Murli du jour du jeudi 20 février 2025

20-02-2025 praatahmurli om shanti "baapdaada"' madhuban

“meethe bachche - ab vikaaron ka daan do to grahan utar jaaye aur yeh tamopradhaan duniya satopradhaan banen''

prashn:- tum bachchon ko kis baat se kabhi bhi tang nahin hona chaahiye?

uttar:- tumhein apni life (jeevan) se kabhi bhi tang nahin hona chaahiye kyonki yeh heere jaisa janma gaaya hua hai, inki sambhaal bhi karni hai, tanduroosta honge to knowledge sunte rahenge। yahaan jitna din jiyenge, kamaai hoti rahegi, hisaab-kitaab chuktu hota rahega।

geet:- om namo shivaae…

om shanti। aaj guroovaar hai। tum bachche kahenge satguruvaar, kyonki satayug ki sthaapna karne vaala bhi hai, satya naaraayan ki katha bhi sunaate hain practical mein। nar se naaraayan banaate hain। gaaya bhi jaata hai sarva ka sadgati-daata, phir vrikshapti bhi hai। yeh manushya srishti ka jhaad hai, jisko kalpa vriksha kehte hain। kalpa-kalpa arthaat 5 hazaar varsha baad phir se hoobhu repeat hota hai। jhaad bhi repeat hota hai na। phool 6 maas nikalte hain, phir maali log jad nikaal rakh dete hain phir lagaate hain to phool nikal padte hain।

ab yeh to bachche jaante hain - baap ki jayanti bhi aadhaakalpa manaate hain, aadhaakalpa bhool jaate hain। bhakti maarga mein aadhaakalpa yaad karte hain। baba kab aakarke garden oph flowers sthaapan karenge? dashaayen to bahut hoti hain na। brihaspati ki dasha bhi hai, utarti kala ki bhi dashaayen hoti hain। is samay bhaarat par raahu ka grahan baitha hua hai। chandrama ko bhi jab grahan lagta hai to pukaarte hain - de daan to chhoote grahan। ab baap bhi kehte hain - yeh 5 vikaaron ka daan de do to chhoote grahan। abhi saari srishti par grahan laga hua hai, 5 tatvon par bhi grahan laga hua hai kyonki tamopradhaan hain। har cheej nai phir puraani zaroor hoti hai। nai ko satopradhaan, puraani ko tamopradhaan kehte hain। chhote bachche ko bhi satopradhaan mahaatma se bhi oonch gina jaata hai, kyonki unmein 5 vikaar nahin rehte। bhakti to sanyaasi bhi chhotepan mein karte hain। jaise raamteertha shreekrishna ka pujaari tha phir jab sanyaas liya to pooja khalaas। srishti par pavitrata bhi chaahiye na। bhaarat pahle sabse pavitra tha phir jab devtaayen vaam maarga mein jaate hain to phir earthquake aadi mein sab svarga ki saamagri, sone ke mahal aadi khalaas ho jaate hain phir nayesir banne shuru hote hain। destruction zaroor hota hai। upadrav hote hain jab raavanraajya shuru hota hai, is samay sab patit hain। satayug mein devtaayen raajya karte hain। asuron aur devtaaon ki yuddha dikhaai hai, parantu devtaayen to hote hi hain satayug mein। vahaan ladaai ho kaise sakti। sangam par to devtaayen hote nahin। tumhaara naam hi hai paandav। paandavon kaurvon ki bhi ladaai hoti nahin। yeh sab hain gapode। kitna bada jhaad hai। kitne athaah patte hain, unka hisaab thode hi koi nikaal sakte। sangam par to devtaayen hote nahin। baap baith aatmaon ko samjhaate hain, aatma hi sunkar kaandh hilaati hai। ham aatma hain, baba hamko padhaate hain, yeh pakka karna hai। baap humein patit se paavan banaate hain। aatma mein hi achhe va bure sanskaar hote hain na। aatma organs dvaara kehti hai hamko baba padhaate hain। baap kehte hain hamko bhi organs chaahiye, jisse samjhaaoon। aatma ko khushi hoti hai। baba har 5 hazaar varsha baad aate hain hamko sunaane। tum to saamne baithe ho na। madhuban ki hi mahima hai। aatmaon ka baap to woh hai na, sab unko bulaate hain। tumko yahaan sammukh baithne mein maza aata hai। parantu yahaan sab to rah nahin sakte। apni kaarobaar service aadi ko bhi dekhna hai। aatmaayen saagar ke paas aati hain, dhaaran kar phir jaae auron ko sunaana hai। nahin to auron ka kalyaan kaise karenge? yogi aur gyaani tu aatma ko shauk rehta hai ham jaakar auron ko bhi samjhaayen। ab shiv jayanti manaai jaati hai na। bhagvaanuvaach hai। bhagvaanuvaach shreekrishna ke liye nahin kah sakte, woh to hai daiveegunon vaala manushya। Deityism kaha jaata hai। ab bachche yeh to samajh gaye hain ki abhi devi-devta dharma nahin hai, sthaapna ho rahi hai। tum aise nahin kahenge ki ham abhi devi-devta dharma ke hain। nahin, abhi tum brahman dharma ke ho, devi-devta dharma ke ban rahe ho। devtaaon ka parchhaaya is patit srishti par nahin pad sakta hai, ismen devtaayen aa na saken। tumhaare liye nai duniya chaahiye। lakshmi ki bhi pooja karte hain to ghar ki kitni saphaai kar dete hain। ab is srishti ki bhi kitni saphaai honi hai। saari puraani duniya hi khatma ho jaani hai। lakshmi se manushya dhan hi maangate hain। lakshmi badi ya jagat amba badi? (amba) amba ke mandir bhi bahut hain। manushyon ko kuchh bhi pata nahin hai। tum samajhte ho lakshmi to svarga ki maalik aur jagat amba jisko sarasvati bhi kehte hain, vahi jagat amba phir yeh lakshmi banti hai। tumhaara pad oonch hai, devtaaon ka pad kam hai। oonch te oonch to brahman choti hain na। tum ho sabse oonch। tumhaari mahima hai - sarasvati, jagat amba, unse kya milta hai? srishti ki baadshaahi। vahaan tum dhanvaan bante ho, vishwa ka raajya milta hai। phir gareeb bante ho, bhakti maarga shuru hota hai। phir lakshmi ko yaad karte hain। har varsha lakshmi ki pooja bhi hoti hai। lakshmi ko har varsha bulaate hain, jagat amba ko koi har varsha nahin bulaate hain। jagdamba ki to sadaiv pooja hoti hi hai, jab chaahen tab amba ke mandir mein jaayen। yahaan bhi jab chaaho, jagat amba se mil sakte ho। tum bhi jagat amba ho na। sabko vishwa ka maalik banne ka raasta bataane vaale ho। jagat amba ke paas sab kuchh jaakar maangate hain। lakshmi se sirf dhan maangate hain। unke aage to sab kaamnaayen rakhenge, to sabse oonch martaba tumhaara abhi hai, jabki baap ke aakar bachche bane ho। baap varsa dete hain।

abhi tum ho eeshvareey sampradaay, phir honge daivi sampradaay। is samay sab manokaamnaayen bhavishya ke liye poori hoti hain। kaamna to manushya ko rehti hai na। tumhaari sab kaamnaayen poori hoti hain। yeh to hai aasuri duniya। bachche dekho kitne paida karte hain। tum bachchon ko to saakshaatkaar karaaya jaata hai, satayug mein kaise shreekrishna ka janma hota hai? vahaan to sab kaaydesir hota hai, duhkh ka naam nahin rehta। unko kaha hi jaata hai sukhdhaam। tumne anek baar sukh mein paas kiya hai, anek baar haar khaai hai aur jeet bhi paai hai। abhi smriti aai hai ki hamko baba padhaate hain। school mein knowledge padhte hain। saath-saath manners bhi seekhte hain na। vahaan koi in lakshmi-naaraayan jaise manners nahin seekhte hain। abhi tum daivi gun dhaaran karte ho। mahima bhi unki hi gaate hain - sarvagun sampanna… to abhi tumko aisa banna hai। tum bachchon ko apni is life se kabhi tang nahin hona chaahiye, kyonki yeh heere jaisa janma gaaya hua hai। inki sambhaal bhi karni hoti hai। tanduroosta honge to knowledge sunte rahenge। beemaari mein bhi sun sakte hain। baap ko yaad kar sakte hain। yahaan jitna din jiyenge sukhi rahenge। kamaai hoti rahegi, hisaab-kitaab chuktu hota rahega। bachche kehte hain - baba satayug kab aayega? yeh bahut gandi duniya hai। baap kehte hain - are, pahle karmaateet avastha to banaao। jitna ho sake purooshaartha karte raho। bachchon ko sikhlaana chaahiye ki shivbaaba ko yaad karo, yeh hai avyabhichaari yaad। ek shiv ki bhakti karna, woh hai avyabhichaari bhakti, satopradhaan bhakti। phir devi-devtaaon ko yaad karna, woh hai sato bhakti। baap kehte hain uthte-baithte mujh baap ko yaad karo। bachche hi bulaate hain - he patit-paavan, he liberator, he guide....... yeh aatma ne kaha na।

bachche yaad karte hain, baap abhi smriti dilaate hain, tum yaad karte aaye ho - he duhkh harta sukh karta aao, aakar duhkh se chhudaao, liberate karo, shantidham mein le jaao। baap kehte hain tumko shantidham mein le jaaoonga, phir sukhdhaam mein tumko saath nahin deta hoon। saath abhi hi deta hoon। sabhi aatmaon ko ghar le jaata hoon। mera abhi padhaane ka saath hai aur phir vaapis ghar le jaane ka saath hai। bas, main apna parichay tum bachchon ko achhi reeti baith sunaata hoon। jaise-jaise jo purooshaartha karenge us anusaar phir vahaan praalabdha paayenge। samajh to baap bahut dete hain। jitna ho sake mujhe yaad karo to vikarma vinaash honge aur udne ke pankh mil jaayenge। aatma ko koi aise pankh nahin hain। aatma to ek chhoti bindi hai। kisko yeh pata nahin hai ki aatma mein kaise 84 janmon ka part noondha hua hai। na aatma ka kisko parichay hai, na paramatma ka parichay hai। tab baap kehte hain - main jo hoon, jaisa hoon, mujhe koi bhi jaan nahin sakta hai। mere dvaara hi mujhe aur meri rachna ko jaan sakte hain। main hi aakar tum bachchon ko apna parichay deta hoon। aatma kya hai, woh bhi samjhaata hoon। inko soul realisation kaha jaata hai। aatma bhrikuti ke beech mein rehti hai। kehte bhi hain bhrikuti ke beech chamakta hai ajab sitaara....... parantu aatma kya cheez hai, yeh bilkul koi nahin jaante hain। jab koi kehte hain ki aatma ka saakshaatkaar ho to unhein samjhaao ki tum to kehte ho bhrikuti ke beech star hai, star ko kya dekhenge? teeka bhi star ka hi dete hain। chandrama mein bhi star dikhaate hain। vaastav mein aatma hai star। abhi baap ne samjhaaya hai tum gyaan stars ho, baaki woh soorya, chaand, sitaare to maandave ko roshni dene vaale hain। woh koi devtaayen nahin hain। bhakti maarga mein soorya ko bhi paani dete hain। bhakti maarga mein yeh baba bhi sab karte the। soorya devtaae namah, chandrama devtaae namah kahkar paani dete the। yeh sab hai bhakti maarga। isne to bahut bhakti ki hui hai। number one poojya to phir number one pujaari bane hain। number to ginenge na। roodra maala ke bhi number to hain na। bhakti bhi sabse jaasti isne ki hai। ab baap kehte hain chhote-bade sabki vaanaprastha avastha hai। abhi main sabko le jaaoonga phir yahaan aayenge hi nahin। baaki shaastron mein jo dikhaate hain - pralay hui, jalmai ho gai phir peepal ke patte par shreekrishna aaya....... baap samjhaate hain saagar ki koi baat nahin। vahaan to garbha mahal hai, jahaan bachche bahut sukh mein rehte hain। yahaan garbha-jel kaha jaata hai। paapon ki bhogna garbha mein milti hai। phir bhi baap kehte hain manmanaabhav, mujhe yaad karo। pradarshani mein koi poochhte hain seedhi mein aur koi dharma kyon nahin dikhaaye hain? bolo, auron ke 84 janma to hain nahin। sab dharma jhaad mein dikhaayen hain, usse tum apna hisaab nikaalo ki kitne janma liye honge। hamko to seedhi 84 janmon ki dikhaani hai। baaki sab chakra mein aur jhaad mein dikhaaye hain। inmen sab baaten samjhaai hain। naksha dekhne se buddhi mein aa jaata hai na - london kahaan hai, phalaana shahar kahaan hai। baap kitna sahaj kar samjhaate hain। sabhi ko yahi bataao ki 84 ka chakra aise phirta hai। abhi tamopradhaan se satopradhaan banna hai to behad ke baap ko yaad karo to tum paavan ban jaayenge aur phir paavan ban paavan duniya mein chale jaayenge। koi takleeph ki baat nahin hai। jitna samay mile baap ko yaad karo to pakki tev pad jaayegi। baap ki yaad mein tum dehli tak paidal jaao to bhi thakaavat nahin hogi। sachchi yaad hogi to deh ka bhaan toot jaayega, phir thakaavat ho nahin sakti। pichhaadi mein aane vaale aur hi yaad mein teekhe jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek baap ki avyabhichaari yaad mein rah deh-bhaan ko khatma karna hai। apni karmaateet avastha banaane ka purooshaartha karna hai। is shareer mein rehte avinaashi kamaai jama karni hai।

2) gyaani tu aatma ban auron ki service karni hai, baap se jo suna hai use dhaaran kar doosron ko sunaana hai। 5 vikaaron ka daan de raahu ke grahan se mukta hona hai।

vardaan:- ekmat aur ekras avastha dvaara dharni ko phaldaayak banaane vaale himmatvaan bhav

jab aap bachche himmatvaan bankar sangathan mein ekmat aur ekras avastha mein rehte va ek hi kaarya mein lag jaate ho to svayan bhi sada praphullit rehte aur dharni ko bhi phaldaayak banaate ho। jaise aajkal science dvaara abhi-abhi beej daala abhi-abhi phal mila, aise hi silence ke bal se sahaj aur teevragti se pratyakshata dekhenge। jab svayan nirvighna ek baap ki lagan mein magan, ekmat aur ekras rahenge to anya aatmaayen bhi svatah sahayogi banengi aur dharni phaldaayak ho jaayegi।

slogan:- jo abhimaan ko shaan samajh lete, woh nirmaan nahin rah sakte।

avyakt ishaare:- ekaantapriy bano ekta aur ekaagrata ko apnaao

ekaantavaasi aur ramneekta! donon shabdon mein bahut antar hai, lekin sampoornata mein donon ki samaanta rahe, jitna hi ekaantavaasi utna hi phir saath-saath ramneekta bhi ho। ekaanta mein ramneekta gaayab nahin honi chaahiye। donon samaan aur saath-saath rahen। abhi-abhi ekaantavaasi, abhi-abhi ramneek, jitni gambheerta utna hi milansaar bhi ho। milansaar arthaat sarva ke sanskaar aur svabhaav se milne vaala।