Murli du jour du vendredi 5 juillet 2024

05-07-2024 praatahmurli om shanti "baapdaada"' madhuban

“meethe bachche - yaad se hi battery charge hogi, shakti milegi, aatma satopradhaan banegi isliye yaad ki yaatra par vishesh attention do''

prashn:- jin bachchon ka pyaar ek baap se hai, unki nishaani kya hogi?

uttar:- 1. yadi ek baap se pyaar hai to baap ki nazar unhein nihaal kar degi, 2. ve poora nashtomoha honge, 3. jinhen behad ke baap ka pyaar pasanda aa gaya, woh aur kisi ke pyaar mein phans nahin sakte, 4. unki buddhi jhooth khanda ke jhoothe manushyon se toot jaati hai। baba tumhein abhi aisa pyaar dete hain jo avinaashi ban jaata hai। satayug mein bhi tum aapas mein bahut pyaar se rehte ho।

om shanti। behad ke baap ka pyaar abhi ek hi baar tum bachchon ko milta hai, jis pyaar ko bhakti mein bhi bahut yaad karte hain। baba, bas aapka hi pyaar chaahiye। tum maat pita… tum hi sab-kuchh ho। ek se hi aadhaakalpa ke liye pyaar mil jaata hai। tumhaare is roohaani pyaar ki mahima aprampaar hai। baap hi tum bachchon ko shantidham ka maalik banaate hain। abhi tum duhkhadhaam mein ho। ashaanti aur duhkh mein sab chillaate hain। dhani dhoni kiska nahin hai isliye bhakti maarga mein yaad karte hain। parantu kaaydesir bhakti ka bhi samay hota hai aadhaakalpa।

yeh to bachchon ko samjhaaya hai, aise nahin ki baap antaryaami hai। baap ko sabke andar jaanne ki darkaar hi nahin। woh to thought readers hote hain। woh bhi yeh vidya seekhte hain। yahaan woh baat hi nahin। baap aate hain, baap aur bachche hi yeh saara part bajaate hain। baap jaante hain srishti ka chakra kaise phirta hai। usmein bachche kaise part bajaate hain। aise nahin ki woh har ek ke andar ko jaante hain। yeh to raat ko bhi samjhaaya ki har ek ke andar to vikaar hi hain। bahut chhi-chhi manushya hain। baap aakar gul-gul (phool) banaate hain। yeh baap ka pyaar tum bachchon ko ek hi baar milta hai jo phir avinaashi ho jaata hai। vahaan tum ek-do se bahut pyaar karte ho। abhi tum mohjeet ban rahe ho। satayugi raajya ko mohjeet raaja, raani tatha praja ka raajya kaha jaata hai। vahaan kabhi koi rote nahin। duhkh ka naam nahin। tum bachche jaante ho barobar bhaarat mein health, wealth aur happiness tha, ab nahin hai kyonki abhi raavan raajya hai। ismen sab duhkh bhogte hain, phir baap ko yaad karte hain ki aakar sukh-shanti do, raham karo। behad ka baap hai merciful। raavan hai berham karne vaala, duhkh ka raasta bataane vaala। sab manushya duhkh ke raaste par chalte hain। sabse bade te bada duhkh dene vaala hai kaam vikaar isliye baap kehte hain - meethe-meethe bachchon, kaam vikaar par jeet pahno to jagatjeet banenge। in lakshmi-naaraayan ko jagat jeet kahenge na। tumhaare saamne em object khadi hai। mandiron mein bhal jaate hain parantu unki biography kuchh nahin jaante। jaise gudiyon ki pooja hoti hai। deviyon ki pooja karte hain, rachkar khoob shrringaar karaakar bhog aadi lagaate hain। parantu woh deviyaan to kuchh bhi khaati nahin। kha jaate hain brahman log। create kar phir paalna kar vinaash kar dete, isko kaha jaata hai andhashraddha। satayug mein yeh baaten hoti nahin। yeh sab rasma rivaaj nikalti hai kaliyug mein। tum pahle-pahle ek shivbaaba ki pooja karte ho, jisko avyabhichaari righteous pooja kaha jaata hai। phir hoti hai vyabhichaari pooja। ‘baba' akshar kahne se hi parivaar ki khushbu aati hai। tum bhi kehte ho na tum maat-pita...... tumhaare is gyaan dene ki kripa se hamko sukh ghanere milte hain। buddhi mein yaad hai ki ham pahle-pahle mool vatan mein the। vahaan se yahaan aate hain shareer lekar part bajaane। pahle-pahle ham daivi chola lete hain arthaat devta kahlaate hain। phir kshatriy, vaishya, shoodra varna mein aate bhinna-bhinna part bajaate hain। yeh baaten tum pahle nahin jaante the। ab baba ne aakar aadi-madhya-ant ka knowledge tum bachchon ko diya hai। apni bhi knowledge di hai ki main is tan mein pravesh karta hoon। yeh apne 84 janmon ko nahin jaante the। tum bhi nahin jaante the। shyaam-sundar ka raaz to samjhaaya hai। yeh shreekrishna hai nai duniya ka pahla prince aur raadhe second number mein। thode varsha ka farka padta hai। srishti ke aadi mein inko pahle number mein kaha jaata hai isliye hi shreekrishna ko sab pyaar karte hain, inko hi shyaam aur sundar kaha jaata hai। svarga mein to sab sundar hi the। abhi svarga kahaan hai! chakra phirta rehta hai। aise nahin ki samudra ke neeche chale jaate hain। jaise kehte hain lanka, dvaarika neeche chali gai। nahin, yeh chakra phirta hai। is chakra ko jaanne se tum chakravarti mahaaraaja-mahaaraani vishwa ke maalik bante ho। praja bhi to apne ko maalik samajhti hai na। kahenge, hamaara raajya hai। bhaaratvaasi kahenge hamaara raajya hai। bhaarat naam hai। hindustaan naam wrong hai। vaastav mein aadi sanaatan devi-devta dharma hi hai। parantu dharma bhrashta, karma bhrashta hone kaaran apne ko devta nahin kah sakte। yeh bhi drama ki noondh hai। nahin to baap kaise aakar phir se devi-devta dharma ki sthaapna kare। aage tumko bhi in sab baaton ka maaloom nahin tha, ab baap ne samjhaaya hai।

aisa meetha baba, unko bhi phir tum bhool jaate ho! sabse meetha baba hai na। baaki raavan raajya mein tumko sab duhkh hi dete hain na, isliye behad ke baap ko yaad karte hain। unki yaad mein prem ke aansu bahaate hain - he saajan, kab aakar sajniyon se milenge? kyonki tum sab ho bhaktiyaan। bhaktiyon ka pati hua bhagwan। bhagwan aakar bhakti ka phal dete hain, raasta bataate hain aur samjhaate hain - yeh 5 hazaar varsha ka khel hai। rachayita aur rachna ke aadi-madhya-ant ko koi bhi manushya nahin jaante hain। roohaani baap aur roohaani bachche hi jaante hain। koi manushya nahin jaante, devtaayen bhi nahin jaante। yeh spiritual father hi jaante hain। woh apne bachchon ko baith samjhaate hain। aur koi bhi dehdhaari ke paas yeh rachayita aur rachna ke aadi-madhya-ant ki knowledge ho na sake। yeh knowledge hoti hi hai roohaani baap ke paas। unko hi gyaan-gyaaneshvar kaha jaata hai। gyaan-gyaaneshvar tumko gyaan dete hain, raaj-raajeshvar banaane ke liye isliye isko raajayog kaha jaata hai। baaki woh sabhi hain hathayog। hathayogiyon ke bhi chitra bahut hain। sannyaasi jab aate hain, woh aakar baad mein hathayog sikhlaate hain। jab bahut vriddhi ho jaati hai tab hathayog aadi sikhlaate hain। baap ne samjhaaya hai main aata hi hoon sangam par, aakar raajdhaani sthaapan karta hoon। sthaapna yahaan karte hain, na ki satayug mein। satayug aadi mein to raajaai hai to zaroor sangam par sthaapna hoti hai। yahaan kaliyug mein hain sab pujaari, satayug mein hain poojya। to baap poojya banaane ke liye aate hain। pujaari banaane vaala hai raavan। yeh sab jaanna chaahiye na। yeh hai oonch te oonch padhaai। is teacher ko koi jaante nahin। woh supreme baap bhi hai, teacher bhi hai, satguru bhi hai। yeh koi nahin jaante। baap hi aakar apna poora parichay dete hain। bachchon ko khud padhaakar phir saath mein le jaate hain। behad ke baap ka lav milta hai to phir aur koi lav pasanda nahin aata। is samay hai hi jhooth khanda। jhoothi maaya, jhoothi kaaya...... bhaarat ab jhooth khanda hai phir satayug mein hoga sach khanda। bhaarat kabhi vinaash ko nahin paata hai। yeh hai sabse bade te bada teertha। jahaan behad ka baap bachchon ko baith srishti ke aadi, madhya, ant ka raaz samjhaate hain aur sarva ki sadgati karte hain। yeh bahut bada teertha hai। bhaarat ki mahima aprampaar hai। parantu yeh bhi tum samajh sakte ho - bhaarat hai wonder oph world। woh hain maaya ke 7 wonders। eeshvar ka wonder ek hi hai। baap ek, unka wonderful svarga bhi ek hai। unko hi heaven, paradise kehte hain। sachcha-sachcha naam ek hi hai svarga, yeh hai narka। all-round chakra tum brahman hi lagaate ho। ham so brahman, so devta.......। chadhti kala, utarti kala। chadhti kala tere bhaane sarva ka bhala। bhaaratvaasi hi chaahte hain ki vishwa mein shanti bhi ho, sukh bhi ho। svarga mein to hai hi sukh, duhkh ka naam nahin। unko kaha jaata hai eeshvareey raajya। satayug mein sooryavanshi phir second grade mein hain chandravanshi। tum ho aastik, woh hain naastik। tum dhani ke ban baap se varsa lene ka purooshaartha karte ho। tumhaari maaya ke saath gupta ladaai chalti hai। baap aate hain raatri ko। shivraatri hai na। parantu shiv ki raatri ka bhi arth nahin samajhte। brahma ki raat poori hoti hai, din shuru hota hai। woh kehte hain shreekrishna bhagvaanuvaach, yeh to hai shiv bhagvaanuvaach। ab right kaun? shreekrishna to poore 84 janma lete hain। baap kehte hain main aata hoon saadhaaran boodhe tan mein। yeh bhi apne janmon ko nahin jaante hain। bahut janmon ke ant mein jab patit ban jaate hain to patit srishti, patit raajya mein aata hoon। patit duniya mein anek raajya, paavan duniya mein hota hai ek raajya। hisaab hai na। bhakti maarga mein jab bahut naudha bhakti karte hain, sir kaatne par aa jaate hain tab unki manokaamna poori hoti hai। baaki usmein rakha kuchh bhi nahin hain, usko kaha jaata hai naudha bhakti। jabse raavan raajya shuru hota hai tab se bhakti ke karmakaanda ki baaten manushya padhte-padhte neeche aa jaate hain, kehte hain vyaas bhagwan ne shaastra banaaye, kya-kya baith likha hai? bhakti aur gyaan ka raaz abhi tum bachchon ne samjha hai। seedhi aur jhaad mein yeh sab samjhaani hai। usmein 84 janma bhi dikhaaye hain। sab to 84 janma nahin lete hain। jo shuru mein aaye honge vahi poore 84 janma lenge। yeh knowledge tumko abhi hi milti hai phir source oph income ho jaati hai। 21 janma koi apraapta vastu nahin rehti hai, jiski praapti ke liye purooshaartha karna pade। usko kaha jaata baap ka ek hi svarga hai wonder oph di world। naam hi hai paradise। unka baap maalik banaate hain। woh to sirf wonders dikhaate hain, parantu tumko to baap uska maalik banaate hain isliye ab baap kehte hain nirantar mujhe yaad karo। simar-simar sukh paao, kalah kalesh mite sab tan ke, jeevanmukti pad paao। pavitra banne ke liye yaad ki yaatra bhi bahut zaroori hai। manamnaabhav, to phir ant mati so gati ho jaayegi। gati kaha jaata hai shantidham ko। sadgati hoti hai yahaan। sadgati ke against hoti hai durgati।

abhi tum baap ko aur rachna ke aadi-madhya-ant ko jaan gaye ho। tumko baap ka lav milta hai। baap nazar se nihaal kar dete hain। sammukh aakar hi knowledge sunaayenge na। ismen prerna ki to koi baat hi nahin। baap direction dete hain, aise yaad karne se shakti milegi। jaise battery charge hoti hai na। yeh motor hai, iski battery dull ho gai hai। ab sarvashaktimaan baap ke saath buddhi ka yog lagaane se phir tum tamopradhaan se satopradhaan ban jaayenge। battery charge ho jaayegi। baap hi aakar sabki battery charge karte hain। sarvashaktimaan baap hi hai। yeh meethi-meethi baaten baap hi baith samjhaate hain। woh bhakti ke shaastra to janma-janmaantar padhte aaye ho। ab baap sab dharma vaalon ke liye ek hi baat sunaate hain। kehte hain apne ko aatma samajh baap ko yaad karo to tumhaare paap kat jaayenge। ab yaad karna tum bachchon ka kaam hai, ismen moonjhane ki to baat hi nahin hai। patit-paavan ek baap hi hai। phir paavan ban sab ghar chale jaayenge। sabke liye yeh knowledge hai। yeh hai sahaj raajayog aur sahaj gyaan। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sarva shaktimaan baap se apna buddhiyog lagaakar battery charge karni hai। aatma ko satopradhaan banaana hai। yaad ki yaatra mein kabhi moonjhana nahin hai।

2) padhaai padhkar apne oopar aapehi kripa karni hai। baap samaan pyaar ka saagar banna hai। jaise baap ka pyaar avinaashi hai, aise sabse avinaashi sachcha pyaar rakhna hai, mohjeet banna hai।

vardaan:- mahsoosta ki shakti dvaara meethe anubhav karne vaale sada shaktishaali aatma bhav

yeh mahsoosta ki shakti bahut meethe anubhav karaati hai - kabhi apne ko baap ke noore ratna aatma arthaat naynon mein samaai hui shreshtha bindu mahsoos karo, kabhi mastak par chamakne vaali mastak mani, kabhi apne ko brahma baap ke sahayogi right hand, brahma ki bhujaayen mahsoos karo, kabhi avyakt pharishta swaroop mahsoos karo..is mahsoosta shakti ko badhaao to shaktishaali ban jaayenge। phir chhota sa daag bhi spashta dikhaai dega aur use parivartan kar lenge।

slogan:- sarva ke dil ki duaayen lete chalo to aapka purushaartha sahaj ho jaayega।