Murli du jour du samedi 6 juillet 2024

06-07-2024 praatahmurli om shanti "baapdaada"' madhuban

“meethe bachche - baap ki yaad se buddhi svachchha banti hai, divyagun aate hain isliye ekaanta mein baith apne aapse poochho ki daiveegun kitne aaye hain?''

prashn:- sabse bada aasuri avgun kaun-sa hai, jo bachchon mein nahin hona chaahiye?

uttar:- sabse bada aasuri avgun hai kisi se rough-daph baat karna ya katuvchan bolna, ise hi bhoot kaha jaata hai। jab koi mein yeh bhoot pravesh karte hain to bahut nuksaan kar dete hain isliye unse kinaara kar lena chaahiye। jitna ho sake abhyaas karo - ab ghar jaana hai phir nai raajdhaani mein aana hai। is duniya mein sab kuchh dekhte hue kuchh bhi dikhaai na de।

om shanti। baap baith bachchon ko samjhaate hain, jaana to hai shareer chhodkar। is duniya ko bhi bhool jaana hai। yeh bhi ek abhyaas hai। jab koi shareer mein khitpit hoti hai to shareer ko bhi koshish kar bhoolna hota hai to duniya ko bhi bhoolna hota hai। bhoolne ka abhyaas rehta hai subah ko। bas, ab vaapis jaana hai। yeh gyaan to bachchon ko mila hai। saari duniya ko chhod ab ghar jaana hai। jaasti gyaan ki to darkaar nahin rehti। koshish kar usi dhun mein rehna hai। bhal shareer ko kitni bhi takleeph hoti hai, bachchon ko samjhaaya jaata hai - kaise abhyaas karo। jaise ki tum ho hi nahin। yeh bhi achha abhyaas hai। baaki thoda samay hai। jaana hai ghar, phir baap ki madad hai ya inki apni madad hai। madad milti zaroor hai aur purooshaartha bhi karna hota hai। yeh jo kuchh dekhne mein aata hai, woh hai nahin। ab ghar jaana hai। vahaan se phir apni raajdhaani mein aana hai। pichhaadi mein yeh do baaten jaakar rehti hain - jaana hai phir aana hai। dekha jaata hai is yaad mein rahne se shareer ke rog jo tang karte hain, woh bhi automatically thande ho jaate hain। woh khushi rah jaati hai। khushi jaisi khuraak nahin isliye bachchon ko bhi yeh samjhaana padta hai। bachche, ab ghar chalna hai, sweet hom mein chalna hai, is puraani duniya ko bhool jaana hai। isko kaha jaata hai yaad ki yaatra। abhi hi bachchon ko maaloom padta hai। baap kalpa-kalpa aate hain, yahi sunaate hain kalpa baad phir milenge। baap kehte hain - bachche, abhi tum jo sunte ho, phir kalpa baad bhi yahi sunenge। yeh to bachche jaante hain, baap kehte hain - ham kalpa-kalpa aakar bachchon ko maarga bataata hoon। maarga par chalna bachchon ka kaam hai। baap aakar maarga bataate hain, saath mein le jaate hain। sirf maarga nahin bataate lekin saath mein le bhi jaate hain। yeh bhi samjhaaya jaata hai - yeh jo chitra aadi hain, pichhaadi mein kuchh bhi kaam nahin aate। baap ne apna parichay de diya hai। bachche samajh jaate hain baap ka varsa behad ki baadshaahi hai। jo kal mandiron mein jaate the, mahima gaate the in bachchon (lakshmi-naaraayan) ki, baba to inhon ko bhi bachche-bachche kahenge na, jo unhon ke oonch banne ki mahima gaate the, ab phir oonch banne ka purooshaartha karte hain। shivbaaba ke liye nai baat nahin। tum bachchon ke liye nai baat hai। yuddha ke maidaan mein to bachche hain। sankalp-vikalpa bhi inhen tang karenge। yeh khaansi bhi inke karma ka hisaab-kitaab hai, inko bhogna hai। baba to mauj mein hai, inko karmaateet banna hai। baap to hai hi sada karmaateet avastha mein। ham tum bachchon ko maaya ke toofaan aadi karmabhog aayenge। yeh samjhaana chaahiye। baap to raasta bataate hain, bachchon ko sab kuchh samjhaate hain। is rath ko kuchh hota hai to tumko feeling aayegi ki daada ko kuchh hua hai। baba ko kuchh nahin hota, inko hota hai। gyaan maarga mein andhashraddha ki baat nahin hoti। baap samjhaate hain main kis tan mein aata hoon। bahut janmon ke ant ke patit tan mein main pravesh karta hoon। daada bhi samajhte hain jaise aur bachche hain, main bhi hoon। daada purooshaarthi hai, sampoorn nahin hai। tum sab prajaapita brahma ke bachche brahman purooshaartha karte ho, vishnu pad paane। lakshmi-naaraayan kaho, vishnu kaho, baat to ek hi hai। baap ne samjhaaya bhi hai aage nahin samajhte the। na brahma-vishnu-shankar ko, na apne aap ko samajhte the। abhi to baap ko, brahma-vishnu-shankar ko dekhne se buddhi mein aata hai - yeh brahma tapasya karte hain। yahi saphed dress hai। karmaateet avastha bhi yahaan hoti hai। in advance tumko saakshaatkaar hota hai - yeh baba pharishta banenge। tum bhi jaante ho ham karmaateet avastha ko paakar pharishta banenge nambarvaar। jab tum pharishte bante ho tab samajhte ho ki ab ladaai lagegi। mirooa maut… yeh bahut oonch avastha hai। bachchon ko dhaarna karni hai। yeh bhi nishchay hai ki ham chakra lagaate hain। aur koi in baaton ko samajh na sake। naya gyaan hai aur phir paavan banne ke liye baap yaad sikhaate hain, yeh bhi samajhte ho baap se varsa milta hai। kalpa-kalpa baap ke bachche bante hain, 84 ka chakra lagaaya hai। koi ko bhi tum samjhaao tum aatma ho, parampita paramatma baap hai, ab baap ko yaad karo। to unki buddhi mein aayega daivi prince banna hai to itna purooshaartha karna hai। vikaar aadi sab chhod dena hai। baap samjhaate hain behen-bhaai bhi nahin, bhaai-bhaai samjho aur baap ko yaad karo to vikarma vinaash honge aur koi takleeph nahin hai। pichhaadi mein aur koi baaton ki darkaar nahin padegi। sirf baap ko yaad karna hai, aastik banna hai। aisa sarvagun sampanna banna hai। lakshmi-naaraayan ka chitra bada accurate hai। sirf baap ko bhool jaane se daivi gun dhaaran karna bhi bhool jaate hain। bachche ekaanta mein baith vichaar karo - baba ko yaad karke hamko yeh banna hai, yeh gun dhaaran karna hai। baat to bahut chhoti hai। bachchon ko kitni mehnat karni padti hai। kitna deh-abhimaan aa jaata hai। baap kehte hain “dehi-abhimaani bhav''। baap se hi varsa lena hai। baap ko yaad karenge tab to kichda niklega।

bachche jaante hain abhi baba aaya hua hai। brahma dvaara nai duniya ki sthaapna karte hain। tum bachche jaante ho sthaapna ho rahi hai। itni sahaj baat bhi tumse khisak jaati hai। ek alaph hai, behad ke baap se baadshaahi milti hai। baap ko yaad karne se nai duniya yaad aa jaati hai। ablaayen-kubjaayen bhi bahut achha pad pa sakti hain। sirf apne ko aatma samajh baap ko yaad karo। baap ne to raasta bataaya hai। kehte hain - apne ko aatma nishchay karo। baap ki pahchaan to mili। buddhi mein baith jaata hai ab 84 janma poore hue, ghar jaayenge phir aakar svarga mein part bajaayenge। yeh prashn nahin uthta ki kahaan yaad karoon, kaise karun? buddhi mein hai ki baap ko yaad karna hai। baap kahaan bhi jaaye, tum to unke hi bachche ho na। behad ke baap ko yaad karna hai। yahaan baithe ho to tumko aananda aata hai। sammukh baap se milte ho। manushya moonjh jaate hain ki shivbaaba ki jayanti kaise hogi! yeh bhi samajhte nahin ki shivraatri kyon kaha jaata hai? shreekrishna ke liye samajhte hain na raat ko jayanti hoti hai parantu is raatri ki baat nahin। woh aadha kalpa ki raat poori hoti hai phir baap ko aana padta hai nai duniya ki sthaapna karne, hai bahut sahaj। bachche khud samajhte hain - sahaj hai। daivi gun dhaaran karne hain। nahin to sau guna paap ho jaata hai। meri ninda karaane vaale oonch thaur nahin pa sakenge। baap ki ninda karaayenge to pad bhrashta ho jaayega। bahut meetha banna chaahiye। rough-daph baat karna - yeh daiveegun nahin hai। samajhna chaahiye yeh aasuri avgun hai। pyaar se samjhaana hota hai - yeh tumhaara daivi gun nahin hai। yeh bhi bachche jaante hain abhi kaliyug poora hota hai, yeh hai sangamayug। manushyon ko to kuchh pata nahin hai। kumbhakran ki neend mein soye pade hain। samajhte hain 40 hazaar varsha pade hain। ham jeete rahenge, sukh bhogte rahenge। yeh nahin samajhte din-pratidin aur hi tamopradhaan bante hain। tum bachchon ne vinaash ka saakshaatkaar bhi kiya hai! aage chalkar brahma ka, shreekrishna ka bhi saakshaatkaar karte rahenge। brahma ke paas jaane se tum svarga ka aisa prince banenge isliye aksar karke brahma aur shreekrishna donon ke saakshaatkaar hote hain। koi ko vishnu ka hota hai। parantu unse itna samajh nahin sakenge। naaraayan ka hone se samajh sakte hain। yahaan ham jaate hi hain devta banne ke liye। to tum abhi srishti ke aadi-madhya-ant ka paath padhte ho। paath padhaaya jaata hai yaad ke liye। paath aatma padhti hai। deh ka bhaan utar jaata hai। aatma hi sab kuchh karti hai। achhe athva bure sanskaar aatma mein hi hote hain।

tum meethe-meethe bachche 5 hazaar varsha ke baad aakar mile ho। tum vahi ho। features bhi vahi hain, 5 hazaar varsha pahle bhi tum hi the। tum bhi kehte ho 5 hazaar varsha baad aap vahi aakar mile ho, jo hamko manushya se devta bana rahe ho। ham devta the phir asur ban pade hain। devtaaon ke gun gaate aaye, apne avgun varnan karte aaye। ab phir devta banna hai kyonki daivi duniya mein jaana hai। to ab achhi reeti purooshaartha kar oonch pad paao। teacher to sabko kahenge na, padho। achhi marks mein paas ho to hamaara bhi naam baala aur tumhaara bhi naam baala hoga। aise bahut kehte hain - baba, aapke paas aane se kuchh nikalta hi nahin। sab bhool jaate hain। aane se hi chup ho jaayenge। yeh duniya jaise ki khatma hui padi hai। phir tum aayenge nai duniya mein। woh to badi shobhnik nai duniya hogi। koi shantidham mein vishraam paate hain। koi ko vishraam nahin milta hai। all-round part hai। parantu tamopradhaan duhkh se chhoot jaate hain। vahaan shanti, sukh sab mil jaata hai। to aise achhi reeti purooshaartha karna chaahiye। aise nahin ki jo naseeb mein hoga। nahin, purooshaartha karna chaahiye। samjha jaata hai ki raajdhaani sthaapan ho rahi hai। ham shreemat par apne liye raajdhaani sthaapan kar rahe hain। baba jo shreemat dene vaala hai woh khud raaja aadi nahin bana hai। unki shreemat se ham bante hain। nai baat hai na। kabhi koi ne na to suni, na dekhi। abhi tum bachche samajhte ho shreemat par ham baikuntha ki baadshaahi sthaapan karte hain। hamne anginat baar raajaai sthaapan ki hai। karte aur ganvaate hain। yeh chakra phirta hi rehta hai। paadri log jab chakra lagaane nikalte hain to aur koi ko dekhna bhi pasanda nahin karte hain। sirf Christ ki hi yaad mein rehte hain। shanti mein chakra lagaate hain। samajh hai na। Christ ki yaad mein kitna rehte hain। zaroor Christ ka saakshaatkaar hua hoga। sab paadri aise thode hi hote hain। koton mein koi, tumhaare mein bhi nambarvaar hain। koton mein koi aisi yaad mein rehte honge। try karke dekho। aur koi ko nahin dekho। baap ko yaad karte svadarshan chakra phiraate raho। tumko athaah khushi hogi। shreshthaachaari devtaaon ko kaha jaata hai, manushyon ko bhrashtaachaari kaha jaata hai। is samay to devta koi hai nahin। aadhaakalpa din, aadhaakalpa raat - yeh bhaarat ki hi baat hai। baap kehte hain main aakar sabki sadgati karta hoon, baaki jo aur dharma vaale hain, woh apne-apne samay par apne dharma ki aakar sthaapna karte hain। sab aakar yeh mantra le jaate hain। baap ko yaad karna hai, jo yaad karenge woh apne dharma mein oonch pad paayenge।

tum bachchon ko purooshaartha karke roohaani museum athva college kholne chaahiye। likh do - vishwa ki athva svarga ki raajaai second mein kaise mil sakti hai, aakar samjho। baap ko yaad karo to baikuntha ki baadshaahi milegi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) chalte-phirte ek baap ki hi yaad rahe aur kuchh dekhte hue bhi dikhaai na de - aisa abhyaas karna hai। ekaanta mein apni jaanch karni hai ki hamaare mein daiveegun kahaan tak aaye hain?

2) aisa koi karttavya nahin karna hai, jisse baap ki ninda ho, daiveegun dhaaran karne hain। buddhi mein rahe - abhi ghar jaana hai phir apni raajdhaani mein aana hai।

vardaan:- sevaaon mein shubh bhaavna ki addition dvaara shaktishaali phal praapta karne vaale saphaltaamoorta bhav

jo bhi seva karte ho usmein sarva aatmaon ke sahayog ki bhaavna ho, khushi ki bhaavna va sadbhaavna ho to har kaarya sahaj saphal hoga। jaise pahle jamaane mein koi kaarya karne jaate the to saare parivaar ki aasheervaad lekar jaate the। to vartamaan sevaaon mein yeh addition chaahiye। koi bhi kaarya shuru karne ke pahle sabhi ki shubh bhaavnaayen, shubh kaamnaayen lo। sarva ki santushtata ka bal bharo tab shaktishaali phal niklega।

slogan:- jaise baap ji-haazir kehte hain vaise aap bhi seva mein ji haazir, ji hazoor karo to punya jama ho jaayega।