Murli du jour du lundi 24 juin 2024

24-06-24 praatahmurli om shanti ''maateshvari'' madhuban

“pavitrata roopi gun ko dhaaran kar director ke directions par chalte raho to devtaai kingdom mein aa jaayenge''

(praatahklaas mein sunaane ke liye jagdamba maa ke madhur mahaavaakya)

om shanti। is duniya ko naatak bhi kehte hain, drama kaho, naatak kaho, khel kaho baat ek hi hai। naatak jo hota hai woh ek hi kahaani hoti hai। usmein bahut by-plots beech mein dikhaate hain lekin stori ek hi hoti hai। isi tarah se yeh behad world drama hai, isko naatak bhi kaha jaata hai, jismen ham sab actors hain। abhi ham actors hain to actors ko naatak ka poora pata hona chaahiye ki kis stori par yeh shuru hota hai, hamaara yeh part kahaan se shuru hua aur kahaan tak poora hota hai, phir usmein samay prati samay kis kis actors ka kaise kaise part hota hai aur uska director, creator kaun hai aur is naatak mein hero heroine part kiska hai, in sab baaton ka knowledge hona chaahiye। khaali naatak kahne se to kaam nahin chalega। naatak hai to naatak ke ham actors bhi hain। agar koi drama ka actor hai aur ham unse poochhen ki iski kya stori hai, yeh kahaan se shuru hota hai, kahaan poora hota hai! agar vo kahe humein maaloom nahin hai to isko kya kaha jaayega? kahenge isko itna bhi pata nahin hai, kehta hain main actor hoon! actor ko to sab baaton ki jaankaari honi chaahiye na। naatak shuru hai to uska ant bhi jarur hoga। aise nahin shuru hua hai to chalta hi chalega। to in sab cheezon ko samajhne ka hai। is behad ke naatak ka jo rachayita hai vo jaanta hai ki kis tarah se is naatak ki shuruaat hui, ismen mukhya mukhya actors kaun hain aur sabhi actors mein hero and heroine ka part kiska hai, yeh sab baaten baap samjha rahe hain।

yeh sab knowledge jo roz class mein aate aur sunte hain vo samajhte hain, unhon ko maaloom hai ki iska pahla director aur creator kaun hai? creator kahenge supreme soul (parampita paramatma) ko, lekin woh bhi actor hai, unki acting kaun-si hai? daayrektarpan ki। woh ek hi baar aakar actor banta hai। abhi director ban karke act kar raha hai। woh kehte hain is naatak ki shurooaat main karta hoon, kaise? jo purified satayugi duniya hai, jisko nai duniya kehte hain, woh new world main create karta hoon। abhi aap sab jo bhi pavitrata ko dhaaran karke director ke directions par chal rahe ho, woh sabhi actors abhi purified ban rahe hain, phir inheen actors ke dvaara anek janmon ka chakra chalna hai। yeh baap hi samjhaate hain ki abhi pavitra hue manushya, doosre janma mein devtaai kingdom mein jaayenge। woh kingdom do yug sooryavanshi chandravanshi roop mein chalti hai phir woh sooryavanshi chandravanshi actors ka part jab poora hota hai tab phir thoda neeche girte hain athva vaam maarga mein aate hain। phir doosre dharmon ka tarna aata hai ibraaham, buddha, phir Christian yeh sabhi dharma sthaapak nambarvaar aa karke apna apna dharma sthaapan karte hain।

to dekho, naatak ki stori kahaan se shuru hui, kahaan poori hoti hai। uske beech mein yeh doosre doosre by-plots kaise chalte hain, yeh sabhi vrittaanta baith karke samjhaate hain। abhi yeh naatak poora hone par hai, woh naatak to teen ghante mein poora hota hai, isko 5 hajaar varsha lagta hai। baaki usmein thode varsha hain, bas abhi uski taiyaari hai। abhi yeh naatak poora hokarke phir repeat hoga। to yeh saara vritaanta buddhi mein hona chaahiye, isi ko gyaan kaha jaata hai। abhi dekho baap aa karke naya bhaarat, nai duniya bana rahe hain। bhaarat jab naya tha to itni badi duniya nahin thi। aaj puraana bhaarat hai to duniya bhi puraani hai। baap aa karke bhaarat jo avinaashi khanda hai, praacheen apna desh hai। abhi desh kehte hain kyonki doosre deshon mein yeh bhi ek tukda ho gaya hai। parantu vaastav mein saari world saari prithvi par ek bhaarat ka raajya tha, jisko kaha jaata tha praacheen bhaarat। us samay ka bhaarat gaaya hua hai, sone ki chidiya। saari prithvi par keval bhaarat ka hi control tha, ek raajya tha, ek dharma tha। us time poora sukh tha, abhi kahaan hai isliye baap kehte hain iska destruction karke phir ek raajya, ek dharma aur praacheen vahi naya bhaarat nai duniya banaata hoon। samjha। us duniya mein koi duhkh nahin, koi rog nahin, kabhi koi akaale mrityu nahin। to aisi life paane ke liye purushaartha karo। muphta mein thode hi milegi। kuchh to mehnat karni padegi। beej boyenge to paayenge। boyenge nahin to paayenge kaise? to yeh karmakshetra hai, is kshetra mein karmon se bona hai। jo karma ham bote hain vo phal paate hain। baap karmon ka beej bone ka sikhla rahe hain। jaise kheti karna sikhlaate hain na, kaise beez daalo, kaise uski sambhaal karo, uski bhi training dete hain। to baap aa karke hamaare ko karma ke khet ke liye, karmon ko kaise boyen, uski training de rahe hain ki apne karmon ko oonch banaao, achhe beej daalo to phal achha milega। jab karma achha hoga phir jo boyenge uska phal achha milega। agar karma roopi beez mein taakat nahin hogi, karma bure boyenge to phal kya milega? yeh jo kha rahe ho phir ro rahe ho। jo khaate ho usmein hi ro rahe ho, duhkh aur ashaanti hai। kuchh-na-kuchh rog aadi khitkhit hoti hi rehti hai, sab baaten manushya ko duhkhi karti hain na isliye baap kehte hain abhi tumhaare karma ko main oonchi quality ka banaata hoon, jaise beej bhi usi quality ka hoga to us quality ko boyenge, to uska phal achha niklega। agar beej achhi quality ka nahin hoga to phir achhi quality ka phal nahin milega। to hamaare karma ki bhi achhi quality chaahiye na। to abhi baap hamaare karma roopi beej ko achhi quality vaala banaate hain। to woh shreshtha quality ka beej agar boyenge to shreshtha phal milega। to apne karmon ka jo seed (beej) hai, woh achha banaao aur phir achha bona seekho। to yeh sabhi cheezon ko samajh karke abhi apna purushaartha karo।

achha, abhi do minute silence। silence ka matlab aai em soul, first silence peechhe talkie mein aate hain। ab baap kehte hain phir chalo silence world to silence, shanti apna svadharma hai। us silence mein chalne ke liye kehte hain - is deh ka aur deh sahit deh ke sambandhon ki abhi attachment chhodo, usse detach ho jaao। san oph supreme soul, ab mujhe yaad karo aur mere dhaam mein aa jaao। to abhi chalne ka dhyaan rakho, abhi aane ka nahin khyaal karo। ant mati so gati। abhi koi mein bhi attachment nahin। abhi to shareer ki bhi attachment chhod do। samjha। aisi apni dhaarna banaane ki hai achha, ab baitho silence mein। chalte phirte bhi silence, bolte bhi silence। bolte kaise silence hoti hai? maaloom hai? bolte samay hamaara buddhiyog apne usi aai em soul, first pure soul athva silence soul, yeh yaad rakhna। bolte samay hamaare mein yeh knowledge hona chaahiye ki aai em soul, is organs se bolte hain। to yeh apni practice honi chaahiye, jaise ham iska aadhaar le karke bolte hain। chalo abhi aankhon ka aadhaar lete hain, dekhte hain। jiski jarurat hai uska aadhaar le karke kaam karo। aise aadhaar lekar kaam karenge to bahut khushi rahegi, phir koi bura kaam bhi nahin hoga। achha।

aise baapdaada aur maa ke meethe-meethe bahut achhe, sada silence ki anubhooti karne vaale bachchon ke prati yaadapyaar aur good morning। achha।

sandeshi ke tan dvaara almighty pita ke uchchaarit mahaavaakya (maateshvari ji ke prati)

he shiromni raadhe beti, tum nish din mere sam divya kaarya mein tatpar ho arthaat vaishnav shuddh swaroop ho, shuddh seva karti ho isliye saakshaat mera swaroop ho। jo bachche apne pita ke footstep nahin lete unhon se main bilkul door hoon kyonki bachcha to phir pita ke samaan avashya chaahiye। yeh kaayda abhi sthaapan hota hai jo satayug treta tak chalta hai, vahaan jaisa baap vaisa beta। parantu dvaapar kaliyug mein jaisa baap vaise bete nahin hote। abhi bachche ko baap samaan banne ka parishram karna padta hai, magar vahaan to natural aisa kaayda bana hua hai jaisa baap vaisa beta। jo anaadi kaayda is sangam samay par eeshvar pita pratyaksha hokar sthaapan karta hai।

2) madhur maali ki madhur meethi divya purushaarthi beti, ab tujhe bahut ramneek sweetness banna aur banaana hai। abhi world sovereignty ki chaabi second mein praapta karna aur karaana tumhaare haath mein hai। dekho, almighty jo harek jeev praani ka maalik hai vo jab practical mein is karmakshetra par aaya hai tab saari srishti happy house ban jaati hai। is samay vahi jeev praaniyon ka maalik avyakt reeti se srishti ko chala raha hai। lekin jab woh pratyaksha roop mein dehdhaari ban maalikpan se karmakshetra par aata hai tab satayug treta ke samay sabhi jeev praani sukhi ban jaate hain। vahaan sach ki darbaar khuli rehti hai। jisne eeshvareey sukh praapta karne arth purushaartha kiya hai unhon ko vahaan sada ke liye sukh praapta ho jaata hai। is samay sabhi jeev praaniyon ko sukh ka daan nahin milta hai, purushaartha hi praalabdha ko khainchata hai। jinhon ka eeshvar se yog hai unhon ko eeshvar dvaara sampoorn sukh ka daan mil jaata hai।

3) oho! tum vahi shakti ho jo apni eeshvareey taakat ka rang dikhlaae is aasuri duniya ka vinaash kar daivi duniya ki sthaapna kar rahi ho, phir peechhe sabhi shaktiyon ki mahima nikalti hai। abhi woh taakat tumhaare mein bhar rahi hai। tum sada apne eeshvareey bal aur roohaab ke martabe mein raho to sada apaar khushi rahegi। nitya harshit mukh। tumko nasha hona chaahiye ki main kaun hoon! kiska hoon? hamaara kitna saubhaagya hai? kitna bada pad hai? abhi tum pahle self ka svaraajya praapta karte ho phir satayug mein yuvraaj banenge। to kitna nasha chaahiye! is apne bhaagya ko dekh khushi mein raho, apne luck ko dekho usse kitni lottery milti hai। oho, kitna shreshtha tera luck jis luck se vaikuntha ki lottery mil jaati hai। samjha, luckiest daivi phool bachchi।

4) is suhaavne sangam samay par svayan niraakaar paramatma ne saakaar mein aakar yeh eeshvareey factory kholi hai, jahaan se koi bhi manushya apna vinaashi kakhpan de avinaashi gyaan ratna le sakta hai। yeh avinaashi gyaan ratnon ki khareeddaari ati sookshm hai, jisko buddhi se khareed karna hai। yeh koi sthool vastu nahin hai jo in naynon se dekhne mein aaye magar ati maheen gupta chhipi hui hone ke kaaran inko koi bhi loot nahin sakta hai। aisa sarvottam gyaan khajaana praapta karne se ati nirsankalpa, sukhdaayak avastha rehti hai। jab tak koi ne yeh avinaashi gyaan ratna khareed nahin kiya hai tab tak nishchint, bephikra, nirsankalpa rah nahin sakta isliye in avinaashi gyaan ratnon ki kamaai kar apne buddhi roopi sookshm tijori mein dhaaran kar nit nishchint rehna hai। vinaashi dhan mein to duhkh samaaya hua hai aur avinaashi gyaan dhan mein sukh samaaya hua hai।

5) jaise soorya saagar ke jal ko khainchata hai jo phir oonche pahaadon par barasta hai, vaise yeh bhi direct eeshvar dvaara varsha barasti hai। kehte hain shiv ki jataaon se ganga nikalti hai। abhi inke mukh kavanl dvaara gyaan amritdhaara baras rahi hai, jisko hi avinaashi eeshvareey dhaara kaha jaata hai, jisse tum bhageerath putra paavan ho, amar ban rahe ho। yeh sirtaaj banaane ki wonderful mandali hai, yahaan jo bhi nar aur naari aayenge vo sirtaaj ban jaayenge। duniya ko bhi mandali kaha jaata hai। mandal arthaat sthaan, ab yeh mandali kahaan tiki hui hai? om aakaar mein arthaat aham svadharma mein aur saari duniya svadharma ko bhool prakriti ke dharma mein tiki hui hai। tum shaktiyaan phir prakriti ko bhool apne svadharma mein tiki hui ho।

6) is duniya mein sabhi manushya niraakaar eeshvar ko yaad karte hain, jise apne naynon se dekha bhi nahin hai us niraakaar mein unhon ka itna ati pyaar rehta hai jo kehte hain he eeshvar apne mein mujhe leen kar do, parantu kaisa wonder hai jo svayan eeshvar jab saakaar mein pratyaksha hua hai tab unko pahchaante nahin hain। eeshvar ke bahut pyaare bhakta aise kehte hain jidhar dekhta hoon udhar tum hi tum ho, bhal vo dekhte bhi nahin hain parantu buddhiyog se yahi mahsoos karte hain ki eeshvar sarvatra hai। lekin tum anubhav se kehte ho ki svayan niraakaar eeshvar practical saakaar mein yahaan aae padhaara hai। ab sahaj hi tum mere se aakar mil sakte ho। parantu kai mere bachche bhi saakaar mein prabhu pita ko pahchaante nahin hain। unhein niraakaar ati meetha lagta hai parantu woh niraakaar, jo abhi saakaar mein pratyaksha hai, usko agar pahchaan leven to kitni na praapti kar sakte hain, kyonki praapti to phir bhi saakaar se hogi। baaki jo eeshvar ko door niraakaar samajhte aur dekhte hain, jinhon ko kuchh praapti nahin hai vo thahre bhakta, unhein koi gyaan nahin। ab saakaar prabhu pita ko jaanne vaale gyaani bachche, sarva daivi gunon ki khushbu se bhare hue sweet flower apne prabhu pita par apna jeevan hi chadha dete hain, jisse unhein janma-janmaantar sampoorn devtaai divya shobhnik tan praapta ho jaata hai।

7) self ko jaanne se hi tumhein right wrong, satya asatya ki parakh aa gai hai। is eeshvareey gyaan se truth jabaan rehti hai, jisse kisi ka sangadosh chadh nahin sakta। sangadosh ki chhaaya uske oopar padti hai jo khud agyaanvash hai। is samay truth jamaana hai hi nahin isliye kisi ki jabaan par bharosa na rakh unhon se likhat likhvaate hain। manushyon ka bol untruth nikalta hai, agar truth hota to uske mahaavaakya pooje jaate। jaise dekho divine father ke truth mahaavaakyon ke shaastra bane hue hain, jinhon ka gaayan aur poojan chalta hai। unke truth (satya) mahaavaakyon ki dhaarna karne se eeshvareey quality aa jaati hai। na sirf itna magar koi to padhte-padhte shreekrishna ka, brahma ka saakshaatkaar bhi pa lete hain।

oho, holi hriday kamal, holi hasta kamal, holi nayan kamal beti raadhe, teri saari kaaya palat kamalphool sam komal kanchan ban gayi hai। parantu pahle jab soul kanchan banti hai tab saara tan kanchan pure ban jaata hai। jis holi komal tan mein hi ati kashish bhari hui hai। tum apne parmeshvar pita dvaara agyaan tapat ko bujhaae gyaan tej ko jagaae ati sheetal roop ban gai ho। khud sheetal roop ban phir anya hamjinsa ko bhi aisi sachchi sheetalta daan dene arth is suhaavne sangam samay par nimitta bani hui ho। tumhaare jad chitron dvaara bhi saari duniya ko sheetalta aur shanti ka daan milta rehta hai। abhi tum saari srishti ko salvation mein laae ant mein apna divya tej dikhaae, new vaikuntha golden gulshan mein jaakar vishraam karengi। achha।

vardaan:- “baba'' shabd ki chaabi se sarva khajaane praapta karne vaali bhaagyavaan aatma bhav

chaahe aur kuchh bhi gyaan ke vistaar ko jaan nahin sakte va suna nahin sakte lekin ek shabd “baba'' dil se maana aur dil se auron ko sunaaya to vishesh aatma ban gaye, duniya ke aage mahaan aatma ke swaroop mein gaayan yogya ban gaye kyonki ek “baba'' shabd sarva khajaanon ki va bhaagya ki chaabi hai। chaabi lagaane ki vidhi hai dil se jaanna aur maanna। dil se kaho baba to khajaane sada haazir hain।

slogan:- baapdaada se sneh hai to sneh mein puraane jahaan ko kurbaan kar do।