Murli du jour du mardi 19 novembre 2024

19-11-2024 praatahmurli om shanti "baapdaada"' madhuban

“meethe bachche - tumhaari yaad bahut wonderful hai kyonki tum ek saath hi baap, teacher aur satguru teenon ko yaad karte ho''

prashn:- kisi bhi bachche ko maaya jab magroor banaati hai to kis baat ki don't care karte hain?

uttar:- magroor bachche deh-abhimaan mein aakar murli ko donta-care karte hai, kahaavat hai na - choohe ko haldi ki gaanth mili, samjha mai pansaari hoon…। bahut hain jo murli padhte hi nahin, kah dete hain hamaara to direct shivbaaba se connection hain। baba kehte bachche murli mein to nai-nai baaten nikalti hain isliye murli kabhi miss nahin karna, is par bahut attention rahe।

om shanti। meethe-meethe sikeeldhe bachchon se roohaani baap poochhte hain yahaan tum baithe ho, kiski yaad mein baithe ho? (baap, shikshak, satguru ki) sabhi in teenon ki yaad mein baithe ho? har ek apne se poochhe yeh sirf yahaan baithe yaad hai ya chalte-phirte yaad rehti hai? kyonki yeh hai wonderful baat। aur koi aatma ko kabhi aise nahin kaha jaata। bhal yeh lakshmi-naaraayan vishwa ke maalik hain parantu unki aatma ko kabhi aise nahin kahenge ki yeh baap bhi hai, teacher bhi hai, satguru bhi hai। balki saari duniya mein jo bhi jeev aatmaayen hai, koi bhi aatma ko aise nahin kahenge। tum bachche hi aise yaad karte ho। andar mein aata hai yeh baba, baba bhi hai, teacher bhi hai, satguru bhi hai। so bhi supreme। teenon ko yaad karte ho ya ek ko? bhal woh ek hai parantu teenon gunon se yaad karte ho। shivbaaba hamaara baap bhi hai, teacher aur satguru bhi hai। yeh extra ordinary kaha jaata hai। jab baithe ho athva chalte phirte ho to yeh yaad rehna chaahiye। baba poochhte hain aise yaad karte ho ki yeh hamaara baap, teacher, satguru bhi hai। aisa koi bhi dehdhaari ho nahin sakta। dehdhaari number one hai shreekrishna, unko baap, teacher, satguru kah nahin sakte, yeh bilkul wonderful baat hai। to sach bataana chaahiye teenon roop mein yaad karte ho? bhojan par baithte ho to sirf shivbaaba ko yaad karte ho ya teenon buddhi mein aate hain? aur to koi bhi aatma ko aise nahin kah sakte। yeh hai wonderful baat। vichitra mahima hai baap ki। to baap ko yaad bhi aise karna hai। to buddhi ekdam us taraph chali jaayegi jo aisa wonderful hai। baap hi baith apna parichay dete hain phir saare chakra ka bhi knowledge dete hain। aise yeh yug hain, itne-itne varsha ke hain jo phirte rehte hain। yeh gyaan bhi woh rachayita baap hi dete hain। to unko yaad karne mein bahut madad milegi। baap, teacher, guru woh ek hi hai। itni oonch aatma aur koi ho nahin sakti। parantu maaya aise baap ki yaad bhi bhula deti hai to teacher aur guru ko bhi bhool jaate hain। yeh har ek ko apne-apne dil se lagaana chaahiye। baba hamko aisa vishwa ka maalik banaayenge। behad ke baap ka varsa zaroor behad ka hi hai। saath-saath yeh mahima bhi buddhi mein aaye, chalte-phirte teenon hi yaad aayen। is ek aatma ki teenon hi service ikatthi hain isliye unko supreme kaha jaata hai।

ab conference aadi bulaate hain, kehte hain vishwa mein shanti kaise ho? woh to ab ho rahi hai, aakar samjho। kaun kar rahe hain? tumko baap ka occupation siddha kar bataana hai। baap ke occupation aur shreekrishna ke occupation mein bahut farka hai। aur to sabka naam shareer ka hi liya jaata hai। unki aatma ka naam gaaya jaata hai। woh aatma baap bhi hai, teacher, guru bhi hai। aatma mein knowledge hai parantu woh de kaise? shareer dvaara hi denge na। jab dete hain tab to mahima gaai jaati hai। ab shiv jayanti par bachche conference karte hain। sab dharma ke netaaon ko bulaate hain। tumko samjhaana hai eeshvar sarvavyaapi to hai nahin। agar sabmen eeshvar hai to kya har ek aatma bhagwan baap bhi hai, teacher bhi hai, guru bhi hai! bataao srishti ke aadi, madhya, ant ka knowledge hai? yeh to koi bhi suna na sake।

tum bachchon ke andar mein aana chaahiye oonch te oonch baap ki kitni mahima hai। woh saare vishwa ko paavan banaane vaala hai। prakriti bhi paavan ban jaati hai। conference mein pahle-pahle to tum yeh poochhenge ki geeta ka bhagwan kaun hai? satayugi devi-devta dharma ki sthaapna karne vaala kaun? agar shreekrishna ke liye kahenge to baap ko gum kar denge ya to phir kah dete woh naam-roop se nyaara hai। jaise ki hai hi nahin। to baap bigar orphans thahre na। behad ke baap ko hi nahin jaante। ek do par kaam kataari chalaakar kitna tang karte hain। ek-do ko duhkh dete hain। to yeh sab baaten tumhaari buddhi mein chalni chaahiye। contrast karna hai - yeh lakshmi-naaraayan bhagwan-bhagavti hain na, inhon ki bhi vanshaavli hai na। to zaroor sab aise god-goddess hone chaahiye। to tum sab dharma vaalon ko bulaate ho। jo achhi reeti padhe-likhe hain, baap ka parichay de sakte hain, unko hi bulaana hai। tum likh sakte ho jo aakar rachayita aur rachna ke aadi, madhya, ant ka parichay deve unke liye ham aane-jaane, rahne aadi ka sab prabandha karenge - agar rachta aur rachna ka parichay diya to। yeh to jaante hain koi bhi yeh gyaan de nahin sakte। bhal koi vilaayat se aave, rachayita aur rachna ke aadi, madhya, ant ka parichay diya to ham kharcha de denge। aisi advertise aur koi kar na sake। tum to bahaadur ho na। mahaaveer-mahaaveerniyaan ho। tum jaante ho inhon ne (lakshmi-naaraayan) vishwa ki baadshaahi kaise li? kaun-si bahaaduri ki? buddhi mein yeh sab baaten aani chaahiye। kitna tum oonch kaarya kar rahe ho। saare vishwa ko paavan bana rahe ho। to baap ko yaad karna hai, varsa bhi yaad karna hai। sirf yeh nahin ki shivbaaba yaad hai। parantu unki mahima bhi bataani hai। yeh mahima hai hi niraakaar ki। parantu niraakaar apna parichay kaise de? zaroor rachna ke aadi, madhya, ant ka knowledge dene liye mukh chaahiye na। mukh ki kitni mahima hai। manushya gaoomukh par jaate hain, kitna dhakka khaate hain। kya-kya baaten bana di hain। teer maara ganga nikal aai। ganga ko samajhte hain patit-paavni। ab paani kaise patit se paavan bana sakta। patit-paavan to baap hi hai। to baap tum bachchon ko kitna sikhlaate rehte hain। baap to kehte hain aise aise karo। kaun aakar baap rachayita aur rachna ka parichay denge। saadhu-sannyaasi aadi yeh bhi jaante hain ki rishi-muni aadi sab kehte the - neti-neti, ham nahin jaante hain, goya naastik the। ab dekho koi aastik nikalta hai? abhi tum bachche naastik se aastik ban rahe ho। tum behad ke baap ko jaante ho jo tumko itna oonch banaate hain। pukaarte bhi hain - O god father, liberate karo। baap samjhaate hain, is samay raavan ka saare vishwa par raajya hai। sab bhrashtaachaari hain phir shreshthaachaari bhi honge na। tum bachchon ki buddhi mein hai - pahle-pahle pavitra duniya thi। baap apvitra duniya thode hi banaayenge। baap to aakar paavan duniya sthaapan karte hain, jisko shivaalay kaha jaata hai। shivbaaba shivaalay banaayenge na। woh kaise banaate hain so bhi tum jaante ho। mahaapralay, jalmai aadi to hoti nahin। shaastron mein to kya-kya likha hai। baaki 5 paandav bache jo himaalay pahaad par gal gaye, phir result ka koi ko pata nahin। yeh sab baaten baap baith samjhaate hain। yeh bhi tum hi jaante ho - woh baap, baap bhi hai, teacher bhi hai, satguru bhi hai। vahaan to yeh mandir hote nahin। yeh devtaayen hokar gaye hain, jinke yaadgaar mandir yahaan hain। yeh sab drama mein noondh hai। second by second nai baat hoti rehti hai, chakra phirta rehta hai। ab baap bachchon ko direction to bahut achhe dete hain। bahut deh-abhimaani bachche hain jo samajhte hain ham to sab kuchh jaan gaye hain। murli bhi nahin padhte hain। kadar hi nahin hai। baba taakeed karte hain, koi-koi samay murli bahut achhi chalti hai। miss nahin karna chaahiye। 10-15 din ki murli jo miss hoti hai woh baith padhni chaahiye। yeh bhi baap kehte hain aisi-aisi challenge do - yeh rachta aur rachna ke aadi, madhya, ant ka knowledge koi aakar de to ham unko kharcha aadi sab denge। aisi challenge to jo jaante hain woh denge na। teacher khud jaanta hai tab to poochhte hain na। bigar jaane poochhenge kaise।

koi-koi bachche murli ki bhi don't care karte hain। bas hamaara to shivbaaba se hi connection hai। parantu shivbaaba jo sunaate hain woh bhi sunna hai na ki sirf unko yaad karna hai। baap kaise achhi-achhi meethi-meethi baaten sunaate hain। parantu maaya bilkul hi magroor kar deti hai। kahaavat hai na - choohe ko haldi ki gaanth mili, samjha mai pansaari hoon.......। bahut hain jo murli padhte hi nahin। murli mein to nai-nai baaten nikalti hain na। to yeh sab baaten samajhne ki hain। jab baap ki yaad mein baithte ho to yeh bhi yaad karna hai ki woh baap teacher bhi hai aur satguru bhi hai। nahin to padhenge kahaan se। baap ne to bachchon ko sab samjha diya hai। bachche hi baap ka show karenge। san shows father। san ka phir father show karte hain। aatma ka show karte hain। phir bachchon ka kaam hai baap ka show karna। baap bhi bachchon ko chhodte nahin hain, kahenge aaj phalaani jagah jaao, aaj yahaan jaao। inko thode hi koi order karne vaale honge। to yeh nimantran aadi akhbaaron mein padenge। is samay saari duniya hai naastik। baap hi aakar aastik banaate hain। is samay saari duniya hai worth not A penny। America ke paas bhal kitna bhi dhan daulat hai parantu worth not A penny hai। yeh to sab khatma ho jaana hai na। saari duniya mein tum worth pound ban rahe ho। vahaan koi kangaal hoga nahin।

tum bachchon ko sadaiv gyaan ka simran kar harshit rehna chaahiye। uske liye hi gaayan hai - ateendriy sukh gop-gopiyon se poochho। yeh sangam ki hi baaten hain। sangamayug ko koi bhi jaante nahin। vihang maarga ki service karne se shaayad mahima nikle। gaayan bhi hai aho prabhu teri leela। yeh koi bhi nahin jaante the ki bhagwan baap, teacher, satguru bhi hai। ab father to bachchon ko sikhlaate rehte hain। bachchon ko yeh nasha sthaai rehna chaahiye। ant tak nasha rehna chaahiye। abhi to nasha jhat sodawater ho jaata hai। soda bhi aise hota hai na। thoda time rakhne se jaise khaaraapaani ho jaata hai। aisa to nahin hona chaahiye। kisko aisa samjhaao jo woh bhi wonder khaaye। achha-achha kehte bhi hain parantu woh phir time nikaal samjhen, jeevan banaaven woh bada mushkil hai। baba koi mana nahin karte hain ki dhandha aadi nahin karo। pavitra bano aur jo padhaata hoon woh yaad karo। yeh to teacher hai na। aur yeh hai an-common padhaai। koi manushya nahin padha sakte। baap hi bhaagyashaali rath par aakar padhaate hain। baap ne samjhaaya hai - yeh tumhaara takhta hai jis par akaal moorta aatma aakar baithti hai। unko yeh saara part mila hua hai। abhi tum samajhte ho yeh to real baat hai। baaki yeh sab hain artificial baaten। yeh achhi reeti dhaaran kar gaanth baandh lo। to haath lagne se yaad aayega। parantu gaanth kyon baandhi hai, woh bhi bhool jaate hain। tumko to yeh pakka yaad karna hai। baap ki yaad ke saath knowledge bhi chaahiye। mukti bhi hai to jeevanmukti bhi hai। bahut meethe-meethe bachche bano। baba andar mein samajhte hain kalpa-kalpa yeh bachche padhte rehte hain। nambarvaar purooshaartha anusaar hi varsa lenge। phir bhi padhaane ka teacher purooshaartha to karaayenge na। tum ghadi-ghadi bhool jaate ho isliye yaad karaaya jaata hai। shivbaaba ko yaad karo। woh baap, teacher, satguru bhi hai। chhote bachche aise yaad nahin karenge। shreekrishna ke liye thode hi kahenge woh baap, teacher, satguru hai। satayug ka prince shreekrishna woh phir guru kaise banega। guru chaahiye durgati mein। gaayan bhi hai - baap aakar sabki sadgati karte hain। shreekrishna ko to saanvara aisa bana dete jaise kaala koyla। baap kehte hain is samay sab kaam chita par chadh kaale koyle ban pade hain tab saanvara kaha jaata hai। kitni guhya baaten samajhne ki hain। geeta to sab padhte hain। bhaaratvaasi hi hain jo sabhi shaastron ko maante hain। sabke chitra rakhte rahenge। to unko kya kahenge? vyabhichaari bhakti thahri na। avyabhichaari bhakti ek hi shiv ki hai। gyaan bhi ek hi shivbaaba se milta hai। yeh gyaan hi different hai, isko kaha jaata hai spiritual knowledge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vinaashi nashe ko chhod alaukik nasha rahe ki ham abhi worth not penny se worth pound ban rahe hai। svayan bhagwan humein padhaate hain, hamaari padhaai uncommon hai।

2) aastik ban baap ka show karne vaali service karni hai। kabhi bhi magroor ban murli miss nahin karni hai।

vardaan:- pavitrata ke foundation dvaara sada shreshtha karma karne vaali poojya aatma bhav

pavitrata poojya banaati hai। poojya vahi bante hain jo sada shreshtha karma karte hain। lekin pavitrata sirf brahmacharya nahin। mansa sankalp mein bhi kisi ke prati negative sankalp utpanna na ho। bol bhi aythaartha na ho। sambandh-samparka mein bhi farka na ho, sabke saath achha ek jaisa sambandh ho। mansa-vaacha-karmana kisi mein bhi pavitrata khandit na ho tab kahenge poojya aatma। main param poojya aatma hoon - is smriti se pavitrata ka foundation majboot banaao।

slogan:- sada isi alaukik nashe mein raho “vaah re main'' to man aur tan se natural khushi ki dance karte rahenge।