Murli du jour du vendredi 4 juillet 2025

04-07-2025 praatahmurli om shanti "baapdaada"' madhuban

“meethe bachche - bandhanmukta ban service mein tatpar raho, kyonki is service mein bahut oonch kamaai hai, 21 janmon ke liye tum vaikuntha ka maalik bante ho''

prashn:- har ek bachche ko kaun-si aadat daalni chaahiye?

uttar:- murli ki point par samjhaane ki। braahmani (teacher) agar kahin chali jaati hai to aapas mein milkar class chalaani chaahiye। agar murli chalaana nahin seekhenge to aap samaan kaise banaayenge। braahmani bigar moonjhana nahin chaahiye। padhaai to simple hai। class chalaate raho, yeh bhi practice karni hai।

geet:- mukhda dekh le praani. …

om shanti। bachche jab sunte hain to apne ko aatma nishchay kar baithe aur yeh nishchay karen ki baap paramatma hamko suna rahe hain। yeh direction athva mat ek hi baap dete hain। unko hi shreemat kaha jaata hai। shri arthaat shreshtha te shreshtha। woh hai behad ka baap, jisko oonch te oonch bhagwan kaha jaata hai। bahut manushya hain jo us lav se paramatma ko baap samajhte bhi nahin hain। bhal shiv ki bhakti karte hain, bahut pyaar se yaad karte hain parantu manushyon ne kah diya hai ki sabhi mein paramatma hai, to woh lav kiske saath rakhen isliye baap se vipreet buddhi ho gaye hain। bhakti mein jab koi duhkh va rog aadi hota hai to preet dikhaate hain। kehte hain bhagwan raksha karo। bachche jaante hain geeta hai shreemat bhagwan ke mukh se gaai hui। aur koi aisa shaastra nahin jismen bhagwan ne raajayog sikhaaya ho va shreemat di ho। ek hi bhaarat ki geeta hai, jiska prabhaav bhi bahut hai। ek geeta hi bhagwan ki gaai hui hai, bhagwan kahne se ek niraakaar taraph hi drishti jaati hai। anguli se ishaara oopar mein karenge। shreekrishna ke liye aise kabhi nahin kahenge kyonki woh to dehdhaari hai na। tumko ab unke saath sambandh ka pata pada hai isliye kaha jaata hai baap ko yaad karo, unse preet rakho। aatma apne baap ko yaad karti hai। abhi woh bhagwan bachchon ko padha rahe hain। to woh nasha bahut chadhna chaahiye। aur nasha bhi sthaai chadhna chaahiye। aise nahin braahmani saamne hai to nasha chadhe, braahmani nahin to nasha ud jaae। bas braahmani bigar ham class nahin kar sakte। koi-koi centres ke liye baba samjhaate hain kahaan se 5-6 maas bhi braahmani nikal jaati to aapas mein centre sambhaalte hain kyonki padhaai to simple hai। kai to braahmani bigar jaise andhe loole ho jaate hain। braahmani nikal aai to centre mein jaana chhod denge। are, bahut baithe hain, class nahin chala sakte ho। guru baahar chala jaata hai to chele pichhaadi mein sambhaalte hain na। bachchon ko service karni hain। student mein nambarvaar to hote hi hain। baapdaada jaante hain kahaan first class ko bhejna hai। bachche itne varsha seekhe hain, kuchh to dhaarna hui hogi jo centre ko chalaayen aapas mein milkar। murli to milti hi hai। points ke aadhaar par hi samjhaate hain। sunne ki aadat padi phir sunaane ki aadat padti nahin। yaad mein rahen to dhaarna bhi ho। centre par aise to koi hone chaahiye jo kahen achha braahmani jaati hai, ham centre ko sambhaalte hain। baba ne braahmani ko kahaan achhe centre par bheja hai service ke liye। braahmani bigar moonjh nahin jaana chaahiye। braahmani jaise nahin banenge to doosron ko aap samaan kaise banaayenge, praja kaise banaayenge। murli to sabko milti hai। bachchon ko khushi honi chaahiye ham gaddi par baith samjhaayen। practice karne se serviceable ban sakte hain। baba poochhte hain serviceable bane ho? to koi bhi nahin nikalte hain। service ke liye chhutti le leni chaahiye। jahaan bhi service ke liye bulaava aaye vahaan par chhutti lekar chale jaana chaahiye। jo bandhanmukta bachche hain woh aisi service kar sakte hain। us government se to is government ki kamaai bahut oonch hai। bhagwan padhaate hain, jisse tum 21 janmon ke liye vaikuntha ka maalik bante ho। kitni bhaari aamadni hai, us kamaai se kya milega? alpakaal ka sukh। yahaan to vishwa ka maalik bante ho। jinko pakka nishchay hai woh to kahenge ham isi seva mein lag jaayen। parantu poora nasha chaahiye। dekhna hai ham kisko samjha sakte hain! hai bahut sahaj। kaliyug ant mein itne karod manushya hain, satayug mein zaroor thode honge। uski sthaapna ke liye zaroor baap sangam par hi aayenge। puraani duniya ka vinaash hona hai। mahaabhaarat ladaai bhi mashhoor hai। yeh lagti hi tab hai jabki bhagwan aakar satayug ke liye raajayog sikhlaae raajaaon ka raaja banaate hain। karmaateet avastha ko praapta karaate hain। kehte hain deh sahit deh ke sab sambandh chhod maamekam yaad karo to paap katte jaayenge। apne ko aatma samajh baap ko yaad karna - yahi mehnat hai। yog ka arth ek bhi manushya nahin jaante hain।

baap samjhaate hain bhakti maarga ki bhi drama mein noondh hai। bhakti maarga chalna hi hai। khel bana hua hai - gyaan, bhakti, vairaagya। vairaagya bhi do prakaar ka hota hai। ek hai had ka vairaagya, doosra hai yeh behad ka vairaagya। abhi tum bachche saari puraani duniya ko bhoolne ka purushaartha karte ho kyonki tum jaante ho ham ab shivaalay, paavan duniya mein ja rahe hain। tum sab brahmaakumaar-kumaariyaan bhaai-behen ho। vikaari drishti ja na sake। aajkal to sabki drishti criminal ho gai hai। tamopradhaan hain na। iska naam hi hai narka parantu apne ko narkavaasi samajhte thode hi hain। svayan ka pata hi nahin to kah dete svarga-narka yahaan hi hai। jiske man mein jo aaya woh kah diya। yeh koi svarga nahin hai। svarga mein to kingdom thi। religious, righteous the। kitna bal tha। abhi phir tum purushaartha kar rahe ho। vishwa ka maalik ban jaayenge। yahaan tum aate hi ho vishwa ka maalik banne। heavenly god father jisko shiv paramatma kaha jaata hai, woh tumko padhaate hain। bachchon mein kitna nasha rehna chaahiye। bilkul easy knowledge hai। tum bachchon mein jo bhi puraani aadten hain woh chhod deni hain। eershya ki aadat bhi bahut nuksaan karti hai। tumhaara saara madaar murli par hai, tum koi ko bhi murli par samjha sakte ho। parantu andar mein eershya rehti hai - yeh koi braahmani thode hi hai, yeh kya jaanen। bas doosre din aayenge hi nahin। aisi aadten puraani padi hui hain, jis kaaran disservice bhi hoti hai। knowledge to badi sahaj hai। kumaariyon ko to koi dhandha aadi bhi nahin hai। unse poochha jaata hai woh padhaai achhi ya yeh padhaai achhi? to kehte hain yeh bahut achhi hai। baba abhi ham woh padhaai nahin padhengi। dil nahin lagti। laukik baap gyaan mein nahin hoga to maar khaayengi। phir koi bachchiyaan kamjor bhi hoti hain। samjhaana chaahiye na - is padhaai se ham mahaaraani banengi। us padhaai se kya paai paise ki naukri karengi। yeh padhaai to bhavishya 21 janma ke liye svarga ka maalik banaati hai। praja bhi svargavaasi to banti hai na। abhi sab hain narkavaasi।

ab baap kehte hain tum sarvagun sampanna the। ab tum hi kitne tamopradhaan ban pade ho। seedhi utarte aaye ho। bhaarat jise sone ki chidiya kehte the, abhi to thikkar ki bhi nahin hai। bhaarat 100 percent solvent tha। ab 100 percent insolvent hai। tum jaante ho ham vishwa ke maalik paarasnaath the। phir 84 janma lete-lete ab pattharnaath ban pade hain। hain to manushya hi parantu paarasnaath aur pattharnaath kaha jaata hai। geet bhi suna - apne andar ko dekho ham kahaan tak laayak hain। naarad ka misaal hai na। din-pratidin girte hi jaate hain। girte-girte ekdam duban mein gale tak phans pade hain। ab tum brahman sabhi ko choti se pakadkar duban se nikaalte ho baahar। aur koi pakadne ki jagah to hai nahin। to choti se pakadna sahaj hai। duban se nikaalne ke liye choti se pakadna hota hai। duban mein aise phanse hue hain jo baat mat poochho। bhakti ka raajya hai na। abhi tum kehte ho baba ham kalpa pahle bhi aapke paas aaye the - raajya bhaagya paane। lakshmi-naaraayan ke mandir bhal banaate rehte hain parantu unko yeh pata nahin hai ki yeh vishwa ke maalik kaise banen। abhi tum kitne samajhdaar bane ho। tum jaante ho inhon ne raajya-bhaagya kaise paaya। phir 84 janma kaise liye। birla kitne mandir banaate hain। jaise gudiya bana lete hain। woh chhoti-chhoti gudiya yeh phir badi gudiya banaate hain। chitra banaakar pooja karte hain। unka occupation na jaanna to gudiyon ki pooja hui na। abhi tum jaante ho baap ne hamko kitna saahookaar banaaya tha, ab kitne kangaal ban pade hain। jo poojya the, so ab pujaari ban pade hain। bhakta log bhagwan ke liye kah dete aapehi poojya aapehi pujaari। aap hi sukh dete ho, aap hi duhkh dete ho। sab kuchh aap hi karte ho। bas ismen hi masta ho jaate hain। kehte hain aatma nirlep hai, kuchh bhi khaao piyo mauj karo, shareer ko lep-chhep lagta hai, woh ganga snaan se shuddh ho jaayega। jo chaahiye so khaao। kya-kya fashion hai। bas jisne jo rivaaj daala woh chal padta hai। ab baap samjhaate hain vishay saagar se chalo shivaalay mein। satayug ko ksheer saagar kaha jaata hai। yeh hai vishay saagar। tum jaante ho ham 84 janma lete patit bane hain, tab to patit-paavan baap ko bulaate hain। chitron par samjhaaya jaata hai to manushya sahaj samajh jaaen। seedhi mein poora 84 janmon ka vritaanta hai। itni sahaj baat bhi kisko samjha nahin sakenge। to baba samjhenge poora padhte nahin hain। unnati nahin karte hain।

tum braahmanon ka kartavya hai - bhramri ke misal keedon ko bhoon-bhoon kar aap samaan banaana। aur tumhaara purushaartha hai - sarpa ke misal puraani khaal chhod nai lene ka। tum jaante ho yeh puraana sada hua shareer hai, inko chhodna hai। yeh duniya bhi puraani hai। shareer bhi puraana hai। yeh chhodkar ab nai duniya mein jaana hai। tumhaari yeh padhaai hai hi nai duniya svarga ke liye। yeh puraani duniya khalaas ho jaani hai। saagar ki ek hi lahar se saara daanvaadol ho jaayega। vinaash to hona hi hai na। natural calamities kisko bhi chhodti nahin hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) andar jo eershya aadi ki puraani aadten hain, use chhod aapas mein bahut pyaar se milkar rehna hai। eershya ke kaaran padhaai nahin chhodni hai।

2) is puraane sade hue shareer ka bhaan chhod dena hai। bhramri ki tarah gyaan ki bhoon-bhoon kar keedon ko aap samaan banaane ki seva karni hai। is roohaani dhandhe mein lag jaana hai।

vardaan:- mansa bandhanon se mukta, ateendriy sukh ki anubhooti karne vaale mukti daata bhav

ateendriy sukh mein jhoolna - yeh sangamayugi braahmanon ki visheshta hai। lekin mansa sankalpon ke bandhan aantarik khushi va ateendriy sukh ka anubhav karne nahin dete। vyartha sankalpon, eershya, albelepan va aalasya ke sankalpon ke bandhan mein bandhana hi mansa bandhan hai, aisi aatma abhimaan ke vash doosron ka hi dosh sochti rehti hai, unki mahsoosta shakti samaapta ho jaati hai isliye is sookshm bandhan se mukta bano tab mukti daata ban sakenge।

slogan:- aisa khushiyon ki khaan se sampanna raho jo aapke paas duhkh ki lahar bhi na aaye।

avyakt ishaare - sankalpon ki shakti jama kar shreshtha seva ke nimitta bano

kisi bhi shreshtha sankalp roopi beej ko phaleebhoot banaane ka sahaj saadhan ek hi hai - woh hai sada beej roop baap se har samay sarva shaktiyon ka bal us beej mein bharte rehna। beej roop dvaara aapke sankalp roopi beej sahaj aur svatah vriddhi ko paate phaleebhoot ho jaayenge। sankalp shakti jama ho jaayegi।