Murli du jour du mardi 24 juin 2025

24-06-25 praatahmurli om shanti ''maateshvari'' madhuban

“maateshvari ji ke punya smriti divas par praatahklaas mein sunaane ke liye madhur mahaavaakya''

geet:- mera chhota-sa dekho ye sansaar hai…।

yeh geet kis samay ka gaaya hua hai kyonki is sangam samay hi ham brahman kul ka yeh chhota-sa sansaar hai। yeh hamaara kaun-sa parivaar hai, woh nambarvaar batlaate hain। ham parampita paramatma shiv ke potre hain, brahma sarasvati ki mukh santaan hain aur vishnu shankar hamaare taaya ji hain aur ham aapas mein sabhi bhaai behen thahre। yeh hai apna chhota-sa sansaar... inke aage aur sambandh racha hi nahin hai, isi samay ka itna hi sambandh kahenge। dekho hamaara sambandh kitna badi authority se hai! hamaara grand papa hai shiv, unka naam kitna bhaari hai, vo saari manushya srishti ka beej-roop hai। sarva aatmaon ka kalyaankaari hone kaaran unko kaha jaata hai har har bholaanaath shiv mahaadev। vo saari srishti ka duhkh harta, sukh karta hai, us dvaara humein sukh-shanti-pavitrata ka bada hak milta hai, shanti mein phir koi karmabandhan ka hisaab-kitaab nahin rehta। parantu yeh donon vastu pavitrata ke aadhaar par rakhte hain। jab tak pita ki paravrish ka poorn varsa le, pita se certificate nahin mila hai, tab tak vo varsa mil nahin sakta। dekho, brahma ke oopar kitna bada kaam hai - malechchha 5 vikaaron mein maili apvitra aatmaon ko gulgul banaate hain, jis alaukik kaarya ka ujoora phir satayug ka pahla number shreekrishna pad milta hai। ab dekho us pita ke saath tumhaara kaisa sambandh hai! to kitna bephikar aur khush hona chaahiye। ab har ek apni dil se poochhe ham unke poorn reeti ho chuke hain?

sochna chaahiye ki jab paramatma baap aaya hai to unse ham complete varsa le leven। student ka kaam hai sampoorn purushaartha kar scholarship lena, to ham pahla number lottery kyon na win karen! woh hai vijay maala mein piroya jaana। baaki koi hain jo do laddu pakadkar baithe hain, yahaan ka bhi had ka sukh loon aur vahaan bhi vaikuntha mein kuchh-na-kuchh sukh le lenge, aise vichaarvaan ko madhyam aur kanishtha purushaarthi kahenge, na ki sarvottam purushaarthi। jab baap dene mein aana-kaani nahin karta to lene vaale kyon karte hain? tab gurunaanak ne kaha paramatma to daata hai, samartha hai magar aatmaon ko lene ki bhi taakat nahin, kahaavat hai denda de, lenda thak paave। (dene vaala deta hai lekin lene vaala thak jaata hai) aapke dil mein aata hoga ham kyon nahin chaahenge ki ham bhi yeh pad paayen parantu dekho, baba kitni mehnat karta hai, phir bhi maaya kitna vighna daalti hai, kyon? ab maaya ka raajya samaapta hone vaala hai। ab maaya ne saara saar nikaal diya hai tab hi paramatma aata hai। usmein sab ras samaaya hua hai, unse sabhi sambandhon ki rasna milti hai tab hi tvamev maataashcha pita... aadi yeh mahima us paramatma ki gaai hui hai, to balihaari is samay ki hai jo aisa sambandh hua hai।

to paramatma ke saath itna sampoorn sambandh jodna hai jo 21 janmon ke liye sukh praapta ho jaaye, yeh hai purushaartha ki siddhi। parantu 21 janma ka naam sun thande mat pad jaana। aise nahin sochna ki 21 janmon ke liye itna is samay purushaartha bhi karen, phir bhi 21 janmon ke baad girna hi hai to siddhi kya hui? parantu drama ke andar aatmaon ki jitni sarvottam siddhi mukrar hai vo to milegi na! baap aakarke humein sampoorn stage par pahuncha deta hai, parantu ham bachche baba ko bhool jaate hain to zaroor girenge, ismen baap ka koi dosh nahin hai। ab kami hui to ham bachchon ki, satayug treta ka saara sukh is janma ke purushaartha par aadhaar rakhta hai to kyon na sampoorn purushaartha kar apna sarvottam part bajaayen! kyon na purushaartha kar woh varsa leven। purushaartha manushya sada sukh ke liye hi karta hai, sukh duhkh se nyaare hone ke liye koi purushaartha nahin karta, vo to drama ke ant mein paramatma aae sabhi aatmaon ko saja de, pavitra banaae part se mukta karenge। yeh to paramatma ka kaarya hai vo apne mukrar samay par aapehi aakar bataata hai। ab jab aatmaon ko phir bhi part mein aana hi padega to kyon na sarvottam part bajaayen।

manushya srishti ko sukhdaai banaane vaala baap jaanta hai ki manushya srishti sukhdaai kaise banegi? jab tak aatmaayen svachchha nahin bani hain tab tak sansaar sukhdaai nahin ho sakta hai isliye vo aa karke pahle-pahle aatmaon ko hi svachchha banaate hain। abhi aatma ko impyuriti (asvachchhata) lagi hai। pahle us impyuriti ko nikaalna hai। phir aatma ke bal se har cheez se unki tamopradhaanta badal karke satopradhaanta hogi, jisko kahenge ki sabhi golden aged mein aa jaate hain, to yeh tatva aadi sab golden aged stage mein aa jaate hain। parantu pahle aatma ki stage badalti hai। to aatmaon ka badlaane vaala arthaat aatmaon ko pyooriphaaeed banaane vaala phir authority vo ho gaya। tum dekhte ho na ki abhi duniya badalti ja rahi hai। pahle to apne ko badalna hai, jab ham apne ko badlenge tab uske aadhaar se duniya badlegi। agar abhi tak hamaare mein pharka nahin aaya hai, apne ko hi nahin badla hai to phir duniya kaise badlegi isliye apni jaanch roz karo। jaise potaamel rakhne vaale raat ko apna khaata dekhte hain na ki aaj kya jama hua? sab apna hisaab rakhte hain। to yeh bhi apna potaamel rakhna hai ki saare din mein hamaara kitna phaayda raha, kitna nuksaan raha? agar nuksaan mein kuchh jyaada gaya to phir doosre din ke liye phir khabardaar rehna hai। isi tarah se apna attention rakhne se phir ham phaayde mein jaate-jaate apni jo position hai usko pakadte chalenge। to aisi jaanch rakhte apne ko badla hua mahsoos karna chaahiye। aise nahin ki ham to devta banenge, woh to peechhe banenge, abhi jaise hain vaise theek hain...। nahin। abhi se woh devtaai sanskaar banaane hain। abhi tak jo 5 vikaaron ke vash sanskaar chalte the, abhi dekhna hai ki un vikaaron se ham chhootte ja rahe hain? hamaare mein jo krodh aadi tha woh nikalta ja raha hai? lobh ya moh aadi jo tha woh sab vikaari sanskaar badalte ja rahe hain? agar badalte ja rahe hain, chhootte ja rahe hain to maano ham badalte ja rahe hain। agar nahin chhootte hain to samjho ki abhi ham badle nahin hai। to badalne ka pharka mahsoos hona chaahiye, apne mein change aani chaahiye। aise nahin ki saara din vikaari khaate mein hi chalte rahen, baaki samjhen ki hamne achha koi daan-punya kiya, bas। nahin। hamaara jo karma ka khaata chalta hai, usi mein hamko sambhalna hai। ham jo kuchh karte hain usmein kisi vikaar ke vash ho apna vikarmi khaata to nahin banaate hain? ismen apne aapko sambhaalna hai। yeh saara potaamel rakhna hai aur sone se pahle 10-15 minute apne ko dekhna chaahiye ki saara din hamaara kaise beeta? kai to note bhi karte hain kyonki pichhle paapon ka jo sir par bojh hai use bhi mitaana hai, uske liye baap ka pharmaan hai mujhe yaad karo, to woh bhi hamne kitna samay yaad mein diya? kyonki yeh chart rakhne se doosre din ke liye saavdhaan rahenge। aise saavdhaan rehte-rehte phir saavdhaan ho jaayenge phir hamaare karma achhe rehte chalenge aur phir aisa koi paap nahin hoga। to paapon se hi to bachna hai na। achha- meethi maa ka meethe-meethe bachchon prati yaadapyaar aur good morning।

sandeshi ke tan dvaara sarasvati maa se avyakti prabhu ka milan evan sanvaad

beti shri raadhe dekho, tere paas kaun aae padhaara hai? kitni badi taakat tumse baatcheet kar rahi hai। mere aane ke raaz se tum khud ko bhi jaan sakti ho। aane vaale ki position ke saath khud ki position athva pad ko bhi jaan sakti ho।

he raadhe beti, tum mera jalva dekhna chaahti ho! main chaahoon to ek second mein vinaash kara sakta hoon। parantu karta nahin hoon kyonki viraat film anusaar jo jo kartavya jis jis dvaara jaise play hone hain, woh avashya play honge। avyakt prabhu anaadi kaayde kaanoon ko jaanne vaala hi anaadi kaaydon ki pahchaan aakar deta hai। yeh saari srishti ka anaadi khel stage par play hota hai, to practical play hone mein samay leta hai, agar itne varshon ka khel ek second mein poora kar doon to baaki khel kya chale! to jo jo takleeph jaise jaise dekhni athva sahan karni hai, vo vaise hi usi atapte raaz se repeat hoti hai। yeh atapti repetition hai jisko he pyaari mam raadhe tum aur main dekh kitna harshit hota hoon।

is viraat drama ke sabhi part taste lene vaale bane hue hain। is khel ko chalaane vaala agar chaahe to ek second mein is draame ko draap kar phir naye sire se shuru kar deve, parantu karta nahin hai kyonki eeshvar ko bhi is saadhaaran reeti se kartavya chalaana padta hai। svayan sarvashaktivaan niraakaar eeshvar saakaar mein hai parantu saadhaaran vesh mein! yahi to bhoolbhulaiya ka khel hai, jisko jo jaane woh jaani jaananhaar।

beti shri raadhe, priy vatson ko yeh sahan karne ka maarga bhi avashya tay karna hai। yadyapi main chaahoon to apne vatson prati ise sahaj maarga bhi bana sakta hoon kyonki saakshaatkaar karaane ki chaabi mere haath mein hai। agar kisi bhi dhanvaan bhakta ko kisi devta ka saakshaatkaar kara doon, to woh apna saara dhan le yagya mein aae svaaha kar deve, kyonki eeshvar to sabhi dhanvaanon ka dhanvaan hai। lekin tera pita chaahta hai ki main apne beggars priy vatson ko prince aur princess banaaoon, isliye tum yeh sab sahan karne ke baad hi prince aur princess jaae banenge। pita jaanta hai ki vatson ko yeh sahan karne ka maarga avashya tay karna hai kyonki sahan karna, yeh eeshvareey va daivi gun hai, jismen hi khushi samaai hui hai। is gun se eeshvareey sukh mahsoos hota hai। sahan karte bhi tum kitni mauj manaate ho, yahi gopneey gyaan hai। aisa anaasakta yogi hi sthaai sukh ko praapta karta hai।

abhi to pareekshaaon ka samay najdeek aa pahuncha hai, har ek vatsa aane vaali pareekshaaon ko in advance saamne rakh us abhyaas mein chalta chale। bhal koi bhi vatsa ko khaan-paan ityaadi na mile, parantu khud beparvaah baadshaah ho upasthit ho। aisi apni sundar avastha bahut samay se lekar dhaaran karni hai, agar koi samajhta hai ki us samay aapehi chal jaaoonga, yeh samajh baithna apne ko dhokha dena hai isliye pahle se hi saavdhaan ho rehna hai।

mere ati priy vatsa yaad mein to baithte hain parantu abhi tak us light ka tej mere vatan tak nahin pahunchta hai। har ek jab light swaroop ho upasthit honge to unke yog ka tej mere vatan mein aayega tab hi un har ek ki sampoorn light unhon mein pravesh hogi। us samay hi phir shaktiyon ki mahima niklegi। to har ek ko apne nishchay mein stheriyam rehna hai, jo main bhi agar utaaroon to bhi utar na saken।

he shiromni shakti raadhe, shaktiyon ko gyaan neshtha bal mein aur mukh se gyaan murli bajaane mein taiyaar rehna chaahiye। tumhein apni ekras eeshvareey drishti se har ek ko nihaal kar apne madhur veena se pahchaan deni hai ki main kaun hoon aur mera pita kaun hai! kaise brahma mein bhagwan pratyaksha hua hai, jo is ant ke samay devil world ko khalaas kar apne nij desh deity world mein le ja raha hai।

he raadhe beti, jab har ek ki avastha deepak ki lalaat sadrishya stheriyam rahegi tab sookshm antah prernaaon ko pakadkar apna kaarya sampoorn reeti se siddha kar sakenge jitni gyaan anusaar avastha hogi, utna hi prernaaon ko pakad sakenge। jitna us avastha mein lagaataar rahenge utna sampoorn prernaayen touch ho sakengi।

oho! beti raadhe, mera swaroop to dekho, kya vatsa mere swaroop ko nahin dekh sakte ki kaise akhanda jyoti tatva se aakar main saakshaat pravesh ho aae baat karta hoon, mere dvaara hi yeh sab saakshaatkaar hote hain kyonki main hi sabhi ka mool samooh hoon। dekho, prakriti ke beech mein chamakti hai gyaan light। vatsa sirf yeh vichaar karen ki aha! jisko saari srishti pukaar rahi hai woh svayan sarvashaktivaan eeshvar yagya mein ham vatson ke sammukh aae padhaara hai। uski sheetal god mein baithne se hriday shant ho jaata hai। agar rachna ko rachne vaala mil gaya to phir usko chhod uski rachna mein kyon jaaoon! highest mein highest authority sarva taakat ka khud maalik jisse sarva taakten pragat hui hain, us pahchaan mein aa gaye to phir yeh god chhodna asambhav ho jaayega। jab di creator ki pahchaan aa jaave tab to samjhen ki yeh kaun hai! samjha, shiromni raadhe। achha।

vardaan:- sada ateendriy sukh ke jhoole mein jhoolne vaale sangamayug ki sarva alaukik praaptiyon se sampanna bhav

jo bachche alaukik praaptiyon se sada sampanna hain vo ateendriy sukh ke jhoole mein jhoolte rehte hain। jaise jo laadle bachche hote hain unko jhoole mein jhulaate hain। aise sarva praapti sampanna braahmanon ka jhoola ateendriy sukh ka jhoola hai। isi jhoole mein sada jhoolte raho। kabhi bhi deh abhimaan mein nahin aana। jo jhoole se utarkar dharti par paanv rakhte hain vo maile ho jaate hain। oonche se oonche baap ke svachchha bachche sada ateendriy sukh ke jhoole mein jhoolte, mitti mein paanv nahin rakh sakte।

slogan:- “main tyaagi hoon'' is abhimaan ka tyaag hi sachcha tyaag hai।

avyakt ishaare-aatmik sthiti mein rahne ka abhyaas karo, antarmukhi bano

jab svayan ko akaalmoorta aatma samjhenge tab akaale mrityu se, akaal se, sarva samasyaaon se bach sakenge। maansik chintaayen, maansik paristhitiyon ko hataane ka ek hi saadhan hai - apne is puraane shareer ke bhaan ko mitaana। deh-abhimaan ko mitaane se sarva paristhitiyaan mit jaayengi।