Murli du jour du vendredi 5 avril 2024

05-04-2024 praatahmurli om shanti "baapdaada"' madhuban

“meethe bachche - baap ko pyaar se yaad karo to tum nihaal ho jaayenge, nazar se nihaal hona maana vishwa ka maalik banna''

prashn:- nazar se nihaal keenda svaami satguru… iska vaastavik arth kya hai?

uttar:- aatma ko baap dvaara jab teesri aankh milti hai aur us aankh se baap ko pahchaan leti hai to nihaal ho jaati arthaat sadgati mil jaati hai। baba kehte - bachche, dehi-abhimaani ban tum mere se nazar lagaao arthaat mujhe yaad karo, aur sang tod ek mere sang jodo to behaal arthaat kangaal se nihaal arthaat saahookaar ban jaayenge।

om shanti। meethe-meethe roohaani bachche kiske paas aate hain? roohaani baap ke paas। samajhte ho ham shivbaaba ke paas jaate hain। yeh bhi jaante hain shivbaaba sab aatmaon ka baap hai। yeh bhi bachchon ko nishchay chaahiye ki woh supreme teacher bhi hai to supreme guru bhi hai। supreme ko param kaha jaata hai। us ek ko hi yaad karna hai। nazar se nazar milaate hain। gaayan hai nazar se nihaal keenda svaami satguru। unka arth chaahiye। nazar se nihaal kisko? zaroor saari duniya ke liye kahenge kyonki sarva ka sadgati daata hai। sarva ko is patit duniya se le jaane vaala hai। ab nazar kiski? kya yeh aankhen? nahin, teesri aankh milti hai gyaan ki। jisse aatma jaanti hai yeh ham sabhi aatmaon ka baap hai। baap aatmaon ko raay dete hain ki mujhe yaad karo। baap aatmaon ko samjhaate hain। aatmaayen hi patit tamopradhaan bani hain। ab yeh tumhaara 84vaan janma hai, yeh naatak poora hota hai। poora hona bhi chaahiye zaroor। har kalpa puraani duniya se nai banti hai। nai so phir puraani hoti hai। naam bhi alag hai। nai duniya ka naam hai satayug। baap ne samjhaaya hai pahle tum satayug mein the, phir punarjanma lete 84 janma bitaaye। ab tumhaari aatma tamopradhaan ban gai hai। baap ko yaad karenge to nihaal ho jaayenge। baap sammukh kehte hain mujhe yaad karo, main kaun? parampita paramatma। baap kehte hain - bachche, dehi-abhimaani bano, deh-abhimaani nahin bano। aatma-abhimaani ban tum mere mein nazar lagaao to tum nihaal ho jaayenge। baap ko yaad karte raho, ismen koi takleeph nahin। aatma hi padhti hai, part bajaati hai। kitni chhoti hai। jab yahaan aate hain to 84 janmon ka part bajaate hain। phir vahi part repeat karna hai। 84 janmon ka part bajaate aatma patit ban padi hai। ab aatma mein kuchh bhi dam nahin raha hai। ab aatma nihaal nahin, behaal arthaat kangaal hai। phir nihaal kaise bane? yeh akshar bhakti maarga ke hain, jis par baap samjhaate hain। ved, shaastra, chitron aadi par bhi samjhaate hain। tumne yeh chitra shreemat par banaaye hain। aasuri mat par to anek dher ke dher chitra banaaye hain। unka koi occupation nahin। yahaan to baap aakar bachchon ko padhaate hain। bhagvaanuvaach hai to unki knowledge ho gai। student jaante hain yeh phalaana teacher hai। yahaan tum bachche jaante ho ki behad ka baap ek hi baar aakar aisi wonderful padhaai padhaate hain। is padhaai aur us padhaai mein raat-din ka farka hai। woh padhaai padhte-padhte raat pad jaati hai, is padhaai se din mein chale jaate hain। woh padhaaeeyaan to janma-janmaantar padhte aaye। ismen to baap saaph batlaate hain ki aatma jab pavitra hogi tab dhaarna hogi। kehte hain sherni ka doodh sone ke bartan mein hi thaharta hai। tum bachche samajhte ho, ham ab sone ka bartan ban rahe hain। honge to manushya hi parantu aatma ko sampoorn pavitra banna hai। 24 carat tha, abhi 9 carat ho gaya hai। aatma ki jyoti jo jagi hui thi woh ab bujh gai hai। jyoti jagi hui aur bujhi hui vaalon mein bhi farka hai। jyoti kaise jagi aur pad kaise paaya - yeh baap hi samjhaate hain। baap kehte hain mujhe yaad karo। jo mujhe achhi tarah yaad karenge main bhi unko achhi tarah yaad karunga। yeh bhi bachche jaante hain nazar se nihaal karne vaala ek baap hi svaami hai। inki aatma bhi nihaal hoti hai। tum sab parvaane ho, unko shama kehte hain। koi parvaane sirf pheri pahanne aate hain। koi achhi tarah pahchaan lete hain to jeete ji mar jaate hain। koi pheri pahan chale jaate hain, phir kabhi-kabhi aate hain, phir chale jaate hain। is sangam ka hi saara gaayan hai। is samay jo kuchh chalta hai unke hi shaastra bante hain। baap ek hi baar aakar varsa dekar chale jaate hain। behad ka baap zaroor behad ka varsa denge। gaayan bhi hai 21 peedhi। satayug mein varsa kaun dete hain? bhagwan rachayita hi aadhaakalpa ke liye varsa dete hain rachna ko। yaad bhi sab unko karte hain। woh baap bhi hai to teacher bhi hai, svaami, satguru bhi hai। bhal tum aur kisko bhi svaami satguru kehte honge। parantu sat ek hi baap hai। truth hamesha hi baap ko kaha jaata hai। woh truth kya aakar karte hain? vahi puraani duniya ko sachkhanda bana dete hain। sachkhanda ke liye ham purooshaartha kar rahe hain। jab sachkhanda tha to aur sab khanda nahin the। yeh sab peechhe aate hain। sachkhanda ka kisko bhi pata hi nahin। baaki jo ab khanda hain unka to sabko maaloom hai। apne-apne dharma sthaapak ko jaante hain। baaki sooryavanshi, chandravanshi aur is sangamayugi brahman kul ko koi jaante nahin hain। prajaapita brahma ko maante hain, kehte hain ham brahman brahma ki aulaad hain, parantu woh hain kukh vanshaavli, tum ho mukh vanshaavli। woh hain apvitra, tum mukh vanshaavli ho pavitra। tum mukh-vanshaavli ban phir chhi-chhi duniya raavan raajya se chale jaate ho। vahaan raavan raajya hota nahin। ab tum chalte ho nai duniya mein। unko kehte hain viceless world। world hi nai aur puraani hoti hai। kaise hoti hai yeh bhi tum jaan gaye ho। doosra to koi ki buddhi mein nahin hai। laakhon varsha ki baat ko koi jaan bhi na sake। yeh to thode samay ki baat hai। yeh baap baith bachchon ko samjhaate hain।

baap kehte hain main aata hi tab hoon jab khaas bhaarat mein dharma glaani hoti hai। doosri jagah to kisko pata hi nahin ki niraakaar paramatma kya cheez hai। bada-bada ling banaakar rakh diya hai। bachchon ko samjhaaya hai - aatma ka size kabhi chhota-bada nahin hota hai। jaise aatma avinaashi hai, vaise baap bhi avinaashi hai। woh hai supreme aatma। supreme maana woh sadaiv pavitra aur nirvikaari hai। tum aatmaayen bhi nirvikaari thi, duniya bhi nirvikaari thi। unko kaha hi jaata hai sampoorn nirvikaari, nai duniya phir zaroor puraani hoti hai। kala kam hoti jaati hai। do kala kam chandravanshi raajya tha phir duniya puraani banti jaati hai। peechhe aur-aur khanda aate jaate hain। unko kaha jaata hai by-plot, parantu mixup ho jaate hain। drama plan anusaar jo kuchh hota hai woh phir repeat hoga। jaise bauddhiyon ka koi bada aaya, kitnon ko bauddha dharma mein le gaya। dharma ko badla diya। hinduon ne apna dharma aapehi badla hai kyonki karma bhrashta hone se dharma bhrashta bhi ho pade hain। vaam maarga mein chale gaye hain। jagannaath ke mandir mein bhi bhal gaye honge, parantu koi ka kuchh khyaal nahin chalta। khud vikaari hain to unhon ko bhi vikaari dikha diya hai। yeh nahin samajhte ki devtaayen jab vaam-maarga mein gaye hain, tab aise bane hain। us samay ke hi yeh chitra hain। devta naam to bada achha hai। hindu to hindustaan ka naam hai। phir apne ko hindu kah diya hai। kitni bhool hai isliye baap kehte hain yada yadaahi dharmasya… baba bhaarat mein aate hain। aise to nahin kehte - main hindustaan mein aata hoon। yeh hai bhaarat, hindustaan va hindu dharma hai nahin। musalmaanon ne hindustaan naam rakha hai। yeh bhi drama mein noondh hai। achhi reeti samajhna chaahiye। yeh bhi knowledge hai। punarjanma lete-lete vaam maarga mein aate-aate bhrashtaachaari ban padte hain, phir unhon ke aage jaakar kehte hain, aap sampoorn nirvikaari ho। ham vikaari paapi hain aur koi khanda vaale aise nahin kahenge। ham neech hain athva hamaare mein koi gun nahin hain। aise kehte kabhi suna nahin hoga। sikkha log bhi granth ke aage baithte hain parantu aise kabhi nahin kehte ki naanak, tum nirvikaari, ham vikaari। naanak panthi kangan lagaate hain, woh hai nirvikaareepne ki nishaani। parantu vikaar bigar rah nahin sakte hain। jhoothi nishaaniyaan rakh di hain। jaise hindu log janeu pahante hain, pavitrata ki nishaani hai। aajkal to dharma ko bhi nahin maante। is samay bhakti maarga chal raha hai। inko kaha jaata hai bhakti cult। gyaan cult satayug mein hai। satayug mein devtaayen hain sampoorn nirvikaari। kaliyug mein sampoorn nirvikaari koi ho na sake। pravritti maarga vaalon ki sthaapna to baap hi karte hain। baaki sab guru hain nivritti maarga vaale, unse unhon ka jor jaasti ho gaya hai। baap kehte hain yeh jo kuchh tumne padha hai, unse main nahin milta hoon। main jab aata hoon to sabko nazar se nihaal kar deta hoon। gaayan bhi hai nazar se nihaal keenda svaami satguru.... yahaan tum kyon aaye ho? nihaal banne। vishwa ka maalik banne। baap ko yaad karo to nihaal ban jaayenge। aise kabhi koi kahenge nahin ki aisa karne se tum yeh ban jaayenge। baap hi kehte hain tumko yeh banna hai। yeh lakshmi-naaraayan kaise bane? koi ko maaloom nahin hai। tum bachchon ko baap sab kuchh bataate hain, yahi 84 janma le patit bane phir tumko yeh banaane aaya hoon।

baap apna parichay bhi dete hain to nazar se nihaal bhi karte hain। yeh kiske liye kehte hain? ek satguru ke liye। woh guru log to dher hain aur maataayen ablaayen hain bholi। tum sab bhi bholaanaath ke bachche ho। shankar ke liye kaha hai aankh kholi vinaash ho gaya। yeh bhi paap ho jaaye। baap kabhi aise kaam ke liye direction nahin dete hain। vinaash to koi aur cheezon se hoga na। baap aise direction nahin dete। yeh to sab science nikaalte rehte hain, samajhte hain ham apne kul ka aapehi vinaash karte hain। woh bhi baandhe hue hain। chhod nahin sakte। naam kitna hota hai। moon mein jaate hain parantu phaayda kuchh bhi nahin।

meethe-meethe bachche, tum bhi baap se nazar lagaao athva he aatma, apne baap ko yaad karo to nihaal ho jaayenge। baba kehte hain - jo mujhe yaad karte hain, mere liye service karte hain, main bhi unko yaad karta hoon to unko bal milta hai। tum yahaan sab baithe ho, jo nihaal ho jaayenge vahi raaja banenge। gaayan bhi hai aur sang tod ek sang jodoon। ek hai niraakaar। aatma bhi niraakaar hai। baap kehte hain mujhe yaad karo। tum khud kehte ho he patit-paavan.... yeh kisko kaha? brahma ko, vishnu ko, shankar ko? nahin। patit-paavan to ek hai, woh sadaiv paavan hi hai। unko kaha jaata hai sarvashaktimaan। baap hi srishti ke aadi-madhya-ant ki knowledge sunaate hain aur sab shaastron ko jaante hain। woh sannyaasi shaastra aadi padhkar title lete hain। baap ko to pahle hi title mila hua hai। unko padhkar thode hi lena hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shama par jeete ji marne vaala parvaana banna hai, sirf pheri lagaane vaala nahin। eeshvareey padhaai ko dhaaran karne ke liye buddhi ko sampoorn paavan banaana hai।

2) aur sab sang tod ek baap ke sang mein rehna hai। ek ki yaad se svayan ko nihaal karna hai।

vardaan:- dil ki mahsoosta se dilaaraam ki aasheervaad praapta karne vaale sva parivartak bhav

sva ko parivartan karne ke liye do baaton ki mahsoosta sachche dil se chaahiye 1- apni kamjori ki mahsoosta 2- jo paristhiti va vyakti nimitta bante hain unki ichchha aur unke man ki bhaavna ki mahsoosta। paristhiti ke paper ke kaaran ko jaan svayan ko paas hone ke shreshtha swaroop ki mahsoosta ho ki svasthiti shreshtha hai, paristhiti paper hai - yeh mahsoosta sahaj parivartan kara legi aur sachche dil se mahsoos kiya to dilaaraam ki aasheervaad praapta hogi।

slogan:- vaaris woh hai jo ever ready ban har kaarya mein ji hajoor haajir kehta hai।