Murli du jour du mardi 30 janvier 2024

30-01-2024 praatahmurli om shanti "baapdaada"' madhuban

“meethe bachche - ab tumhaari sunvaai hoti hai, baap tumhein duhkh se nikaal sukh mein le jaate hain, abhi tum sabki vaanaprastha avastha hai, vaapas ghar jaana hai''

prashn:- sada yogayukta rahne tatha shreemat par chalne ki aagya baar-baar har bachche ko kyon milti hai?

uttar:- kyonki abhi antim vinaash ka drishya saamne hai। karodon manushya marenge, natural calamities hongi। us samay sthiti ekras rahe, sab drishya dekhte bhi mirooa maut malooka shikaar…aisa anubhav ho, uske liye yogayukta banna pade। shreemat par chalne vaale yogi bachche hi mauj mein rahenge। unki buddhi mein rahega ki ham to puraana shareer chhod apne sweet hom mein jaayenge।

om shanti। roohaani baap baith roohaani bachchon se roohrihaan karte hain athva roohon ko samjhaate hain kyonki roohon ne bhakti maarga mein bahut yaad kiya hai। sab aashik hain ek maashook ke। us maashook shivbaaba ka chitra bana hua hai। unko baith poojte hain। unse kya maangane chaahte hain, woh pata nahin hai। poojte to sab hain, shankaraachaarya bhi pooja karte hain। sab unko bada samajhte hain। bhal dharma sthaapak hain, parantu woh bhi punarjanma lete-lete neeche utarte hain। abhi sab pichhaadi ke janma mein aakar pahunche hain। baba kehte hain tum chhote bade sabki vaanaprastha avastha hai। main tum sabko vaapis le jaata hoon। mujhe bulaate hi hain ki patit duniya mein aao। kitna regard rakhte hain। patit duniya paraaye raajya mein aao। zaroor duhkhi honge tab to bulaayenge। gaaya jaata hai duhkh harta sukh karta to zaroor chhi-chhi puraani duniya, puraane shareer mein aana pade। woh bhi tamopradhaan shareer mein। satopradhaan duniya mein mujhe koi yaad bhi nahin karta। drama anusaar sabko main sukhi bana leta hoon। buddhi se kaam lena hai ki satayug mein zaroor aadi sanaatan devi devta dharma hoga aur satsangon mein to sirf shaastra padhte-padhte neeche utarte jaate hain। daldal mein padne vaale duhkhi hote hain। yeh hai hi duhkhadhaam। woh hai sukhdhaam। baap kitna sahaj karke samjhaate hain kyonki bichaari ablaayen kuchh bhi nahin jaanti hain। koi ko bhi yeh pata nahin hai ki phir vaapis bhi jaana hai ya sadaiv punarjanma lete hi rehna hai। abhi to sab dharma vaale hain। pahle-pahle svarga tha to ek hi dharma tha। saara chakra tumhaari buddhi mein hai। koi aur ki buddhi mein yeh baaten rah na sake। woh to kalpa ki aayu hi laakhon varsha kah dete hain। isko kaha jaata hai ghor andhiyaara। gyaan hai ghor sojhra। abhi tum bachchon ki buddhi mein roshni hai। tum koi mandir aadi mein jaayenge to tum kahenge ham shivbaaba ke paas jaate hain। yeh lakshmi-naaraayan ham bante hain। yeh baaten aur satsangon mein nahin hoti। woh sab hain bhakti maarga ki baaten। abhi tum rachta aur rachna ke aadi-madhya-ant ko jaante ho। rishi muni aadi kehte the ham nahin jaante hain। tum bhi pahle nahin jaante the। is samay saare vishwa mein bhakti hai। yeh puraani duniya hai, kitne dher manushya hain। satayug nai duniya mein to ek hi advet dharma tha, phir hota hai dvet dharma। anek dharmon mein taaliyaan bajti hain। sabki ek do mein khit-khit hai। drama anusaar unhon ki policy hi aisi hai। kisko bhi alag karte hain to ladaai hoti hai, partition hote hain। manushya baap ko na jaanne ke kaaran pattharbuddhi ban pade hain। is samay baap samjhaate hain devi devta dharma hi praayahlop ho gaya hai। ek bhi nahin jisko pata ho ki inhon ka bhi raajya tha। tum abhi samajhte ho ham devta ban rahe hain। shivbaaba abhi hamaara obedient servant bana hai। bade aadmi hamesha chitthi likhte hain to neeche likhte hain obedient servant। baap bhi kehte hain ham obedient servant hain to daada bhi kehte hain ham obedient servant hain। ham phir 5 hazaar varsha ke baad har kalpa ke purooshottam sangamayug mein aata hoon। bachchon ki aakar seva karta hoon। mujhe kehte hain door desh ke rahne vaala…inka bhi arth nahin jaante। itne shaastra aadi padhte hain parantu arth nahin samajhte। baap aakar sab vedon shaastron ka saar samjhaate hain।

tum bachche jaante ho ki is samay raavan raajya hai। manushya patit bante jaate hain। yeh bhi drama bana hua hai। tum bachchon ko dozak se nikaal bahishta mein le jaate hain। unko hi garden aaph allaah kehte hain। kaliyug mein hai kaanton ka jangal, sangamayug par phoolon ka bageecha ban raha hai। phir vahaan satayug mein tum sada sukhi rehte ho। ever healthy, ever wealthy ban jaate ho। aadhaakalpa sukh phir aadhaakalpa duhkh, yeh chakra phirta hi rehta hai। inki end hoti nahin hai। sabse bada baap aate hain sabko shantidham sukhdhaam mein le jaate hain। tum jab sukhdhaam mein jaate ho to baaki sab shantidham mein rehte hain। aadhaakalpa hai sukh ka, aadhaakalpa hai duhkh ka। unmein bhi sukh jaasti hai। agar aadha-aadha hota to taste kya aayegi। bhakti maarga mein bhi bahut dhanvaan the। abhi tumko yaad aata hai ki ham kitne dhanvaan the! bahut dhanvaan jab devaala maarte hain to yaad aata hai ki hamaare paas kya-kya tha, kitna dhan tha। baap samjhaate hain bhaarat saahookaar tha। paradise tha। ab dekho kitna gareeb hai। gareebon par hi raham padta hai। ab ekdam kangaal ban pade hain। bheekh maang rahe hain। jo solvent the ab insolvent ban pade hain। yeh bhi naatak hai, baaki jo bhi dharma aate hain woh by-plot hain। kitne dharma ke manushya vriddhi ko paate rehte hain। bhaaratvaasiyon ke hi 84 janma hain। ek bachche ne aur dharmon ka hisaab-kitaab nikaalkar bheja tha। parantu jaasti in baaton mein jaane se koi phaayda nahin। yeh bhi vesta aaph time hua। itna samay agar baap ki yaad mein rehte to kamaai hoti। apni to mukhya baat hai - ham poora purooshaartha kar vishwa ka maalik banen। baap kehte hain tum hi satopradhaan the, tum hi tamopradhaan bane ho। 84 janma bhi tumne liye hain, ab phir vaapis chalna hai। baap se varsa lena hai। tumne aadhaakalpa baap ko yaad kiya, ab baap aaye hain tumhaari sunvaai hoti hai। baap phir se tumko sukhdhaam mein le jaate hain। bhaarat ke utthaan aur patan ki bhi jaise ek kahaani hai। ab yeh hai patit duniya। sambandh bhi puraana hai। ab phir se naye sambandh mein chalna hai। is samay actors sab haazir hain। inmen koi farka nahin pad sakta hai। aatma to avinaashi hai। kitni dher aatmaayen hogi। unka kabhi vinaash nahin hota। itni karodon aatmaon ko pahle to vaapis jaana hai। baaki shareer to sabke khatma ho jaate hain isliye holika bhi manaate hain।

tum jaante ho ham so poojya the phir pujaari banen, ab phir poojya bante hain। vahaan yeh knowledge nahin hogi, na yeh shaastra aadi honge। sab khatma ho jaayenge। jo yogayukta honge, shreemat par chalne vaale honge woh sab kuchh dekhenge। kaise earthquake mein sab khalaas hota hai। akhbaaron mein bhi padta hai, kaise gaanv ke gaanv khatma ho jaate hain। baambe pahle itni nahin thi। samudra ko sukhaaya phir samudra ho jaayega। yeh makaan aadi sab kuchh nahin rahega। satayug mein meethe paani par mahal honge। khaare paani par hote nahin। to yeh rahenge nahin। ek hi uchhal samudra ki aai to sab khatma ho jaayenge। bahut upadrav honge। karodon manushya marenge। anaaj kahaan se aayega। vo log bhi samajhte hain aaphten aani hain। manushya marenge to jo yogayukta honge woh us samay mauj mein rahenge। mirooa maut malooka shikaar। barpha ki barsaat padne se dher manushya mar jaate hain। bahut natural calamities hogi। yeh sab khatma ho jaayenge। inko kaha jaata hai natural calamities, godly calamities nahin kahenge। god ko dosh kaise denge। aise bhi nahin shankar ne okh kholi to vinaash ho gaya। yeh sab hain bhakti maarga ki baaten। mooslon ke liye bhi shaastron mein likha hai। tum jaante ho in missiles se kaise vinaash karte hain। kaise aag, gas zahar aadi sab usmein padte hain। baap samjhaate hain - pichhaadi mein sab phat se mar jaaen koi bachche aadi bhi duhkhi na hon, isliye natural calamities se jhat marenge। yeh sab bana banaaya drama hai। aatma to avinaashi hai, kabhi vinaash nahin hoti, na chhoti badi hoti hai। shareer sab yahaan khalaas honge। baaki aatmaayen sab sweet hom mein chali jaayengi। baap kalpa-kalpa aate hain sangamayug par, tum bhi is purooshottam sangamayug par hi oonche te oonch bante ho। vaastav mein shri-shri shivbaaba ko aur shri in devtaaon ko kaha jaata hai। aajkal to dekho sabko shri-shri kehte rehte hain। shreemti, shri phalaana। ab shreemat to ek baap hi dete hain। vikaar mein jaana, kya yeh shreemat hai। yeh to hai hi bhrashtaachaari duniya।

ab meethe-meethe bachchon ko baap kehte hain mujhe yaad karo to khaad nikal jaae। grihastha vyavhaar mein rehte kamal phool samaan pavitra raho। sva ko ab vishwa ke aadi-madhya-ant ke chakra ka gyaan hua hai। parantu yeh alankaar tumko nahin de sakte। aaj tum apne ko svadarshan chakradhaari samajhte ho kal maaya thappad laga de to gyaan hi ud jaaye isliye tum braahmanon ki maala bhi nahin ban sakti। maaya thappad lagaae bahuton ko gira deti hai, to unki maala kaise banegi। dashaayen badalti rehti hain। roodra maala theek hai। vishnu ki maala bhi hai। baaki braahmanon ki maala nahin ban sakti। tum bachchon ko direction dete hain ki deh sahit deh ke sab dharma chhod maamekam yaad karo। baap to niraakaar hai। unko apna shareer to hai nahin। aur aaye bhi hain inki vaanaprastha avastha mein। jab 60 varsha ki aayu hui। vaanaprastha avastha mein hi guru kiya jaata hai। main to hoon satguru, parantu gupta vesh mein। woh hain bhakti ke guru, main hoon gyaan maarga ka। prajaapita brahma ko dekho kitne dher bachche hain। buddhi had se nikal behad mein chali gai hai। mukti mein jaakar phir jeevanmukti mein aate hain। tum pahle aate ho doosre peechhe aate hain। har ek ko pahle sukh phir duhkh bhogna padta hai। yeh world drama hai tab to kehte hain aho prabhu teri leela…tumhaari buddhi oopar se neeche tak chakra lagaati rehti hai। tum ho light house, raasta bataane vaale। tum baap ke bachche ho na। father kehte hain mujhe yaad karo to tum tamopradhaan se satopradhaan ban jaayenge। train mein bhi tum samjha sakte ho - behad ka baap svarga ka rachayita hai, bhaarat mein svarga tha। baap aate hain bhaarat mein। shiv jayanti bhi bhaarat mein manaai jaati hai। parantu kab hoti hai, yeh koi nahin jaante। tithi taareekh donon hi nahin hain kyonki garbha se janma nahin lete। baap kehte hain apne ko aatma samjho। tum ashareeri aaye the, pavitra the phir ashareeri hokar jaayenge। maamekam yaad karte raho to paap kat jaayenge। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) light house ban sabko raasta bataana hai। buddhi had se nikaal behad mein rakhni hai। svadarshan chakradhaari banna hai।

2) ab vaapas ghar jaana hai isliye is vaanaprastha avastha mein satopradhaan banne ka purooshaartha karna hai। apna time vesta nahin karna hai।

vardaan:- sambandh-samparka mein aate diamond ban diamond ko dekhne vaale bedaag diamond bhav

baapdaada ki shreemat hai ki diamond ban diamond ko dekhna। chaahe koi aatma kaala koyla, ekdam tamoguni ho lekin aapki drishti padne se uska kaalaapan kam ho jaae। amritvele se raat tak jitnon ke bhi samparka-sambandh mein aao sirf diamond ban diamond dekhte raho। kisi bhi vighna athva svabhaav ke vash diamond par daag na lage। chaahe anek prakaar ki paristhitiyon ke vighna aayen lekin aap aise powerful bano jo uska prabhaav na pade।

slogan:- man aur buddhi ko manmat se sada khaali rakhne vaale hi aagyaakaari hain।

avyakti silence dvaara double light pharishta sthiti ka anubhav karo

jaise antariksha yaan vaale oonche hone ke kaaran saare prithvi ke jahaan ke bhi chitra kheenchane chaahen kheench sakte hain, aise silence ki shakti se antarmukhta ki gupha mein baithkar silence ki gahri anubhooti karo, yeh anubhooti double light pharishta bana degi।