Murli du jour du mercredi 24 janvier 2024

24-01-2024 praatahmurli om shanti "baapdaada"' madhuban

“meethe bachche - aatma-abhimaani banne ki practice karo to vikaari khyaalaat ud jaayenge, baap ki yaad rahegi, aatma satopradhaan ban jaayegi''

prashn:- manushyon ko duniya mein kis raaste ka bilkul hi pata nahin hai?

uttar:- baap se milne va jeevanmukti praapta karne ke raaste ka kisko bhi pata nahin hai। sirf shanti, shanti karte rehte hain। conference karte rehte। jaante nahin ki vishwa mein shanti kab thi aur kaise hui। tum poochh sakte ho ki aapne vishwa mein shanti dekhi hai? shanti kaise hoti hai? vishwa mein shanti to baap dvaara sthaapan ho rahi hai। tum aakar samjho।

om shanti। roohaani baap baith roohaani bachchon ko samjhaate hain। pahle-pahle to yeh drishti pakki karo ki ham aatma hain। ham bhaai-bhaai ko dekhte hain। jaise baap kehte hain main bachchon (aatmaon) ko dekhta hoon। aatma hi shareer ki karmendriyon dvaara sunti hai, bolti hai। aatma ka takhta hai bhrakuti। to baap aatmaon ko dekhte hain। yeh bhaai bhi apne bhaaeeyon ko dekhte hain। tumko bhi bhaaeeyon ko dekhna hai। pahle yeh drishti pakki chaahiye। phir criminal khyaalaat banda ho jaayenge। yeh aadat pad jaayegi। aatma hi sunti hai, aatma hi churpur karti hai। yeh drishti pakki hone se aur khyaal sab ud jaayenge। yeh hai number one subject। ismen daiveegun bhi automatically dhaaran hote rahenge। karmendriyaan chalaaymaan deh-abhimaan mein aane se hi hoti hain। dehi-abhimaani banne ki bahut koshish karo to tumhaare mein taakat aayegi। sarva shaktimaan baap ki taakat se hi aatma satopradhaan banti hai। baap to hai hi satopradhaan। to pahle-pahle yeh drishti pakki ho tab samjhen ki ham aatma-abhimaani hain। aatma-abhimaani aur deh-abhimaani mein raat din ka farka hai। ham aatmaon ko ab vaapis ghar jaana hai। aatma-abhimaani banne se hi ham pavitra satopradhaan banenge। yeh practice karne se vikaari khyaalaat ud jaayenge।

manushya kehte hain - dharti ke sitaare। barobar ham aatma sitaara hain, yeh shareer mila hai karma karne ke liye। ab ham tamopradhaan bane hain phir hamko satopradhaan banna hai। baap ko aana bhi purooshottam sangamayug par hai। aise kabhi nahin kahenge ki Christ ke shareer mein aate hain। woh aate hi rajopradhaan mein hain। koi buddha va Christ ke tan mein bhagwan aaye, yeh to ho na sake। woh aate hi ek baar hain aur aate hain puraani duniya mein nai duniya sthaapan karne। tamopradhaan duniya ko badal satopradhaan banaane। woh zaroor sangam par aayenge। aur koi samay par woh aa na sake। unko aakar nai duniya sthaapan karni hai। unko kaha jaata hai heavenly god father। drama anusaar sangam ka bhi naam hai, shreekrishna ko to baap va patit-paavan nahin kahenge। unki mahima bilkul alag hai। baba samjhaate rehte hain pahle-pahle koi ko em-object samjhaao। bhaarat mein lakshmi-naaraayan ka raajya tha to ek dharma, ek raajya tha। aadi sanaatan devi-devta dharma tha। ek hi advet dharma tha। heaven sthaapan karna to baap ka hi kaam hai। kaise karte hain woh bhi clear hai। sangam par hi baap aakar samjhaate hain ki deh ke sab dharma chhod apne ko aatma samjho। lakshmi-naaraayan ke chitra par hi saari samjhaani deni hai। shivbaaba ka chitra bhi hai। mahima vaala chitra bahut achha bana hua hai। yeh hai hi nar se naaraayan banne ki satya katha। raadhe-krishna ki katha nahin kehte hain। satya naaraayan ki katha। tumko nar se naaraayan banaate hain। pahle to chhota bachcha hoga। chhote bachche ko nar nahin kaha jaata hai। nar naaraayan, naari lakshmi kaha jaata hai। tum bachchon ko is chitra par hi samjhaana hai। sannyaasi to aadi sanaatan devi-devta dharma ki sthaapna kar na saken। shankaraachaarya to aate hi hain rajopradhaan ke samay। woh raajayog sikha na sake। baap aate hain sangam par। kehte hain bahut janmon ke ant ke bhi ant mein main pravesh karta hoon। oopar trimoorti bhi hai। brahma yog mein baitha hai, shankar ki to baat hi alag hai। bail par savaari ho na sake। baap ko to yahaan aakar samjhaana hai। vinaash bhi yahaan hi hota hai। log kehte hain vishwa mein shanti ho। woh to hone vaali hai tab buddhi mein aata hai। chitron par tum achhi tarah samjha sakte ho। jo shiv ki va devtaaon ki bhakti karte hain unko samjhaana hai। woh jhat maanenge। baaki nature va science aadi ko maanne vaalon ki buddhi mein baithega nahin। doosre dharma vaalon ki bhi buddhi mein nahin aayega, jo convert hue honge vahi nikal aayenge। unki kya phikraat karni hai। devta dharma vaale va bahut bhakti karne vaale apne dharma mein bahut pakke honge। to devtaaon ke pujaariyon ko samjhaao, bade aadmi kabhi aayenge nahin। samjho birla hai, itne mandir banaate hain, unke paas gyaan sunne ki phursat hi kahaan hai। saara din buddhi dhandhe mein lagi rehti hai। paise bahut milte hain to samajhte hain mandir banaane se dhan milta hai। yeh devtaaon ki kripa hai।

tumhaare paas koi aaye to lakshmi-naaraayan ka chitra unhein dikhaao। bolo, tum vishwa mein shanti chaahte ho to vishwa mein shanti ka raajya is duniya mein tha। phalaani taareekh se phalaani taareekh tak sooryavanshi raajdhaani mein bahut shanti thi phir do kala kam ho jaati hain। is chitra par hi saara madaar hai। ab tum vishwa mein shanti chaahte ho। kahaan chalenge? ghar ko to jaante hi nahin hain। ham aatma shant swaroop hain। mool vatan mein rehte hain, vahi shantidham hai। woh is duniya mein nahin hai। unko kaha jaata hai niraakaari duniya। baaki vishwa isko hi kaha jaata hai। vishwa mein shanti nai duniya mein hogi। vishwa ke maalik yeh baithe hain। gareeb in baaton ko achhi reeti samajhte hain। koi kehte hain yeh raasta bahut achha hai। ham raasta dhoondhate the। raaste ka maaloom hi nahin to dhoondhenge kya? aisa koi nahin jisko baap aur jeevanmukti ke raaste ka pata ho। shanti-shanti… kehte rehte hain parantu shanti kab thi, kaise hui, kisko bhi pata nahin hai। kitni conference aadi karte hain। unse poochhna chaahiye tumne kabhi vishwa mein shanti dekhi hai ki vishwa mein shanti kaise hoti hai? tum praja aapas mein kyon moonjhate ho! conference karte rehte ho, javaab kahaan se milta nahin। vishwa mein shanti to ab baap dvaara sthaapan ho rahi hai। tum kehte ho Christ se 3 hazaar varsha pahle heaven tha to vahaan hi shanti thi। agar vahaan bhi ashaanti hoti to baaki shanti kahaan se milegi। achhi tarah se samjhaana hai। is samay to tumko itna samay baat karne nahin dete kyonki abhi unke sunne ka samay nahin aaya hai। sunne ka bhi saubhaagya chaahiye। tum padmaapdam bhaagyashaali bachche hi baap se sunne ke hakdaar bante ho। baap bigar aur koi suna na sake। baap tum bachchon ko hi sunaate hain। yeh hai hi raavan raajya to yahaan shanti kaise ho sakti। raavan raajya mein sab patit hain। pukaarte hain ki hamko paavan banaao। paavan duniya to in lakshmi-naaraayan ki thi। raamraajya aur raavan raajya mein kitna farka hai। sooryavanshi, chandravanshi phir hote hain raavan vanshi। is samay hai kaliyug, raavan sampradaay। bade-bade log bhi ek do ko gurra-gurra karte rehte hain। bahut ahankaar hai ki main phalaana hoon। to is lakshmi-naaraayan ke chitra par samjhaana bahut sahaj hai। bolo inke raajya mein hi vishwa mein shanti thi, koi aur dharma nahin tha। vishwa mein shanti so to yahaan hi hoti hai। to mukhya yeh chitra hai। baaki dher chitron par samjhaane se manushyon ke khyaalaat aur taraph chale jaate hain। jo samjha hai woh bhi bhool jaata hai। tab kaha jaata hai tu maini kuksa… bahut chitra hote hain aur hanseekudi ke model athva dialogue aadi hote hain to mool baat buddhi se nikal jaati hai। koi virla hi samajh paate hain ki baap yeh sthaapna kar rahe hain। 84 janma bhi iske liye hi hain। dikhaayenge zaroor ek ka। sabko kaise rakhenge। shaastron mein bhi ek arjun ka naam rakha hai na। school mein master ek ko thode hi padhaayenge। yeh bhi school hai।

yeh tumhaare badge bhi bahut kaam kar sakte hain। yeh sabse achha hai। pahle shivbaaba ke chitra ke saamne laana chaahiye। aur phir lakshmi-naaraayan ke chitra ke aage। tum shanti maangate ho woh kalpa, kalpa baap dvaara hi sthaapan hoti hai। tum is chakra ko jaan gaye ho। pahle tum bhi tuchchha buddhi the। ab baap svachchha buddhi banaate hain। likhna chaahiye sivaae parampita paramatma ke koi bhi kiski sadgati kar nahin sakte। vishwa mein shanti kar nahin sakte। baap hi sab kuchh kar rahe hain। yaad bhi unko hi karte hain। mukhya chitra yeh donon hain। isse hilna nahin chaahiye, jab tak poora na samjhen। yeh nahin samjha to kuchh bhi nahin samjha। time vesta ho jaata hai। dekho buddhi mein nahin baithta to chala dena chaahiye। ismen samjhaane vaale bahut achhe chaahiye। agar maata ho to bahut achha, ismen koi naaraaz nahin hoga। yeh to sab jaante hain ki kaun-kaun samjhaane mein teekhe hain। mohini hai, manohar hai, geeta hai - bahut achhe-achhe bachche hain। to pahle lakshmi-naaraayan ke chitra par ekdam pakka karaana chaahiye। bolo, in baaton ko achhi reeti samjho tab shanti ki duniya mein ja sakenge। mukti-jeevanmukti donon hi mil jaayengi। mukti mein to sab jaayenge phir aayenge nambarvaar part bajaane। samjhaana bhi bhabhke se hai। number one yeh chitra hai। vishwa mein shanti ke maalik yahi the। yeh baaten samajhdaar ki buddhi mein baithti hain। bhal achha-achha kehte hain, paanv mein girte hain। parantu baap ko thode hi jaana। unko bhi maaya chhodti nahin hai। baap jo itna ooncha banaate hain unko to kitna yaad karna chaahiye isliye baap kehte hain mujhe yaad karo to tumhaare paap kat jaayenge। satopradhaan ban jaayenge। yahaan andar aane se khushi mein romaanch khade ho jaane chaahiye। main yeh banta hoon। main andar (history haal mein) aata hoon aur in lakshmi-naaraayan ko dekhta hoon, (saamne lakshmi-naaraayan ki translight rakhi hai) inhen dekhkar bada khush hota hoon। oho! baba hamko yeh banaate hain! vaah baba vaah! laukik ghar mein kiska baap bade martabe par hota hai to bachchon ko khushi hoti hai mera baap vajeer hai। tumko kitni khushi honi chaahiye ki baap hamko yeh banaate hain। parantu maaya bhula deti hai, bada saamna karti hai। tum bachchon ko bahut khushi rahni chaahiye, daiveegun bhi dhaaran karne chaahiye। aatma-abhimaani bhav। bhaai-bhaai ko dekho, to stri ko bhi aatma ke roop mein hi dekhenge। criminal aai hogi nahin। mansa toofaan tab aate hain jab tum bhaai-bhaai ki drishti se nahin dekhte ho, ismen badi mehnat hai। practice achhi chaahiye। aatma-abhimaani banna hai। karmaateet avastha to pichhaadi mein hi hogi। service karne vaale bachche hi baap ki dil par chadh sakte hain। bhal deri se aate hain, woh bhi gallop kar sakte hain। teekhe ja sakte hain। tum bachchon ne pahle ki history to suni hai ki inhonne gharbaar kaise chhoda। raat-raat mein bhaage। phir itne bachchon ko paala। isko kaha jaata hai bhatthi। phir bhatthi se nambarvaar nikle। yeh to wonder hai, jo baba tumko wonderful svarga ka maalik banaate hain। god father tumko padhaate hain। kitna saadhaaran hai, kitna roz-roz bachchon ko samjhaate rehte hain aur bachchon ko kehte hain namaste। bachche tum mere se bhi oonche jaate ho। tum hi kangaal se double sirtaaj vishwa ke maalik bante ho, to baap badi roochi se aate hain। anginat baar aaye honge। aaj tum mujh raam se raajya lete ho phir raavan se tum raajya haraate ho, yeh khel hai। achha!

meethe-meethe lucky sitaaron prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aatma ko satopradhaan banaane ke liye ek sarvashaktimaan baap se taakat leni hai। dehi-abhimaani banne ka purooshaartha karo। ham aatma bhaai-bhaai hain, yeh practice nirantar karte raho।

2) baap aur lakshya (lakshmi-naaraayan) ke chitra par harek ko vistaar se samjhaao। baaki baaton mein time vesta mat karo।

vardaan:- dharni, nabja aur samay ko dekh satya gyaan ko pratyaksha karne vaale knowledgeful bhav

baap ka yeh naya gyaan, satya gyaan hai, is naye gyaan se hi nai duniya sthaapan hoti hai, yeh authority aur nasha swaroop mein emerge ho lekin iska arth yeh nahin ki aate hi kisi ko naye gyaan ki nai baaten sunaakar munjha do। dharni, nabja aur samay sab dekh karke gyaan dena - yeh knowledgeful ki nishaani hai। aatma ki ichchha dekho, nabja dekho, dharni banaao lekin andar satyata ke nirbhayta ki shakti zaroor ho, tab satya gyaan ko pratyaksha kar sakenge।

slogan:- mera kehna maana chhoti baat ko badi banaana, tera kehna maana pahaad jaisi baat ko rui bana dena।

avyakti silence dvaara double light pharishta sthiti ka anubhav karo

jimmevaari ko nibhaana yeh bhi aavashyak hai lekin jitni badi jimmavaari utna hi double light। jimmevaari nibhaate hue jimmevaari ke bojh se nyaare raho, isko kehte hain baap ka pyaara। ghabraao nahin kya karoon, bahut jimmevaari hai। yeh karoon va nahin yeh to bada mushkil hai। yeh mahsoosta arthaat bojh hai। double light arthaat isse bhi nyaara। koi bhi jimmevaari ke karma ki halchal ka bojh na ho।