Murli du jour du samedi 20 juillet 2024

20-07-2024 praatahmurli om shanti "baapdaada"' madhuban

meethe bachche - maaya raavan ke sang mein aakar tum bhatak gaye, pavitra paudhe apvitra ban gaye, ab phir pavitra bano।

prashn:- har ek bachche ko apne oopar kaun-sa wonder lagta hai? baap ko bachchon par kaun-sa wonder lagta hai?

uttar:- bachchon ko wonder lagta ki ham kya the, kiske bachche the, aise baap ka humein varsa mila tha, us baap ko hi ham bhool gaye। raavan aaya itni foggy aa gai jo rachayita aur rachna sab bhool gaya। baap ko bachchon par wonder lagta, jin bachchon ko mainne itna oonch banaaya, raajya-bhaagya diya, vahi bachche meri glaani karne lage। raavan ke sang mein aakar sab kuchh ganva diya।

om shanti। kya soch rahe ho? nambarvaar purooshaartha anusaar har ek ki jeev aatma ab apne oopar wonder kha rahi hai ki ham kya the, kiske bachche the aur barobar baap se varsa mila tha, phir kaise ham bhool gaye! ham satopradhaan duniya mein saare vishwa ke maalik the, bahut sukhi the। phir ham seedhi utre। raavan aaya goya itni foggy aa gai jo rachta aur rachna ko ham bhool gaye। foggy mein manushya raasta aadi bhool jaate hain na। to ham bhi bhool gaye - hamaara ghar kahaan hai, kahaan ke rahne vaale the। ab baba dekh rahe hain hamaare bachche, jinhen ham aaj se 5 hajaar varsha pahle raajya-bhaagya dekar gaye, bade aananda mauj mein the, yeh bhoomi phir kya ho gai! kaise raavan ke raajya mein aa gaye! paraaye raajya mein to zaroor duhkh hi milega। kitne tum bhatke! andhashradha mein baap ko dhoondhate rahe parantu mile kahaan। jisko patthar-thikkar mein daal diya to milega phir kaise। aadhaakalpa tum bhatak-bhatak kar jaise phaan ho gaye। apne hi agyaan ke kaaran raavan raajya mein tumne kitna duhkh uthaaya hai। bhaarat bhakti maarga mein kitna gareeb ban gaya hai। baap bachchon ki taraph dekhte hain to khyaal hota hai bhakti maarga mein kitna bhatke hain! aadhaakalpa bhakti ki hai, kislie? bhagwan se milne liye। bhakti ke baad hi bhagwan phal dete hain। kya dete hain? woh to koi jaante nahin, bilkul buddhu ban gaye hain। yeh sab baaten buddhi mein aani chaahiye - ham kya the phir kaise raajya-bhaagya karte the phir kaise seedhi neeche utarte-utarte raavan ki janjeeron mein bandhate gaye। aparmaapaar duhkh the। pahle-pahle tum aparmaapaar sukh mein the। to dil mein aana chaahiye, apne raajya mein kitna sukh tha phir paraaye raajya mein kitna duhkh uthaaya। jaise vo log samajhte hain angrejon ke raajya mein hamne duhkh uthaaya hai। ab tum baithe ho, andar mein yeh khyaal aana chaahiye ham kaun the, kiske bachche the? baap ne hamko saare vishwa ka raajya diya phir kaise ham raavan raajya mein jakad gaye। kitne duhkh dekhe, kitne gande karma kiye। srishti din-pratidin girti hi gai hai। manushyon ke sanskaar din-pratidin criminal hote gaye hain। to bachchon ko smriti mein aana chaahiye। baap dekhte hain yeh pavitra paudhe the, jisko raajya-bhaagya diya woh phir mere occupation ko hi bhool gaye। ab phir tum tamopradhaan se satopradhaan banna chaahte ho to mujh baap ko yaad karo to sab paap kat jaaen। parantu yaad bhi nahin kar sakte, ghadi-ghadi kehte hain baba ham bhool jaate hain। are, tum yaad nahin karenge to paap kaise katenge? ek to tum vikaaron mein gir patit banen aur doosra phir baap ko gaali dene lage। maaya ke sang mein tum itna gir pade jo jisne tumko aasmaan mein chadhaaya unko thikkar-bhittar mein le gaye। maaya ke sang mein tumne aisa kaam kiya hai! buddhi mein aana chaahiye na। ekdam pattharbuddhi to nahin banna chaahiye। baap roz-roz kehte hain main first class point tumko sunaata hoon।

jaise baambe mein sangathan hua to usmein batla sakte hain ki baap kehte hain - he bhaarat-vaasiyon, tumko hamne raajya-bhaagya diya। tum devtaayen heaven mein the phir tum raavan raajya mein kaise aaye, yeh bhi drama mein part hai। tum rachta aur rachna ke aadi-madhya-ant ko samjho tab oonch pad pa sako। aur mere ko yaad karo to tumhaare vikarma vinaash ho। yahaan bhal sab baithe hain phir bhi kiski buddhi kahaan, kiski buddhi kahaan hai। buddhi mein aana chaahiye - ham kahaan the, ab ham paraaye raavan raajya mein aakar pade hain, to kitne duhkhi hue hain। ham shivaalay mein to bahut sukhi the। ab baap aaye hain veshyaalay se nikaalne, to bhi nikalte hi nahin। baap kehte hain tum shivaalay chalenge phir vahaan yeh vish nahin milega। yahaan ka ganda khaan-paan nahin milega। yeh to vishwa ke maalik the na। phir yeh kahaan gaye? phir se apna raajya-bhaagya le rahe hain। kitna sahaj hai। yeh to baap samjhaate hain, sab serviceable nahin honge। nambarvaar raajdhaani sthaapan karni hai, jaise 5 hazaar varsha pahle ki thi। satopradhaan banna hai, baap kehte hain yeh hai tamopradhaan puraani duniya। accurate puraani jab hogi tab to baap aayenge na। baap bigar to koi samjha na sake। bhagwan is rath dvaara hamko padha rahe hain, yeh yaad rahe to bhi buddhi mein gyaan ho। phir auron ko bataakar aapasmaan bhi banaaye। baap samjhaate hain pahle to tumhaare criminal characters the, jo mushkil sudharte hain। aankhon ki criminality nikalti nahin hai। ek to kaam ki criminality woh mushkil chhootti hai phir saath mein 5 vikaar hain। krodh ki criminality bhi kitni hai। baithe-baithe bhoot aa jaata hai। yeh bhi criminality hui। civilized to hue nahin। nateeja kya hoga! sau guna paap chadh jaayega। ghadi-ghadi krodh karte rahenge। baap samjhaate hain tum abhi raavan raajya mein to nahin ho na। tum to eeshvar ke paas baithe hue ho। to in vikaaron se chhootne ki pratigya karni hai। baap kehte hain ab mujhe yaad karo। krodh mat karo। 5 vikaar tumko aadhaakalpa giraate aaye hain। sabse oonch bhi tum the। sabse jaasti gire bhi tum ho। in 5 bhooton ne tumko giraaya hai। ab shivaalay mein jaane ke liye in vikaaron ko nikaalna hai। is veshyaalay se dil hataate raho। baap ko yaad karo to ant mati so gati ho jaayegi। tum ghar mein pahunch jaayenge aur koi yeh raasta bata nahin sakte। bhagvaanuvaach, mainne to kabhi bhi kaha nahin hai ki main sarvavyaapi hoon। mainne to raajayog sikhaaya aur kaha tumko vishwa ka maalik banaata hoon phir vahaan to is knowledge ki darkaar hi nahin rehti। manushya se devta ban jaate hain, tum varsa pa lete ho। ismen hathayog aadi ki baat nahin। apne ko aatma samjho, apne ko shareer kyon samajhte ho। shareer samajhne se phir gyaan utha nahin sakte। yeh bhi bhaavi। tum samajhte ho ham raavanraajya mein the, ab raamraajya mein jaane ke liye purooshaartha kar rahe hain। abhi ham purooshottam sangamayug vaasi hain।

bhal grihastha mein raho। itne sab yahaan kahaan rahenge। brahman bankar sab yahaan brahma ke paas bhi nahin rah sakte hain। rehna bhi apne ghar mein hai aur buddhi se samajhna hai - ham shoodra nahin, ham brahman hain। braahmanon ki choti kitni chhoti hai। to grihastha mein rehte, shareer nirvaah liye dhandha aadi karte sirf baap ko yaad karo। ham kya the, ab ham paraaye raajya mein baithe hain। kitna ham duhkhi the। ab baba hamko phir le jaate hain to grihastha vyavhaar mein rehte woh avastha jamaani hai। shuru mein kitne bade-bade jhaad aaye, phir unse koi rahe, baaki chale gaye। tumhaari buddhi mein hai ham apne raajya mein the phir abhi kahaan aakar pade hain। phir apne raajya mein jaate hain। tum likhte ho, kehte ho baba phalaana bahut achha regular tha phir aate nahin। nahin aate hain to goya vikaar mein gire। phir gyaan ki dhaarna ho na sake। unnati ke badle girte-girte paai paise ka pad pa lenge। kahaan raaja, kahaan neech pad! bhal sukh to vahaan hai hi parantu purooshaartha kiya jaata hai oonch pad paane ka। bada martaba kaun pa sakte hain? yeh to sabhi samajh sakte hain, abhi sab purooshaartha kar rahe hain। king mahendra (bhopaal ke) bhi purooshaartha kar raha hai। woh king to paai paise ke hain, yeh to sooryavanshi raajdhaani mein jaane vaala hai। purooshaartha aisa ho jo vijay maala mein ja saken। baap bachchon ko samjhaate hain - apne dil mein jaanch karte rehna hai - hamaari aankhe kahaan criminal to nahin hoti hain? agar civilize ho jaae to baaki kya chaahiye। bhal vikaar mein nahin jaayenge parantu kuchh na kuchh aankhe dhokha deti rehti hain। number one hai kaam, criminal aai badi kharaab hai isliye naam hi hai criminal-ized, civil-ized। behad ka baap bachchon ko jaante to hain na - yeh kya karma karte hain, kitni service karte hain? phalaane ki criminal-eyes abhi tak gai nahin hai, abhi tak aise gupta samaachaar aate hain। aage chal aur bhi accurate likhenge। khud bhi feel karenge ham to itna samay jhooth bolte, girte aaye hain। gyaan poora buddhi mein baitha nahin tha। yahi kaaran tha jo hamaari avastha nahin bani। baap se ham chhipaate the। aise bahut chhipaate hain। surgeon se 5 vikaaron ki beemaari chhipaani nahin hai, sach bataana chaahiye - hamaari buddhi is taraph jaati hai, shivbaaba taraph nahin jaati। bataate nahin hain to woh vriddhi ko paati rehti hai। ab baap samjhaate hain - bachche, dehi-abhimaani bano, apne ko aatma samjho। aatma bhaai-bhaai hai। tum kitne sukhi the jab poojya the। ab tum pujaari duhkhi ban pade ho। tumko kya ho gaya! sab kehte hain yeh grihastha aashram to parmapra se chala aaya hai। kya raam-seeta ko bachche nahin the! lekin vahaan vikaar se bachche nahin hote। are, woh to hai hi sampoorn nirvikaari duniya। vahaan bhrashtaachaar se paidaais nahin hoti, vikaar nahin tha। vahaan yeh raavan raajya hota hi nahin, woh to raam raajya hai। vahaan raavan kahaan se aaya। manushyon ki buddhi bilkul chat khaate mein hain। kisne ki? mainne tumko satopradhaan banaaya tha, tumhaara beda paar kiya tha phir tumko tamopradhaan kisne banaaya? raavan ne। yeh bhi tum bhool gaye ho। kehte hain yeh to parampara se chala aata hai, are, parampara kab se? koi hisaab to bataao। kuchh bhi samajhte nahin। baap samjhaate hain - tumko kitna raajya-bhaagya dekar gaye। tum bhaaratvaasi bahut hi khushi mein the, aur koi tha hi nahin। Christian bhi kehte hain paradise tha, chitra bhi devtaaon ke hain, unse koi puraani cheej to hai nahin। puraane te puraane yeh lakshmi-naaraayan honge ya inhon ki koi vastu hogi। sabse puraane te puraana hai shreekrishna। naye se naya bhi shreekrishna tha। puraana kyon kehte? kyonki past ho gaya na। tum hi gore the phir saanvare bane। saanvare krishna ko bhi dekhkar bada khush hote hain। jhoole mein bhi saanvare ko jhulaayenge। unko kya pata ki gora kab tha। krishna ko kitna pyaar karte hain! raadhe ne kya kiya?

baap kehte hain tum yahaan sat ke sang mein baithe ho, baahar kusang mein jaane se phir bhool jaate ho। maaya badi prabal hai, gaj ko graah hap kar lete hain। aise bhi hain - abhi bhaage ki bhaage। thoda bhi apna ahankaar aane se aur hi satyaanaash kar lete hain। behad ka baap to samjhaate rahenge। ismen funk nahin hona chaahiye। baba ne aise kyon kaha, hamaari ijzat gai! are ijzat to raavan raajya mein chat ho hi gai hai। deh-abhimaan mein aane se apna hi nuksaan kar denge। pad bhrashta ho padega। krodh, lobh bhi criminal aai hai। aankhon se cheez dekhte hain, tab to lobh hota hai।

baap aakar apna bageecha dekhte hain - kis-kis kisma ke phool hain। yahaan se jaakar phir us bageeche mein phoolon ko dekhte hain। shivbaaba ko phool bhi barobar chadhaate hain। woh to hai niraakaar, chaitanya phool। tum abhi purooshaartha kar aisa phool bante ho। baba kehte hain - meethe-meethe bachchon, jo kuchh beeta, usko drama samjho। socho nahin। kitni mehnat karte hain, hota to kuchh nahin, thaharta nahin। are, praja bhi to chaahiye na। thoda bhi suna to woh praja ho gai। praja to dher banni hai। gyaan kabhi vinaash ko nahin paata hai। ek baar suna - shivbaaba hai, to bhi bas, praja mein aa jaayenge। andar mein tumhein yeh smriti aani chaahiye ham jis raajya mein the, woh phir se ab pa rahe hain। uske liye poora purooshaartha karna chaahiye। bilkul accurate service chal rahi hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shivaalay mein jaane ke liye in vikaaron ko nikaalna hai। is veshyaalay se dil hataate jaana hai। shoodron ke sang se kinaara kar lena hai।

2) jo kuchh beeta use drama samajh koi bhi vichaar nahin karna hai। ahankaar mein kabhi nahin aana hai। kabhi shiksha milne par funk nahin hona hai।

vardaan:- khushiyon ke khajaane se sampanna ban duhkhi aatmaon ko khushi ka daan dene vaale punya aatma bhav

is samay duniya mein har samay ka duhkh hai aur aapke paas har samay ki khushi hai। to duhkhi aatmaon ko khushi dena - yeh sabse bade se bada punya hai। duniya vaale khushi ke liye kitna samay, sampatti kharcha karte hain aur aapko sahaj avinaashi khushi ka khajaana mil gaya। ab sirf jo mila hai use baantate jaao। baantana maana badhna। jo bhi sambandh mein aaye woh anubhav kare ki inko koi shreshtha praapti hui hai jiski khushi hai।

slogan:- anubhvi aatma kabhi bhi kisi baat se dhokha nahin kha sakti, woh sada vijayi rehti hai।