Murli du jour du vendredi 30 janvier 2026

30-01-2026 praatahmurli om shanti "baapdaada"' madhuban

“meethe bachche - saare kalpa ka yeh hai sarvottam kalyaankaari sangamayug, ismen tum bachche yaad ki saccharin se satopradhaan bante ho''

prashn:- anek prakaar ke prashnon ki utpatti ka kaaran tatha un sabka nivaaran kya hai?

uttar:- jab deh-abhimaan mein aate ho to sanshay paida hota hai aur sanshay uthne se hi anek prashnon ki utpatti ho jaati hai। baba kehte mainne tum bachchon ko jo dhandha diya hai - patit se paavan bano aur banaao, is dhandhe mein rahne se sab prashn khatma ho jaayenge।

geet:- tumhein paake hamne jahaan pa liya hai…

om shanti। meethe-meethe roohaani bachchon ne geet suna। yeh kisne kaha meethe-meethe roohaani bachche? zaroor roohaani baap hi kah sakte hain। meethe-meethe roohaani bachche abhi sammukh baithe hain aur baap bahut pyaar se samjha rahe hain। ab tum jaante ho sivaae roohaani baap ke sarva ko sukh-shanti dene va sarva ko is duhkh se liberate karne vaala, duniya bhar mein aur koi manushya ho nahin sakta isliye duhkh mein baap ko yaad karte rehte hain। tum bachche sammukh baithe ho। jaante ho baba hamko sukhdhaam ke laayak bana rahe hain। sada sukhdhaam ka maalik banaane vaale baap ke sammukh aaye hain। abhi samajhte ho sammukh sunne aur door rahkar sunne mein bahut farka hai। madhuban mein sammukh aate ho। madhuban mashhoor hai। madhuban mein unhonne shreekrishna ka chitra dikhaaya hai। parantu shreekrishna to hai nahin। tum bachche jaante ho - yahaan to ghadi-ghadi apne ko aatma nishchay karna hai, ismen mehnat lagti hai। main aatma baap se varsa le rahi hoon। baap ek hi samay aate hain saare chakra mein। yeh kalpa ka suhaavna sangamayug hai, iska naam rakha hai purushottam। yahi sangamayug hai jismen sabhi manushya maatra uttam bante hain। abhi to sabhi manushyamaatra ki aatmaayen tamopradhaan hain so phir satopradhaan banti hain। satopradhaan hain to uttam hain। tamopradhaan hone se manushya bhi kanishta bante hain। to ab baap aatmaon ko sammukh baith samjhaate hain। saara part aatma hi bajaati hai, na ki shareer। tumhaari buddhi mein aa gaya hai ki ham aatma asul mein niraakaari duniya va shantidham mein rahne vaale hain। yeh kisko bhi pata nahin hai। na khud samjha sakte hain। tumhaari buddhi ka ab taala khula hai। tum samajhte ho barobar aatmaayen paramdham mein rehti hain। woh hai incorporeal world। yeh hai corporeal world। yahaan ham sab aatmaayen, actors paartadhaari hain। pahle-pahle ham part bajaane aate hain, phir nambarvaar aate jaate hain। sabhi actors ikatthe nahin aa jaate। bhinna-bhinna prakaar ke actors aate jaate hain। sab ikatthe tab hote jab naatak poora hota hai। abhi tumko pahchaan mili hai, ham aatma asul shantidham ki rahvaasi hain, yahaan aate hain part bajaane। baap saara samay part bajaane nahin aate hain। ham hi part bajaate-bajaate satopradhaan se tamopradhaan ban jaate hain। abhi tum bachchon ko sammukh sunne se bada maja aata hai। itna maja murli padhne se nahin aata। yahaan sammukh ho na।

tum bachche samajhte ho ki bhaarat god-goddess ka sthaan tha। abhi nahin hai। chitra dekhte ho, tha zaroor। ham vahaan ke rahvaasi the - pahle-pahle ham devta the, apne part ko to yaad karenge ki bhool jaayenge। baap kehte hain tumne yahaan yeh part bajaaya। yeh drama hai। nai duniya so phir zaroor puraani duniya hoti hai। pahle-pahle oopar se jo aatmaayen aati hain, vo golden ej mein aati hain। yeh sab baaten abhi tumhaari buddhi mein hain। tum vishwa ke maalik mahaaraaja-mahaaraani the। tumhaari raajdhaani thi। abhi to raajdhaani hai nahin। abhi tum seekh rahe ho, ham raajaai kaise chalaayenge! vahaan vajeer hote nahin। raay dene vaale ki darkaar nahin। woh to shreemat dvaara shreshtha te shreshtha ban jaate hain। phir inko doosre koi se raay lene ki darkaar nahin hai। agar koi se raay le to samjha jaayega unki buddhi kamjor hai। abhi jo shreemat milti hai, woh satayug mein bhi kaayam rehti hai। abhi tum samajhte ho pahle-pahle barobar in devi-devtaaon ka aadhaakalpa raajya tha। ab tumhaari aatma refresh ho rahi hai। yeh knowledge paramatma ke sivaae koi bhi de na sake।

abhi tum bachchon ko dehi-abhimaani banna hai। shantidham se aakar yahaan tum talkie bane ho। talkie hone bigar karma ho na sake। yeh badi samajhne ki baaten hain। jaise baap mein saara gyaan hai vaise tumhaari aatma mein bhi gyaan hai। aatma kehti hai - ham ek shareer chhod sanskaar anusaar phir doosra shareer leta hoon। punarjanma bhi zaroor hota hai। aatma ko jo bhi part mila hua hai, woh bajaati rehti hai। sanskaaron anusaar doosra janma lete rehte hain। aatma ki din-pratidin purity ki degree kam hoti jaati hai। patit akshar dvaapar se kaam mein laate hain। phir bhi thoda sa farka zaroor padta hai। tum naya makaan banaao, ek maas ke baad kuchh zaroor farka padega। abhi tum bachche samajhte ho baba hamko varsa de rahe hain। baap kehte hain ham aaye hain tum bachchon ko varsa dene। jitna jo purushaartha karega utna pad paayega। baap ke paas koi farka nahin hai। baap jaante hain ham aatmaon ko padhaate hain। aatma ka hak hai baap se varsa lene ka, ismen mel-female ki drishti yahaan nahin rehti। tum sab bachche ho। baap se varsa le rahe ho। sabhi aatmaayen brothers hain, jinko baap padhaate hain, varsa dete hain। baap hi roohaani bachchon se baat karte hain - he laadle meethe sikeeldhe bachchon, tum bahut samay part bajaate-bajaate ab phir aakar mile ho, apna varsa lene। yeh bhi drama mein noondh hai। shuru se lekar part noondha hua hai। tum actors part bajaate act karte rehte ho। aatma avinaashi hai, ismen avinaashi part noondha hua hai। shareer to badalta rehta hai। baaki aatma sirf pavitra se apvitra banti hai। patit banti hai, satayug mein hai paavan। isko kaha jaata hai patit duniya। jab devtaaon ka raajya tha to viceless world thi। abhi nahin hai। yeh khel hai na। nai duniya so puraani duniya, puraani duniya phir nai duniya। abhi sukhdhaam sthaapan hota hai, baaki sab aatmaayen muktidhaam mein rahengi। abhi yeh behad ka naatak aakar poora hua hai। sab aatmaayen machchharon misal jaayengi। is samay koi bhi aatma aaye to patit duniya mein unki kya value hogi। value unki hai jo pahle-pahle nai duniya mein aate hain। tum jaante ho jo nai duniya thi woh phir puraani bani hai। nai duniya mein ham devi-devta the। vahaan duhkh ka naam nahin tha। yahaan to athaah duhkh hain। baap aakar duhkh ki duniya se liberate karte hain। yeh puraani duniya badalni zaroor hai। tum samajhte ho barobar ham satayug ke maalik the, phir 84 janmon ke baad aise bane hain। ab phir baap kehte hain mujhe yaad karo to tum svarga ke maalik banenge। to ham kyon na apne ko aatma nishchay karen aur baap ko yaad karen। kuchh to mehnat karni hogi na। raajaai paana koi sahaj thode hi hai। baap ko yaad karna hai। yeh maaya ka wonder hai jo ghadi-ghadi tumko bhula deti hai। uske liye upaay rachna chaahiye। aise nahin, mera banne se yaad jam jaayegi। baaki purushaartha kya karenge! nahin। jab tak jeena hai purushaartha karna hai। gyaan amrit peete rehna hai। yeh bhi samajhte ho hamaara yeh antim janma hai। is shareer ka bhaan chhod dehi-abhimaani banna hai। grihastha vyavhaar mein bhi rehna hai। purushaartha zaroor karna hai। sirf apne ko aatma nishchay kar baap ko yaad karo। tvamev maataashcha pita..... yeh sab hai bhakti maarga ki mahima। tumko sirf ek alpha ko yaad karna hai। ek hi meethi saccharin hai। aur sab baaten chhod ek saccharin (baap) ko yaad karo। abhi tumhaari aatma tamopradhaan bani hai, unko satopradhaan banaane ke liye yaad ki yaatra mein raho। sabko yahi bataao baap se sukh ka varsa lo। sukh hota hi hai satayug mein। sukhdhaam sthaapan karne vaala baba hai। baap ko yaad karna hai bahut sahaj। parantu maaya ka opposition bahut hai isliye koshish kar mujh baap ko yaad karo to khaad nikal jaayegi। second mein jeevanmukti gaaya jaata hai। ham aatma roohaani baap ke bachche hain। vahaan ke rahne vaale hain, phir hamko apna part repeat karna hai। is drama ke andar sabse jaasti hamaara part hai। sukh bhi sabse jaasti hamko milega। baap kehte hain tumhaara devi-devta dharma bahut sukh dene vaala hai aur baaki sab shantidham mein automatically chale jaayenge, hisaab-kitaab chuktu kar। jaasti vistaar mein ham kyon jaayen। baap aate hi hain sabko vaapis le jaane। machchharon sadrishya sabko le jaate hain। satayug mein bahut thode hote hain। yeh saari drama mein noondh hai। shareer khatma ho jaayenge। aatma jo avinaashi hai woh hisaab-kitaab chuktu kar chali jaayegi। aise nahin ki aatma aag mein padne se pavitra hogi। aatma ko yaad roopi yog agni se hi pavitra hona hai। yog ki agni hai yeh। unhonne phir naatak baith banaaye hain। seeta aag se paar hui। aag se koi thode hi paavan hona hai। baap samjhaate hain tum sab seetaayen is samay patit ho। raavan ke raajya mein ho। ab ek baap ki yaad se tumko paavan banna hai। raam ek hi hai। agni akshar sunne se samajhte hain - aag se paar hui। kahaan yog agni, kahaan woh। aatma parampita paramatma se yog rakhne se hi patit se paavan hogi। raat-din ka farka hai। hell mein sab seetaayen raavan ki jel mein shok vaatika mein hain। yahaan ka sukh to kaag vishta ke samaan hai। bhent ki jaati hai। svarga ke sukh to athaah hain।

tum aatmaon ki abhi shiv saajan ke saath sagaai hui hai। to aatma female hui na! shivbaaba kehte hain sirf mujhe yaad karo to tum paavan ban jaayenge। shantidham jaae phir sukhdhaam mein aa jaayenge। to bachchon ko gyaan ratnon se jholi bharni chaahiye। koi bhi prakaar ka sanshay nahin le aana chaahiye। deh-abhimaan mein aane se phir anek prakaar ke prashn uthte hain। phir baap jo dhandha dete hain woh karte nahin hain। mool baat hai hamko patit se paavan banna hai। doosri baaten chhod deni chaahiye। raajdhaani ki jaisi rasma-rivaaj hogi woh chalegi। jaise mahal banaaye honge vaise banaayenge। mool baat hai pavitra banne ki। bulaate bhi hain he patit-paavan..... paavan banne se sukhi ban jaayenge। sabse paavan hain devi-devtaayen।

abhi tum 21 janma ke liye sarvottam paavan bante ho। usko kaha jaata hai sampoorn nirvikaari paavan। to baap jo shreemat dete hain us par chalna chaahiye। koi bhi sankalp uthaane ki darkaar nahin। pahle ham patit se paavan to banen। pukaarte bhi hain - he patit-paavan.... parantu samajhte kuchh bhi nahin। yeh bhi nahin jaante patit-paavan kaun hai? yeh hai patit duniya, woh hai paavan duniya। mukhya baat hai hi paavan banne ki। paavan kaun banaayenge? yeh kuchh bhi pata nahin। patit-paavan kah bulaate hain parantu bolo, tum patit ho to bigad padenge। apne ko vikaari koi bhi samajhte nahin। kehte hain grihasthi mein to sab the। raadhe-krishna, lakshmi-naaraayan ko bhi bachche the na। lekin vahaan yogbal se bachche paida hote hain, yeh bhool gaye hain। unko viceless world svarga kaha jaata hai। woh hai shivaalay। baap kehte hain patit duniya mein ek bhi paavan nahin। yeh baap to baap, teacher aur satguru hai jo sabko sadgati dete hain। woh to ek guru chala gaya to phir bachche ko gaddi denge। ab woh kaise sadgati mein le jaayenge? sarva ka sadgati daata hai hi ek। satayug mein sirf devi-devta hote hain। baaki itni sab aatmaayen shantidham mein chali jaayengi। raavan raajya se chhoot jaate hain। baap sabko pavitra banaakar le jaate hain। paavan se phir phat se koi patit nahin bante hain। nambarvaar utarte hain, satopradhaan se sato, rajo, tamo..... tumhaari buddhi mein 84 janmon ka chakra baitha hai। tum jaise ab light house ho। gyaan se is chakra ko jaan gaye ho ki yeh chakra kaise phirta hai। abhi tum bachchon ko aur sabko raasta bataana hai। sab naeeyaaen hain, tum pilot ho, raasta bataane vaale। sabko bolo aap shantidham, sukhdhaam ko yaad karo। kaliyug duhkhadhaam ko bhool jaao। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jab tak jeena hai gyaan amrit peete rehna hai। apni jholi gyaan ratnon se bharni hai। sanshay mein aakar koi prashn nahin uthaane hain।

2) yog agni se aatma roopi seeta ko paavan banaana hai। kisi baat ke vistaar mein jaasti na jaakar dehi-abhimaani banne ki mehnat karni hai। shantidham aur sukhdhaam ko yaad karna hai।

vardaan:- sada manan dvaara magan avastha ke saagar mein samaane ka anubhav karne vaale anubhvi moorta bhav

anubhvon ko badhaane ka aadhaar hai manan shakti। manan vaala svatah magan rehta hai। magan avastha mein yog lagaana nahin padta lekin nirantar laga rehta hai, mehnat nahin karni padti। magan arthaat muhabbat ke saagar mein samaaya hua, aisa samaaya hua jo koi alag kar nahin sakta। to mehnat se chhooto, saagar ke bachche ho to anubhvon ke talaab mein nahin nahaao lekin saagar mein sama jaao tab kahenge anubhvi moorta।

slogan:- gyaan svarup aatma woh hai jiska har sankalp, har second samartha ho।

avyakt ishaare - is avyakti maas mein bandhanmukta rah jeevanmukta sthiti ka anubhav karo

yadi koi bhi svabhaav, sanskaar, vyakti athva vaibhav ka bandhan apni taraph aakarshit karta hai, to baap ke yaad ki aakarshan sadaiv nahin rah sakti। karmaateet banna maana sarva karma bandhanon se mukta, nyaare ban, prakriti dvaara nimitta-maatra karma karaana। yeh nyaare banne ka purushaartha baar-baar karte raho। sahaj aur svatah yeh anubhooti ho ki “karaane vaala aur karne vaali yeh karmendriyaan hain hi alag।''