Murli du jour du vendredi 1 mars 2024

01-03-2024 praatahmurli om shanti "baapdaada"' madhuban

“meethe bachche - avinaashi gyaan-ratna tumhein raav (raaja) banaate hain, yeh behad ka school hai, tumhein padhna aur padhaana hai, gyaan-ratnon se jholi bharni hai''

prashn:- kaun-se bachche sabhi ko pyaare lagte hain? oonch pad ke liye kis purooshaartha ki jaroorat hai?

uttar:- jo bachche apni jholi bharkar bahuton ko daan karte hain woh sabhi ko pyaare lagte hain। oonch pad ke liye bahuton ki aasheervaad chaahiye। ismen dhan ki baat nahin lekin gyaan dhan se anekon ka kalyaan karte raho। khushmizaaz aur yogi bachche hi baap ka naam nikaalte hain।

om shanti। roohaani baap baith roohaani bachchon ko samjhaate hain। bachche jaante hain hamko ab vaapis jaana hai, aage bilkul nahin jaante the। baap bachchon ko samjhaate hain, inka samjhaana bhi draamaanusaar ab right dekhne mein aata hai। aur koi samjha na sake। ab hamko vaapis jaana hai। apvitra koi vaapis ja na sake। yeh gyaan bhi is samay hi milta hai aur ek baap hi dete hain। pahle to yeh yaad karna hai ki hamko vaapis jaana hai। baba ko bulaate hain maaloom kuchh bhi nahin tha। achaanak jab samay aaya to baba aa gaya। ab nai-nai baaten samjhaate rehte hain। bachche jaante hain ab hamko vaapis jaana hai, isliye ab patit se paavan hona hai। nahin to saja khaani padegi aur pad bhi bhrashta ho jaayega। itna farka hai jaise yahaan raav aur rank, vaise vahaan raav aur rank bante hain। saara madaar purooshaartha par hai। ab baap kehte hain tum khud hi patit the tab to pukaarte hain। yeh bhi ab tumko samjhaate hain। agyaankaal mein yeh buddhi mein nahin rehta। baap kehte hain aatma jo tamopradhaan bani hai usko satopradhaan banna hai। ab satopradhaan kaise bane - yeh bhi seedhi par samjhaaya hai। inke saath daivi gun bhi dhaaran karne hain। yeh hai behad ka school। school mein register rakhte hain good, better, best ka। jo serviceable bachche hain woh bahut meethe hain। unka register achha hai। agar register achha nahin hai to woh uchhalte nahin hain। saara madaar hai padhaai, yog aur daivi gunon par। bachche jaante hain behad ka baap hamko padhaate hain। pahle ham shoodra varna ke the, ab brahman varna ke hain। prajaapita brahma ke bachche ham brahman hain, yeh to bahuton ko bhool jaata hai। jabki tum baap ko yaad karte ho to brahma ko bhi yaad karna pade। ham brahman kul ke hain - yeh bhi nasha chadhe। bhool jaate to yeh nasha nahin chadhta hai ki ham brahman kul ke hain phir devta kul ke banenge। brahman kul kisne banaaya? brahma dvaara main tumko brahman kul mein le aata hoon। braahmanon ki yeh dynasty nahin hai। chhota-sa kul hai। apne ko ab brahman samjhenge to devta bhi banenge। apne dhandhe mein lag jaane se sab-kuchh bhool jaate hain। braahmanpan bhi bhool jaata hai। dhandhe se faarig hue phir purooshaartha karna chaahiye। koi-koi ko dhandhe mein jaasti dhyaan dena padta hai। kaam poora hua phir apni baat। yaad mein baith jaao। tumhaare paas badge bahut achha hai, ismen lakshmi-naaraayan ka chitra bhi hai, trimoorti bhi hai। baba humein aisa banaate hain! bas, yahi manmanaabhav hai। koi ko aadat pad jaati hai, koi ko nahin padti hai। bhakti to ab poori hui। ab baap ko yaad karna hai। ab behad ka baap tumko behad ka varsa dete hain, to khushi hoti hai। kisko achhi lagan lag jaati hai, kisko bahut kam। hai bahut sahaj।

geeta ke aadi aur ant mein akshar hai manmanaabhav। yeh vo hi geeta episode hai। sirf shreekrishna ka naam daal diya hai। bhakti maarga mein jo bhi drishtaanta aadi hain woh sab is samay ke hain। bhakti maarga mein koi aise nahin kahenge ki deh ka bhaan bhi chhodo, apne ko aatma samjho। yahaan tumko yeh shiksha baap aate hi dete hain। yeh nishchay hai - devi-devta dharma ki sthaapna hamaare dvaara ho rahi hai। raajdhaani bhi sthaapan ho rahi hai, ismen ladaai aadi ki baat nahin hai। baap ab tumhein pavitrata sikhaate hain, woh bhi aadhaakalpa kaayam rahegi। vahaan raavan raajya hi nahin। vikaaron par tum ab jeet pa rahe ho। yeh tum jaante ho ki hamne hoobhu kalpa pahle jaise raajdhaani sthaapan ki thi, vaise ab kar rahe hain। hamaare liye yeh puraani duniya khatma hone vaali hai। drama ka chakra phirta rehta hai। vahaan sona hi sona hoga। jo tha woh phir hoga, ismen moonjhane ki baat nahin hai। maaya machchhandar ka khel dikhaate hain। dhyaan mein sone ki eeten dekha। tum bhi baikuntha mein sone ke mahal dekhte ho। vahaan ki cheezen tum yahaan nahin la sakte ho। yeh hai saakshaatkaar। bhakti mein tum in baaton ko nahin jaante the। ab baap kehte hain - main aaya hoon tumko le jaane ke liye। tumhaare bigar beaaraami hoti hai। jab samay aata hai to hamko beaaraami ho jaati hai - bas jaaoon, bachche bahut duhkhi hain, pukaarte hain। taras padta hai - bas, jaaoon। drama mein jab samay hota hai tab khyaal hota hai - bas jaaoon। naatak dikhaate hain vishnu avatran। lekin vishnu avatran to hota hi nahin। din-pratidin manushyon ki buddhi khatma hoti jaati hai। kuchh samajh mein nahin aata। aatma patit ban padi hai। ab baap kehte hain - bachche, paavan bano to raam raajya ho। raam ko jaante nahin। shiv ki pooja jo ki jaati hai unko raam nahin kahenge। shivbaaba kehna shobhta hai। bhakti mein koi ras nahin। tumko ab ras aata hai। baap khud kehte hain - meethe bachche, main tumko le jaane aaya hoon। phir tumhaari aatma vahaan se aapehi sukhdhaam chali jaayegi। vahaan tumhaara saathi nahin banoonga। apni avastha anusaar tumhaari aatma jaakar doosre shareer mein, garbha mein pravesh karegi। dikhaate hain saagar mein peepal ke patte par shreekrishna aaya। saagar ki to baat hi nahin। garbha mein bade aaraam se rehte hain। baba kehte - main garbha mein nahin jaata hoon। main to pravesh karta hoon। main bachcha nahin banta। mere badle shreekrishna ko bachcha samajh dil bahlaate hain। samajhte hain shreekrishna ne gyaan diya isliye unko bahut pyaar karte hain। main sabhi ko saath le jaata hoon। phir tumko bhej deta hoon। phir mera part poora। aadha kalpa koi part nahin। phir bhakti maarga mein part shuru hota hai। yeh bhi drama bana hua hai।

ab bachchon ko gyaan samajhna aur samjhaana to sahaj hai। doosre ko sunaayenge to khushi hogi aur pad bhi oonch paayenge। yahaan baith sunte to achha lagta hai। baahar jaane se bhool jaate hain। jaise jel bird hote hain। koi na koi sharaarat (harkat) karke jel mein jaate hi rehte hain। tumhaara bhi aisa haal hota hai। garbha mein anjaam karke phir vahaan ki vahaan rahi। yeh sab baaten banaai hain to manushya kuchh paap karma na karen। aatma sanskaar apne saath le jaati hai। to koi chhotepan se pandit ban jaate hain। log samajhte hain aatma nirlep hai। parantu aatma nirlep nahin। achhe va bure sanskaar aatma hi le jaati hai tab hi karmon ka bhog hota hai। abhi tum pavitra sanskaar le jaate ho। tum padhkar phir pad paate ho। baba to saari aatmaon ke jhunda ko vaapas le jaate hain। baaki thode rehte hain। woh pichhaadi mein aate rehte hain। rehte bhi vahi hain jinko pichhaadi mein aana hai। maala hai na। nambarvaar bante jaate hain। baaki jo banenge woh svarga mein bhi pichhaadi mein aayenge। baba kitna achha samjhaate hain, koi ko dhaarna hoti hai, koi ko nahin। avastha aisi hai to pad bhi aisa hi mil jaata hai। tum bachchon ko merciful, kalyaankaari banna hai। drama hi aisa bana hua hai। dosh kisko nahin de sakte। kalpa pahle jitni padhaai ki hogi utni hi hogi। jaasti hogi nahin, kitna bhi purooshaartha karaaven, koi farka nahin padega। farka tab pade jab kisko sunaayen। nambarvaar to hain hi। kahaan raav, kahaan rank! yeh avinaashi gyaan-ratna raav (raaja) banaate hain। agar purooshaartha nahin karte to rank ban jaate hain। yeh behad ka school hai। ismen first, second, third hain। bhakti mein padhaai ki baat nahin। vahaan hai utarne ki baat। shobhnik bahut hain। jhaanjh bajaate, stuti karte, yahaan to shant mein rehna hai। bhajan aadi kuchh nahin। tumne aadha kalpa bhakti ki hai। bhakti ka kitna show hai। sabka apna-apna part hai। koi girta, koi chadhta, koi ki takdeer achhi, koi ki kam। tadbeer to baba ekras karaate hain। padhaai bhi ekras hai to teacher bhi ek hai। baaki sab hain masters। koi bada aadmi kahe - phursat nahin, bolo - ghar mein aakar padhaayen? kyonki unhon ko to apna ahankaar rehta hai। ek ko haath karne se auron par bhi asar padta hai। agar woh bhi kisko kahen ki yeh gyaan achha hai, to kahenge inhen bhi brahmaakumaariyon ka sang lag gaya, isliye sirf achha kah dete hain। bachchon mein yog ki power achhi chaahiye। gyaan talvaar mein yog ka jauhar chaahiye। khushmizaaz aur yogi hoga to naam nikaalenge। nambarvaar to hain। raajdhaani banni hai। baap kehte hain dhaarna to bahut sahaj hai। baba ko jitna yaad karenge utna lav rahega। kashish hogi। sui saaph hai to chumbak taraph kheenchati hai। kat hogi to kheenchegi nahin। yeh bhi aise hai। tum saaph ho jaate ho to pahle number mein chale jaate ho। baap ki yaad se kat niklegi।

gaayan hai - balihaari guru aapki… isliye kehte hain guru brahma, guru vishnu… woh sagaai karaane vaale guru manushya hain। tumne sagaai shiv ke saath ki hai, na ki brahma se। to yaad bhi shiv ko hi karna hai। dalaal ke chitra ki jaroorat nahin। sagaai pakki ho gai phir ek-do ko yaad karte rehte hain to inko bhi dalaali mil jaati hai। sagaai ka bhi milta hai na। doosra phir inmen pravesh karte hain, loan lete hain to yeh bhi kashish karte hain। tab bachchon ko bhi samjhaate hain ki jitna tum bahuton ka kalyaan karenge utna tumko ujoora milega। yeh hain gyaan ki baaten। doosron ko gyaan dete raho to aasheervaad mil jaati hai। paise ki darkaar nahin। mama ke paas bhal dhan nahin tha, parantu bahuton ka kalyaan kiya। drama mein harek ka part hai। koi dhanvaan dhan dete hain, museum banaate hain to bahuton ki aasheervaad mil jaati hai। achha saahookaar ka pad mil jaata hai। saahookaar ke paas daas-daasiyaan bahut hoti hain। praja mein saahookaaron ke paas bahut dhan hota hai phir unse loan lete hain। saahookaar banna bhi achha hai। woh bhi gareeb hi saahookaar bante hain। baaki saahookaaron mein himmat kahaan! is brahma ne phat se sab kuchh de diya। kehte hain haath jinka aise... (dene vaala) baba ne pravesh kiya to sab-kuchh chhuda diya। karaachi mein tum kaise rahe hue the। bade-bade makaan, motor, bas aadi sab kuchh tha। ab baap kehte hain - aatma-abhimaani bano। kitna nasha chadhna chaahiye-bhagwan hamko padhaate hain! baap tumko athaah khajaane dete hain। tum dhaarna nahin karte ho। lene ka dam nahin। shreemat par nahin chalte ho। baap kehte hain bachche apni jholi bhar lo। woh log shankar ke aage jaakar kehte hain - jholi bhar do। baba yahaan bahuton ki jholi bharte hain। baahar jaane se khaali ho jaati hai। baap kehte hain tumko bahut bhaari khajaana deta hoon। gyaan-ratnon se jholi bhar-bharkar deta hoon। phir bhi nambarvaar hain jo apni jholi bharte hain। woh phir daan bhi karte hain, sabko pyaare bhi lagte hain। hoga nahin to denge kya?

tumhein 84 ke chakra ko achhi tarah samajhna aur samjhaana hai। baaki mehnat hai yog ki। ab tum yuddha ke maidaan par ho। maaya par jeet paane ke liye ladte ho। naapaas hue to chandravanshi mein chale jaayenge। yeh samajh ki baat hai। bachchon ko bahut khushi honi chaahiye - baba, aap kitna varsa dete ho। uthte-baithte saara din yeh buddhi mein rahe tab dhaarna ho sake। yog hai mukhya। yog se hi tum vishwa ko pavitra banaate ho। knowledge anusaar tum raajya karte ho। yeh paise aadi to mitti mein mil jaane vaale hain। baaki yeh avinaashi kamaai to sab saath chalegi। jo sensible honge woh kahenge ham baba se poora hi varsa lenge। takdeer mein nahin to paai paise ka pad paayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni padhaai aur daivi gunon ka register theek rakhna hai। bahut-bahut meetha banna hai। ham brahma mukh vanshaavli brahman hain - is nashe mein rehna hai।

2) sarva ka pyaar va aasheervaad praapta karne ke liye gyaan-ratnon se apni jholi bharkar daan karna hai। bahuton ke kalyaan ke nimitta banna hai।

vardaan:- har karma mein baap ke saath bhinna-bhinna sambandhon se smriti swaroop banne vaale shreshtha bhaagyavaan bhav

saare din ke har karma mein kabhi bhagwan ke sakha va sakhi roop ko, kabhi jeevan saathi roop ko, kabhi murabbi bachche ke roop ko, jab kabhi dilshikasta hote ho to sarvashaktivaan swaroop se ma. sarvashaktivaan ke smriti swaroop ko emerge karo to dilkhush ho jaayenge aur baap ke saath ka svatah anubhav karenge phir yeh brahman jeevan sada amoolya, shreshtha bhaagyavaan anubhav hoti rahegi।

slogan:- brahma baap samaan banna arthaat sampoornata ki manzil par pahunchna।