Murli du jour du samedi 2 mars 2024

02-03-2024 praatahmurli om shanti "baapdaada"' madhuban

“meethe bachche - yeh knowledge bilkul shanti ki hai, ismen kuchh bhi bolna nahin hai sirf shanti ke saagar baap ko yaad karte raho

prashn:- unnati ka aadhaar kya hai? baap ki shikshaaon ko dhaaran kab kar sakenge?

uttar:- unnati ka aadhaar hai lav (pyaar), ek baap se sachcha pyaar chaahiye। nazdeek rehte bhi yadi unnati nahin hoti to zaroor lav ki kami hai। lav ho to baap ko yaad karen। yaad karne se sab shikshaaon ko dhaaran kar sakte hain। unnati ke liye apna sachcha-sachcha chart likho। baba se koi bhi baat chhipaao nahin। aatma-abhimaani bante khud ko sudhaarte raho।

om shanti। bachche apne ko aatma samajhkar baitho aur baap ko yaad karo। baba poochhte hain jab bhi kahaan sabha mein bhaashan karte ho, to ghadi-ghadi yeh poochhte ho ki tum apne ko aatma samajhte ho ya deh? apne ko aatma samajhkar yahaan baitho। aatma hi punarjanma mein aati hai। apne ko aatma samajh parampita paramatma ko yaad karo। baap ko yaad karne se hi tumhaare vikarma vinaash honge, isko yog-agni kaha jaata hai। niraakaar baap niraakaari bachchon ko kehte hain - mujhe yaad karne se tumhaare paap kat jaayenge aur tum paavan ban jaayenge। phir tum mukti-jeevanmukti ko paayenge। sabhi ko mukti ke baad jeevanmukti mein aana hai zaroor। to ghadi-ghadi yeh kehna pade ki apne ko aatma nishchay karke baitho। bhaaiyon aur bahnon, apne ko aatma samajh baitho aur baap ko yaad karo। yeh farmaan baap ne hi diya hai। yeh hai yaad ki yaatra। baap kehte hain mere saath budvi ka yog lagaao to tumhaare janma-janmaantar ke paap bhasma ho jaayenge। yeh ghadi-ghadi tum yaad karaayenge, samjhaayenge, tab samjhenge ki aatma avinaashi hai, deh vinaashi hai। avinaashi aatma hi vinaashi deh dhaaran kar part bajaay ek shareer chhod phir doosra leti hai। aatma ka svadharma to shanti hai। woh apne svadharma ko bhi nahin jaante hain। ab baap kehte hain mujhe yaad karo to vikarma vinaash honge। mool baat yeh hai। pahle-pahle tum bachchon ko yahi mehnat karni hai। behad ka baap aatmaon ko kehte hain, ismen koi shaastra uthaane ki darkaar nahin। tum geeta ka misaal dete ho to bhi kehte hain tum sirf geeta uthaate ho, vedon ka naam kyon nahin lete ho। baba ne kaha - unse poochho ved kis dharma ka shaastra hai?

(kehte hain aarya dharma ka) aarya kisko kehte hain? hindu dharma to hai nahin। aadi sanaatan to hai hi devi-devta dharma। phir aarya kaun-sa dharma hai? aarya to aarya samaajiyon ka dharma hoga। aarya dharma to naam hi nahin hai। aarya dharma kisne sthaapan kiya? tumko vaastav mein geeta ko bhi nahin uthaana hai। pahli baat hai - apne ko aatma samajh baap ko yaad karo to satopradhaan ban jaayenge। is samay sab hain tamopradhaan। pahle-pahle to baap ka hi parichay dena hai। mahima bhi baap ki karni hai। yeh bhi tum tab kah sakenge jab tum khud baap ko yaad karte honge। is baat ki bachchon mein kamjori hai।

baba hamesha kehte hain yaad ki yaatra ka chart rakho। dil se har ek poochhe - ham kahaan tak yaad karte hain? tum bachchon ki dil mein athaah khushi rahni chaahiye। tumko andarooni khushi hogi to doosron ko bhi samjhaane ka asar hoga। pahli mool baat yahi kehna hai ki bhaaeeyon aur bahnon, apne ko aatma samjho। aise aur koi satsang mein nahin kahenge। vaastav mein satsang koi hai nahin। sat ka sang ek hi hai। baaki hai kusang। yahaan hai bilkul nai baat। vedon se to koi dharma sthaapan hua hi nahin hai। to ham vedon ko kyon uthaayen। koi mein bhi yeh knowledge hai nahin। khud hi kehte hain neti-neti arthaat ham nahin jaante hain। to naastik hue na। ab baap svayan kehte hain aastik bano, apne ko aatma samjho। yeh baaten geeta mein kuchh hain। vedon mein hain nahin। ved, upnishad to dher hain। ab woh kis dharma ka shaastra hai? manushya to apni baaten karte hain। tumko kiska bhi sunna nahin hai। baap to sahaj samjhaate hain - apne ko aatma samajh baap ko yaad karo to paavan ban jaayenge isliye world ki history-geography ko jaanna hai। tumhaara yeh trimoorti gola hai mukhya, inmen sab dharma aa jaate hain। pahle-pahle hai devi-devta dharma। baba ne kaha hai - trimoorti gola bada-bada banaakar dehli ke mukhya sthaan par, jahaan aana-jaana bahut ho, vahaan laga do। teen seat par ho। seedhi mein to aur dharmon ka nahin aata hai। mukhya yeh do chitra hain। samjhaana hi is par hai। pahle hai baap ka parichay। baap se hi varsa milta hai। is baat ka nishchay karaane bigar tumhaara kuchh bhi koi samajh nahin sakega। ek baap ko hi nahin samjha hai to doosre chitron par le jaana hi phaaltu hai। alaph ko samajhne bigar kuchh bhi samjhenge nahin। baap ke parichay bigar aur koi bhi baat na karo। baap se hi behad ka varsa milta hai। baba khyaal karta hai, aisi sahaj baat kyon nahin samajhte hain। tumhaari aatma ka baap woh shiv hai, unse hi varsa milta hai। tum sab aapas mein brothers ho। jab is baat ko bhoolte ho tab tamopradhaan ban jaate ho। ab baap ko yaad karo to satopradhaan ban jaayenge। mool baat hai hi rachayita aur rachna ko jaanna। koi bhi jaante nahin। rishi-muni bhi jaante nahin the। to pahle baap ka parichay de sabko aastik banaana hai। baap kehte hain mujhe jaanne se tum sab-kuchh jaan jaayenge। mujhe nahin jaana to kuchh bhi tum samjhenge nahin। muphta tum apna samay vesta karte ho। chitra aadi bhi jo draamaanusaar bane hain, vahi theek hain। parantu tum itni mehnat karte ho phir bhi kiski budvi mein baithta nahin hai। bachche kehte hain - baba, kya hamaare samjhaane mein koi bhool hai? baba phat se kah dete - haan, bhool hai। alaph ko hi nahin samjha hai to phat se ravaana kar do। bolo, jab tak baap ko nahin jaana, tab tak tumhaari budvi mein kuchh bhi baithega nahin। tum bhi jab dehi-abhimaani avastha mein nahin rehte ho to aankhen criminal rehti hain। civil tab banengi jab apne ko aatma samjhenge। dehi-abhimaani honge to phir tumko aankhen dhokha nahin dengi। dehi-abhimaani nahin to maaya dhokha deti rahegi isliye pahle to aatma-abhimaani banna hai। baba kehte hain apna chart dikhaao to maaloom pade। agar abhi tak jhooth, paap, gussa hai to apna hi satyaanaash karte ho। baba chart dekhkar samajh jaate hain ki yeh satya likha hai ya arth bhi nahin samjha hai। sab bachchon ko baba kehte hain - chart likho। jo bachche yog mein nahin rehte woh itni service bhi nahin kar sakte। jauhar nahin bharta hai। bhal baba kehte hain koton mein koi niklega, parantu jab tum khud hi yog mein nahin rehte to doosron ko phir kaise kahenge।

sannyaasi kehte hain sukh kaag vishta samaan hai। woh sukh ka naam hi nahin lete hain। tum jaante ho bhakti athaah hai, usmein kitni aavaaz hai, tumhaari knowledge to bahut shanti ki hai। bolo, shanti ka saagar to baap hi hai। apne ko aatma samajh baap ko yaad karna hai। baap kehte hain manamnaabhav। yeh akshar bhi nahin kaho। hindustaan ki hai hindi bhaasha। phir sanskrit doosri bhaasha kyon? ab in sab bhaashaaon ko chhodo। pahle tum bhaashan karo ki apne ko aatma samjho। bahut hain jo apne ko aatma bhi nahin samajh sakte, yaad nahin kar sakte। apne ghaate ko koi samajh na saken। kalyaan to hai hi baap ki yaad mein। aur koi satsang mein aise nahin kehte hain ki apne ko aatma samajh baap ko yaad karo। bachche kabhi baap ko ek jagah baith yaad karte hain kya! uthte-baithte baap ki yaad hai hi। aatma-abhimaani banne ki practice karni hai। tum bahut bolte ho, itna bolna nahin chaahiye। mool baat hai yaad ke yaatra ki। yog agni se hi tum paavan banenge। is samay sab duhkhi hain। sukh milta hi hai paavan banne se। tum aatma-abhimaani ho kisko samjhaayenge to unko teer lagega। koi khud vikaari hain aur kisko kahen nirvikaari bano to unko teer nahin lagega। baap kehte hain - bachche, tum khud yaad ki yaatra par nahin rehte isliye teer bhi nahin lagta।

ab baap kehte hain - beeti so beeti। pahle apne ko sudhaaro। dil se poochho - ham apne ko aatma samajh baap ko kitna yaad karte hain? jo baap hamko vishwa ka maalik banaate hain। ham shivbaaba ke bachche hain, to zaroor hamko vishwa ka maalik banna hai। vahi ek maashook aakar tumhaare saamne khada hua hai, to unke saath bahut lav hona chaahiye। lav maana yaad। shaadi hoti hai to stri ka pati ke saath kitna lav hota hai। tumhaari bhi sagaai hui hai, shaadi nahin। woh to jab vishnupuri mein jaayenge। pahle shivbaaba ke paas jaayenge phir sasur ghar jaayenge। sagaai ki khushi kam hoti hai kya! sagaai hui aur yaad pakki hui। satayug mein bhi sagaai hoti hai। parantu vahaan sagaai kab tootti nahin hai। akaale mrityu nahin hoti। yeh to yahaan hoti hai। tum bachchon ko bhi grihastha vyavhaar mein rehte pavitra banna hai। bhal bahut nazdeek bhi rehte hain phir bhi unnati nahin hoti hai। jo us lav se aate hain, unki bahut unnati hoti hai। yaad hi nahin to lav bhi nahin rehta। to unki shikshaaon ko bhi dhaaran nahin kar sakte।

bhagvaanuvaach - tum bachche sabko yahi paigaam do ki kaam mahaashatru hai jo aadi-madhya-ant duhkh deta hai। tum to pavitra satayug ke maalik the। abhi tum girkar gande ban pade ho। ab yeh antim janma phir se pavitra bano। kaam chita par baithne ka hathiyaala cancel karo। tum bachche jab yog mein bolenge tab kiski budvi mein baithega। gyaan talvaar mein yog ka jauhar chaahiye। pahli mukhya hai ek baat। bachche kehte hain - baba, ham bahut mehnat karte hain tab mushkil koi nikalta hai। baba kehte hain yog mein rahkar samjhaao। yaad ki yaatra ki mehnat karo। raavan se haarkar vikaari bane ho, ab nirvikaari bano। baap ki yaad se tumhaari sab manokaamnaayen poorn ho jaayengi। baba svarga ka maalik banaate hain। baba direction to bahut dete hain parantu bachche achhi tarah catch nahin karte hain, aur-aur baaton mein chale jaate hain। mukhya to baap ka paigaam do। parantu khud hi yaad nahin karenge to doosron ko kaise kahenge? thagi nahin chalegi। doosron ko kahe - vikaar mein nahin jaao, khud jaaye, to zaroor dil khaayegi। aise bhi thag hain isliye baba kehte hain mool baat hai hi alpha। alpha ko jaanne se tum sab-kuchh jaan jaayenge। alpha ko na jaanne se tum kuchh bhi samajh nahin sakenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) andarooni baap ke yaad ki khushi mein rahkar phir doosron ko baap ka parichay dena hai, sabko ek baap ki mahima sunaani hai।

2) aatma-abhimaani banne ki bahut practice karni hai, bahut bolna nahin hai। beeti so beeti kar pahle svayan ko sudhaarna hai। yaad ki yaatra ka sachcha chart rakhna hai।

vardaan:- brahman jeevan mein variety anubhootiyon dvaara ramneekta ka anubhav karne vaale sampanna aatma bhav

jeevan mein har manushya aatma ki pasandi variety hai। to saare din mein bhinna-bhinna sambandh, bhinna-bhinna swaroop ka variety anubhav karo, to bahut ramneek jeevan ka anubhav karenge। brahman jeevan bhagwan se sarva sambandh anubhav karne vaali sampanna jeevan hai isliye ek bhi sambandh ki kami nahin karna। agar koi chhota ya halka aatma ka sambandh mix ho gaya to sarva shabd samaapta ho jaayega। jahaan sarva hai vahaan hi sampannata hai isliye sarva sambandhon se smriti swaroop bano।

slogan:- baap samaan avyakt roopdhaari ban prakriti ke har drishya ko dekho to halchal mein nahin aayenge।