Murli du jour du jeudi 21 mars 2024

21-03-2024 praatahmurli om shanti "baapdaada"' madhuban

“meethe bachche - antarmukhi ho yaad ka abhyaas karo, check karo ki aatma-abhimaani aur parmaatma-abhimaani kitna samay rehte hain''

prashn:- jo bachche ekaanta mein jaakar aatma-abhimaani banne ki practice karte hain unki nishaani kya hogi?

uttar:- unke mukh se kabhi ulta-sulta bol nahin niklega। 2-bhaai-bhaai ka aapas mein bahut lav hoga। sada ksheer-khanda hokar rahenge। 3-dhaarna bahut achhi hogi। unse koi vikarma nahin hoga। 4-unki drishti bahut meethi hogi। kabhi deh-abhimaan nahin aayega। 5-koi ko bhi duhkh nahin denge।

om shanti। roohaani bachchon prati, sirf rooh kahenge to phir jeev nikal jaata hai isliye roohaani bachchon prati roohaani baap samjhaate hain - apne ko aatma samajhna hai। ham aatmaon ko baap se yeh knowledge milti hai। bachchon ko dehi-abhimaani ho rehna hai। baap aaye hi hain bachchon ko le jaane liye। bhal satayug mein tum aatma-abhimaani bante ho parantu parmaatma-abhimaani nahin। yahaan tum aatma-abhimaani bhi bante ho to parmaatma-abhimaani bhi arthaat ham baap ki santaan hain। yahaan aur vahaan mein bahut farka hai। yahaan hai padhaai, vahaan padhne ki baat nahin। yahaan har ek apne ko aatma samajhta hai aur baba hamko padhaate hain, is nishchay mein rahkar sunenge to dhaarna bahut achhi hogi। aatma-abhimaani bante jaayenge। is avastha mein tikne ki manzil bahut badi hai। sunne mein bahut sahaj lagta hai। bachchon ko yahi anubhav sunaana hai ki ham kaise apne ko aatma aur doosre ko bhi aatma samajh baat karte hain। baap kehte hain main bhal is shareer mein hoon parantu meri yeh asul ki practice hai। main bachchon ko aatma hi samajhta hoon। aatma ko padhaata hoon। bhakti maarga mein bhi aatma part bajaati aai hai। part bajaate-bajaate patit bani hai। ab phir aatma ko pavitra banna hai। so jab tak baap ko paramatma samajhkar yaad nahin karenge to pavitra kaise banenge। is par bachchon ko bahut antarmukhi ho yaad ka abhyaas karna hai। knowledge sahaj hai। baaki yeh nishchay pakka rahe ki ham aatma padhte hain, baba hamko padhaate hain, to dhaarna bhi hogi aur koi vikarma nahin hoga। aise nahin, is samay hamse koi vikarma nahin hota hai। vikarmaajeet to ant mein banenge। bhaai-bhaai ki drishti bahut meethi rehti hai। ismen kabhi deh-abhimaan nahin aayega। bachche samajhte hain baap ki knowledge badi deep hai। agar oonch te oonch banna hai to yeh practice achhi reeti karni pade। is par gaur karna pade। antarmukhi hone ke liye ekaanta bhi chaahiye। yahaan jaisa ekaanta ghar mein dhandhedhori mein to mil na sake। yahaan tum yeh practice bahut achhi kar sakte ho। aatma ko hi dekhna pade। apne ko bhi aatma samajhna hai yeh practice yahaan karne se aadat pad jaayegi। phir apna chart bhi rakhna chaahiye - kahaan tak aatma-abhimaani bane hain? aatma ko hi ham sunaate hain, unse hi baat-cheet karte hain। yeh practice bahut achhi chaahiye। bachche samajhte honge yeh baat to theek hai। deh-abhimaan nikal jaae aur ham aatma-abhimaani ban jaaen, dhaarna karte aur karaate jaaen। koshish kar apne ko aatma samajh baap ko yaad karna - yeh chart bada deep hai। bade-bade mahaarthi bhi samajhte honge - baba jo din-pratidin subject dete hain vichaar saagar manthan karne ke liye, yeh to bahut badi points hain। phir kabhi bhi mukh se koi ulta-sulta akshar nahin niklega। bhaaiyon-bhaaiyon ka aapas mein bahut love ho jaayega। ham sab eeshvar ki santaan hain। baap ki mahima ko to jaante hi ho। shreekrishna ki mahima alag, unko kehte hain sarvagun sampanna… parantu shreekrishna ke paas gun kahaan se aaye? bhal unki mahima alag hai, parantu sarvagun sampanna bana to gyaan saagar baap se hi hai na। to apni jaanch bahut rakhni hai, qadam-qadam par poora potaamel nikaalna hai। vyaapaari log saare din ki muraadi raat ko sambhaalte hain। tumhaara bhi vyaapaar hai na। raatri ko jaanch karni hai ki hamne sabko bhaai-bhaai samajhkar baat ki? koi ko bhi duhkh to nahin diya? kyonki tum jaante ho ham sab bhaai ksheer saagar ki taraph ja rahe hain। yeh hai vishay saagar। tum abhi na raavan raajya mein ho, na raam raajya mein ho। tum beech mein ho to apne ko aatma samajh baap ko yaad karna hai। dekhna hai kahaan tak hamaari woh bhaai-bhaai ke drishti ki avastha rahi? ham sab aatmaayen aapas mein bhaai-bhaai hain, ham is shareer se part bajaate hain। aatma avinaashi hai, shareer vinaashi hai, hamne 84 janmon ka part bajaaya hai। ab baap aaye hain, kehte hain maamekam yaad karo, apne ko aatma samjho। aatma samajhne se bhaai-bhaai ho jaate hain। yeh baap hi samjhaate hain। baap ke sivaae aur koi ka part hi nahin। prerna aadi ki baat nahin। jaise teacher baith samjhaate hain, vaise baap bachchon ko samjhaate hain। yeh vichaar karne ki baat hai, ismen samay bhi dena padta hai। baap ne dhandha aadi karne ke liye to kah diya hai lekin yaad ki yaatra bhi zaroori hai। uske liye bhi time nikaalna chaahiye। service bhi sabki bhinna-bhinna hai। koi bahut time nikaal sakte hain। magazine mein bhi yukti se likhna hai ki yahaan aise baap ko yaad karna hota hai। ek-do ko bhaai-bhaai samajhna hota hai।

baap aakar sabhi aatmaon ko padhaate hain। aatma mein daiveegunon ke sanskaar abhi bharne hain। manushya poochhte hain bhaarat ka praacheen yog kya hai? tum samjha sakte ho parantu tum abhi bahut thode ho, tumhaara naam nikla nahin hai। eeshvar yog sikhlaate hain। zaroor unke bachche bhi honge। woh bhi jaante honge yeh kisko bhi pata nahin hai। niraakaar baap kaise aakar padhaate hain, woh khud hi samjhaate hain main kalpa-kalpa sangamayug par aakar khud bataata hoon ki main aise aata hoon। kiske tan mein aata hoon, ismen moonjhane ki baat nahin। yeh bana-banaaya drama hai। ek mein hi aata hoon। prajaapita brahma dvaara sthaapna। woh murabbi bachcha pahle-pahle bante hain। aadi sanaatan devi-devta dharma sthaapan karte hain। phir vahi pahle number mein aate hain। is chitra par samjhaani bahut achhi hai। brahma so vishnu, vishnu so brahma kaise bante hain - yeh aur koi samjha na sake। samjhaane ki yukti chaahiye। abhi tum jaante ho baba kaise devta dharma ki sthaapna kar rahe hain, kaise chakra phirta hai, in baaton ko aur koi jaan na sake। to baap kehte hain aise-aise yukti se likho। yathaartha yog kaun sikhla sakte hain - yeh maaloom pad jaae to tumhaare paas dher aa jaayen। itne bade aashram jo hain, sab hilne lag padenge। yeh pichhaadi ko hona hai, phir wonder khaayenge ki itni sab sansthaayen bhakti maarga ki hain, gyaan maarga ki ek bhi nahin, tab hi tumhaari vijay hogi। yeh bhi tum jaante ho har 5 hazaar varsha ke baad baap aate hain। baap dvaara tum seekh rahe ho, auron ko sikhlaate ho। kaise kisko likhat mein samjhaana hai - yeh sab kalpa-kalpa yuktiyaan nikalti hain, jo bahuton ko pata pad jaata hai। sivaae baap ke ek dharma ki sthaapna koi kar nahin sakta। tum jaante ho - us taraph hai raavan, is taraph hai raam। raavan par tum jeet paate ho। woh sab hain raavan sampradaay। tum eeshvareey sampradaay bahut thode ho। bhakti ka kitna show hai। jahaan-jahaan paani hai, vahaan mela lagta hai। kitna kharcha karte hain। kitne doobte marte hain। yahaan to aisi baat nahin। phir bhi baap kehte hain aashcharyavat mere ko pahchaananti, sunanti, sunaavanti, pavitra rahanti phir bhi aho maaya tere dvaara haar khaavanti। kalpa-kalpa aise hota hai। haar khaavanti bhi hote hain। maaya ke saath yuddha hai। maaya ka bhi prabhaav hai। bhakti ko to hilna hi hai। aadha kalpa tum praalabdha bhogte ho phir raavan raajya se bhakti shuru hoti hai। unki nishaaniyaan bhi kaayam hain, vikaar mein jaate hain phir devta to rahe nahin। kaise vikaari bante hain, yeh duniya mein koi jaante nahin। shaastron mein likh diya hain vaam maarga mein gaye। kab gaye - yeh nahin samajhte hain। yeh sab baaten achhi reeti samajhne aur samjhaane ki hain। yeh bhi tab samjhen jab nishchaybuddhi hon। unki kashish hogi, kahenge aise baap se hamko milaao। parantu pahle dekho ghar jaane ke baad woh nasha rehta hai? nishchay buddhi rehte hain? bhal yaad sataave, chitthi likhte rahen, aap hamaare sachche baba ho, aap se ooncha varsa milta hai, aap se milne bigar ham rah nahin sakte। sagaai ke baad milna hota hai। sagaai ke baad tadaphte hain। tum jaante ho hamaara behad ka baap teacher saajan aadi sab kuchh hai। aur sabse duhkh mila, unki evaj mein baap sukh dete hain। vahaan bhi sab sukh dete hain। is samay tum sukh ke sambandh mein bandh rahe ho।

yeh purooshottam banne ka purooshottam yug hai। mool baat hai - apne ko aatma samajhna hai, baap ko pyaar se yaad karna hai। yaad se khushi ka paara chadhega। hamne sabse jaasti bhakti ki hai। dhakke bahut khaaye। ab baap aaya hai vaapis le jaane to zaroor pavitra banna hai। daiveegun dhaaran karne hain। potaamel rakhna hai - saare din mein kitne ko baap ka parichay diya? baap ka parichay dene bigar sukh nahin aata, tadphan lag jaati hai। yagya mein bahut vighna bhi padte hain, maaren khaate hain। aur koi satsang nahin jahaan pavitrata ki baat ho। yahaan tum pavitra bante ho to asur log vighna daalte hain। paavan bankar ghar jaana hai। sanskaar aatma le jaati hai। kehte hain yuddha ke maidaan mein marenge to svarga mein jaayenge isliye khushi se ladaai mein jaate hain। tumhaare paas commander, major, sipaahi aadi kahaan-kahaan se aate hain। svarga mein kaise jaayenge? ladaai ke maidaan mein mitra-sambandhi yaad aate hain। ab baap samjhaate hain sabko vaapis jaana hai। apne ko aatma samjho, bhaai-bhaai samjho। baap ko yaad karo। jo jitna purooshaartha karenge utna oonch pad paayenge। vo log kehte hain ham bhaai-bhaai hain। parantu arth nahin jaante। baap ko hi nahin jaante।

log samajhte hain ham nishkaam seva karte hain। hamko phal ki ichchha nahin। parantu phal to zaroor milna hai। nishkaam seva to ek baap hi karte hain। bachche jaante hain baap ki kitni glaani ki hai। devtaaon ki bhi glaani ki hai। ab devtaayen kisi ki hinsa to kar nahin sakte। yahaan to tum double ahinsak bante ho। na kaam kataari chalaana, na krodh karna। krodh bhi bada vikaar hai। kehte hain bachchon par bahut krodh kiya। baap samjhaate hain thappad aadi kabhi nahin maarna। woh bhi bhaai hai, unmein bhi aatma hai। aatma chhoti-badi nahin hoti hai। yeh bachcha nahin parantu tumhaara chhota bhaai hai। aatma samajhna hai। chhote bhaai ko maarna nahin chaahiye isliye shreekrishna ke liye dikhaate hain okhri se baandha। vaastav mein aisi baaten hain nahin। yeh bhinna-bhinna shikshaayen hain। baaki shreekrishna ko kya parvaah padi hai maakhan ki। woh mahima bhi karte hain ulti chori ki। tum mahima karenge sulti, tum kahenge woh to sarvagun sampanna, 16 kala sampoorn hai। parantu yeh glaani ki bhi drama mein noondh hai। abhi sab tamopradhaan ban pade hain। baap aakar satopradhaan banaate hain। padhaane vaala hai behad ka baap। unki mat par chalna pade। difficult se difficult yeh subject hai। pad bhi tum kitna oonch paate ho। agar sahaj ho to sab is imtahaan mein lag jaayen। ismen badi mehnat hai। deh-abhimaan aane se vikarma ban jaayenge isliye chhui-mui ka drishtaanta hai। baap ko yaad karne se tum khade ho jaayenge। bhoolne se kuchh na kuchh bhool ho jaayegi। pad bhi kam ho padta hai। shiksha to sabko di hai, jiski baad mein geeta banaai hai। garood puraan mein rochak baaten likhi hain, jo manushyon ko dar lage। raavan raajya mein paap to hote hi hain kyonki hai hi kaanton ka jangal। baap kehte hain drishti ko bhi badalna hai। bahut samay se hire hue hain isliye shareer ki taraph pyaar chala jaata hai। vinaashi cheez se pyaar rakhne se faayda hi kya? avinaashi se pyaar rakhne mein avinaashi ban jaata hai। bachchon ko yahi direction hai - uthte-baithte chalte-phirte baap ko yaad karo। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shareer vinaashi hai, usse pyaar nikaal avinaashi aatma se pyaar rakhna hai। avinaashi baap ko yaad karna hai। aatma bhaai-bhaai hai, ham bhaai se baat karte hain - yeh abhyaas karna hai।

2) vichaar saagar manthan kar apni aisi avastha banaani hai jo mukh se kabhi koi ulta-sulta bol na nikle। qadam-qadam par apna potaamel check karna hai।

vardaan:- nimitta aur nirmaan bhaav se seva karne vaale shreshtha saphaltaamoorta bhav

sevaadhaari arthaat sada baap samaan nimitta banne aur nirmaan rahne vaale। nirmaanta hi shreshtha saphalta ka saadhan hai। kisi bhi seva mein saphalta praapta karne ke liye namrata bhaav aur nimitta bhaav dhaaran karo, isse seva mein sada mauj ka anubhav karenge। seva mein kabhi thakaavat nahin hogi। koi bhi seva mile lekin in do visheshtaaon se saphalta ko paate saphalta swaroop ban jaayenge।

slogan:- second mein videhi banne ka abhyaas ho to sooryavanshi mein aa jaayenge।