Murli du jour du samedi 8 mars 2025

08-03-2025 praatahmurli om shanti "baapdaada"' madhuban

“meethe bachche - roohaani service kar apna aur doosron ka kalyaan karo, baap se sachchi dil rakho to baap ki dil par chadh jaayenge''

prashn:- dehi-abhimaani banne ki mehnat kaun kar sakte hain? dehi-abhimaani ki nishaaniyaan sunaao?

uttar:- jinka padhaai se aur baap se atoot pyaar hai woh dehi-abhimaani banne ki mehnat kar sakte hain। woh sheetal honge, kisi se bhi adhik baat nahin karenge, unka baap se love hoga, chalan badi royal hogi। unhein nasha rehta ki humein bhagwan padhaate hain, ham unke bachche hain। woh sukhdaai honge। har kadam shreemat par uthaayenge।

om shanti। bachchon ko service samaachaar bhi sunna chaahiye phir mukhya-mukhya jo mahaarthi serviceable hain unhon ko raay nikaalni chaahiye। baba jaante hain serviceable bachchon ka hi vichaar saagar manthan chalega। mele va pradarshani ki opening kisse karaayen! kya-kya point sunaani chaahiye। shankaraachaarya aadi agar tumhaari is baat ko samajh gaye to kahenge yahaan ki knowledge to bahut oonchi hai। inhon ko padhaane vaala koi teekha dikhta hai। bhagwan padhaate hain, woh to maanenge nahin। to pradarshani aadi ka udghaatan karne jo aate hain unko kya-kya samjhaate hain, woh samaachaar sabko bataana chaahiye ya to tape mein short mein bharna chaahiye। jaise gange ne shankaraachaarya ko samjhaaya, aise-aise serviceable bachche to baap ki dil par chadhte hain। yoon to sthool service bhi hai parantu baba ka attention roohaani service par jaayega, jo bahuton ka kalyaan karte hain। bhal kalyaan to har baat mein hain। brahmaabhojan banaane mein bhi kalyaan hai, agar yogayukta ho banaayen। aisa yogayukta bhojan banaane vaala ho to bhandaare mein badi shanti ho। yaad ki yaatra par rahe। koi bhi aaye to jhat unko samjhaaye। baba samajh sakte hain - serviceable bachche kaun hain, jo doosron ko bhi samjha sakte hain unhon ko hi aksar karke service par bulaate bhi hain। to service karne vaale hi baap ki dil par chadhe rehte hain। baba ka attention saara serviceable bachchon taraph hi jaata hai। kai to sammukh murli sunte hue bhi kuchh samajh nahin sakte। dhaarna nahin hoti kyonki aadhaakalpa ke deh-abhimaan ki beemaari badi kadi hai। usko mitaane ke liye bahut thode hain jo achhi reeti purooshaartha karte hain। bahuton se dehi-abhimaani banne ki mehnat pahunchti nahin hai। baba samjhaate hain - bachche, dehi-abhimaani banna badi mehnat hai। bhal koi chart bhi bhej dete hain parantu poora nahin। phir bhi kuchh attention rehta hai। dehi-abhimaani banne ka attention bahuton ka kam rehta hai। dehi-abhimaani bade sheetal honge। woh itna jaasti baatcheet nahin karenge। unhon ka baap se love aisa hoga jo baat mat poochho। aatma ko itni khushi honi chaahiye jo kabhi koi manushya ko na ho। in lakshmi-naaraayan ko to gyaan hai nahin। gyaan tum bachchon ko hi hai, jinko bhagwan padhaate hain। bhagwan hamko padhaate hain, yeh nasha bhi tumhaare mein koi ek-do ko rehta hai। woh nasha ho to baap ki yaad mein rahen, jisko dehi-abhimaani kaha jaata hai। parantu woh nasha nahin rehta hai। yaad mein rahne vaale ki chalan badi achhi royal hogi। ham bhagwan ke bachche hain isliye gaayan bhi hai - ateendriy sukh gop-gopiyon se poochho, jo dehi-abhimaani ho baap ko yaad karte hain। yaad nahin karte hain isliye shivbaaba ke dil par nahin chadhte hain। shivbaaba ke dil par nahin to daada ke bhi dil par nahin chadh sakte। unke dil par honge to zaroor inke dil par bhi honge। baap har ek ko jaante hain। bachche khud bhi samajhte hain ki ham kya service karte hain। service ka shauk bachchon mein bahut hona chaahiye। koi ko centre jamaane ka bhi shauk rehta hai। koi ko chitra banaane ka shauk rehta hai। baap bhi kehte hain - mujhe gyaani tu aatma bachche pyaare lagte hain, jo baap ki yaad mein bhi rehte hain aur service karne ke liye bhi phathakte rehte hain। koi to bilkul hi service nahin karte hain, baap ka kehna bhi nahin maante hain। baap to jaante hain na - kahaan kisko service karni chaahiye। parantu deh-abhimaan ke kaaran apni mat par chalte hain to woh dil par nahin chadhte hain। agyaan kaal mein bhi koi bachcha badachlan vaala hota hai to baap ki dil par nahin rehta hai। unko kapoot samajhte hain। sangadosh mein kharaab ho padte hain। yahaan bhi jo service karte hain vahi baap ko pyaare lagte hain। jo service nahin karte unko baap pyaar thode hi karenge। samajhte hain takdeer anusaar hi padhenge, phir bhi pyaar kis par rahega? woh to kaayda hai na। achhe bachchon ko bahut pyaar se bulaayenge। kahenge tum bahut sukhdaai ho, tum pita snehi ho। jo baap ko yaad hi nahin karte unko pita snehi thode hi kahenge। daada snehi nahin banna hai, snehi banna hai baap se। jo baap ka snehi hoga unka bolchaal bada meetha sundar rahega। vivek aisa kehta hai - bhal time hai parantu shareer par koi bharosa thode hi hai। baithe-baithe accident ho jaate hain। koi heartfail ho jaate hain। kisko rog lag jaata hai, maut to achaanak ho jaata hai na isliye shvaans par to bharosa nahin hai। natural calamities ki bhi abhi practice ho rahi hai। bigar time barsaat padne se bhi nuksaan kar deti hai। yeh duniya hi duhkh dene vaali hai। baap bhi aise samay par aate hain jabki mahaan duhkh hai, rakta ki nadiyaan bhi bahni hain। koshish karna chaahiye - ham apna purooshaartha kar 21 janmon ka kalyaan to kar leven। bahuton mein apna kalyaan karne ka phurna bhi dikhaai nahin padta hai।

baba yahaan baith murli chalaate hain to bhi buddhi serviceable bachchon taraph rehti hai। ab shankaraachaarya ko pradarshani mein bulaaya hai, nahin to yeh log aise kahaan jaate nahin hain। bade ghamanda se rehte hain, to unhon ko maan bhi dena pade। oopar sinhaasan par bithaana pade। aise nahin, saath mein baith sakte hain। nahin, regard unhon ko bahut chaahiye। nirmaan ho to phir chaandi aadi ka sinhaasan bhi chhod den। baap dekho kaise saadhaaran rehte hain। koi bhi jaante nahin। tum bachchon mein bhi koi virle jaante hain। kitna nirhankaari baap hai। yeh to baap aur bachche ka sambandh hai na। jaise laukik baap bachchon ke saath rehte, khaate khilaate hain, yeh hai behad ka baap। sannyaasiyon aadi ko baap ka pyaar nahin milta hai। tum bachche jaante ho kalpa-kalpa hamko behad ke baap ka pyaar milta hai। baap gul-gul (phool) banaane ki bahut mehnat karte hain। parantu drama anusaar sab to gul-gul bante nahin hain। aaj bahut achhe-achhe kal vikaari ho jaate hain। baap kahenge takdeer mein nahin hai to aur kya karenge। bahuton ki gandi chalan ho padti hai। aagya ka ullanghan karte hain। eeshvar ki mat par bhi nahin chalenge to unka kya haal hoga! oonch te oonch baap hai, aur to koi hai nahin। phir devtaaon ke chitron mein dekhenge to yeh lakshmi-naaraayan hi oonch te oonch hain। parantu manushya yeh bhi nahin jaante ki inhon ko aisa kisne banaaya। baap tum bachchon ko rachta aur rachna ki knowledge achhi reeti baith samjhaate hain। tumko to apna shantidham, sukhdhaam hi yaad aata hai। service karne vaalon ke naam smriti mein aate hain। zaroor jo baap ke aagyaakaari bachche honge, unke taraph hi dil jaayegi। behad ka baap ek hi baar aate hain। woh laukik baap to janma-janmaantar milta hai। satayug mein bhi milta hai। parantu vahaan yeh baap nahin milta hai। abhi ki padhaai se tum pad paate ho। yeh bhi tum bachche hi jaante ho ki baap se ham nai duniya ke liye padh rahe hain। yeh buddhi mein yaad rehna chaahiye। hai bahut sahaj। samjho baba khel rahe hain, anaayaas koi aa jaate hain to baba jhat vahaan hi unko knowledge dene lag padenge। behad ke baap ko jaante ho? baap aaye hain puraani duniya ko nai banaane। raajayog sikhlaate hain। bhaaratvaasiyon ko hi sikhlaana hai। bhaarat hi svarga tha। jahaan in devi-devtaaon ka raajya tha। abhi to narka hai। narka se phir svarga baap hi banaayenge। aisi-aisi mukhya baaten yaad kar koi bhi aaye to unko baith samjhaao। to kitna khush ho jaae। sirf bolo baap aaya hua hai। yeh vahi mahaabhaarat ladaai hai jo geeta mein gaai hui hai। geeta ka bhagwan aaya tha, geeta sunaai thi। kislie? manushya ko devta banaane। baap sirf kehte hain mujh baap ko aur varse ko yaad karo। yeh duhkhadhaam hai। itna buddhi mein yaad rahe to bhi khushi rahe। ham aatma baba ke saath jaane vaali hain shantidham। phir vahaan se part bajaane aayenge pahle-pahle sukhdhaam mein। jaise college mein padhte hain to samajhte hain ham yeh-yeh padhte hain phir yeh banenge। barrister banenge va pulis superintendent banenge, itna paisa kamaayenge। khushi ka paara chadha rahega। tum bachchon ko bhi yeh khushi rahni chaahiye। ham behad ke baap se yeh varsa paate hain phir ham svarga mein apne mahal banaayenge। saara din buddhi mein yeh chintan rahe to khushi bhi ho। apna aur doosron ka bhi kalyaan karen। jin bachchon ke paas gyaan dhan hai unka farja hai daan karna। agar dhan hai, daan nahin karte hain to unhein manhoos kaha jaata hai। unke paas dhan hote bhi jaise ki hai hi nahin। dhan ho to daan zaroor karen। achhe-achhe mahaarthi bachche jo hain woh sadaiv baba ki dil par chadhe rehte hain। koi-koi ke liye khyaal rehta hai - yeh shaayad toot pade। circumstance aise hain। deh ka ahankaar bahut chadha hua hai। koi bhi samay haath chhod den aur jaakar apne ghar mein rahe। bhal murli bahut achhi chalaate hain parantu deh-abhimaan bahut hai, thoda bhi baba saavdhaani denge to jhat toot padenge। nahin to gaayan hai - pyaar karo chaahe thukraao… yahaan baba right baat karte hain to bhi gussa chadh jaata hai। aise-aise bachche bhi hain, koi to andar mein bahut shukriya maante hain, koi andar jal marte hain। maaya ka deh-abhimaan bahut hai। kai aise bhi bachche hain jo murli sunte hi nahin hain aur koi to murli bigar rah nahin sakte। murli nahin padhte hain to apna hi hath hai, hamaare mein to gyaan bahut hai aur hai kuchh bhi nahin।

to jahaan shankaraachaarya aadi pradarshani mein aate hain, service achhi hoti hai to woh samaachaar sabko bhejna chaahiye to sabko maaloom pade kaise service hui to woh bhi seekhenge। aisi-aisi service ke liye jinko khyaalaat aate hain unko hi baba serviceable samjhenge। service mein kabhi thakna nahin chaahiye। yeh to bahuton ka kalyaan karna hai na। baba ko to yahi ona rehta hai, sabko yeh knowledge mile। bachchon ki bhi unnati ho। roz murli mein samjhaate rehte hain - yeh roohaani service hai mukhya। sunna aur sunaana hai। shauk hona chaahiye। badge lekar roz mandiron mein jaakar samjhaao - yeh lakshmi-naaraayan kaise banen? phir kahaan gaye, kaise raajya-bhaagya paaya? mandir ke dar par jaakar baitho। koi bhi aaye bolo, yeh lakshmi-naaraayan kaun hain, kab inhon ka bhaarat mein raajya tha? hanoomaan bhi juttiyon mein jaakar baithta tha na। uska bhi rahasya hai na। taras padta hai। service ki yuktiyaan baba bahut batlaate hain, parantu amal mein bahut koi mushkil laate hain। service bahut hai। andhon ki laathi banna hai। jo service nahin karte, buddhi saaph nahin hai to phir dhaarna nahin hoti hai। nahin to service bahut sahaj hai। tum yeh gyaan ratnon ka daan karte ho। koi saahookaar aaye to bolo ham aapko yeh saugaat dete hain। inka arth bhi aapko samjhaate hain। in badges ka baba ko bahut kadar hai। aur kisko itna kadar nahin hai। inmen bahut achha gyaan bhara hua hai। parantu kiski takdeer mein nahin hai to baba bhi kya kar sakte hain। baap ko aur padhaai ko chhodna - yeh to bade te bada aapghaat hai। baap ka bankar aur phir phaarakti dena - is jaisa mahaan paap koi hota nahin। un jaisa kambakhta koi hota nahin। bachchon ko shreemat par chalna chaahiye na। tumko buddhi mein hai ham vishwa ke maalik banne vaale hain, kam baat thode hi hai। yaad karenge to khushi bhi rahegi। yaad na rahne se paap bhasma nahin honge। adopt hue to khushi ka paara chadhna chaahiye। parantu maaya bahut vighna daalti hai। kachchon ko gira deti hai। jo baap ki shreemat hi nahin lete to woh kya pad paayenge। thodi mat li to phir aisa hi halka pad paayenge। achhi reeti mat lenge to oonch pad paayenge। yeh behad ki raajdhaani sthaapan ho rahi hai। ismen kharche aadi ki bhi koi baat nahin hai। kumaariyaan aati hain, seekhkar bahuton ko aapasmaan banaati hain, ismen fee aadi ki baat hi nahin। baap kehte hain tumko svarga ki baadshaahi deta hoon। main svarga mein bhi nahin aata hoon। shivbaaba to daata hai na। unko kharchi kya denge। isne sab kuchh unko de diya, vaaris bana diya। evaj mein dekho raajaai milti hai na। yeh pahla-pahla misaal hai। saare vishwa par svarga ki sthaapna hoti hai। kharcha paai bhi nahin। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) pita snehi banne ke liye bahut-bahut sukhdaai banna hai। apna bol chaal bahut meetha royal rakhna hai। serviceable banna hai। nirhankaari ban seva karni hai।

2) padhaai aur baap ko chhodkar kabhi aapghaati mahaapaapi nahin banna hai। mukhya hai roohaani service, is service mein kabhi thakna nahin hai। gyaan ratnon ka daan karna hai, manhoos nahin banna hai।

vardaan:- sada nijdhaam aur nij swaroop ki smriti se upraam, nyaare pyaare bhav

niraakaari duniya aur niraakaari roop ki smriti hi sada nyaara aur pyaara bana deti hai। ham hain hi niraakaari duniya ke nivaasi, yahaan seva arth avatrit hue hain। ham is mrityulok ke nahin lekin avtaar hain sirf yeh chhoti si baat yaad rahe to upraam ho jaayenge। jo avtaar na samajh grihasthi samajhte hain to grihasthi ki gaadi keechad mein phansi rehti hai, grihasthi hai hi bojh ki sthiti aur avtaar bilkul halka hai। avtaar samajhne se apna niji dhaam niji swaroop yaad rahega aur upraam ho jaayenge।

slogan:- brahman woh hai jo shuddhi aur vidhi poorvak har kaarya kare।

avyakt ishaare - satyata aur sabhyata roopi culture ko apnaao

jo nirmaan hota hai vahi nav-nirmaan kar sakta hai। shubh-bhaavna va shubh-kaamna ka beej hi hai nimitta-bhaav aur nirmaan-bhaav। had ka maan nahin, lekin nirmaan। ab apne jeevan mein satyata aur sabhyata ke sanskaar dhaaran karo। yadi na chaahte hue bhi kabhi krodh ya chidchidaapan aa jaae to dil se kaho “meetha baba'', to extra madad mil jaayegi।