Murli du jour du samedi 18 janvier 2025

18-01-25 praatahmurli om shanti ''avyakt-baapdaada'' madhuban

“pitaashri ji ke punya smriti divas par praatahklaas mein sunaane ke liye baapdaada ke madhur anmol mahaavaakya''

om shanti। roohaani baap abhi tum bachchon se roohrihaan kar rahe hain, shiksha de rahe hain। teacher ka kaam hai shiksha dena aur guru ka kaam hai manzil bataana। manzil hai mukti jeevanmukti ki। mukti ke liye yaad ki yaatra bahut zaroori hai aur jeevanmukti ke liye rachna ke aadi madhya ant ko jaanna zaroori hai। ab 84 ka chakra poora hota hai, ab vaapis ghar jaana hai। apne saath aisi-aisi baaten karne se badi khushi aayegi aur phir doosron ko bhi khushi mein laayenge। doosron par bhi mehar karni hai raasta bataane ki। tamopradhaan se satopradhaan banaane ki। baba ne tum bachchon ko punya aur paap ki gahan gati bhi samjhaai hai। punya kya hai aur paap kya hai! sabse bada punya hai - baap ko yaad karna aur doosron ko bhi yaad dilaana। centre kholna, tan-man-dhan doosron ki seva mein lagaana, yeh hai punya। sangadosh mein aakar vyartha chintan, parchintan mein apna samay barbaad karna yeh hai paap। agar koi punya karte-karte paap kar lete hain to ki kamaai saari khatma ho jaati hai। jo kuchh bhi punya kiya woh sab khatma ho jaata hai, phir jama ke badle na ho jaati hai। paap karma ki saza bhi gyaani tu aatma bachchon ke liye 100 guna hai kyonki satguru ke nindak ban jaate hain isliye baap shiksha dete hain meethe bachche, kabhi bhi paap karma nahin karna। vikaaron ki chot khaane se bachkar rehna।

baap ka bachchon par lav hai to taras bhi padta hai। baap anubhav sunaate hain jab ekaanta mein baithte hain to pahle ananya bachche yaad aate hain। bhal vilaayat mein hain athva kahaan bhi hain। koi achha serviceable bachcha shareer chhod jaata hai to unki aatma ko bhi yaad kar searchlight dete hain। yeh tum bachche jaante ho yahaan do battiyaan hain, donon light ikatthi hain। yeh donon jabardasta light hain। savere ka time achha hai snaan kar ekaanta mein chale jaana chaahiye। andar khushi bhi bahut rahni chaahiye।

behad ka baap baith bachchon ko samjhaate hain - meethe bachche, apne ko aatma samajh mujh baap ko aur apne ghar ko yaad karo। bachche, is yaad ki yaatra ko kabhi bhoolna nahin। yaad se hi tum paavan banenge। paavan banne bigar tum vaapas ghar ja nahin sakte। mukhya hai hi gyaan aur yog। baap ke paas yahi bahut bada khajaana hai jo bachchon ko dete hain, ismen yog ki bahut badi subject hai। bachche achhi reeti yaad karte hain to baap ki bhi yaad se yaad milti hai। yaad se bachche baap ko kheenchate hain। pichhaadi mein aane vaale jo oonch pad paate, uska aadhaar bhi yaad hai। woh kashish karte hain। kehte hain na - baba raham karo, kripa karo, ismen bhi mukhya chaahiye yaad। yaad se hi current milti rahegi, isse aatma healthy banti hai, bharpoor ho jaati hai। koi samay baap ko kisi bachche ko current deni hoti hai to neend bhi fit jaati hai। yeh phurna laga rehta hai ki phalaane ko current deni hai। tum jaante ho current milne se aayu badhti hai, ever healthy bante hain। aise bhi nahin ek jagah baith yaad karna hai। baap samjhaate hain chalte phirte bhojan khaate, kaarya karte bhi baap ko yaad karo। doosre ko current deni hai to raatri ko bhi jaago। bachchon ko samjhaaya hai - savere uthkar jitna baap ko yaad karenge utna kashish hogi। baap bhi searchlight denge। aatma ko yaad karna arthaat searchlight dena, phir isko kripa kaho, aasheervaad kaho।

tum bachche jaante ho yeh anaadi bana banaaya drama hai। yeh haar jeet ka khel hai। jo hota hai woh theek hai। creator ko drama zaroor pasanda hoga na। to creator ke bachchon ko bhi pasanda hoga। is drama mein baap ek hi baar bachchon ke paas bachchon ki dil va jaan, sik va prem se seva karne aate hain। baap ko to sab bachche pyaare hain। tum jaante ho satayug mein bhi sab ek do ko bahut pyaar karte hain। jaanavron mein bhi pyaar rehta hai। aise koi jaanvar nahin hote jo pyaar se na rahen। to tum bachchon ko yahaan master pyaar ka saagar banna hai। yahaan banenge to woh sanskaar avinaashi ban jaayenge। baap kehte hain kalpa pahle misal hoobhu phir se pyaara banaane aaya hoon। kabhi kisi bachche ka gusse ka aavaaj sunte hain to baap shiksha dete hain bachche gussa karna theek nahin hai, isse tum bhi duhkhi honge, doosron ko bhi duhkhi karenge। baap sadaakaal ka sukh dene vaala hai to bachchon ko bhi baap samaan banna hai। ek do ko kabhi duhkh nahin dena hai। bahut-bahut lovely banna hai। lovely baap ko bahut lav se yaad karenge to apna bhi kalyaan, doosron ka bhi kalyaan karenge।

abhi vishwa ka maalik tumhaare paas mehmaan bankar aaya hai। tum bachchon ke sahayog se hi vishwa ka kalyaan hona hai। jaise tum roohaani bachchon ko baap ati pyaara lagta, vaise baap ko bhi tum roohaani bachche bahut pyaare lagte ho kyonki tum hi shreemat par saare vishwa ka kalyaan karne vaale ho। abhi tum yahaan eeshvareey parivaar mein baithe ho। baap sammukh baitha hai। tumheen se khaaoon, tumhi se baithoon… tum jaante ho shivbaaba ismen aakar kehte hain meethe bachche, deh sahit deh ke sabhi sambandhon ko bhool maamekam yaad karo। yeh antim janma hai, yeh puraani duniya, puraani deh khalaas ho jaani hai। kahaavat bhi hai aap muye mar gai duniya। purushaartha ke liye thoda sa sangam ka samay hai। bachche poochhte hain baba yeh padhaai kab tak chalegi! jab tak daivi raajdhaani sthaapan ho jaae tab tak sunaate rahenge। phir transfer honge nai duniya mein। baba kitna niranhakaar se tum bachchon ki seva karte hain, to tum bachchon ko bhi itni seva karni chaahiye। shreemat par chalna chaahiye। kahaan apni mat dikhaai to takdeer ko lakeer lag jaayegi। tum brahman eeshvareey santaan ho। brahma ki aulaad bhaai-behen ho, eeshvareey potre-potriyaan ho, unse varsa le rahe ho। jitna purushaartha karenge utna pad paayenge। ismen saakshi rahne ka bhi bahut abhyaas chaahiye। baap ka pahla pharmaan hai ashareeri bhav, dehi-abhimaani bhav। apne ko aatma samajh mujh baap ko yaad karo tab hi jo khaad padi hai woh niklegi, sachcha sona ban jaayenge। tum bachche adhikaar se kah sakte ho baba O meethe baba, aapne mujhe apna banaake sab kuchh varse mein de diya hai। is varse ko koi chheen nahin sakta hai, itna tum bachchon ko nasha rehna chaahiye। tum hi sabhi ko mukti jeevanmukti ka raasta bataane vaale light house ho, uthte-baithte, chalte-phirte tum light house hokar raho।

baap kehte hain bachche, ab time bahut thoda hai, gaaya bhi jaata hai ek ghadi aadhi ghadi… jitna ho sake ek baap ko yaad karne lag jaao aur phir chart ko badhaate raho। achha!

meethe-meethe sikeeldhe lucky aur lovely gyaan sitaaron ko maatpita baapdaada ka dil va jaan sik va prem se yaadapyaar aur good morning। roohaani baap ki roohaani bachchon ko namaste।

avyakt-mahaavaakya - nirantar yogi bano

jaise ek second mein switch on aur aaph kiya jaata hai, aise hi ek second mein shareer ka aadhaar liya aur phir ek second mein shareer se pare ashareeri sthiti mein sthit ho jaao। abhi-abhi shareer mein aaye phir abhi-abhi ashareeri ban gaye, yeh practice karni hai, isi ko hi karmaateet avastha kaha jaata hai। jaise koi vastra dhaaran karna va na karna apne haath mein rehta hai। aavashyakta hui dhaaran kiya, aavashyakta na hui to utaar diya। aisa hi anubhav is shareer roopi vastra ko dhaaran karne aur utaarne mein ho। karma karte bhi aisa anubhav hona chaahiye jaise koi vastra dhaaran kar kaarya kar rahe hain, kaarya poora hua aur vastra se nyaare hue। shareer aur aatma donon ka nyaaraapan chalte-phirte bhi anubhav ho। jaise koi practice ho jaati hai na, lekin yeh practice kinhen ho sakti hai? jo shareer ke saath va shareer ke sambandh mein jo bhi baaten hain, shareer ki duniya, sambandh va anek jo bhi vastuyen hain unse bilkul detach honge, jara bhi lagaav nahin hoga tab nyaara ho sakenge। agar sookshm sankalp mein bhi halkaapan nahin hai, detach nahin ho sakte to nyaarepan ka anubhav nahin kar sakenge। to har ek ko ab yeh practice karni hai, bilkul hi nyaarepan ka anubhav ho। is stage par rahne se anya aatmaon ko bhi aap logon se nyaarepan ka anubhav hoga, woh bhi mahsoos karenge। jaise yog mein baithne ke samay kai aatmaon ko anubhav hota hai na, yeh drill karaane vaale nyaari stage mein hain, aise chalte-phirte pharishtepan ke saakshaatkaar honge। yahaan baithe hue bhi anek aatmaon ko, jo bhi aapke satayugi family mein sameep aane vaale honge, unhon ko aap logon ke pharishte roop aur bhavishya raajya pad ke donon iktthe saakshaatkaar honge। jaise shuru mein brahma mein sampoorn swaroop aur shreekrishna ka donon saath-saath saakshaatkaar karte the, aise ab unhon ko tumhaare double roop ka saakshaatkaar hoga। jaise-jaise nambarvaar is nyaari stage par aate jaayenge to aap logon ke bhi yeh double saakshaatkaar honge। abhi yeh poori practice ho jaae to yahaan vahaan se yahi samaachaar aane shuru ho jaayenge। jaise shuru mein ghar baithe bhi anek sameep aane vaali aatmaon ko saakshaatkaar hue na। vaise ab bhi saakshaatkaar honge। yahaan baithe bhi behad mein aap logon ka sookshm swaroop service karega। ab yahi service rahi hui hai। saakaar mein sabhi example to dekh liya। sabhi baaten nambarvaar drama anusaar honi hain। jitna-jitna svayan aakaari pharishte swaroop mein honge utna aapka pharishta roop service karega। aatma ko saare vishwa ka chakra lagaane mein kitna samay lagta hai? to abhi aapke sookshm swaroop bhi service karenge lekin jo is nyaari sthiti mein honge। svayan pharishte roop mein sthit honge। shuru mein sabhi saakshaatkaar hue hain। pharishte roop mein sampoorn stage aur purushaarthi stage donon alag-alag saakshaatkaar hota tha। jaise saakaar brahma aur sampoorn brahma ka alag-alag saakshaatkaar hota tha, vaise ananya bachchon ke saakshaatkaar bhi honge। hangaama jab hoga to saakaar shareer dvaara to kuchh kar nahin sakenge aur prabhaav bhi is service se padega। jaise shuru mein bhi saakshaatkaar se hi prabhaav hua na। paroksha-aproksha anubhav ne prabhaav daala। vaise ant mein bhi yahi service honi hai। apne sampoorn swaroop ka saakshaatkaar apne aap ko hota hai? abhi shaktiyon ko pukaarna shuru ho gaya hai। abhi paramatma ko kam pukaarte hain, shaktiyon ki pukaar tej raphtaar se chaalu ho gai hai। to aisi practice beech-beech mein karni hai। aadat pad jaane se phir bahut aananda feel hoga। ek second mein aatma shareer se nyaari ho jaayegi, practice ho jaayegi। abhi yahi purushaartha karna hai।

vartamaan samay manan shakti se aatma mein sarva shaktiyaan bharne ki aavashyakta hai tab magan avastha rahegi aur vighna tal jaayenge। vighnon ki lahar tab aati hai jab roohaaniyat ki taraph force kam ho jaata hai। to vartamaan samay shivraatri ki service ke pahle svayan mein shakti bharne ka force chaahiye। bhal yog ke programmes rakhte ho lekin yog dvaara shaktiyon ka anubhav karna, karaana ab aisi classes ki aavashyakta hai। practical apne bal ke aadhaar se auron ko bal dena hai। sirf baahar ki service ke plan nahin sochne hain lekin poori hi nazar chaahiye sabhi taraph। jo nimitta bane hue hain unhon ko yeh khyaalaat aani chaahiye ki hamaari phulvaari kis baat mein kamjor hai। kisi bhi reeti se apne phulvaari ki kamjori par kadi drishti rakhni chaahiye। samay dekar bhi kamjoriyon ko khatma karna hai।

jaise saakaar roop ko dekha, koi bhi aisi lahar ka samay hota, to din-raat sakaash dene ki vishesh service, vishesh plans chalte the। nirbal aatmaon ko bal bharne ka vishesh attention rehta tha jisse anek aatmaon ko anubhav bhi hota tha। raat-raat ko bhi samay nikaal aatmaon ko sakaash bharne ki service chalti thi। to abhi vishesh sakaash dene ki service karni hai। light house, might house bankar yeh service khaas karni hai, tab chaaron or light might ka prabhaav phailega। abhi yahi aavashyakta hai। jaise koi saahookaar hota hai to apne najdeek sambandhiyon ko madad dekar ooncha utha leta hai, aise vartamaan samay jo bhi kamjor aatmaayen samparka aur sambandh mein hain, unhon ko vishesh sakaash deni hai। achha-

vardaan:- hajaar bhuja vaale brahma baap ke saath ka nirantar anubhav karne vaale sachche snehi bhav

vartamaan samay hajaar bhuja vaale brahma baap ke roop ka part chal raha hai। jaise aatma ke bina bhuja kuchh nahin kar sakti, vaise baapdaada ke bina bhuja roopi bachche kuchh nahin kar sakte। har kaarya mein pahle baap ka sahayog hai। jab tak sthaapna ka part hai tab tak baapdaada bachchon ke har sankalp aur second mein saath-saath hai isliye kabhi bhi judaai ka parda daal viyogi nahin bano। prem ke saagar ki lahron mein lahraao, gungaan karo lekin ghaayal nahin bano। baap ke sneh ka pratyaksha swaroop seva ke snehi bano।

slogan:- ashareeri sthiti ka anubhav va abhyaas hi number aage aane ka aadhaar hai।

apni shaktishaali mansa dvaara sakaash dene ki seva karo

har samay, har aatma ke prati mansa svatah shubhbhaavna aur shubhkaamna ke shuddh vibration vaali svayan ko aur doosron ko anubhav ho। man se har samay sarva aatmaon prati duaayen nikalti rahen। mansa sada isi seva mein busy rahe। jaise vaacha ki seva mein busy rahne ke anubhvi ho gaye ho। agar seva nahin milti to apne ko khaali anubhav karte ho। aise har samay vaani ke saath-saath mansa seva svatah hoti rahe।