Murli du jour du mercredi 6 mars 2024

06-03-2024 praatahmurli om shanti "baapdaada"' madhuban

“meethe bachche - tumhaari ab vaanaprastha avastha hai kyonki tumhein vaani se pare ghar jaana hai isliye yaad mein rahkar paavan bano''

prashn:- oonchi manzil par pahunchne ke liye kis baat ki sambhaal zaroor rakhni hai?

uttar:- aankhon ki sambhaal karo, yahi bahut dhokhebaaj hain। criminal aankhen bahut nuksaan karti hain isliye jitna ho sake apne ko aatma samajh baap ko yaad karo। bhaai-bhaai ki drishti ka abhyaas karo। savere-savere uth ekaanta mein baith apne aapse baaten karo। bhagwan ka hukm hai - meethe bachche, kaam mahaashatru se khabardaar raho।

om shanti। meethe-meethe roohaani bachche yeh to samajh gaye hain kyonki yahaan samajhne vaale hi aa sakte hain। yahaan koi manushya nahin padhaate hain। yeh to bhagwan padhaate hain। bhagwan ki bhi pahchaan chaahiye। naam kitna bada hai bhagwan aur phir kehte hain naam roop se nyaara। ab hai bhi jaise practical mein nyaara। itni chhoti bindi hai, kehte bhi hain aatma star hai। jaise woh sitaare chhote to nahin hain। yeh aatma star to sach-sach chhoti hai। baap bhi bindi hai। baap to sada pavitra hai। unki mahima bhi hai gyaan ka saagar, shanti ka saagar…। ismen moonjhane ki koi baat nahin। mukhya baat hai paavan banne ki। vikaar par hi jhagda hota hai। paavan banne liye patit-paavan ko bulaate hain। to zaroor paavan banna pade na, ismen moonjhana nahin hai। jo kuchh past hua, vighna aadi pade, nai baat nahin hai। ablaaon par atyaachaar hone hain। aur satsangon mein yeh baaten nahin hoti hain। kahaan bhi hangaama nahin hota। yahaan hangaama khaas is baat par hi hota hai। baap paavan banaane aate hain to kitna hangaama hota hai। baap baith padhaate hain। baap kehte hain main aata bhi vaanaprastha avastha mein hoon। vaanaprastha avastha ka kaayda bhi yahaan se hi shuru hota hai। to vaanaprastha avastha vaale zaroor vaanaprastha mein hi rahenge। vaani se pare jaane ke liye baap ko poora yaad kar pavitra banna hai। pavitra banne ka tareeka to ek hi hai। vaapis jaana hai to pavitra zaroor banna hai। jaana to sabko hai। do-chaar ko to nahin jaana hai। saari patit duniya ko badli hona hai। is drama ka kisko bhi pata nahin hai। satayug se kaliyug tak yeh drama ka chakra hai। baap kehte hain apne ko aatma samajh baap ko yaad karna hai aur paavan bhi zaroor banna hai, tab hi tum shantidham aur sukhdhaam mein ja sakenge। gaayan bhi hai gati-sadgati daata ek hi hai। satayug mein bahut thode hote hain aur pavitra hote hain। kaliyug mein hain anek dharma aur apvitra ho padte hain। yeh to sahaj baat hai aur baap pahle se hi bata dete hain। baap to jaante hain ki hangaama hoga zaroor। na jaane to yuktiyaan kyon rachen ki chitthi le aao ki hamko gyaan amrit peene jaana hai। jaante hain yeh jhagda hone ki bhi drama mein noondh hai। aashcharyavat achhi tarah pahchaan kar gyaan lete, auron ko bhi gyaan dete phir bhi aho maaya, unhon ko tum apni taraph kheench leti ho। yeh sab drama mein noondh hai। is bhaavi ko koi taal nahin sakta hai। manushya sirf akshar kah dete hain parantu arth nahin samajhte hain। bachche, yeh bahut oonchi padhaai hai। aankhen aisi dhokhebaaj hain, baat mat poochho। tamopradhaan duniya hai, college mein bhi bahut kharaab ho padte hain। vilaayat ki to baat nahin poochho। satayug mein aisi baaten nahin hoti। vo log kah dete satayug ko laakhon varsha ho gaye hain। baap kehte hain kal tumko raajya bhaagya dekar gaye the, sab kuchh ganva diya hai। laukik mein bhi baap kehte hain itni tumko milkiyat di, sab ganva di। aise bhi bachche nikal padte hain jo dhak se milkiyat ko uda dete hain। behad ka baap bhi kehte hain main tumko kitna dhan dekar gaya, kitna tumko laayak vishwa ka maalik banaaya, ab drama anusaar tumhaara kya haal ho gaya hai! tum vahi mere bachche ho na। kitne tum dhanvaan the। yeh hai behad ki baat jo tum samjhaate ho। ek kahaani hai roz kehta tha sher aaya sher aaya। parantu sher aata nahin tha। ek din sach-sach sher aa gaya। tum bhi kehte ho maut aaya ki aaya to kehte hain yeh roz kehte hain vinaash to hota nahin hai। ab tum jaante ho ek din vinaash hona zaroor hai। unki phir kahaani bana di hai। behad ka baap kehte hain unhon ka dosh nahin hai। kalpa pahle bhi hua tha। 5 hajaar varsha ki baat hai। baba ne to bahut baar bola hai - yeh bhi tum likhte raho ki 5 hazaar varsha pahle bhi hoobhu aisa museum khola tha, bhaarat mein devi-devta dharma ki sthaapna karne। ekdam klayeer likho to aakar samjhen। baba aaya hua hai। baap ka varsa hai hi svarga ki baadshaahi। bhaarat svarga tha। pahle-pahle nai duniya mein naya bhaarat heaven tha। heaven so hell। yeh bahut bada behad ka drama hai, ismen sab paartadhaari hain। 84 janmon ka part bajaae ab phir ham vaapis jaate hain। pahle ham maalik the phir kangaal bane। ab phir baba ki mat par chalkar maalik bante hain। tum jaante ho ham shreemat par kalpa-kalpa bhaarat ko svarga banaate hain। paavan bhi zaroor banna hai। paavan banne kaaran atyaachaar hote hain। baba bachchon ko samjhaate to bahut hain phir baahar jaane se besmajh ban padte hain। aashcharyavat sunanti, kathanti, gyaan devanti, aho mam maaya, vaise ka vaisa ban jaate hain aur hi badtar। kaam vikaar mein phanse aur gire।

shivbaaba is bhaarat ko shivaalay banaate hain, to bachchon ko bhi purooshaartha karna chaahiye। yeh behad ka baba bahut meetha baba hai। agar sabko pata pad jaae to dher ki dher aa jaaen। padhaai chal na sake। padhaai mein to ekaanta chaahiye। subah ko kitni shanti rehti hai। ham apne ko aatma samajh baap ko yaad karte hain। yaad ke sivaae vikarma vinaash kaise honge? yahi phurna laga hua hai। ab patit kangaal ban pade hain phir paavan sirtaaj kaise banen। baap to bilkul sahaj baat samjhaate hain। hangaama to hoga। darne ki koi baat nahin। baap to bilkul saadhaaran hai। dress aadi sab vahi hai। kuchh bhi farka nahin। sannyaasi to phir bhi gharbaar chhod geru kaphni pahan lete hain, inki to vahi paharvaais hai। sirf baap ne pravesh kiya aur koi farka nahin। jaise baap bachchon ko pyaar se sambhaalte, paalan-poshan karte hain। vaise yeh bhi karte hain। koi ahankaar ki baat nahin hai। bilkul saadhaaran chalte hain। baaki rahne ke liye makaan to banaana pade। woh bhi saadhaaran। tumhein to behad ka baap padhaate hain। baap to chumbak hai। kam hai kya! bachchiyaan pavitra banti hain to bahut sukh milta hai, woh to kah dete koi shakti hai parantu shakti kisko kaha jaata hai, woh bhi samajhte nahin hain। sarvashaktimaan baap hai, woh sabko aisa banaate hain। parantu sab ek jaise to ban na saken। phir to features bhi ek jaise ho jaaen। pad bhi ek ho jaae। yeh to drama bana hua hai। 84 janmon mein tumko vahi 84 features milte hain jo kalpa pahle mile the। vahi features milte rahenge। ismen farka nahin ho sakta। kitni samajhne aur dhaaran karne ki baaten hain। vinaash to zaroor hona hai। vishwa mein shanti abhi to ho nahin sakti। aapas mein ladte rehte hain। maut to sir par khada hai। drama anusaar ek aadi sanaatan devi-devta dharma ki sthaapna, baaki dharmon ka vinaash hona hai। atomic bombs bhi banaate rehte hain। natural calamities bhi hogi। bade-bade patthar girenge jo sab makaan aadi toot padenge। kitna bhi majboot makaan banaaven, foundation pakka banaaven parantu rehna to kuchh bhi nahin hai। woh samajhte hain arth quake mein bhi gir na saken। parantu kehte hain kitna bhi karo, 100 manzil banaao parantu vinaash hona hai zaroor। yeh kuchh bhi rahenge nahin।

tum bachche yahaan aaye ho svarga ka varsa paane। vilaayat mein dekho kya laga pada hai। isko raavan ka pomp kaha jaata hai। maaya kehti hai - ham bhi kam nahin। vahaan to tumhaare heere-javaahron ke mahal hote hain। sone ki sab cheezen hongi। vahaan to doosra-teesra maada (manzil) banaane ki jaroorat nahin hai। jameen par bhi kharcha nahin lagta। sab kuchh maujood rehta hai। to bachchon ko bahut purooshaartha karna chaahiye। sabko paigaam dena hai। achhe-achhe pande ban bachche aate hain refresh hone ke liye। yeh bhi drama mein noondh hai। phir bhi aayenge। itne sab aaye hain, pata nahin in sabko phir dekhoonga va nahin? yeh sab thahar sakenge va nahin? aaye to dher ke dher, phir aashcharyavat bhaaganti ho gaye। likhte hain baba ham gir gaye। are, ki kamaai chat kar di! phir itna oonch chadh nahin sakte। yeh hai bade te badi avagya। vo log ordinance nikaalte hain - phalaane time par koi bhi baahar na nikle, nahin to shoot kar denge। baap bhi kehte hain vikaar mein jaayenge to shoot ho jaayenge। bhagwan ka hukm hai na - khabardaar rehna। aajkal gas aadi ki aisi cheejen nikaali hain jo manushya baithe-baithe phat se khalaas ho jaayen। yeh sab drama mein noondh hai kyonki pichhaadi mein hospital aadi rahenge nahin। jhat aatma ek shareer chhod doosra leti hai। duhkh-klesh aadi sab chhoot jaata hai। vahaan klesh aadi hota hi nahin। aatma svatantra hai। jis samay par aayu poori hoti hai to shareer chhod deti hai। vahaan kaal hota nahin। raavan hi nahin to kaal phir kahaan se aayega। yeh raavan ke doot hain, bhagwan ke nahin। bhagwan ke bachche to bahut pyaare hain। baap kabhi bachchon ka duhkh sahan kar na sake। drama anusaar kalpa ka 3 hissa tum sukh paate ho। baap jo itna sukh dete hain to unki shreemat par chalna chaahiye। yeh antim janma hai, baap kehte hain grihastha vyavhaar mein rah antim janma mein pavitra banna hai। baap ki yaad se hi vikarma vinaash honge। janma-janmaantar ke paap sir par hain। tamopradhaan se satopradhaan zaroor banna hai। baap hai sarvashaktimaan authority। jo bhi shaastra aadi padhte hain, unko authority kehte hain। ab baap kehte hain sabki authority main hoon। main in brahma dvaara sab shaastron ka saar aakar sunaata hoon। apne ko aatma samajh mujhe yaad karo to paap vinaash honge। baaki paani mein snaan karne se paavan kaise honge! kahaan chullu paani (thoda-sa paani) hoga to unko bhi teertha samajh jhat snaan karenge। isko kaha jaata hai tamopradhaan nishchay। yeh tumhaara hai satopradhaan nishchay। baap samjhaate hain ismen darne ki baat hi nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bhagwan ne jo pavitra banne ka hukm diya hai, uski kabhi bhi avagya nahin karni hai। bahut-bahut khabardaar rehna hai। baapdaada donon ki paalna ka return pavitra bankar dikhaana hai।

2) drama ki bhaavi atal bani hui hai, use jaankar sada nishchint rehna hai। vinaash ke pahle sabko baap ka paigaam pahunchaana hai।

vardaan:- gyaan amrit se pyaasi aatmaon ki pyaas bujhaakar tripta karne vaali mahaan punya aatma bhav

kisi pyaase ki pyaas bujhaana yeh mahaan punya hai। jaise paani na mile to pyaas se tadaphte hain aise gyaan amrit na milne se aatmaayen duhkh ashaanti mein tadaph rahi hain to unko gyaan amrit dekar pyaas bujhaane vaale bano। jaise bhojan khaane ke liye phursat nikaalte ho kyonki aavashyak hai, aise yeh punya ka kaarya karna bhi aavashyak hai। isliye yeh chance lena hai, samay nikaalna hai - tab kahenge mahaan punya aatma।

slogan:- beeti ko bindi lagaakar himmat se aage badho to baap ki madad milti rahegi।