Murli du jour du lundi 26 février 2024

26-02-2024 praatahmurli om shanti "baapdaada"' madhuban

“meethe bachche-teacher videhi hai isliye yaad ki mehnat karni hai, yaad karte-karte jab imtahaan poora hoga tab ghar chale jaayenge''

prashn:- bachchon ko yaad mein rahne ki mehnat karni hai, kis dhokhe mein kabhi bhi nahin aana hai?

uttar:- aatma ka saakshaatkaar hua, jhilmil dekhi-isse koi phaayda nahin, aise nahin ki saakshaatkaar se ya baba ki drishti padne se koi paap kat jaayenge ya mukti mil jaayegi। nahin। yeh to aur hi dhokhe mein rah jaayenge। yaad ki mehnat karo, mehnat se hi karmaateet avastha hogi। aise nahin baba drishti denge to tum paavan ban jaayenge। mehnat karni hai।

om shanti। roohaani baap baith roohaani bachchon ko samjhaate hain, padhaate hain, yog sikhlaate hain। yog koi badi baat nahin hai। jaise bachche padhte hain to yog zaroor teacher se rehta hai ki hamko phalaana teacher padhaate hain - aap samaan banaane ke liye। em object to rehti hai। samajhte hain ki phalaana darja padh rahe hain। usmein teacher ko kehna nahin hai ki mere se yog lagaao। automatically padhaane vaale ke saath yog rehta hai। saara din to nahin padhaate। woh janma-janmaantar to padhte aaye hain। practice ho jaati hai। yahaan to tumhaari bilkul nai practice hai। yeh dehdhaari teacher nahin hai। yeh hai videhi teacher, jo har 5 hajaar varsha ke baad tumko milta hai। khud kehte hain main tumhaara dehdhaari teacher nahin hoon isliye ye yaad thaharti nahin hai। apne ko aatma samajhna pade ki hamko parampita paramatma teacher padha rahe hain। teacher ko yaad zaroor karna hai, jab tak imtihaan paas ho। yaad karte-karte imtihaan paas ho jaayega, phir chale jaayenge ghar। imtihaan poora hote hi drama finish ho jaata hai। phir tum bachchon ko maaloom hai ki hamaari aatma mein part bhara hua hai 84 janmon ka, jo hamko bajaana hai। yeh bhi abhi maaloom hai। peechhe vahaan yeh yaad nahin rahega। yahaan tumko saari knowledge milti hai। teacher hi baith saari knowledge bachchon ko samjhaate hain, jo samajhte rehna hai aur yaad mein bhi zaroor rehna hai। ghadi-ghadi baap kehte hain manmanaabhav। manmanaabhav ka arth bhi hai। bachche samajhte hain akshar right hai। baap khud kehte hain mujhe yaad karo to vikarma vinaash honge, ismen time to lagta hai। apni jaanch karni hai। jaise padhaai mein aur subject hoti hain history, hisaab-kitaab, science aadi। student samajhte hain ham kahaan tak paas honge। tum bachchon ki buddhi mein hai ki ham itne-itne marks se paas honge। apne ko dekhna chaahiye ki ham baba ko bhool to nahin jaate hain। bahut likhte hain baba maaya ghadi-ghadi bhula deti hai। bahut maaya ke toofaan aate hain, vikalpa aate hain। na samajhne ke kaaran likhte hain baba ismen paap to nahin lagta? aise-aise sankalp vikalpa aate hain। dekhne se khyaal aata hai yeh karen। ismen paap to nahin lagta? baap kehte hain, nahin। paap tab hoga jab karmendriyon se vikarma karenge।

baba baar-baar samjhaate rehte hain, bachchon ko gyaan to hai, yeh bhi jaante hain ki vishnu aur shreekrishna ko svadarshan chakra kyon dikhaaya hai। dikhaate hain akaasur, bakaasur ko maara। ab maarne ki to baat hi nahin। yeh to apne paap katne ki baat hai। shivbaaba ko bhi kahenge na svadarshan-chakradhaari। unko saare chakra ka gyaan hai। aatma ko baap se gyaan hua hai, yeh srishti ka chakra kaise phirta hai। svadarshan chakra dhaaran kar apne paapon ko bhasma karna hai। gyaan ko dhaaran kar baap ko yaad karo। baap ko yaad karne se hi vikarmo ka vinaash hota hai। harek ko apne liye mehnat karni padti hai। aise nahin baba drishti baith denge ki inke paap kat jaayen। baap baith yeh dhandha nahin karte। yoon to sabko dekhenge hi। dekhne se va gyaan dene se vikarma vinaash nahin honge। baap to raasta bataate hain aise aise karo to vikarma vinaash honge। shreemat dete hain। achha samjho baap aate hain - aatma samajhkar dekhte hain। aise nahin isse hamaare paap kat jaayenge, nahin। paap katte hain apni mehnat se। aise baap baith kare to yeh to ek dhandha ho jaae। baap samjhaate hain aise-aise tum apne baap ko yaad karo। baap hai hi shreemat dene vaala। mehnat apni karni hai। bahut samajhte hain phalaane saadhu sannyaasi ki drishti hi bas hai। kripa aasheervaad lete-lete girte hi rehte hain। woh kya kripa karenge। woh to apne brahm mahtatva ko hi yaad karenge। baap to saaph raasta bataate hain aise-aise karo। gaate bhi hain nange aaye, nange jaana hai। yeh gaayan bhi is samay ka hai। baap ke versions phir bhakti mein kaam aate hain। ab baap kehte hain-mujhe yaad karo to vikarma vinaash honge। baap to shreemat dete hain। yeh bhi drama mein unka part hai। isko hi madad kaho, drama anusaar shreemat gaai hui hai। baap ko mat deni hai। kehte hain apne ko aatma samjho। aise nahin madad de karmaateet avastha mein le jaayenge। nahin। time lagta hai। bahut mehnat karni padti hai। apne ko aatma samajhne ka bahut achha abhyaas karna hai। vaastav mein maataaon ko time bahut milta hai। purushon ko dhandhe ka phurna rehta hai। tum bachchon ko baap ko yaad karte-karte lottery leni hai taaki saari junk (kat) nikal jaaye। feel hota hai phalaane achhe purushaarthi hain। chart rakhte hain। jaise bhakti mein do teen ghante bhi baith jaate hain। vaanaprasthi guru aadi bahut karte hain। parantu unko bhi itna yaad nahin karte, jitna devtaaon ko yaad karte hain। vaastav mein devtaaon ko yaad karna nahin hota hai। na devtaayen kabhi sikhlaate hain।

tum bachchon ke liye koi nai baat nahin hai। aur na laakhon varsha ki koi baat hai। baap to aate hi tab hain jab sthaapna aur vinaash ka kaarya hota hai। bachche jaante hain yeh vinaash to kalpa-kalpa hota hai। kalpa pahle bhi hua tha। tum likhte bhi rehte ho 5 hajaar varsha pahle bhi yeh hua tha। baap apne saath milne ka jo raasta bataate hain yeh koi nai baat nahin hai। baap kehte hain main kalpa-kalpa aakar raasta bataata hoon। tum bachchon ko yeh pata hai ki yeh hamaare raajya ki sthaapna ho rahi hai। jin devtaaon ki pooja karte hain unka raajya phir sthaapan ho raha hai। paanch hajaar varsha ka chakra hai, jo phirta hi rehta hai। manushya vaayre ho jaate hain। maaya ki mat par sab chal rahe hain। raavan ko kyon jalaate hain - arth kuchh nahin jaante। tumhaara naam hi hai svadarshan-chakradhaari। em object yeh khadi hai। jo baba mein gyaan hai woh aatma ko diya hai। jab drama ka chakra poora hota hai tab hi baap aakar knowledge dete hain। baap hi aakar yeh karma sikhlaate hain। phir vaam maarga mein jaane se hi raat shuru ho jaati hai। phir ham neeche utarte hi aate hain। sukh kam hota jaata hai। tumhaari buddhi mein jyon ka tyon saara chakra hai jaise baap ki buddhi mein hai। baaki tumko paavan banne ke liye mehnat karni padti hai। bulaate bhi isliye hain ki baba ham patiton ko aakar paavan banaao, phir knowledge bhi chaahiye। manushya se devta banna hai। baap aate hain bachchon ko raajayog sikhlaane। doosre koi ko sikhaane aayega bhi nahin। patit-paavan baap ko bulaate hain - baba hamko aakar paavan banaao। ab tum punya aatma ban rahe ho। world ki history-geography phir repeat ho rahi hai। kitni guhya baaten hain। manushya na aatma ko, na paramatma ko jaante hain। aatma jo hai jaisi hai, jaisa unka part hai। woh bhi baap hi batlaate hain। wonder hai chhoti aatma mein kya-kya part bhara hua hai। sunte hi romaanch khade ho jaate hain। koi ko aatma ka saakshaatkaar hota hai। aatmaon ki jhilmil dikhaai deti hai। parantu unse phaayda hi kya? yahaan to yog lagaana hai। manushya samajhte hain saakshaatkaar hua, mukti paai। paap bhasma ho gaya। yeh to aur hi dhokhe mein rah jaate hain। baap to har baat samjhaate rehte hain। kehte hain tumko guhya baaten sunaata hoon। tumhaari buddhi mein saare chakra ka gyaan hai। bas baba ko, chakra ko yaad karna hai। teacher ko bhi yaad karna hai, knowledge ko bhi yaad karna hai। yaad karte-karte drama anusaar karmaateet avastha ko pa lenge। jaise nange aaye vaise hi jaana hai। tum daivi sanskaar le jaate ho। vahaan koi knowledge nahin। isko kaha jaata hai sahaj yaad। yog akshar se manushya moonjh jaate hain। woh hain hathayogi। sahaj yog to baap sikhlaate hain। aage sunte the - geeta ke bhagwan ne sahaj yog sikhaaya tha। parantu unko jaante nahin। 100 percent misunderstand kar di, jisse manushya patit ban pade hain। anek maten hain। jo grihastha vyavhaar mein rehte hain unhon ke liye hi yeh geeta shaastra hai। tum ho pravritti maarga vaale। pahle tumhaara pavitra pravritti maarga tha, ab apvitra ban pada hai। ab phir pavitra banna hai। baap to ever pure hai। woh aate hi hain shreemat dene।

baap kehte hain is samay sab tamopradhaan ban pade hain। pahle satopradhaan the। jaise ham bhi pahle satopradhaan the phir tamopradhaan bane। jo bhi aate hain pope paadri aadi pahle satopradhaan hote hain, phir addition hote-hote saara jhaad tamopradhaan ho jaata hai। abhi to jadajdeebhoot avastha mein hain। tum bachche samajhte ho ham hi satopradhaan the phir nambarvaar tamopradhaan bante hain। phir satopradhaan banna hai। nambarvaar hi bante jaayenge। drama anusaar। detail to bahut hai। jaise beej hai unko pata hai kaise jhaad nikalta hai। is manushya srishti jhaad ka raaz baap hi bataate hain। baagvaan bhi vahi hai। jaante hain hamaara baag kaisa achha tha। baap ko to knowledge hai na। kitna first class khudaai bageecha tha। abhi to shaitaani bageecha hai। shaitaan kaha jaata hai raavan raajya ko। jahaan tahaan maaraamaari lagi hui hai। abhi baaki jo atomic bombs rahe hue hain, woh bhi taiyaar kar baithe hain। sab samajhte hain yeh koi rakhne ki cheez nahin hai, inse vinaash hona hai zaroor। agar vinaash na ho to satayug kaise aayega। yeh to bilkul saaph hai, bhal dikhaate hain - mahaabhaari mahaabhaarat ladaai lagi, 5 paandav bache। woh bhi gal mare। parantu result kuchh bhi nahin। yeh bhi drama bana hua hai jo baap baith samjhaate hain। bhaarat ko hi loota, ab phir return de rahe hain। pichhaadi tak dete rahenge। yeh bhi tum jaante ho vinaash mein sab kuchh khatma ho jaayega। jab hamaara raajya tha to doosra koi ka raajya tha nahin। history must repeat। bhaarat phir heaven banega। lakshmi-naaraayan ka raajya hoga। aur koi khanda ka vahaan naam nahin। ab hai kaliyug ka ant, phir in lakshmi-naaraayan ka raajya aayega। ham phir yeh bante hain। baap kehte hain main aaya hoon raajayog sikhlaane। kalpa-kalpa anek baar tum maalik bane ho। inhon ki saare vishwa mein raajdhaani thi। bade akalmanda the। vahaan unhon ko vajeer aadi se raay lene ki jaroorat nahin। yeh drama bana hua hai phir repeat hoga। shreekrishna ke mandir ko kehte hain sukhdhaam। shivbaaba aakar sukhdhaam sthaapan karte hain। woh khud kehte hain Christ se 3 hajaar varsha pahle bhaarat svarga tha। pahle ek dharma tha phir doosre dharma aaye। bachchon ko wonder khaana chaahiye - baba hamko baadshaahi kaise dete hain। baap aakar bhakti ka phal dete hain। kitna sahaj hai। parantu samjhenge vahi jinhonne kalpa pahle samjha hoga, nambarvaar purushaartha anusaar। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svadarshan chakra ko dhaaran kar apne paapon ko bhasma karna hai। sambhaal karo - karmendriyon se koi bhi paap karma na ho। karmaateet banne ki svayan mehnat karo।

2) saakshaatkaar ki aash nahin rakhni hai, saakshaatkaar karne se mukti nahin milti, paap nahin katte, saakshaatkaar se phaayda nahin hai। junk niklegi baap aur knowledge ko yaad karne se।

vardaan:- chehre dvaara sarva shreshtha praaptiyon ka anubhav karaane vaale sarva praapti sampanna bhav

sangamayug par aap brahman aatmaon ko vardaan hai “sarva praapti sampanna bhav''। aisi vardaani aatma ko mehnat nahin karni padti। unke chehre ki chamak bataati hai ki inhonne kuchh paaya hai, yeh praapti swaroop aatmaayen hain। koi-koi bachchon ke chehre ko dekh log kehte hain ki oonchi manzil hai, inhonne tyaag bahut ooncha kiya hai। tyaag dikhaai deta hai lekin bhaagya nahin। jab sarva praaptiyon ke nashe mein rah apna bhaagya dikhaao to sahaj aakarshit hokar aayenge।

slogan:- jahaan umang-utsaah aur ekmat ka sangathan hai, vahaan saphalta samaai hui hai।