Murli du jour du samedi 22 juin 2024

22-06-2024 praatahmurli om shanti "baapdaada"' madhuban

“meethe bachche - yahaan tum badalne ke liye aaye ho, tumhein aasuri gunon ko badal daivi gun dhaaran karne hain, yeh devta banne ki padhaai hai''

prashn:- tum bachche kaun-si padhaai baap se hi padhte ho, doosra koi padha nahin sakta?

uttar:- manushya se devta banne ki padhaai, apvitra se pavitra bankar nai duniya mein jaane ki padhaai ek baap ke sivaae aur koi bhi padha nahin sakta। baap hi sahaj gyaan aur raajayog ki padhaai dvaara pavitra pravritti maarga sthaapan karte hain।

om shanti। baap baith bachchon ko samjhaate hain। vaastav mein donon hi baap hain, ek had ka, doosra behad ka। woh baap bhi hai to yeh baap bhi hai। behad ka baap aakar padhaate hain। bachche jaante hain ham nai duniya satayug ke liye padh rahe hain। aisi padhaai kahaan mil nahin sakti। tum bachchon ne satsang to bahut kiye hain। tum bhakta the na। zaroor guru kiye hue hain, shaastra adhyayan kiye hue hain। parantu abhi baap ne aakar jagaaya hai। baap kehte hain abhi yeh puraani duniya badalni hai। abhi main tumko nai duniya ke liye padhaata hoon, tumhaara teacher hoon। koi bhi guru ke liye teacher nahin kahenge। school mein teacher padhaate hain, jisse oonch pad paate hain। parantu woh padhaate hain yahaan ke liye। abhi tum jaante ho ham jo padhaai padhte hain woh hai nai duniya ke liye। golden aged world kaha jaata hai। yeh to jaante ho ki is samay aasuri gunon ko badal daivi gun dhaaran karne hain। yahaan tum badalne ke liye aaye ho। character ki mahima ki jaati hai। devtaaon ke aage jaakar kehte hain aap aise ho, ham aise hain। tumko abhi em object mili hai। bhavishya ke liye baap nai duniya bhi sthaapan karte hain aur tumko padhaate bhi hain। vahaan to vikaar ki baat hoti nahin। tum raavan par jeet paate ho, raavan raajya mein hain hi sab vikaari। yatha raaja raani tatha praja। abhi to hai panchaayti raajya। unke pahle raaja raani ka raajya tha, parantu woh bhi patit the। un patit raajaaon ke paas mandir bhi hote hain। nirvikaari devtaaon ki pooja karte the। jaante hain woh devta past hokar gaye hain। abhi unka raajya hai nahin। baap aatmaon ko paavan banaate hain aur yaad bhi dilaate hain ki tum devta shareer vaale the। tumhaari aatma aur shareer donon pavitra the। ab phir se baap aakar patit se paavan banaate hain, isliye hi tum yahaan aaye ho।

baba ordinance nikaalte hain - bachche, kaam mahaashatru hai। yeh tumko aadi-madhya-ant duhkh dete hain। abhi tumko grihastha vyavhaar mein rehte hue paavan banna hai। aise nahin, devi-devta aapas mein pyaar nahin karte honge parantu vahaan vikaari drishti nahin rehti, nirvikaari hokar rehte hain। baap bhi kehte hain grihastha vyavhaar mein rehte kamal phool samaan raho। apna bhavishya aisa banaana hai jaise tum pavitra jodi the। har ek aatma bhinna naam roop lekar part bajaati aai hai। abhi tumhaara yeh hai antim part। pavitrata ke liye bahut moonjhate hain ki kya karen, kaise companion hokar rahen। companion hokar rahne ka arth kya hai? vilaayat mein jab boodhe hote hain to phir companion rakhne ke liye shaadi kar lete hain, sambhaal ke liye। aise bahut hain jo brahmachaari ho rehna pasanda karte hain। sanyaasiyon ki to baat alag hai, grihastha mein rahne vaale bhi bahut hote hain jo shaadi karna pasanda nahin karte hain। shaadi karna phir baal bachche aadi sambhaalna, aisi jaal phailaayen hi kyon jo khud hi phans paden। aise bahut yahaan bhi aate hain। 40 saal ho gaye brahmachaari rehte, iske baad kya shaadi karenge। svatantra rehna pasanda karte hain। to baap unko dekh khush hote hain। yeh to hai hi bandhan-mukta, baaki raha shareer ka bandhan, usmein deh sahit sabko bhoolna hai sirf ek baap ko yaad karna hai। koi bhi dehdhaari Christ aadi ko yaad nahin karna hai। niraakaar shiv to dehdhaari nahin hai। unka naam shiv hai। shiv ke mandir bhi hain। aatma ko part mila hua hai 84 janmon ka। yeh avinaashi drama hai, ismen kuchh bhi badli nahin ho sakta hai।

tum jaante ho pahle-pahle hamaara dharma, karma jo shreshtha tha woh abhi bhrashta ban gaya hai। aise nahin, devta dharma hi khatma hai। gaate bhi hain devtaayen sarvagun sampanna the। lakshmi-naaraayan donon pavitra the। pavitra pravritti maarga tha। abhi apvitra pravritti maarga hai। chauraasi janmon mein bhinna-bhinna naam-roop badalta aaya hai। baap ne bataaya hai - meethe-meethe bachchon, tum apne janmon ko nahin jaante ho, main tumko 84 janmon ki kahaani sunaata hoon। to zaroor pahle janma se lekar samjhaana pade। tum pavitra the, ab vikaari bane ho to devtaaon ke aage jaakar maatha tekte ho। Christian log Christ ke aage, bauddhi log buddha ke aage, sikkha log guroonaanak ki darbaar ke aage jaakar maatha tekte hain, isse maaloom padta hai ki yeh kis panth ke hain। tumhaare liye to kah dete hain yeh hindu hain। aadi sanaatan devi-devta dharma kahaan gaya, yeh kisko pata nahin। praayah lop ho gaya hai। bhaarat mein chitra to athaah banaaye hue hain। manushyon ki bhi anek maten hain। shiv ke bhi anek naam rakh diye hain। asul mein unka ek hi naam shiv hai। aise bhi nahin, usne punarjanma liya hai tab naam phirte jaate hain। nahin। manushyon ki anek maten hain, to anek naam rakhte hain। shreenaath dvaare mein jaao to vahaan bhi baithe to vahi lakshmi-naaraayan hain, jagannaath ke mandir mein bhi moorti vahi hai। naam bhinna-bhinna rakhe hain। jab tum sooryavanshi the to pooja aadi nahin karte the। tum saare vishwa par raajya karte the, sukhi the। shreemat par shreshtha raajya sthaapan kiya tha। usko kaha jaata hai sukhdhaam। aur koi aise nahin kahenge ki hamko baap padhaate hain, manushya se devta banaate hain। nishaani bhi hai, zaroor unhon ka hi raajya tha। vahaan kile aadi hote nahin। kile aadi banaate hain safety ke liye। in devi-devtaaon ke raajya mein kile aadi the nahin। doosra koi chadhaai karne vaala hota nahin। abhi tum jaante ho ham usi devi-devta dharma mein transfer ho rahe hain। uske liye tum raajayog ki padhaai padh rahe ho। raajaai paani hai। bhagvaanuvaach - main tumko raajaaon ka raaja banaata hoon। abhi to koi raaja-raani nahin hain। kitne ladaai-jhagde aadi hote rehte hain। yeh hai kaliyug, iron aged world। tum golden ej mein the। abhi phir purooshottam sangamayug par khade ho। baap tumko pahle number mein le jaane aaye hain, sabka kalyaan karte hain। tum jaante ho hamaara bhi kalyaan hota hai pahle-pahle ham zaroor satayug mein aayenge। baaki jo-jo dharma hain woh sab shantidham mein chale jaayenge। baap kehte hain sabko pavitra bhi banna hai। tum ho hi pavitra desh ke rahne vaale, jisko nirvaandhaam kaha jaata hai। vaani se pare sirf ashareeri aatmaayen rehti hain। baap tumko ab vaani se pare le jaate hain। aisa to koi kah na sake ki ham tumko nirvaandhaam, shantidham mein le jaata hoon। woh to kehte hain ham brahm mein leen honge। tum bachche jaante ho abhi yeh tamopradhaan duniya hai, ismen tumko svaad nahin aayega isliye nai duniya ki sthaapna aur puraani duniya ka vinaash karne ke liye bhagwan ko yahaan aana padta hai। shiv jayanti bhi yahaan manaate hain। to kya aakar karte hain? koi bataaye। jayanti manaate hain to zaroor aate hain na। rath par viraajmaan hote hain। unhone phir woh ghode gaadi ka rath dikhaaya hai। baap baith bataate hain, main kis rath par savaar hota hoon। bachchon ko bataata hoon। yeh gyaan phir praayah lop ho jaata hai। inke 84 janmon ke ant mein baba ko aana padta hai। yeh gyaan koi de na sake। gyaan hai din, bhakti hai raat। neeche utarte hi rehte hain। bhakti ka kitna show hai, kitne kumbha ke mele, phalaane mele lagte rehte hain। aise koi bhi nahin kehta hai ki abhi tumko pavitra bankar nai duniya mein jaana hai, baap hi batlaate hain abhi sangamayug hai। tumko padhaai bhi vahi milti hai jo kalpa pahle mili thi, manushya se devta bane the। gaayan bhi hai manushya se devta kiye… zaroor baap hi banaayenge na। tum jaante ho ham apvitra grihastha dharma vaale the, ab baap aakar phir pavitra pravritti maarga ka banaate hain। tum bahut oonch pad paate ho। oonch te oonch baap kitna oonch banaate hain। baap ki hai shri-shri arthaat shreshtha te shreshtha mat। ham shreshtha bante hain। shri-shri ke arth ka kisko pata nahin hai। ek shivbaaba ka hi yeh title hai parantu woh phir apne ko shri-shri kah dete hain। maala pheri jaati hai। maala hai 108 ki, unhon ne 16108 ki banaai hai। usmein 8 to aane hi hain। chaar jodi aur ek baap। aath ratna aur 9vaan hoon main। unko ratna kehte hain। unko aisa banaane vaala baap hai। tum baap dvaara paaras buddhi bante ho। rangoon mein ek talaav hai, kehte hain unmein snaan karne se pariyaan ban jaate hain। vaastav mein yeh hai gyaan snaan, jisse tum devta ban jaate ho। baaki woh to sab hain bhakti maarga ki baaten। yeh to kabhi ho nahin sakta ki paani mein snaan karne se pari ban jaayen। yeh sab hai bhakti maarga। kya-kya baaten bana di hain। kuchh bhi samajhte nahin hain। abhi tum samajhte ho tumhaara hi yaadgaar delvaada, guru shikhar aadi khada hai। baap bahut oonch rehte hain na। tum jaante ho baap aur ham aatmaayen jahaan nivaas karti hain, woh hai mool vatan। sookshm vatan to keval saakshaatkaar maatra hai। woh koi duniya nahin hai। sookshm vatan va mool vatan ke liye yeh nahin kahenge ki world history repeat। world to ek hi hai। is world ki history repeat kaha jaata hai।

manushya kehte hain world mein pees ho। yeh nahin jaante ki aatma ka svadharma hi shant hai। baaki jangal mein thode hi shanti mil sakti hai। tum bachchon ko sukh aur sabko shanti mil jaati hai। jo bhi aate hain pahle shantidham mein jaakar sukhdhaam mein aayenge। kai kahenge ham gyaan nahin len, pichhaadi mein aayenge to baaki itna samay muktidhaam mein rahenge। yeh to achha hai, bahut samay mukti mein rahenge। yahaan karke ek-do janma pad paayenge। woh kya hua? jaise machchhar nikalte hain aur mar jaate hain। to ek janma mein yahaan kya sukh rakha hai। woh to koi kaam ka nahin raha jaise ki part hi nahin hai। tumhaara part to bahut oonch hai। tumhaare jitna sukh koi dekh na sake isliye purooshaartha karna chaahiye। karte bhi rehte hain। kalpa pahle bhi tumne purooshaartha kiya tha। apne purooshaartha anusaar praalabdha paai hai। purooshaartha bigar to praalabdha pa na saken। purooshaartha zaroor karna hai। baap kehte hain yeh bhi drama bana hua hai। tumhaara bhi purooshaartha chal padega। aise to chal na sake। tumko purooshaartha to zaroor karna pade। purooshaartha bigar thode hi kuchh hona hai। khaansi aapehi kaise theek hogi? davaai lene ka purooshaartha karna pade। koi-koi aise bhi drama par baith jaate hain, jo drama mein hoga। aisa ulta gyaan buddhi mein nahin bithaana hai। yeh bhi maaya vighna daalti hai। bachche padhaai ko hi chhod dete hain। isko kaha jaata hai - maaya se haar। ladaai hai na। woh bhi jabardasta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreshtha raajya sthaapan karne ke liye shreemat par chalkar baap ka madadgaar banna hai। jaise devtaayen nirvikaari hain, aise grihastha mein rehte nirvikaari banna hai। pavitra pravritti banaani hai।

2) drama ki point ko ulte roop se use nahin karna hai। drama kahkar baith nahin jaana hai। padhaai par poora dhyaan dena hai। purooshaartha se apni shreshtha praalabdha banaani hai।

vardaan:- kamal pushpa ka symbol buddhi mein rakh, apne ko sample samajhne vaale nyaare aur pyaare bhav

pravritti mein rahne vaalon ka symbol hai “kamal pushpa''। to kamal bano aur amal karo। agar amal nahin karte to kamal nahin ban sakte। to kamal pushpa ka symbol buddhi mein rakh svayan ko sample samajhkar chalo। seva karte nyaare aur pyaare bano। sirf pyaare nahin banna lekin nyaare ban pyaare banna kyonki pyaar kabhi lagaav ke roop mein badal jaata hai, isliye koi bhi seva karte nyaare aur pyaare bano।

slogan:- sneh ki chhatrachhaaya ke andar maaya aa nahin sakti।