Murli du jour du lundi 23 juin 2025

23-06-2025 praatahmurli om shanti "baapdaada"' madhuban

“meethe bachche - tumhaara pahla-pahla shabka (paath) hai - main aatma hoon, shareer nahin, aatma-abhimaani hokar raho to baap ki yaad rahegi''

prashn:- tum bachchon ke paas kaun sa gupta khajaana hai, jo manushyon ke paas nahin hai?

uttar:- tumhein bhagwan baap padhaate hain, us padhaai ki khushi ka gupta khajaana tumhaare paas hai। tum jaante ho ham jo padh rahe hain, bhavishya amarlok ke liye na ki is mrityulok ke liye। baap kehte hain savere-savere uthkar ghoomo phiro, sirf pahla-pahla paath yaad karo to khushi ka khajaana jama hota jaayega।

om shanti। baap bachchon se poochhte hain - bachche, aatma-abhimaani ho baithe ho? apne ko aatma samajh baithe ho? ham aatmaon ko paramatma baap padha rahe hain, bachchon ko yeh smriti aai hai ham deh nahin, aatma hain। bachchon ko dehi-abhimaani banaane liye hi mehnat karni padti hai। bachche aatma-abhimaani rah nahin sakte। ghadi-ghadi deh-abhimaan mein aa jaate hain isliye baba poochhte hain - aatma-abhimaani ho rehte ho? aatma-abhimaani honge to baap ki yaad aayegi, agar deh-abhimaani honge to laukik sambandhi yaad aayenge। pahle-pahle yeh shabd yaad rakhna pade, ham aatma hain। mujh aatma mein hi 84 janmon ka part bhara hua hai। yeh pakka karna hai। ham aatma hain। aadhaakalpa tum deh-abhimaani ho rahe ho। abhi sirf sangamayug par hi bachchon ko aatma-abhimaani banaaya jaata hai। apne ko deh samajhne se baap yaad nahin aayega, isliye pahle-pahle yeh shabka (paath) pakka kar lo - ham aatma behad baap ke bachche hain। deh ke baap ko yaad karna kabhi sikhlaaya nahin jaata hai। ab baap kehte hain mujh paarlaukik baap ko yaad karo, aatma-abhimaani bano। deh-abhimaani banne se deh ke sambandh yaad aayenge, apne ko aatma samajh aur baap ko yaad karo, yahi mehnat hai। yeh kaun samjha rahe hain, ham aatmaon ka baap, jinko sab yaad karte hain baba aao, aakar is duhkh se liberate karo। bachche jaante hain is padhaai se ham bhavishya ke liye oonch pad paate hain।

abhi tum purushottam sangamayug par ho। is mrityulok mein ab bilkul rehna nahin hai। yeh hamaari padhaai hai hi bhavishya 21 janma liye। ham satayug amarlok ke liye padh rahe hain। amar baba hamko gyaan suna rahe hain to yahaan jab baithte ho pahle-pahle apne ko aatma samajh baap ki yaad mein rehna hai to vikarma vinaash honge। ham abhi sangamayug par hain। baba hamko purushottam bana rahe hain। kehte hain mujhe yaad karo to tum purushottam ban jaayenge। main aaya hoon manushya se devta banaane। satayug mein tum devta the, abhi jaante ho kaise seedhi utre hain। hamaari aatma mein 84 janmon ka part noondha hua hai। duniya mein koi nahin jaante, woh bhakti maarga alag hai, yeh gyaan maarga alag hai। jin aatmaon ko baap padhaate hain woh jaane, aur na jaane koi। yeh hai gupta khajaana bhavishya ke liye। tum padhte hi ho amarlok ke liye, na ki is mrityulok ke liye। ab baap kehte hain savere uthkar ghoomo, phiro। pahla-pahla shabka yeh yaad karo ki ham aatma hain, na ki shareer। hamaara roohaani baba hamko padhaate hain। yeh duhkh ki duniya ab badalni hai। satayug hai sukh ki duniya, buddhi mein saara gyaan hai। yeh hai roohaani spiritual knowledge। baap gyaan ka saagar spiritual father hai। woh hai dehi ka baap। baaki to sabhi deh ke hi sambandhi hain। ab deh ke sambandh tod ek se jodna hai। gaate bhi hain mera to ek doosra na koi। ham ek baap ko hi yaad karte hain। deh ko bhi yaad nahin karte। yeh puraani deh to chhodni hai। yeh bhi tumko gyaan milta hai। yeh shareer kaise chhodna hai। yaad karte-karte shareer chhod dena hai isliye baba kehte hain dehi-abhimaani bano। apne andar ghotte raho - baap, beej aur jhaad ko yaad karna hai। shaastron mein yeh kalpa vriksha ka vritaanta hai।

yeh bhi bachche jaante hain hamko gyaan saagar baap padhaate hain। koi manushya nahin padhaate hain। yeh pakka kar lena hai। padhna to hai na। satayug mein bhi dehdhaari padhaate hain, yeh dehdhaari nahin hai। yeh kehte hain main puraani deh ka aadhaar le tumko padhaata hoon। kalpa-kalpa main tumko aise padhaata hoon। phir kalpa baad bhi aise padhaaoonga। ab mujhe yaad karo to tumhaare vikarma vinaash honge, main hi patit-paavan hoon। mujhe hi sarva shaktimaan kehte hain। parantu maaya bhi kam nahin hai, woh bhi shaktimaan hai, kahaan se giraaya hai। ab yaad aata hai na। 84 ke chakra ka bhi gaayan hai। yeh manushyon ki hi baat hai। bahut poochhte hain, jaanavron ka kya hoga? are yahaan jaanvar ki baat nahin। baap bhi bachchon se baat karte hain, baahar vaale to baap ko jaante hi nahin, to woh kya baat karenge। koi kahenge ham baba se milne chaahte hain, ab jaante kuchh bhi nahin, baithkar ulte-sulte prashn karenge। 7 din ka course karne ke baad bhi poora kuchh samajhte nahin hain ki yeh hamaara behad ka baap hai। jo puraane bhakta hain, jinhonne bahut bhakti ki hui hai unki buddhi mein to gyaan ki sab baaten baith jaati hain। bhakti kam ki hogi to buddhi mein kam baithega। tum ho sabse jaasti puraane bhakta। gaaya bhi jaata hai bhagwan bhakti ka phal dene liye aate hain। parantu kisko yeh thode hi pata hai। gyaan maarga aur bhakti maarga bilkul hi alag hai। saari duniya hai bhakti maarga mein। koton mein koi aakar yeh padhte hain। samjhaani to bahut meethi hai। 84 janmon ka chakra bhi manushya hi jaanenge na। tum aage kuchh nahin jaante the, shiv ko bhi nahin jaante the। shiv ke mandir kitne dher hain। shiv ki pooja karte, jal daalte, shivaae namah karte, kyon poojte hain, kuchh pata nahin। lakshmi-naaraayan ki pooja kyon karte, woh kahaan gaye, kuchh pata nahin। bhaaratvaasi hi hain jo apne poojya ko bilkul jaante nahin। Christian jaante hain, Christ phalaane sanvat mein aaya, aakar sthaapna ki। shivbaaba ko koi bhi nahin jaante। patit-paavan bhi shiv ko hi kehte hain। vahi oonch te oonch hai na। unki sabse jaasti seva karte hain। sarva ka sadgati daata hai। tumko dekho kaise padhaate hain। baap ko bulaate bhi hain ki aakar paavan banaao। mandir mein kitni pooja karte hain, kitni dhoom-dhaam, kitna kharcha karte hain। shreenaath ke mandir mein, jagannaath ke mandir mein jaakar dekho। hai to ek hi। jagannaath (jagat naath) ke paas chaaval ka haanda chadhaate hain। shreenaath par to bahut maal banaate hain। farka kyon hota hai? kaaran chaahiye na। shreenaath ko bhi kaala, jagannaath ko bhi kaala kar dete hain। kaaran to kuchh bhi nahin samajhte। jagat-naath lakshmi naaraayan ko hi kehte hain ya raadhe-krishna ko kahenge? raadhe-krishna, lakshmi-naaraayan ka sambandh kya hai, yeh bhi koi nahin jaante hain। abhi tum bachchon ko maaloom pada hai ki ham poojya devta the phir pujaari bane hain। chakra lagaaya। abhi phir devta banne ke liye ham padhte hain। yeh koi manushya nahin padhaate hain। bhagvaanuvaach hai। gyaan saagar bhi bhagwan ko kaha jaata hai। yahaan to bhakti ke saagar bahut hain jo patit-paavan gyaan saagar baap ko yaad karte hain। tum patit bane phir paavan zaroor banna hai। yeh hai hi patit duniya। yeh svarga nahin hai। baikuntha kahaan hai, yeh kisko pata nahin hai। kehte hain baikuntha gaya। to phir narka ka bhojan aadi tum unko kyon khilaate ho। satayug mein to bahut hi phal-phool aadi hote hain। yahaan kya hai? yeh hai narka। abhi tum jaante ho baba dvaara ham svargavaasi banne ka purushaartha kar rahe hain। patit se paavan banna hai। baap ne yukti to bataai hai - kalpa-kalpa baap bhi yukti batlaate hain। mujhe yaad karo to vikarma vinaash honge। abhi tum jaante ho ham purushottam sangamayug par hain। tum hi kehte ho baba ham 5 hazaar varsha pahle yeh bane the। tum hi jaante ho kalpa-kalpa yeh amraktha baba se sunte hain। shivbaaba hi amarnaath hai। baaki aise nahin ki paarvati ko baith katha sunaate hain। woh hai bhakti। gyaan aur bhakti ko tumne samjha hai। braahmanon ka din aur phir braahmanon ki raat। baap samjhaate hain tum brahman ho na। aadi dev bhi brahman hi tha, devta nahin kahenge। aadi dev ke paas bhi jaate hain, deviyon ke bhi kitne naam hain। tumne service ki hai tab tumhaara gaayan hai, bhaarat jo viceless tha woh phir vicious ban jaata hai। abhi raavanraajya hai na।

sangamayug par tum bachche abhi purushottam bante ho, tumhaare par brihaspati ki dasha avinaashi baithti hai tab tum amarpuri ke maalik ban jaate ho। baap tumhein padha rahe hain, manushya se devta banaane ke liye। svarga ke maalik banne ko brihaspati ki dasha kaha jaata hai। tum svarga amarpuri mein to zaroor jaayenge। baaki padhaai mein dashaayen neeche-oopar hoti rehti hain। yaad hi bhool jaati hai। baap ne kaha hai mujhe yaad karo। geeta mein bhi hai bhagvaanuvaach - kaam mahaashatru hain। padhte bhi hain parantu vikaar ko jeette thode hi hain। bhagwan ne kab kaha? 5 hazaar varsha hua। ab phir bhagwan kehte hain kaam mahaashatru hai, in par jeet paani hai। yeh aadi-madhya-ant duhkh dene vaala hai। mukhya hai kaam ki baat, is par hi patit kaha jaata hai। abhi pata pada hai, yeh chakra phirta hai। ham patit bante hain, phir baap aakar paavan banaate hain - drama anusaar। baba baar-baar kehte hain pahle-pahle alpha ki baat yaad karo, shreemat par chalne se hi tum shreshtha banenge। yeh bhi tum samajhte ho ham pahle shreshtha the phir bhrashta banen। ab phir shreshtha banne ka purushaartha kar rahe hain। daivi-gun dhaaran karna hai। kisko bhi duhkh nahin dena hai। sabko raasta bataate jaao, baap kehte hain mujhe yaad karo to paap kat jaayen। patit-paavan tum mujhe hi kehte ho na। yeh koi ko pata nahin ki patit-paavan kaise aakar paavan banaate hain। kalpa pahle bhi baap ne kaha tha maamekam yaad karo। yeh yog agni hai, jisse paap dagdha hote hain। khaad nikalne se aatma pavitra ban jaati hai। khaad sone mein hi daalte hain। phir jevar bhi aisa banta hai। abhi tum bachchon ko baap ne samjhaaya hai aatma mein kaise khaad padi hai, unko nikaalna hai। baap ka bhi drama mein part hai jo tum bachchon ko aakar dehi-abhimaani banaate hain। pavitra bhi banna hai। tum jaante ho satayug mein ham vaishnav the। pavitra grihastha aashram tha। abhi ham pavitra ban aur vishnupuri ke maalik bante hain। tum double vaishnav bante ho। sachche-sachche vaishnav tum ho। woh hain vikaari vaishnav dharma ke। tum ho nirvikaari vaishnav dharma ke। abhi ek to baap ko yaad karte ho aur knowledge jo baap mein hai, woh tum dhaaran karte ho। tum raajaaon ka raaja bante ho। woh raajaayen bante hain alpakaal, ek janma ke liye। tumhaari raajaai hai 21 peedhi arthaat full ej paas karte ho। vahaan kab akaale mrityu nahin hoga। tum kaal par jeet paate ho। samay jab hota hai to samajhte ho ab yeh puraani khal chhod nai leni hai। tumko saakshaatkaar hoga। khushi ke baaje bajte rehte hain। tamopradhaan shareer ko chhod satopradhaan shareer lena yeh to khushi ki baat hai। vahaan 150 varsha aayu average rehti hai। yahaan to akaale mrityu hoti rehti hai kyonki bhogi hain। jin bachchon ka yog yathaartha hai unki sarva karmendriyaan yogbal se vash mein hongi। yog mein poora rahne se karmendriyaan sheetal ho jaati hain। satayug mein tumko koi bhi karmendriyaan dhokha nahin deti hain, kabhi aise nahin kahenge ki karmendriyaan vash mein nahin hain। tum bahut oonch te oonch pad paate ho। inko kaha jaata hai brihaspati ki avinaashi dasha। vrikshapti manushya srishti ka beejroop hai baap। beej hai oopar mein, unko yaad bhi oopar mein karte hain। aatma baap ko yaad karti hai। tum bachche jaante ho behad ka baap hamko padhaate hain, woh aate hi ek baar hain amraktha sunaane। amraktha kaho, satya naaraayan ki katha kaho, us katha ka bhi arth nahin samajhte hain। satya naaraayan ki katha se nar se naaraayan bante hain। amraktha se tum amar bante ho। baba har ek baat clear kar samjhaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yogbal se apni sarva karmendriyon ko vash mein karna hai। ek vrikshapti baap ki yaad mein rehna hai। sachcha vaishnav arthaat pavitra banna hai।

2) savere uthkar pahla paath pakka karna hai ki main aatma hoon, shareer nahin। hamaara roohaani baba hamko padhaate hain, yeh duhkh ki duniya ab badalni hai… aise buddhi mein saara gyaan simran hota rahe।

vardaan:- har khajaane ko kaarya mein lagaakar padmon ki kamaai jama karne vaale padmaapdam bhaagyashaali bhav

har second padmon ki kamaai jama karne ka vardaan drama mein sangam ke samay ko mila hua hai। aise vardaan ko svayan prati jama karo aur auron ke prati daan karo, aise hi sankalp ke khajaan ko, gyaan ke khajaane ko, sthool dhan roopi khajaane ko kaarya mein lagaakar padmon ki kamaai jama karo kyonki is samay sthool dhan bhi eeshvar arth samarpan karne se ek naya paisa ek ratna samaan value ka ho jaata hai - to in sarva khajaanon ko svayan ke prati va seva ke prati kaarya mein lagaao to padmaapdam bhaagyashaali ban jaayenge।

slogan:- jahaan dil ka sneh hai vahaan sabka sahayog sahaj praapta hota hai।

avyakt ishaare-aatmik sthiti mein rahne ka abhyaas karo, antarmukhi bano

ab aise traansaperent (paardarshi) ho jaao jo aapke shareer ke andar aatma viraajmaan hai, woh spashta sabhi ko dikhaai de। aapka aatmik swaroop unhon ko apne aatmik swaroop ka saakshaatkaar karaaye, isko hi kehte hain avyakt va aatmik sthiti ka anubhav karaana।