Murli du jour du mercredi 25 février 2026

25-02-2026 praatahmurli om shanti "baapdaada"' madhuban

“meethe bachche - tum brahman so devta bante ho, tumheen bhaarat ko svarga banaate ho, to tumhein apni brahman jaati ka nasha chaahiye''

prashn:- sachche braahmanon ki mukhya nishaaniyaan kya hongi?

uttar:- sachche braahmanon ka is puraani duniya se langar utha hua hoga। woh jaise is duniya ka kinaara chhod chuke। 2. sachche brahman woh jo haathon se kaam karen aur buddhi sada baap ki yaad mein rahe arthaat karmayogi ho। 3. brahman arthaat kamal phool samaan। 4. brahman arthaat sada aatma-abhimaani rahne ka purushaartha karne vaale। 5. brahman arthaat kaam mahaashatru par vijay praapta karne vaale।

om shanti। roohaani baap roohaani bachchon ko samjhaate hain। bachche kaun? yeh brahman। yeh kabhi bhoolo mat ki ham brahman hain, devta banne vaale hain। varnon ko bhi yaad karna padta hai। yahaan tum aapas mein sirf brahman hi brahman ho। braahmanon ko behad ka baap padhaate hain। yeh brahma nahin padhaate hain। shivbaaba padhaate hain brahma dvaara। braahmanon ko hi padhaate hain। shoodra se brahman banne bigar devi-devta ban nahin sakenge। varsa shivbaaba se milta hai। woh shivbaaba to sabka baap hai। is brahma ko great great grand father kaha jaata hai। laukik baap to sabko hote hain। paarlaukik baap ko bhakti maarga mein yaad karte hain। ab tum bachche samajhte ho yeh hai alaukik baap jinko koi nahin jaante। bhal brahma ka mandir hai, yahaan bhi prajaapita aadi dev ka mandir hai। unko koi mahaaveer kehte hain, dilvaala bhi kehte hain। parantu vaastav mein dil lene vaala hai shivbaaba, na ki prajaapita aadi dev brahma। sab aatmaon ko sada sukhi banaane vaala, khush karne vaala ek hi baap hai। yeh bhi sirf tum hi jaante ho। duniya mein to manushya kuchh nahin jaante। tuchchha buddhi hain। ham brahman hi shivbaaba se varsa le rahe hain। tum bhi yeh ghadi-ghadi bhool jaate ho। yaad hai badi sahaj। yog akshar sannyaasiyon ne rakha hai। tum to baap ko yaad karte ho। yog common akshar hai। inko yog aashram bhi nahin kahenge, bachche aur baap baithe hain। bachchon ka pharja hai - behad ke baap ko yaad karna। ham brahman hain, daade se varsa le rahe hain brahma dvaara isliye shivbaaba kehte hain jitna ho sake yaad karte raho। chitra bhi bhal rakho to yaad rahegi। ham brahman hain, baap se varsa lete hain। brahman kabhi apni jaati ko bhoolte hain kya? tum shoodron ke sang mein aane se braahmanapna bhool jaate ho। brahman to devtaaon se bhi oonch hain kyonki tum brahman knowledgeful ho। bhagwan ko jaani jaananhaar kehte hain na। uska bhi arth nahin jaante। aise nahin ki sabke dilon mein kya hai woh baith dekhte hain। nahin, unko srishti ke aadi-madhya-ant ka knowledge hai। woh beejroop hai। jhaad ke aadi-madhya-ant ko jaante hain। to aise baap ko bahut yaad karna hai। inki aatma bhi us baap ko yaad karti hai। woh baap kehte hain yeh brahma bhi mujhe yaad karenge tab yeh pad paayenge। tum bhi yaad karenge tab pad paayenge। pahle-pahle tum ashareeri aaye the phir ashareeri bankar vaapis jaana hai। aur sab tumko duhkh dene vaale hain, unko kyon yaad karenge। jabki main tumko mila hoon, main tumko nai duniya mein le chalne aaya hoon। vahaan koi duhkh nahin। woh hai daivi sambandh। yahaan pahle-pahle duhkh hota hai stri-purush ke sambandh mein kyonki vikaari bante hain। tumko ab main us duniya ka laayak banaata hoon, jahaan vikaar ki baat nahin rehti। yeh kaam mahaashatru gaaya hua hai jo aadi-madhya-ant duhkh deta hai। krodh ke liye aise nahin kahenge ki yeh aadi-madhya-ant duhkh deta hai, nahin। kaam ko jeetna hai। vahi aadi-madhya-ant duhkh deta hai। patit banaata hai। patit akshar vikaar par lagta hai। is dushman par jeet paani hai। tum jaante ho ham svarga ke devi-devta ban rahe hain। jab tak yeh nishchay nahin to kuchh pa nahin sakenge।

baap samjhaate hain bachchon ko mansa-vaacha-karmana accurate banna hai। mehnat hai। duniya mein yeh kisko pata nahin ki tum bhaarat ko svarga banaate ho। aage chalkar samjhenge। chaahte bhi hain one world, one raajya, one religion, one bhaasha ho। tum samjha sakte ho - satayug mein aaj se 5 hazaar varsha pahle ek raajya, ek dharma tha jisko svarga kaha jaata hai। raamraajya aur raavan raajya ko bhi koi nahin jaante। 100 pratishat tuchchha buddhi se ab tum svachchha buddhi bante ho nambarvaar purushaartha anusaar। baap baith tumko padhaate hain। sirf baap ki mat par chalo। baap kehte hain ki puraani duniya mein rehte kamal phool samaan pavitra raho। mujhe yaad karte raho। baap aatmaon ko samjhaate hain। main aatmaon ko hi padhaane aaya hoon in organs dvaara। tum aatmaayen bhi organs dvaara sunti ho। bachchon ko aatma-abhimaani banna hai। yeh to puraana chhi-chhi shareer hai। tum brahman pooja ke laayak nahin ho। tum gaayan laayak ho, poojne laayak devtaayen hain। tum shreemat par vishwa ko pavitra svarga banaate ho isliye tumhaara gaayan hai। tumhaari pooja nahin ho sakti। gaayan sirf tum braahmanon ka hai, na ki devtaaon ka। baap tumko hi shoodra se brahman banaate hain। jagat amba va brahma aadi ke mandir banaate hain parantu unko yeh pata nahin hai ki yeh kaun hain? jagat pita to brahma hua na। unko devta nahin kahenge। devtaaon ki aatma aur shareer donon pavitra hain। ab tumhaari aatma pavitra hoti jaati hai। pavitra shareer nahin hai। ab tum eeshvar ki mat par bhaarat ko svarga bana rahe ho। tum bhi svarga ke laayak ban rahe ho। satopradhaan zaroor banna hai। sirf tum brahman hi ho jinko baap baith padhaate hain। braahmanon ka jhaad vriddhi ko paata rahega। brahman jo pakke ban jaayenge woh phir jaakar devta banenge। yeh naya jhaad hai। maaya ke toofaan bhi lagte hain। satayug mein koi toofaan nahin lagta। yahaan maaya baba ki yaad mein rahne nahin deti। ham chaahte hain baba ki yaad mein rahen। tamo se satopradhaan banen। saara madaar hai yaad par। bhaarat ka praacheen yog mashhoor hai। vilaayat vaale bhi chaahte hain praacheen yog koi aakar sikhlaaye। ab yog bhi do prakaar ke hain - ek hain hathayogi, doosre hain raajayogi। tum ho raajayogi। yeh bhaarat ka praacheen raajayog hai jo baap hi sikhlaate hain। sirf geeta mein mere badle shreekrishna ka naam daal diya hai। kitna pharka ho gaya hai। shivjayanti hoti hai to tumhaari vaikuntha ki bhi jayanti hoti hai, jismen shreekrishna ka raajya hai। tum jaante ho shivbaaba ki jayanti hai to geeta ki bhi jayanti hai। vaikuntha ki bhi jayanti hoti hai jismen tum pavitra ban jaayenge। kalpa pahle muaaphik sthaapna karte hain। ab baap kehte hain mujhe yaad karo। yaad na karne se maaya kuchh na kuchh vikarma kara deti hai। yaad nahin kiya aur lagi chamaat। yaad mein rahne se chamaat nahin khaayenge। yeh boxing hoti hai। tum jaante ho - hamaara dushman koi manushya nahin hai। raavan hai dushman।

baap kehte hain is samay ki shaadi barbaadi hai। ek-do ki barbaadi karte hain। (patit bana dete hain) ab paarlaukik baap ne ordinance nikaala hai, bachche yeh kaam mahaashatru hai। in par jeet pahno aur pavitrata ki pratigya karo। koi bhi patit na banen। janma-janmaantar tum patit bane ho is vikaar se isliye kaam mahaashatru kaha jaata hai। saadhu-santa sab kehte hain patit-paavan aao। satayug mein patit koi hota nahin। baap aakar gyaan se sarva ki sadgati karte hain। ab sabhi durgati mein hain। gyaan dene vaala koi nahin hai। gyaan dene vaala ek hi gyaan saagar hai। gyaan se din hai। din hai raam ka, raat hai raavan ki। in aksharon ka yathaartha arth bhi tum bachche samajhte ho। sirf purushaartha mein kamjori hai। baap to bahut achhi reeti samjhaate hain। tumne 84 janma poore kiye hain, ab pavitra bankar vaapas jaana hai। tumko to shuddh ahankaar hona chaahiye। ham aatmaayen baba ki mat par is bhaarat ko svarga bana rahe hain, jis svarga mein phir raajya karenge। jitni mehnat karenge utna pad paayenge। chaahe raaja-raani bano, chaahe praja bano। raaja-raani kaise bante hain, woh bhi dekh rahe ho। follow father gaaya jaata hai, ab ki baat hai। laukik sambandh ke liye nahin kaha jaata। yeh baap mat dete hain - maamekam yaad karo to vikarma vinaash honge। tum samajhte ho ham abhi shreemat par chalte hain। bahuton ki seva karte hain। bachche, baap ke paas aate hain to shivbaaba bhi gyaan se bahlaate hain। yeh bhi to seekhte hain na। shivbaaba kehte hain main aata hoon savere ko। achha phir koi milne ke liye aate hain to kya yeh nahin samjhaayenge। aise kahenge kya ki baba aap aakar samjhaao, main nahin samjhaaoonga। yeh badi gupta guhya baaten hain na। main to sabse achha samjha sakta hoon। tum aise kyon samajhte ho ki shivbaaba hi samjhaate hain, yeh nahin samjhaate honge। yeh bhi jaante ho kalpa pahle isne samjhaaya hai, tab to yeh pad paaya hai। mama bhi samjhaati thi na। woh bhi oonch pad paati hai। mama-baba ko sookshm vatan mein dekhte hain to bachchon ko follow father karna hai। surrender hote bhi gareeb hain, saahookaar ho na saken। gareeb hi kehte hain - baba yeh sab kuchh aapka hai। shivbaaba to daata hai। woh kabhi leta nahin hai। bachchon ko kehte hain - yeh sab kuchh tumhaara hai। main apne liye mahal na yahaan, na vahaan banaata hoon। tumko svarga ka maalik banaata hoon। ab in gyaan ratnon se jholi bharni hai। mandir mein jaakar kehte hain meri jholi bharo। parantu kis prakaar ki, kis cheez ki jholi bhar do… jholi bharne vaali to lakshmi hai, jo paisa deti hai। shiv ke paas to jaate nahin, shankar ke paas jaakar kehte hain। samajhte hain shiv aur shankar ek hain parantu aise thode hi hai।

baap aakar satya baat bataate hain। baap hai hi duhkh harta sukh karta। tum bachchon ko grihastha vyavhaar mein bhi rehna hai। dhandha bhi karna hai। har ek apne liye raay poochhte hain - baba hamko is baat mein jhooth bolna padta hai। baap har ek ki nabz dekh raay dete hain kyonki baap samajhte hain main kahoon aur kar na saken aisi raay hi kyon doon। nabja dekh raay hi aisi di jaati hai jo kar bhi sake। kahoon aur kare nahin to naapharmaanbardaar ki line mein aa jaae। har ek ka apna-apna hisaab-kitaab hai। surgeon to ek hi hai, unke paas aana pade। woh poori raay denge। sabko poochhna chaahiye - baba is haalat mein hamko kaise chalna chaahiye? ab kya karen? baap svarga mein to le jaate hain। tum jaante ho ham svargavaasi to banne vaale hain। ab ham sangam-vaasi hain। tum ab na narka mein ho, na svarga mein ho। jo-jo brahman bante hain unka langar is chhi-chhi duniya se uth chuka hai। tumne kaliyugi duniya ka kinaara chhod diya hai। koi brahman teekha ja raha hai yaad ki yaatra mein, koi kam। koi haath chhod dete hain arthaat phir kaliyug mein chale jaate hain। tum jaante ho khivaiya hamko ab le ja raha hai। woh yaatra to anek prakaar ki hai। tumhaari ek hi yaatra hai। yeh bilkul nyaari yaatra hai। haan toofaan aate hain jo yaad ko tod dete hain। is yaad ki yaatra ko achhi reeti pakka karo। mehnat karo। tum karmayogi ho। jitna ho sake hath kaar de dil yaar de... aadhaakalpa tum aashik maashook ko yaad karte aaye ho। baba yahaan bahut duhkh hai, ab hamko sukhdhaam ka maalik banaao। yaad ki yaatra mein rahenge to tumhaare paap khalaas ho jaayenge। tumne hi svarga ka varsa paaya tha, ab ganvaaya hai। bhaarat svarga tha tab kehte hain praacheen bhaarat। bhaarat ko hi bahut maan dete hain। sabse bada bhi hai, sabse puraana bhi hai। ab to bhaarat kitna gareeb hai isliye sab unko madad karte hain। vo log samajhte hain, hamaare paas bahut anaaj ho jaayega। kahaan se mangaana nahin padega parantu yeh to tum jaante ho - vinaash saamne khada hai jo achhi tarah se samajhte hain unhon ko andar bahut khushi rehti hai। pradarshani mein kitne aate hain। kehte hain tum satya kehte ho parantu yeh samjhen ki hamko baap se varsa lena hai, yeh thode hi buddhi mein baithta hai। yahaan se baahar nikle khalaas। tum jaante ho baba hamko svarga mein le jaata hai। vahaan na garbha jel mein, na us jel mein jaayenge। abhi jel ki yaatra bhi kitni sahaj ho gai hai। phir satayug mein kabhi jel ka munh dekhne ko nahin milega। donon jel nahin rahengi। yahaan sab yeh maaya ka pomp hai। badon-badon ko jaise khalaas kar dete hain। aaj bahut maan de rahe hain, kal maan hi khalaas। aaj har ek baat quick hoti hai। maut bhi quick hote rahenge। satayug mein aise koi upadrav hote nahin। aage chal dekhna kya hota hai। bahut bhayankar scene hai। tum bachchon ne saakshaatkaar bhi kiya hai। bachchon ke liye mukhya hai yaad ki yaatra। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mansa-vaacha-karmana bahut-bahut accurate banna hai। brahman bankar koi bhi shoodron ke karma nahin karne hain।

2) baba se jo raay milti hai us par poora-poora chalkar pharmaanbardaar banna hai। karmayogi ban har kaarya karna hai। sarva ki jholi gyaan ratnon se bharni hai।

vardaan:- double light ban karmaateet avastha ka anubhav karne vaale karmayogi bhav

jaise karma mein aana svaabhaavik ho gaya hai vaise karmaateet hona bhi svaabhaavik ho jaae, iske liye double light raho। double light rahne ke liye karma karte hue svayan ko trustee samjho aur aatmik sthiti mein rahne ka abhyaas karo, inheen do baaton ka attention rakhne se second mein karmaateet, second mein karmayogi ban jaayenge। nimitta maatra karma karne ke liye karmayogi bano phir karmaateet avastha ka anubhav karo।

slogan:- jinki dil badi hai unke liye asambhav kaarya bhi sambhav ho jaate hain।

ye avyakt ishaare - ekta aur vishvaas ki visheshta dvaara saphalta sampanna bano

aapmen jo bhi visheshtaayen hain, unko saamne rakho, kamjoriyon ko nahin, to apne aap mein faith rahega। kamjori ki baat ko jyaada nahin sochna, to sada khushi mein aage badhte jaayenge। practical mein anek desh, anek bhaashaayen, anek roop-rang lekin anekta mein bhi sabke dil mein ekta hai na! kyonki dil mein ek baap hai। ek shreemat par chalne vaale ho। anek bhaashaaon mein hote hue bhi man ka geet, man ki bhaasha ek hai।