Murli du jour du lundi 6 mai 2024

06-05-2024 praatahmurli om shanti "baapdaada"' madhuban

“meethe bachche - is janma ke paapon se halka hone ke liye baap ko sach-sach sunaao aur pichhle janmon ke vikarmon ko yog agni se samaapta karo''

prashn:- khudaai khidmatgaar banne ke liye kaun-si ek chinta (phurna) chaahiye?

uttar:- humein yaad ki yaatra mein rahkar paavan zaroor banna hai। paavan banne ka phurna chaahiye। yahi mukhya subject hai। jo bachche paavan bante hain vahi baap ke khidmatgaar ban sakte। baap akela kya karega isliye bachchon ko shreemat par apne hi yogbal se vishwa ko paavan banaakar paavan raajdhaani banaani hai। pahle svayan ko paavan banaana hai।

om shanti। yeh to zaroor bachche samajhte hain ham baba ke paas jaate hain refresh hone ke liye। vahaan centres par jab jaate hain to aise nahin samajh sakte। tum bachchon ki buddhi mein hai baba madhuban mein hai। baap ki murli chalti hi hai bachchon ke liye। bachche samjhenge ham jaate hain madhuban mein murli sunne। murli akshar shreekrishna ke liye samajh liya hai। murli ka arth koi aur nahin hai। tum bachchon ko ab achhi tarah se samajh aai hai na। baap ne samjhaaya hai aur tum feel karte ho, barobar ham bahut besmajh ban pade the। aise koi bhi apne ko samajhte nahin hain। yahaan jab aate hain tab nishchaybuddhi hote hain। barobar ham bahut besmajh ban gaye the। tum satayug mein kitne samajhdaar, vishwa ke maalik the। koi moorkha thode hi vishwa ke maalik ban sakte hain। yeh lakshmi-naaraayan vishwa ke maalik the, itne samajhdaar the tab to bhakti maarga mein pooje jaate hain। jad chitra kuchh bol to nahin sakte। shivbaaba ki pooja karte hain woh kuchh bolte hain kya! shivbaaba ek hi baar aakar bolte hain। pooja karne vaalon ko bhi pata nahin hai ki yeh gyaan sunaane vaala baap hai। shreekrishna ke liye samajhte hain usne murli bajaai। jiski pooja karte unke occupation ko bilkul nahin jaante। to yeh pooja aadi nishphal hi ho jaayegi, jab tak baap aaye। tum bachchon mein kaiyon ne ved-shaastra aadi kuchh bhi padhe nahin hai। ab tumhein ek satya baap padha rahe hain। tum samajhte ho barobar sachcha padhaane vaala ek hi baap hai। baap ko kaha hi jaata hai satya। nar se naaraayan banne ki sachchi katha sunaate hain। arth to theek hai। satya baap aate hain, ab nar se naaraayan banna hai to zaroor satayug sthaapan karenge na। puraani duniya kaliyug thode hi banegi। katha sunne samay yeh koi ko buddhi mein nahin hota hai ki ham nar se naaraayan banenge। abhi tumko nar se naaraayan banne ka raajayog sikhlaate hain। yeh bhi koi nai baat nahin। baap kehte hain main kalpa-kalpa aakar samjhaata hoon। yuge-yuge kaise aaoonga! brahma ka chitra dikhaakar tum samjha sakte ho, yeh rath hai। yeh hai bahut janmon ke ant ka janma, patit। ab yeh bhi paavan bante hain। ham bhi bante hain। sivaae yogbal ke koi paavan ban nahin sakta। vikarma vinaash ho na sake। paani mein snaan karne se koi paavan nahin bante। yeh hai yog agni। paani hota hai aag ko bujhaane vaala। aag hoti hai jalaane vaali। to paani koi aag to nahin hai, jisse vikarma vinaash ho। sabse jyaada guru aadi isne kiye hain, shaastra bhi bahut padhe। is janma mein jaise pandit tha lekin usse phaayda to kuchh bhi nahin hua। punya aatma to bante hi nahin। paap hi karte aaye। baap ne samjhaaya hai jo apne ko bachche samajhte hain to is janma mein jo paap aadi kiye hain, jabki sammukh baap aaya hai to paap karma bata dene chaahiye, to halka ho jaayega। is janma mein halke ho jaayenge। phir purooshaartha karna hai, janma-janmaantar ke paap karma ka bojha jo sir par hai use utaarna hai। baap yog ki baat samjhaate hain। yog se hi vikarma vinaash honge। yeh baaten tum abhi sunte ho। satayug mein yeh baaten koi suna na sake। yeh saara drama bana hua hai। second by second yeh saara drama phirta rehta hai। ek second na mile doosre se। second by second aayu bhi kam hoti jaati hai। abhi tum aayu ko kam hone se brake dete ho aur yog se aayu ko badhaate ho। ab tum bachchon ko apni aayu ko bada banaana hai yogbal se। yog ke liye baba bahut zor dete hain, parantu kai samajhte nahin। kehte hain baba ham bhool jaate hain। tab baba kehte hain yog koi aur baat nahin, yeh hai yaad ki yaatra। baap ko yaad karte-karte paap katte jaayenge, ant mati so gati ho jaayegi। is par ek misaal bhi dete hain - koi ne kisko kaha tum bhains ho to bas woh samajhne laga main to bhains hoon। bola, is darvaaje se niklo। to bola main bhains hoon, kaise nikloon! sachmuch jaise bhains ban gaya। yeh ek misaal baith banaaya hai, baaki koi aisa hai nahin। yeh koi yathaartha misaal nahin hai। hamesha real baat par misaal diya jaata hai।

is samay baap tumko jo samjhaate hain unke phir bhakti maarga mein tyohaar manaaye jaate hain। kitne mele malaakhde aadi hote hain। baaki is samay jo kuchh hota hai unke tyohaar ban jaate hain। tum yahaan kitne svachchha bante ho। mele malaakhde mein to kitne maile hote hain, shareer ko mitti malte hain। samajhte hain paap mit jaayenge। baba ka khud yeh sab kiya hua hai। naasik mein paani bahut ganda hota hai। vahaan jaakar mitti malte hain। samajhte hain paap vinaash ho jaayenge। phir us mitti ko saaph karne ke liye paani le aate hain। vilaayat mein koi bade mahaaraaja aadi jaate the to ganga jal ka matka saath le jaate the phir steamer mein vahi paani peete the। aage aeroplane, motor aadi the nahin। 100-150 varshon mein kya-kya ban gaya hai! satayug aadi mein yeh science aadi kaam mein aati hai। vahaan to mahal aadi banaane karne mein deri nahin lagti। abhi tumhaari buddhi paarasbuddhi banti hai to sab kaam sahaj kar leti hai। jaise yahaan mitti ki inten banti hain, vahaan sone ki hoti hain। is par maaya machchhandar ka khel bhi dikhaate hain। yeh to unhonne naatak baith banaaye hain, dikhaane ke liye। barobar svarga mein sone ki inten hain। usko kaha hi jaata hai golden ej। isko kaha jaata hai iron ej। svarga ko to sabhi yaad karte hain। chitra bhi unhon ke kaayam hain। kehte bhi hain aadi sanaatan dharma, phir hindu dharma kah dete hain। devta ke badle hindu kah dete hain kyonki vikaari hain to devta kaise kahen। tum kahaan bhi jaate ho to yeh samjhaate ho kyonki tum ho messenger, paigambar। baap ka parichay har ek ko dena hai। koi jhat samjhenge ki barobar tum theek kehte ho। do baap barobar hain। koi kah denge paramatma to sarvavyaapi hai। tum samajhte ho ek se had ka varsa milta hai। paarlaukik baap se behad ka varsa milta hai 21 janma ke liye। yeh gyaan bhi abhi hai। vahaan yeh gyaan nahin rehta। sangam par hi varsa milta hai jo phir 21 peedhi janma by janma tum raajya karte ho। tum saare vishwa ke maalik bante ho। yeh tumko abhi maaloom pada hai। jo pakke nishchaybuddhi hain unko koi sanshay uthaane ki baat hi nahin। behad ke baap se behad ka varsa milta hai। shivbaaba aayenge to zaroor kuchh varsa dete honge isliye baba kehte hain yeh badge bahut achha hai, ise sada lagaakar rakhna hai। ghar-ghar mein message dena hai phir koi maane ya na maane। vinaash aayega to samjhenge bhagwan aaya hua hai। phir jinhon ko tumne message diya hoga, ve yaad karenge ki yeh saphed posh vaale farishte kaun the? sookshm vatan mein bhi tum farishte dekhte ho na! tum jaante ho mama-baba yogbal se aisa farishta bante hain, to ham bhi banenge। yeh sab baaten baap ismen pravesh kar tumko samjhaate hain। direct knowledge dete hain। jo baba mein knowledge hai woh tum bachchon mein bhi hai। jab oopar mein jaate ho to knowledge ka part bhi poora ho jaata hai। phir jo part mila hai woh sukh ka part bajaate hain aur yeh knowledge bhool jaati hai।

to tum bachche kahaan bhi jaate ho to messenger ki nishaani - yeh badge saath mein zaroor chaahiye। bhal koi hansi kare। is par kya hansi karenge। tum to yathaartha baat sunaate ho। yeh behad ka baap hai। unka naam hai shivbaaba, woh kalyaankaari hai। aakar svarga ki sthaapna karte hain। yeh hai purooshottam sangamayug। yeh saara gyaan tum bachchon ko mila hai। phir bhoolna kyon chaahiye। baat to bilkul sahaj hai। chalte-phirte baap aur varse ko yaad karna hai। shantidham aur sukhdhaam। tum bachche yahaan aate ho murli sunkar jaate ho phir sunaani bhi chaahiye। aise nahin sirf ek hi braahmani murli chalaaye। braahmani ko aap samaan banaakar taiyaar karna chaahiye, tab bahuton ka kalyaan kar sakenge। agar ek braahmani kahaan chali jaati hai to doosri kyon nahin centre chala sakti! kya dhaarna nahin ki hai? student ko padhne aur padhaane ka shauk chaahiye। murli to bahut sahaj hai, koi bhi dhaaran kar class kara sakte hain। yahaan to baap baithe hain। baap bachchon ko kehte hain koi bhi baat mein sanshay nahin hona chaahiye। ek baap hi hai jo sab kuchh jaante hain। ek hi em-object hai, ismen koi prashn aadi poochhne ka bhi nahin rehta। subah ko bhi baith bachchon ko yaad ki yaatra mein madad karta hoon। saare behad ke bachche yaad rehte hain। tum sab bachchon ko is yaad ki madad se saare vishwa ko paavan banaana hai, ismen hi tum anguli dete ho। pavitra to saari duniya ko banaana hai na। to baap sabhi bachchon par nazar rakhte hain na। sab shantidham mein chale jaayen। sabka attention khinchavaate hain। baap to behad mein hi baithenge। main aaya hoon saari duniya ko paavan banaane। saari duniya ko current de raha hoon to pavitra ho jaaen। jinka poora yogbal hoga woh samjhenge baba abhi baithkar yaad ki yaatra sikhla rahe hain, jisse vishwa mein shanti hoti hai। bachche bhi yaad mein rehte hain to madad milti hai। madadgaar bachche bhi chaahiye na। khudaai khidmatgaar, nishchaybuddhi hi yaad karenge। tumhaari pahli subject hai hi paavan banne ki। goya tum bachche nimitta bante ho baap ke saath। baap ko bulaate hi hain -he patit-paavan aao। ab woh akela kya karega। khidmatgaar chaahiye na। tum jaante ho ham vishwa ko pavitra banaakar phir saare vishwa par raajya karenge। buddhi mein jab aisa nishchay hoga tab nasha chadhega। tum bachche jaante ho ham baap ki shreemat se, apne yogbal se apne liye raajdhaani sthaapan kar rahe hain। yeh nasha chadhna chaahiye। yeh hai roohaani baat। bachche samajhte hain har kalpa baba is roohaani bal se hamko vishwa ka maalik banaate hain। yeh bhi samajhte ho ki shivbaaba aakar svarga ki sthaapna karte hain। abhi sir par is yaad ki yaatra ka hi phurna hai। purooshaartha karna hai। dhandha aadi karte bhi yaad ki yaatra rahe। ever healthy banaane ke liye baap kamaai badi jabardasta karaate hain। is samay sab kuchh bhulaana padta hai। ham aatmaayen ja rahi hain, aatma-abhimaani banne ki practice karaai jaati hai। khaate-peete, chalte-phirte yeh kya baap ko yaad nahin kar sakte, kapda silaai karte, buddhiyog baap ki yaad mein rahe। bahut sahaj hai। yeh to samajhte ho 84 ka chakra poora hua hai। abhi baap ham aatmaon ko raajayog sikhlaane aaye hain। yeh world ki history-geography repeat hoti rehti hai। kalpa pahle bhi aise hua tha, jo ab phir repeat ho raha hai। yeh repetition ka raaz bhi baap hi samjhaate hain। har ek ko drama mein part mila hua hai, woh bajaate rehte hain। bachchon ko raay di jaati hai ki baap ko yaad karo to satopradhaan banenge। phir yeh shareer bhi chhoot jaayega। tumhaari buddhi mein ab yahi hai ki ham aatma satopradhaan banen kyonki vaapis ghar jaana hai। satayug mein aise nahin kahenge। vahaan to kahenge ek puraana shareer chhod doosra lena hai। vahaan to duhkh ki baat nahin। yahaan yeh duhkhadhaam hai। puraane shareer hain to samajhte hain inko chhod ab vaapis apne ghar jaayen। baap ko nirantar yaad karna hai। woh niraakaar baap hi gyaan ka saagar hai। vahi aakar sabki sadgati karte hain। baap kehte hain saadhuon ka bhi uddhaar karta hoon। tum ab ek baap se yog lagaao। tum sab aatmaon ko baap se varsa lene ka hak hai। apne ko aatma samajh dehi-abhimaani bano aur baap ko nirantar yaad karo to paap katte jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) murli sunkar phir sunaani hai। padhne ke saath-saath padhaana bhi hai। kalyaankaari banna hai। badge messenger ki nishaani hai, yeh sada lagaakar rakhna hai।

2) vishwa mein shanti sthaapan karne ke liye yaad ki yaatra mein rehna hai। jaise baap ki nazar behad mein rehti hai, saari duniya ko paavan banaane ke liye current dete hain, aise follow father kar madadgaar banna hai।

vardaan:- karma aur yog ke balance dvaara karmaateet sthiti ka anubhav karne vaale karmabandhan mukta bhav

karma ke saath-saath yog ka balance ho to har karma mein svatah saphalta praapta hoti hai। karmayogi aatma kabhi karma ke bandhan mein nahin phansati। karma ke bandhan se mukta ko hi karmaateet kehte hain। karmaateet ka arth yeh nahin hai ki karma se ateet ho jaao। karma se nyaare nahin, karma ke bandhan mein phansane se nyaare bano। aisi karmayogi aatma apne karma se anekon ka karma shreshtha banaane vaali hogi। uske liye har kaarya manoranjan lagega, mushkil ka anubhav nahin hoga।

slogan:- parmaatma pyaar hi samay ki ghanti hai jo amritvele utha deti hai।