Murli du jour du mardi 17 décembre 2024

17-12-2024 praatahmurli om shanti "baapdaada"' madhuban

“meethe bachche - tum baap ke paas aaye ho apna saubhaagya banaane, param saubhaagya un bachchon ka hai - jinka eeshvar sab-kuchh sveekaar karta hai''

prashn:- bachchon ki kis ek bhool se maaya bahut balvaan ban jaati hai?

uttar:- bachche bhojan ke samay baba ko bhool jaate hain, baba ko na khilaane se maaya bhojan kha jaati, jisse woh balvaan ban jaati hai, phir bachchon ko hi hairaan karti hai। yeh chhoti-si bhool maaya se haar khila deti hai isliye baap ki aagya hai - bachche, yaad mein khaao। pakka pran karo - tumheen se khaaoon… jab yaad karenge tab woh raazi hoga।

geet:- aaj nahin to kal bikhrenge yeh baadal.....

om shanti। bachche samajhte hain ki hamaare durbhaagya ke din badalkar ab sada ke liye saubhaagya ke din aa rahe hain। nambarvaar purooshaartha anusaar bhaagya badalte hi rehte hain। school mein bhi bhaagya badalte rehte hain na arthaat oonch hote jaate hain। tum achhi reeti jaante ho - ab yeh raat khatma hone vaali hai, ab bhaagya badal raha hai। gyaan ki varsha hoti rehti hai। sensible bachche samajhte hain barobar durbhaagya se ham saubhaagyashaali ban rahe hain arthaat svarga ke maalik ban rahe hain। nambarvaar purooshaartha anusaar ham apna durbhaagya se saubhaagya bana rahe hain। ab raat se din ho raha hai। yeh tum bachchon bigar koi ko pata nahin hai। baba gupta hai to unki baaten bhi gupta hain। bhal manushyon ne baithkar sahaj raajayog aur sahaj gyaan ki baaten shaastron mein likhi hain parantu jinhonne likha woh to mar gaye। baaki jo padhte hain woh kuchh samajh nahin sakte hain kyonki besmajh hain। kitna farka hai। tum bhi nambarvaar purooshaartha anusaar samajhte ho। sabhi ekras purooshaartha nahin karte hain। durbhaagya kisko, saubhaagya kisko kaha jaata hai - yeh sirf tum brahman hi jaante ho। aur to sabhi ghor andhiyaare mein hain। unko jagaana hai samjhaakar। saubhaagyashaali kaha jaata hai sooryavanshiyon ko, 16 kala sampoorn vahi hain। ham baap se svarga ke liye saubhaagya bana rahe hain, jo baap svarga rachne vaala hai। angreji jaanne vaalon ko bhi tum samjha sakte ho ham heavenly god father dvaara heaven ka saubhaagya bana rahe hain। heaven mein hai sukh, hell mein hai duhkh। golden ej maana satayug sukh, iron ej maana kaliyug duhkh। bilkul sahaj baat hai। ham abhi purooshaartha kar rahe hain। angrej, Christian aadi bahut aayenge। bolo, ham ab sirf ek hi heavenly god father ko yaad karte hain kyonki maut saamne khada hai। baap kehte hain tumko mere paas aana hai। jaise teerthon par jaate hain na। bauddhiyon ka apna teertha sthaan hai, Christian ka apna। har ek ki rasma-rivaaj apni hoti hai। hamaari hai buddhiyog ki baat। jahaan se part bajaane aae hain, vahaan phir jaana hai। woh hai heaven sthaapan karne vaala god father। usne hamko bataaya hai ham aapko bhi sachcha path (raasta) batlaate hain। baap god father ko yaad karo to ant mati so gati ho jaayegi। jab koi beemaar padte hain to unko sabhi jaakar saavdhaan karte hain ki raam kaho। bangaal mein jab koi marne par hota hai to ganga par le jaate hain phir kehte hain hari bol, hari bol.... to hari ke paas chale jaayenge। parantu koi jaata nahin hai। satayug mein to kahenge nahin ki raam-raam kaho ya hari bol kaho। dvaapar se phir yeh bhakti maarga shuru hota hai। aise nahin, satayug mein koi bhagwan ya guru ko yaad kiya jaata hai। vahaan to sirf apni aatma ko yaad kiya jaata hai, ham aatma ek shareer chhod doosra legi। apni baadshaahi yaad padti hai। samajhte hain ham baadshaahi mein jaakar janma lenge। yeh ab pakka nishchay hai, baadshaahi to milni hi hai na। baaki kisko yaad karenge athva daan-punya karenge? vahaan koi gareeb hota hi nahin jisko baith daan-punya karen। bhakti maarga ki rasma-rivaaj alag, gyaan maarga ki rasma-rivaaj alag hai। abhi baap ko sab-kuchh de 21 janma ka varsa le liya। bas, phir daan-punya karne ki darkaar nahin। eeshvar baap ko ham sab-kuchh de dete hain। eeshvar hi sveekaar karte hain। sveekaar na karen to phir deve kaise? na sveekaar karen to woh bhi durbhaagya। sveekaar karna padta hai taaki unka mamatva mite। yeh bhi raaz tum bachche jaante ho। jab jaroorat hi nahin hogi to sveekaar kya karenge? yahaan to kuchh ikattha nahin karna hai। yahaan se to mamatva mita dena padta hai।

baba ne samjhaaya hai - baahar kahaan jaate ho to apne ko bahut halka samjho। ham baap ke bachche hain, ham aatma rocket se bhi teekhi hain। aise dehi-abhimaani ho paidal karenge to kabhi thakenge nahin। deh ka bhaan nahin aayega। jaise ki yeh taange chalti nahin। ham udte ja rahe hain। dehi-abhimaani ho tum kahaan bhi jaao। aage to manushya teertha aadi par paidal hi jaate the। us samay manushyon ki buddhi tamopradhaan nahin thi। bahut shraddha se jaate the, thakte nahin the। baba ko yaad karne se madad to milegi na। bhal woh patthar ki moorti hai parantu baba us samay alpakaal ke liye manokaamna poori kar dete hain। us samay rajopradhaan yaad thi to usse bhi bal milta tha, thakaavat nahin hoti thi। abhi to bade aadmi jhat thak jaate hain। gareeb log bahut teerthon par jaate hain। saahookaar log bade bhabhke se ghode aadi par jaayenge। woh gareeb to paidal chale jaayenge। bhaavna ka bhaada jitna gareebon ko milta hai utna saahookaaron ko nahin milta। is samay bhi tum jaante ho - baba gareeb nivaaz hain phir moonjhate kyon ho? bhool kyon jaate ho? baba kehte hain tumko koi takleeph nahin karni hai। sirf ek saajan ko yaad karna hai। tum sabhi sajniyaan ho to saajan ko yaad karna pade। us saajan ko bhog lagaane ke bina khaane mein lajja nahin aati? woh saajan bhi hai, baap bhi hai। kehte hain mujhe tum nahin khilaayenge! tumko to humein khilaana chaahiye na! dekho, baba yuktiyaan batlaate hain। tum baap athva saajan maante ho na। jo khilaata hai, pahle to unko khilaana chaahiye। baba kehte hamko bhog lagaakar, hamaari yaad mein khaao। ismen badi mehnat hai। baba baar-baar samjhaate hain, baba ko yaad zaroor karna hai। baba khud bhi baar-baar purooshaartha karte rehte hain। tum kumaariyon ke liye to bahut sahaj hai। tum seedhi chadhi hi nahin ho। kanya ki to saajan ke saath sagaai hoti hi hai। to aise saajan ko yaad kar bhojan khaana chaahiye। unko ham yaad karte hain aur woh hamaare paas aa jaate hain। yaad karenge to bhaasna lenge। to aisi-aisi baaten karni chaahiye baba ke saath। tumhaari yeh practice hogi raat ko jaagne se। abhyaas pad jaayega to phir din mein bhi yaad rahegi। bhojan par bhi yaad karna chaahiye। saajan ke saath tumhaari sagaai hui hai। tumheen se khaaoon..... yeh pakka pran karna hai। jab yaad karenge tabhi to woh khaayenge na। unko to bhaasna hi milni hai kyonki unko apna shareer to nahin hai। kumaariyon ke liye to bahut sahaj hai, inko jaasti facilities (sahooliyten) hain। shivbaaba hamaara salona saajan kitna meetha hai। aadhaakalpa hamne aapko yaad kiya hai, abhi aap aakar mile ho! ham jo khaate hain, aap bhi khaao। aise nahin, ek baar yaad kiya bas, phir tum khud khaate jaao। unko khilaana bhool jaao। unko bhoolne se unko milega nahin। cheezen to bahut khaate ho, khichdi khaayenge, aam khaayenge, mithaai khaayenge..... aise thode hi shuru mein yaad kiya, khalaas phir aur cheejen woh kaise khaayenge। saazan nahin khaayenge to maaya beech mein kha jaayegi, unko khaane nahin degi। ham dekhte hain maaya kha jaati hai to woh balvaan ban jaati hai aur tumko haraati rehti hai। baba yuktiyaan sab batlaate hain। baba ko yaad karo to baap athva saajan bahut raazi hoga। kehte ho baba tumheen se baithoon, tumheen se khaaoon। ham aapko yaad kar khaate hain। gyaan se jaante hain aap to bhaasna hi lenge। yeh to loan ka shareer hai। yaad karne se woh aate hain। saara madaar tumhaari yaad par hai। isko yog kaha jaata hai। yog mein mehnat hai। sannyaasi-udaasi aise kabhi nahin kahenge। tumko agar purooshaartha karna hai to baba ki shreemat ko note karo। poora purooshaartha karo। baba apna anubhav batlaate hain - kehte hain jaise karma main karta hoon, tum bhi karo। vahi karma main tumko sikhlaata hoon। baba ko to karma nahin karna hai। satayug mein karma kootte nahin। baba bahut sahaj baaten bataate hain। tumheen se baithoon, sunoon, tumheen se khaaoon...... yeh tumhaara hi gaayan hai। saajan ke roop mein va baap ke roop mein yaad karo। gaaya hua hai na - vichaar saagar manthan kar gyaan ki points nikaalte hain। is practice se vikarma bhi vinaash honge, tanduroosta bhi banenge। jo purooshaartha karenge unko faayda hoga, jo nahin karenge unko nuksaan hoga। saari duniya to svarga ka maalik nahin banti hai। yeh bhi hisaab-kitaab hai।

baba bahut achhi reeti samjhaate hain। geet to suna barobar ham yaatra par chal rahe hain। yaatra par bhojan aadi to khaana hi padta hai, sajni saajan ke saath, bachcha baap ke saath khaayenge। yahaan bhi aise hai। tumhaari saajan ke saath jitni lagan hogi utna khushi ka paara chadhega। nishchaybuddhi vijayanti hote jaayenge। yog maana daudi। yeh buddhiyog ki daudi hai। ham student hain, teacher hamko daudna sikhlaate hain। baap kehte hain aise nahin samjho ki din mein sirf karma hi karna hai। kachhue misal karma kar phir yaad mein baith jaao। bhramri saara din bhoon-bhoon karti hai। phir koi ud jaate, koi mar jaate, woh to ek drishtaanta hai। yahaan tum bhoon-bhoon kar aap samaan banaate ho। usmein koi ka to bahut lav rehta hai। koi sad jaate hain, koi adhoore rah jaate hain, bhaaganti ho jaate hain phir jaakar keeda bante hain। to yeh bhoon-bhoon karna bahut sahaj hai। manushya se devta kiye karat na laagi vaar...। abhi ham yog laga rahe hain, devta banne ka purooshaartha kar rahe hain। yahi gyaan geeta mein tha। woh manushya se devta banaakar gaye the। satayug mein to sab devtaayen the। zaroor unhon ko sangamayug par hi aakar devta banaaya hoga। vahaan to devta banne ka yog nahin sikhlaayenge। satayug aadi mein devi-devta dharma tha aur kaliyug ant mein hai aasuri dharma। yeh baat sirf geeta mein hi likhi hui hai। manushya ko devta banaane mein deri nahin lagti hai kyonki em object bata dete hain। vahaan saari duniya mein ek dharma hoga। duniya to saari hogi na। aise nahin, cheen, Europe nahin honge, honge parantu vahaan manushya nahin honge। sirf devta dharma vaale honge, aur dharma vaale hote nahin। abhi hai kaliyug। ham bhagwan dvaara manushya se devta ban rahe hain। baap kehte hain tum 21 janma sada sukhi banenge। ismen takleeph ki koi baat hi nahin। bhakti maarga mein bhagwan ke paas jaane ke liye kitni mehnat ki hai। kehte hain paar nirvaan gaya। aise kabhi nahin kahenge ki bhagwan ke paas gaya। kahenge svarga gaya। ek ke jaane se to svarga nahin banega। sabko jaana hai। geeta mein likha hua hai bhagwan kaalon ka kaal hai। machchharon sadrishya sabhi ko vaapis le jaate hain। buddhi bhi kehti hai chakra repeat hona hai। to pahle-pahle zaroor satayugi devi-devta dharma repeat hoga। phir baad mein aur dharma repeat honge। baba kitna sahaj batlaate hain - manmanaabhav। bas। 5 hazaar varsha pahle bhi geeta ke bhagwan ne kaha tha laadle bachche। agar shreekrishna kahenge to doosre dharma vaale koi sun na saken। bhagwan kahenge to sabhi ko lagega - god father heaven sthaapan karte hain jismen phir ham jaakar chakravarti raaja banenge। ismen koi kharche aadi ki baat nahin hai sirf srishti ke aadi-madhya-ant ko jaanna hai।

tum bachchon ko vichaar saagar manthan karna hai। karma karte din-raat aise purooshaartha karte raho। vichaar saagar manthan nahin karenge ya baap ko yaad nahin karenge, sirf karma karte rahenge to raat ko bhi vahi khyaalaat chalte rahenge। makaan banaane vaale ko makaan ka hi khyaal chalega। bhal vichaar saagar manthan karne ki responsibility in par hai parantu kehte hain kalash lakshmi ko diya to tum lakshmi banti ho na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat ko note kar purooshaartha karna hai। baap ne jo karma karke sikhaaya hai, vahi karne hain। vichaar saagar manthan kar gyaan ki points nikaalni hain।

2) apne aapse pran karna hai ki ham baap ki yaad mein hi bhojan khaayenge। tumheen se baithoon, tumheen se khaaoon... yeh vaayda pakka nibhaana hai।

vardaan:- karma aur sambandh donon mein svaartha bhaav se mukta rahne vaale baap samaan karmaateet bhav

aap bachchon ki seva hai sabko mukta banaane ki। to auron ko mukta banaate svayan ko bandhan mein baandh nahin dena। jab had ke mere-mere se mukta honge tab avyakt sthiti ka anubhav kar sakenge। jo bachche laukik aur alaukik, karma aur sambandh donon mein svaartha bhaav se mukta hain vahi baap samaan karmaateet sthiti ka anubhav kar sakte hain। to check karo kahaan tak karmo ke bandhan se nyaare bane hain? vyartha svabhaav-sanskaar ke vash hone se mukta

slogan:- jo saralchit aur sahaj svabhaav vaale hain vahi sahajyogi, bholaanaath ke priy hain।