bante ho। tum kaal par vijay pahan rahe ho। shivbaaba ke bane to safe ho gaye। baaki oonch pad paane liye purushaartha karna hai। duniya mein manushyon paas kitna bhi dhan-daulat hai parantu woh sabhi khatma ho jaana hai। kuchh bhi nahin rahega। tum bachchon ke paas to abhi kuchh bhi nahin hai। yeh deh bhi nahin hai। yeh bhi baap ko de do। to jinke paas kuchh nahin hai unke paas jaise ki sab kuchh hai। tumne behad ke baap se sauda kiya hi hai bhavishya nai duniya ke liye। kehte ho baba deh sahit yeh jo kuchh kakhpan hai sabhi kuchh aapko dete hain aur aap se phir vahaan sabhi kuchh lenge। to tum jaise safe ho gaye। sabhi kuchh baba ki tijori mein safe ho gaya। tum bachchon ke andar mein kitni khushi honi chaahiye baaki thoda samay hai phir ham apni raajdhaani mein honge। tumko koi poochhe to bolo, vaah ham to behad ke baap se behad sukh ka varsa le rahe hain! ever healthy wealthy bante hain। hamaari sabhi manokaamnaayen poori ho rahi hain।

baap samjhaate hain meethe bachchon ab dehi-abhimaani bano। yog ki taakat se tum kisko thoda bhi samjhaayenge to unko jhat teer lag jaayega। jisko teer lagta hai to ekdam ghaayal kar dete hain। pahle ghaayal hote hain phir baba ke bante hain। baap ko pyaar se yaad karte hain to baap ko bhi kashish hoti hai। kai to bilkul hi yaad nahin karte। baba ko taras padta hai phir bhi kahenge bachche unnati ko paao। aage number mein aao। jitna oonch pad paayenge utna najdeek aayenge aur utna athaah sukh paayenge। patit-paavan to ek hi baap hai, isliye ek baap ko yaad karna hai। sirf ek baap bhi nahin, saath-saath phir sweet hom ko bhi yaad karna hai। sirf sweet home ko bhi nahin, maal-milkiyat bhi chaahiye isliye svargadhaam ko bhi yaad karna hai। pavitra zaroor banna hai। jitna ho sake bachchon ko antarmukh ho rehna hai। jaasti bolo nahin, shant mein raho। baap bachchon ko shiksha dete hain meethe bachche ashaanti nahin phailaani hai। apne ghar-grihastha mein rehte bhi bahut shanti mein raho। antarmukh ho raho। bahut meetha bolo। koi ko duhkh na do। krodh na karo। krodh ka bhoot hoga to yaad mein rah nahin sakenge। baap kitna meetha hai, to bachchon ko bhi samjhaate hain, buddhi ko dhakka nahin khilaao। baahyamukhi mat bano, antarmukhi bano।

baap kitna lovely pure hai। tum bachchon ko bhi aap samaan pure banaate hain। tum jitna baap ko yaad karenge utna athaah lovely banenge। devtaayen kitne lovely hain, jo abhi tak bhi unke jad-chitron ko poojte rehte hain। to baap kehte hain bachche tumhein phir se aisa lovely banna hai। koi bhi dehdhaari, koi bhi cheez pichhaadi ko yaad na aaye। itna lav se baap ko yaad karna hai, jo bas baithe-baithe prem ke osu bahte rahen। baba, O meetha baba aap se to humein sab kuchh mil gaya hai। baba aap humein kitna lovely banaate ho। aatma lovely banti hai na। jaise baap ati lovely pure hai, aise pure banna hai। bahut lav se baap ko yaad karna hai। baba aapke sivaae hamaare saamne doosra koi na aaye। baap jaisa pyaara koi hai nahin। harek us ek maashook ke aashik bante hain। to us maashuk ko bahut yaad karna hai। baba ne bataaya hai woh jismaani aashik-maashuk koi ikatthe nahin rehte, ek baar dekh liya bas। to baap kehte hain meethe bachche, maamekam yaad karo to beda paar hai। jis meethe baap dvaara ham heere jaisa bante hain aise baap ke saath hamaara kitna lav hai। bahut prem se baap ko yaad kar andar romaanch khade ho jaane chaahiye। jo bhi defects hain unko nikaal pure diamond banna hai। agar thodi bhi kami hogi to value kam ho jaayegi। apne ko bahut valuable heera banaana hai। baap ki yaad sataani chaahiye। bhoolni nahin chaahiye balki aur hi yaad sataani chaahiye। baba-baba kah ekdam thar jaana (sheetal ho jaana) chaahiye। baap se varsa kitna bhaari milta hai।

tum bachche abhi apni daivi raajdhaani sthaapan kar rahe ho, purushaartha to sabhi karte hain। jo jaasti purushaartha karte hain woh jaasti prize paate hain। yeh to kaayda hai। sthaapna ho rahi hai। inko daivi raajdhaani kaho va bageecha kaho। bageeche mein bhi nambarvaar phool hote hain। koi to bada first class phal dete hain, koi halka phal dete hain। yahaan bhi aise hai। kalpa pahle muaaphik meethe bhi ban rahe hain, khushboodaar bhi ban rahe hain - nambarvaar purushaartha anusaar। variety phool hain। bachchon ko yeh nishchay hai behad ke baap dvaara ham svarga ke maalik ban rahe hain। svarga ke maalik banne mein khushi bahut hoti hai। to baap baith bachchon ko dekhte hain। ghar ke oopar dhani ki nazar rehti hai na। dekhte hain inmen kaun-kaun se gun hain। kaun-kaun se avgun hain। bachche bhi jaante hain, isliye baba kehte hain apni khaamiyaan aapehi likhkar aao। sampoorn to koi bana nahin hain, haan banna hai। kalpa-kalpa bane hain। baap samjhaate hain - khaami mukhya hai saari deh-abhimaan ki। deh-abhimaan bahut tang karta hai। avastha ko badhne nahin deta। is deh ko bhi bhoolna hai। yeh puraana shareer chhod jaana hai। daiveegun bhi yahaan hi dhaaran kar jaana hai। jaana hai to koi bhi flaw nahin hona chaahiye। tum heere bante ho na। kya-kya flaw hai yeh to jaante ho। us heere mein bhi flaw hote hain parantu unse flaw ko nikaal nahin sakte hain kyonki jad hai na। unko phir kat karna padta hai। tum to chaitanya heere ho। to jo bhi flaw hai unko ekdam nikaal flawless pichhaadi tak banna hai। agar flaw nahin nikaalenge to value kam ho jaayegi। tum chaitanya hone kaaran flaw ko nikaal sakte ho। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jitna ho sake antarmukh ho, shant mein rehna hai, jaasti nahin bolna hai। ashaanti nahin phailaani hai। bahut meetha bolna hai, koi ko duhkh nahin dena hai, krodh nahin karna hai। baahya mukhi ban buddhi ko dhakka nahin khilaana hai।

2) perfect banne ke liye eemaandaari se apni jaanch karni hai ki hamaare mein kya-kya khaami hai? saakshi ho apni chalan ko dekhna hai। bhooton ko bhagaane ki yukti rachni hai।

vardaan:- prakriti dvaara aane vaali paristhitiyon par vijay praapta karne vaale purooshottam aatma bhav

brahman aatmaayen purushottam aatmaayen hain। prakriti purushottam aatmaon ki daasi hai। purushottam aatma ko prakriti prabhaavit nahin kar sakti hai। to check karo prakriti ki halchal apni or aakarshit to nahin karti hai? prakriti saadhnon aur salvation ke roop mein prabhaavit to nahin karti hai? yogi va prayogi aatma ki saadhna ke aage saadhan svatah aate hain। saadhan saadhna ka aadhaar nahin, lekin saadhna saadhnon ko aadhaar bana deti hai।

slogan:- gyaan ka arth hai anubhav karna aur doosron ko anubhvi banaana।

avyakti silence dvaara double light pharishta sthiti ka anubhav karo

sada apne ko double light samajhkar seva karte chalo। jitna seva mein halkaapan hoga utna sahaj udenge, udaayenge। double light ban seva karna, yaad mein rahkar seva karna, yahi saphalta ka aadhaar hai। kitna bhi aavaaj aur kitna bhi tamoguni vaataavran ho lekin silence ki shakti se vesta (vyartha) samaapta hone ke kaaran best (shreshtha) sthiti mein sthit hone se sada rest (aaraam) ka anubhav kar sakenge।