Murli du jour du lundi 29 janvier 2024

29-01-2024 praatahmurli om shanti "baapdaada"' madhuban

“meethe bachche - jaise baap tumhaara shrringaar karte hain aise tumhein bhi doosron ka karna hai, saara din service karo, jo aaye use samjhaao, phikraat ki koi baat nahin।''

prashn:- yeh knowledge koton mein koi hi samajhte va dhaaran karte hain - aisa kyon?

uttar:- kyonki tum sab nai baaten sunaate ho। tum kehte ho paramatma bindi misal hai to sunkar hi moonjh jaate hain। shaastron mein to yeh sab baaten suni hi nahin hain। itna samay jo bhakti ki hai woh kheenchati hai isliye jaldi samajhte nahin। koi-koi phir aise parvaane bhi nikalte hain jo kehte hain baba ham to vishwa ka maalik zaroor banenge। humein aisa baba mila ham chhod kaise sakte। sab kuchh nyochhaavar karne ki uchhal aa jaati hai।

geet:- doordesh ke rahne vaale…

om shanti। meethe-meethe roohaani bachche achhi tarah se jaante hain ki ham musaaphir hain। yeh hamaara desh nahin hai। yeh behad ka naatak bahut bada maandava hai। kitni badi-badi battiyaan hain, yeh sadaiv jalti rehti hain। aatma jaanti hai ham sab actors hain aur nambarvaar apne part anusaar poore time par aate hain - yahaan part bajaane। pahle-pahle tum vaapis ghar jaakar phir yahaan aate ho। yeh achhi tarah se samajhne aur dhaaran karne ki baat hai। naatak ke actor hote hain, agar ek do ke occupation ko na jaanen to unko kya kahenge? drama ke aadi-madhya-ant ko jaanne se tum yeh bante ho। to yeh padhaai sabse nyaari hui। baap beejroop hai, knowledgeful hai। jaise woh common beej aur jhaad hote hain unko jaante ho na। pahle-pahle chhote-chhote patte nikalte hain phir bade hote-hote jhaad kitna vriddhi ko paata hai, kitna samay lagta hai। tumhaari buddhi mein yeh gyaan hai। baap to ek hi baar aate hain। meethe-meethe bachche yeh anaadi avinaashi drama hai। baap hai svarga ka rachayita, heavenly god father। heaven sthaapan karne baap ko aana padta hai। gaayan bhi hai door desh ka rahne vaala… yeh raavan raajya paraaya hai। raavan raajya mein raam ko aana hai। tumhaari buddhi mein hi gyaan hai। to baap samjhaate hain aatmaon ko ki tum sab musaaphir ho, ikatthe to part bajaane nahin aayenge। tumko maaloom hai sabse pahle hote hain devtaayen, us samay aur koi nahin the। bahut thode hote hain phir vriddhi ko paate hain। tum aatmaayen shareer chhod sab vahaan aati ho। yeh baap ne hi buddhi di hai। tum aatmaon ko ab knowledge mili hai। ham beej aur jhaad ke aadi-madhya-ant ko jaante hain। beej oopar hai neeche saara jhaad phaila hua hai। abhi jhaad poora hi jadajdeebhoot hai। tum bachche is jhaad ke aadi-madhya-ant ko jaan gaye ho। aage rishi muniyon se poochhte the ki rachta aur rachna ke aadi madhya ant ko jaante ho to neti-neti kah dete the। jabki woh bhi nahin jaante to parmapra se kaise ho sakta। yeh sab baaten achhi tarah se dhaaran karni hai। bhoolna nahin hai। padhaai to padhni hai। padhaai aur yogbal se hi tum pad paate ho। pavitra bhi zaroor banna hai। sivaae baap ke aur koi pavitra bana na sake। vinaashi dhan daan karte to raajaai kul mein athva achhe kul mein janma lete hain। tum bachchon ko bahut bade ghar mein janma milta hai। nai duniya to bahut chhoti hoti hai। satayug mein devtaaon ka jaise ek gaanv hai। shuru mein baambe kitni chhoti thi। ab dekho kitni vriddhi ko paaya hai। aatmaayen sab apna part bajaati hain, sab musaaphir hain। baap ek hi baar ka musaaphir hai। ho tum bhi ek hi baar ke musaaphir। tum bhi ek hi baar aate ho। phir punarjanma lete part bajaate hi rehte ho। abhi tum amarlok mein jaane ke liye amraktha sunte ho, jisse 21 janma oonch pad paate ho। 21 peedhi kehte hain na, peedhi arthaat budhaape tak। phir doosra shareer aapehi lenge। akaale mrityu nahin hoga। woh hai hi amarlok। kaal ka naam nahin। achaanak mrityu hoti nahin। tum ek shareer chhod doosra lete ho। duhkh ki koi baat nahin। sarpa ko duhkh hota hoga kya? aur hi khushi hoti hogi। abhi tumko aatma ka gyaan milta hai। aatma hi sab kuchh karti hai। aatma mein hi buddhi hai। shareer to bilkul alag hai। unmein aatma na hoti to shareer chal na sake। kaise shareer banta hai, aatma kaise pravesh karti hai। har cheez wonderful hai।

baap kehte hain meethe-meethe bachche tumhaara svarga hai wonderful world। raavan raajya mein 7 wonders dikhaate hain। raam raajya mein baap ka ek hi wonder hai svarga, jo aadhaakalpa kaayam rehta hai। manushyon ne dekha bhi nahin hai, to bhi sabke mukh se svarga naam zaroor nikalta hai। abhi tum buddhi se jaante ho koi-koi ne saakshaatkaar bhi kiya hai। baba ne bhi vinaash aur apni raajdhaani dekhi। arjun ko bhi saakshaatkaar mein dikhaaya hai। ab barobar yeh hai geeta episode। baba batlaate hain ki bachche yeh hai purooshottam sangamayug jabki main aakar tum bachchon ko raajayog sikhaata hoon aur itna oonch banaata hoon। duniya mein in baaton ko koi nahin jaante। tum bahut mauj se rehte ho। yahaan manushya marte hain to deepak jagaate hain ki aatma ko andhiyaara na ho। satayug mein aisi baaten nahin hoti। satayug mein sab aatmaon ka deepak jaga rehta hai। ghar-ghar mein sojhra hota hai। yahaan phir manushya ghar-ghar mein battiyaan jalaate hain। baap kehte hain in sab baaton ko achhi tarah buddhi mein dhaaran karna hai। baap aur raajdhaani ko yaad karte raho। tum jaante ho itna samay hamne raajaai ki। jo bahut samay ke bichhude hue hain unhon se hi baap baat karte hain, padhaate hain। bachche jaante hain is samay ki baaton ke hi tyohaar manaate hain। shivjayanti bhaarat mein hi manaate hain। shiv hai oonche te oonch bhagwan। woh bhaarat mein kaise aate hain, usne khud bataaya hai ki mujhe prakriti ka aadhaar lekar aana padta hai, tab to bolte hain। nahin to bachchon ko gyaan shrringaar kaise karaayen। ab tumhaara shrringaar ho raha hai। tum phir doosron ka kara rahe ho - manushya se devta banaane ka। yeh hai bahut sahaj। parantu manushyon ki buddhi aisi dull ho gai hai jo kuchh bhi samajhte nahin। time lete hain। tum pradarshani mein sab baaten samjhaate ho। jo aaya jaise samjhaaya sab drama। phikraat ki koi baat nahin। bachche kehte hain baba, maatha bahut maarte hain nikalta koton mein koi hai। so to hoga। tum kehte ho paramatma bindi hai। shaastron mein aisi baat hai nahin isliye moonjh padte hain। tum bhi pahle nahin maante the। koi-koi ko do varsha bhi samajhne mein lage। chale jaate hain phir aate hain। itna sahaj bhakti chhootti nahin hai, woh apni or kheenchati hai। yeh bhi drama mein part hai। sivaae tum braahmanon ke aur koi nahin jaante। viraat roop ka bhi arth samjha hai, yeh hai tumhaari baajoli। tum chakra lagaate ho। inko viraat naatak kaha jaata hai। inka bhi tumko gyaan hai। un college mein to kya-kya padhte rehte hain। yahaan woh baat nahin। science vriddhi ko paati rehti hai, unse vinaash hona hai। abhi bhal tum samjhaayenge parantu virla koi milega jo kahega yeh to bahut achhi baat hai। yeh to roz samjhaana chaahiye। kitna bhi kaam ho parantu kahenge hamko to baba se varsa zaroor lena hai। yeh to athaah, anginat kamaai hai।

baba kehte hain - bachche meri buddhi mein saare jhaad ki knowledge hai, so abhi tum bhi samajh rahe ho। baap jo samjhaate hain woh bahut accurate hai। ek second na mile doosre se। kitni maheenta hai। tumne kitne chakra lagaaye hain। yeh drama joon misal chalta hai। ek hi chakra ko 5 hazaar varsha lagte hain। usmein saara khel chalta hai। unko hi jaanna hai। vahaan gaayen bhi first class hongi। jaisa aapka pad vaisa furniture, vaisa makaan। bhabhka hota hai। khushi bhi aatma ko hi hoti hai। hamaari aatma tripta hui। tripta paramatma to nahin kaha jaata hai। kahenge tumhaari aatma tripta hui? haan baba tripta hui। to yeh sab khel chalta aaya hai। baap jo samjhaate hain yeh bhi drama ka khel hai। ab baap tumko rejuvenate karte hain। tumhaari kaaya kalpa vriksha samaan ban jaati hai। naam hi hai amarlok। aatma bhi amar hai, kaal kha na sake। baba tumhaari aatmaon se baat karte hain। akaal aatma jo is takhta par baithi hai, unse baat karte hain। aatma in kaanon se sunti hai। ham aatmaon ko hi baap padhaane aaye hain। baap ki drishti hamesha aatmaon par rehti hai। tumko bhi baap samjhaate hain hamesha bhaai-bhaai ki drishti rakho। bhaai se ham baat karte hain phir criminal drishti na jaaye। yeh practice bahut achhi chaahiye। ham aatma hain, hamne itne janma le part bajaaya hai। ham punya aatma the। ham hi pavitra aatma bane hain। sone mein hi khaad padti hai। jo aatmaayen pichhaadi ko aayengi unko kya kahenge। kuchh percent sone ka hoga। bhal pavitra hokar jaate hain, parantu power to kam hai na। ek do janma karke liya, isse kya hua।

baba jo murli chalaate hain woh hai khajaana। jab tak baap de tab tak tum baap ko yaad karte raho। yaad se hi tum ever healthy bante ho। chup hokar baithne se bhi bahut phaayda hai, manamnaabhav। iska arth bhi koi nahin jaante। baap hi har baat ka arth samjhaate hain। yahaan to hai anartha। sabse bada anartha hai ek do par kaam kataari chalaana, jisse aadi madhya-ant-duhkh paate hain। sabse chhi-chhi hinsa yeh hai, isliye inko narka kaha jaata hai। svarga aur narka ka bhi koi arth nahin samajhte। woh hai number one, narka hai number last। tum jaante ho ham is vishwa naatak ke actors hain। tum neti-neti nahin kahenge। tum shreemat se kitne achhe chitra banaate ho jo manushya dekhte hi khush ho jaayen aur sahaj hi samajh jaayen। yeh chitra banaana bhi drama mein noondh hai। pichhaadi ko tum yaad mein hi rahenge। srishti chakra bhi buddhi mein aa jaayega। nai duniya kaun banaata aur puraani duniya kaun banaate hain, yeh sab tum hi jaante ho। sato rajo tamo mein sabko aana hi hai। abhi hai kaliyug। yeh kisko pata nahin ki baap aakar hamko svarga ka maalik banaayenge। kiske khyaal mein bhi nahin aata। tumko to abhi saare srishti ke aadi madhya ant ki knowledge hai। rachayita baap ismen baith samjhaate hain ki main tum aatmaon ka baap hoon। behad ka teacher hoon। yeh sangamayug hai purooshottam yug। satayug aur kaliyug ko purooshottam nahin kahenge। sangam par hi tum purooshottam bante ho, jab baap aakar raajayog sikhlaate hain। din pratidin tum bachchon ko samjhaane mein bahut sahaj hoga। jhaad vriddhi ko paata rahega। shama par bahut parvaane aate hain - phida hone। aise baap ko kaun chhodega। kahega baba bas ham to aapke paas hi baithe rahen। yeh sab kuchh aapka hai। aise oonch baap ko ham chhoden kyon? josh bahuton mein aata hai। baba se vishwa ki baadshaahi milti hai to ham chhodkar kyon jaayen। yahaan to ham svarga mein baithe hain। yahaan koi kaal bhi nahin aa sakta, parantu baap ki shreemat leni pade। baap kahenge aise nahin karna hai। uchhal to aayegi parantu drama mein aisa nahin hai jo sab yahaan baith jaayen। josh aata hai kyonki jaante hain yeh sab kuchh khatma hone vaala hai। jinka part hai woh sunte rehte hain। baap kehte hain tum L.L.bi., aai.si.S.padhte ho inse kya milega? kal shareer chhoot jaae to kya milega? kuchh bhi nahin। woh hai vinaashi vidya, yeh hai avinaashi vidya, jo avinaashi baap dete hain। time bahut thoda hai। tamopradhaan se satopradhaan is janma mein hi banna hai। woh to yaad se hi banenge। aur sab deh ke dharma chhod maamekam yaad karo। shareer par bharosa nahin hai। padhte-padhte mar jaate hain। to baap ka kaam hai samjhaana। us padhaai mein kya kamaai hai aur is padhaai mein kya kamaai hai। yeh to tum jaante ho। shivbaaba ka bhandaara sadaiv bharpoor hai। itne sab bachche palte rehte hain, phikar ki koi baat nahin। bhookh mar nahin sakte। laukik baap bhi dekhte hain bachchon ko khaana nahin milta hai to khud bhi nahin khaate। bachchon ka duhkh baap sahan nahin kar sakte। pahle bachche peechhe baap। maa sabse peechhe khaati hai, rookha sookha bachta hai woh kha leti hai। hamaari bhandaari bhi aisi hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bhaai-bhaai ki drishti pakki karni hai। ham aatma, aatma bhaai se baat karte hain yeh abhyaas kar criminal drishti ko parivartan karna hai।

2) baap jab gyaan khajaana dete hain to yaad mein baith buddhi roopi jholi se khajaana bharna hai। chup baithkar avinaashi kamaai jama karni hai।

vardaan:- aatmik muskaraahat dvaara chehre se prasannata ki jhalak dikhaane vaale vishesh aatma bhav

brahman jeevan ki visheshta hai prasannata। prasannata arthaat aatmik muskaraahat। zor-jor se hansana nahin, lekin muskaraana। chaahe koi gaali bhi de rahe ho to bhi aapke chehre par duhkh ki lahar nahin aaye, sada prasannachit। yeh nahin socho ki usne ek ghanta bola maine to sirf ek second bola। second bhi bola ya socha, shakla par aprasannata aai to fail ho jaayenge। ek ghanta sahan kiya phir gubbaare se gas nikal gai। shreshtha jeevan ke lakshya vaali vishesh aatma aise gas ke gubbaare nahin banti।

slogan:- sheetal kaaya vaale yogi svayan sheetal ban doosron ko sheetal drishti se nihaal karte hain।

avyakti silence dvaara double light pharishta sthiti ka anubhav karo

jaise science vaale ret mein bhi anaaj paida kar dete hain, aise aap silence dvaara dharni ka parivartan karo, iske liye shubh bhaavna sampanna bano। brahma baap ko follow karo। silence ki shakti se kisi bhi aatma ki vritti drishti ka parivartan kar do। jaise krodh agyaan ka shakti hai, aise gyaan ki shakti shanti hai, sahanshakti hai, abhi in gunon ko apna sanskaar bana lo to double light pharishta sahaj ban jaayenge।